里的茶 (已結業)

星期五食完lunch梗係排隊買果茶飲啦去反之前去過既《里的茶》重係做梗買一送一，超級勁低飲，平絕香港仔盡管咳到死死下都要飲🤣🤣🤣但係部order機重未ready. 遲d整好就更方便熱鮮橙四季春$28一拎上手聞到好香橙味，感覺清新茶味唔太濃，勁熱橙係切片，太概有四五片！食飽飲反杯茶，消下濟草莓芝芝冰茶$33紅茶味好重，先飲芝士，再飲果汁，溝埋一齊味道好夾重有士多啤梨粒粒，好有口感芝士好香濃，唔會好似其他禁稀，入口即溶冷粒攪得好碎！勁夠凍！

香港仔茶飲店一直都是來來去去兩、三間，而且還要是大型連鎖式經營，真係飲到厭。星期六經過香港仔中心看到水牌見有新茶飲店，作為香港仔人一定要去試一試，反正即使中伏都只是蝕30蚊而已。上到商場一樓，兜兜轉轉都沒有發現”里的茶”身影，還以為根本未開張，幸好有管理員在場可以查詢。一問之下才知道原來是在泰國菜那邊，走廊走到盡頭的右邊就是”里的茶”的小店了~原來新張期內有買1送1優惠，好彩冇走寶！設有自助點餐機，而且店面光猛十足，飲品製作區亦唔會過於狹小，跟一般只得兩個身位的茶飲店截然不同。草莓芝芝冰茶 $33頂層的芝士奶蓋十分濃厚，芝味爆燈！即使慢慢飲都不會跟下層的草莓冰混和。芒果芝芝冰茶 $31 (買1送1後免費)因為芒果果肉本身會比士多啤梨甜，所以即使兩杯點了相同甜度，但呢杯飲落會比草莓芝芝冰茶甜一點。經打爛後的芒果蓉香氣撲鼻，而且跟芝士奶蓋亦更加夾！以後香港仔終於有果茶飲！

新開既手搖飲品店，因為同隔離泰式餐廳相連，所以容易miss左。食泰式餐廳既時候，跟餐可以加$8轉手搖珍珠奶茶。叫左蕎麥珍珠奶茶(原價$25)，估唔到都幾大杯，價錢比起其他台式飲品唔費。重點係，味道出奇地好飲。唔會過甜，而且特別在於，有蕎麥可以揀，基本上好似冇見過其他鋪頭有蕎麥揀。蕎麥味濃，而且珍珠煙韌，冇煮過龍。抵飲。而家仲要新開店，做緊買一送一，有特色水果茶，又有芝士奶蓋，好吸引。整體，食泰式餸菜，又可以飲到台式飲品，一石二鳥。

今日去左香港仔，聽聞開左新的珍珠奶茶舖，作爲香港仔人緊係要一試啦！舖頭位置有點難找，上到一樓要特登行了一圈先揾到。就在新開的喇沙店外面，看樣子兩間店是相連的，也有看到可以叫餐，但今天比較飽，所以就只點了野飲。去到門口都有幾個人排隊，仲見到有部自動售賣機，不過應該仲未用得。這裏有超級多選擇，不論現在最hit的黑糖珍珠，定係比較健康的水果茶都有，最後我們幾經辛苦叫左水果茶同奶蓋白桃烏龍。新開張仲有買一送一，可以任揀兩款，真係好抵！水果茶好濃，不能換冰甜但味道很不錯，水果味道全被茶融入，比起台灣個間”一方“好很多！！ 奶蓋白桃烏龍不知是不是叫了微甜所以味道很淡，但也能喝到有淡淡白桃味，奶蓋也是味道較淡的，感覺比較健康。

好少會黎到香港仔呢邊, 唔係搵朋友真係唔黎諗住買野飲時, 朋友就帶左我黎呢間試下~估唔到有自助落單, 不過就未用得住~飲品店內都好大, 衛生都ok~飲品選擇都好多, 又唔同茶類珍珠奶茶水果茶奶蓋等等, 另外仲有季節限定既飲品~我就揀左富士蘋果茉莉綠茶, 估唔到都幾大杯, 飲落去已經好香蘋果味, 而且配埋茉莉綠茶好夾, 唔會太甜, 入面仲有蘋果, 有得飲又有得食朋友就揀左鮮果四季春茶, 佢個杯都係有好多水果係入面, 朋友話同出面既水果茶比, 呢間唔會好甜, 同埋好香百香果味~同埋值得一讚係職員都好nice, 就算我地問佢地問題, 佢地都耐性答我地希望有機會再黎試其他飲品啦

週末入香港仔探朋友，天氣非常好，有點熱……買杯野奶茶降下暑先（其實係中了奶茶毒，無藥可救）行下見到呢間里的茶，your cup of tea ~小清新的店，我地叫咗兩杯奶茶。芝士奶蓋，黑糖，都是今期流行，所以這個奶茶一定幾好飲。珍珠都整得真心不錯，有嚼口。黑糖味有，但是唔算太甜。反正我最喜歡芝士奶蓋火炙芝士略略帶出芝士香味，其實我唔多覺芝士入口順滑，同奶茶係口腔中蕩漾，唉:-(芝士奶蓋奶茶簡直係我減肥路上無可攀越的高峰

