影片
以上資料只供參考, 請與餐廳確認詳情
好食實惠，今晚的蛋白蒸蟹超好味有驚喜，蟹殼已經細心壓碎，用手都可以把蟹肉完整拿出來吃，鮮味十足，令我這嫌食蟹麻煩的人也食到津津樂道。晚市三寶也是抵食好味，喜歡食菠蘿咕嚕肉，菠蘿新鮮，咕嚕肉脆嫩多汁。老闆是喜歡美食的人，每次都會分享一下他遇到的美食，今晚也分享了他的特色青島啤酒，鋁罐1公升特別版，一家五口也飲得非常開心。
繼續閱讀
今日係大環山游泳池游完水隔離有間餐廳，睇落去都好多人食同埋價錢好抵就入去試吓🤩唔食唔知入面環境勁舒服，裝修簡潔大方，大門仲有隻大招財貓可以打卡！😌值得一提嘅係呢度唔單止野食好好味，最重要嘅係服務態度好好，個個侍應都好有禮貌，笑容滿面🥰，完全唔會chur住你落單！性價比超高，食得好飽又唔洗洗好多錢💰！第一道係佢哋嘅清蒸石斑魚🐟！嘩！個魚肉鮮嫩滑溜，入口即溶🤤！完全無腥味，調味岩岩好，簡簡單單就已經好好味！😋 醬汁仲好入味，撈飯一流🍚！跟住係椒鹽瀨尿蝦🦐！呢個真係必食推介！勁香口，蝦肉彈牙爽脆，食落去好過癮！🥳 個椒鹽調味得好好，唔會太鹹，啱晒我呢啲鍾意食辣嘅人🌶️！最後仲有咗個肉碎生菜煲🥬！呢個煲仔菜好有鑊氣🔥，肉碎夠香，生菜爽甜，兩者嘅味道完美融合！🥬🤤 食完仲覺得暖笠笠，好舒服呀！總括嚟講，呢間餐廳真係好正👍！環境好，服務好，食物又好味😋，價錢又唔貴！下次一定會再同朋友嚟食！🥳
繼續閱讀
尋晚喺雷霆打完bowling搵地方食晚飯，想食中式既。之前去過一間叫點匠佳餚幾好，不過菜式偏辣而且都食過兩次，就上openrice搵吓附近有咩其他好試。見到呢間餐廳睇到d相，好似幾正咁喎d野食！見到得一條評論，係正面既，但就話地點難搵⋯⋯ 㩒一㩒google map先。4分鐘路程，拐個灣就到喎😆但見佢叫會所，會唔會只招待會員架😦穩陣起見，我打左個電話去問；接電話既遮遮話唔係呀，歡迎呀😀佢問我幾位，我話兩個呀，而家過黎，佢話好呀。Good！一於去睇吓咩樣！真係唔難搵，不過佢應該屬於泳池既一部份，而且唔係地鋪，唔起眼，所以會覺得有dd難搵。我哋5分鐘都唔使就到左喇。入到去，佢地方唔大，但有d房，另外中間三幾張圓枱，同有4格坐4個人都仲好鬆動既卡位。嗰時大廳大約6成滿，但3個卡位都坐左人，我哋就諗，如果可以坐淨返嗰個卡位就正喇😆有個遮遮行過黎招呼我哋，問我哋係咪頭先打黎既，佢話留左位俾我哋呀，就係嗰個卡位！！！！Wow，冇估到我冇留電話又冇留資料，佢真係咁貼心幫我哋留左位，仲要係當時最靚既位，好窩心🤗我哋都肚餓，拿拿臨叫野食！想飲湯，見佢d湯$118左右，但驚得兩兜友飲唔晒⋯⋯見到白板寫住是日例湯係西洋菜唐排，就問遮遮幾錢啦，佢話你哋兩個人飲既就$60。咁平😆最後我哋叫左西洋菜湯、半隻炸子雞、脆卜卜椒鹽大蝦、椒絲腐乳通菜。個湯好快就黎到喇，好熱辣辣呀！！因為我鍾意食湯渣但佢得湯冇咩渣，第一眼睇落覺得有dd削，但一飲，好味！而且夠熱真係好緊要。之後蝦都到喇，個調味幾好。之前食咗好多其他話椒鹽既都冇椒鹽味，一係就得個咸字😵💫雖然佢唔係好大隻，但可以連殼食，都幾好味。再黎就個通菜，大大碟，唔會太咸太油，okay！壓軸係隻雞。半隻都好大碟！皮脆而且唔肥，d肉幾軟身，而且又係嗰句，夠味得黎唔會過咸（我真係好怕d野食太咸）。佢仲有d腰果伴碟，初時見到就心心眼，但食左一粒，應該唔係自己炸的似係買一樽嗰d果仁😅我可能要求高左🤣不過都幾有心思啦。最後埋單係⋯⋯⋯⋯$424！因為唔收茶錢同加一！超抵！！俾錢時同老闆傾左兩句，佢問我哋點搵到呢度，我哋俾佢睇openrice啦。佢問我哋咁試完有冇失望呀😆我哋讚緊佢時，房入面有個客出黎問佢借叉電線，佢都好nice，爽快借俾佢。佢叫我哋下次帶朋友去，話房間都係唔使茶錢加一，亦冇開瓶切餅嗰d收費，有一間房仲有karaoke添☺️好啦，見你咁好人野食又幾好味，寫個食評支持吓啦。唔覺唔覺打左咁多字，原來都好花時間😆🤦🏽♀️呢間絕對有下次。Btw，我哋6點零坐低，之後食到9點走，中間keep住有人黎，估唔到都幾多人識搵呢度。下次會記得卜位😬
繼續閱讀
餐廳位置喺游泳池嗰邊，唔係咁易搵到。不過入面整體環境幾好，服務態度都唔錯。啲菜式okay，特別係個龍蝦伊面，味道幾好，份量又足夠。總體嚟講，如果你唔介意搵一陣，都值得一試。
繼續閱讀