今天，我去了香港仔探朋友，剛好經過香港仔中心內的這間飲料店，發現它開張，有買一送一的優惠，實在是很化算。我和朋友馬上買了兩杯茶。我買的是東方美人奶蓋茶，茶既味道很清新，上面有濃濃既奶蓋，兩者加在一起喝真的很配搭。不消一會兒，我便把大大杯的奶蓋茶喝清光了。由於我們剛吃飽飯，我的朋友感覺有點飽，所以他就點了冷泡茶解膩，他這杯是白桃烏龍，味道小小甜，又有烏龍既茶香。這杯茶係用玻璃瓶裝著的，感覺很高級。下次再來香港仔一定要試試其他口味的茶飲！

在香港仔食完午餐，順道路過見到新開的茶飲店，賣相非常吸引，決定和朋友各自買一杯試一試。店內都設有泡茶機，確保各款茶都是新鮮即製。鮮果東方美人茶茶味香濃，內裡有多款生果，個人覺得覺得香橙味道尤其突出，每一啖都有水果的清甜味道。桂花烏龍奶蓋茶有濃郁的烏龍茶味，頂層的芝士奶蓋有香濃的芝士味，入口甘甜，又帶有桂花清香，幾種味道融合起來非常匹配，完全沒有違和感。清新簇新的口感令人印象深刻，朋友喝完都很滿意。下次來香港仔吃完飯，都要再光顧里的茶。

星期日同女朋友👩🏻屋企人喺香港仔呢邊飲完茶，👩🏻又話要帶我試新野😂👩🏻今次留意到呢間茶店做緊買一送一優惠，於是即刻拉我嚟同佢一人一杯😂里的茶•Your cup of tea有自助落單機好方便，但見人地排隊我哋又排埋一份，心諗可能做緊買一送一優惠，未必可以用呢部機住呱。買一送一真係好抵。多款選擇，有純茶，黑糖珍奶，手搖珍奶，海鹽芝士奶蓋，芝芝果冰茶，鮮果茶等不同嘅系列。開放式設計，可以欣賞住佢哋調教你杯飲品。環境望落好乾淨，雖然好多單，但店員嘅手腳真係好快，等左冇耐就有得飲👍🏻✨芒果芝芝冰茶 HKD31芝士奶蓋軟滑綿密，唔會輕易溶化👍🏻芝士味同奶味比例剛好，略帶少少鹹。欣賞奶蓋濃稠度適中，如果太濃嘅會好難倒出嚟飲; 太稀嘅就好快溶，同杯飲品混成一片🙈芒果冰茶打得幼細，唔會飲飲下咬到冰粒掃哂興。芒果味清新鮮甜，同芝士奶蓋味道好夾😍✨鮮果四季春茶 HKD32呢杯都有驚喜，配上多款嘅鮮果飲落清新，賣相又靚。甜度適中唔需要少甜，茶味香濃，但又一啲都唔會澀，一入口就感受到茶香喺口腔中散發👍🏻

公司附近新開左間飲品店，發現佢做緊優惠，外賣野飲買一送一，食完lunch就同同事去飲珍珠奶茶。有得自助落單，好方便！呢度有好多唔同系列既野飲，包括有珍珠奶茶、黑糖鮮奶、果茶、芝士奶蓋茶等等。作為黑糖鮮奶既忠實fans,我叫左杯火炙芝士黑糖珍珠鮮奶。呢度牛奶用料高檔，係用左3.6北海道牛奶，奶味夠濃。飲既時候記得要攪勻杯底既黑糖，如果唔係飲到最後就會有啲甜。我既同事就叫左杯培茶珍珠奶茶，少糖少冰，佢話呢個甜度岩岩好，可以品嘗到茶味同埋奶味！依家仲有呢個季節限定，下次再過黎飲先！

嗰日行過香港仔發現開咗好多新嘅鋪頭，發現有一間新開張嘅飲品買一送一梗係試吓啦。鮮果東方美人茶，大量嘅新鮮生果，味道非常清新。火炙芝士黑糖珍珠鮮奶，黑糖同芝士嘅味道相當配合，加上珍珠有咬口，十分好飲。真係好抵呀。

香港仔最近開多左間飲品店名叫「里的茶」。是無意中行香港仔中心4期發現的，而家仲做緊超抵優惠就係外賣買一杯，送一杯！所以場面都人山人海！製作飲品地方透明度高，睇得出都非常衛生地製作。飲品款式都有差唔多50多款，超多選擇，唔怕簡唔到自己喜款的。今次我就飲左杯芒果芝芝冰茶，而朋友就選了草莓芝芝冰茶。味道總算不錯，2杯既味道都唔會過甜，味道來得自然，果味加上有芝士味既衝擊，別有一番風味！大大杯同埋都好解口渴，值得一試。下次期待試埋黑糖系列，非常期待！！

屋企附近開咗新嘅飲品店，新年期間我同屋企人都幫襯左幾次，買一送一真係超級抵，平均都係$15就有一杯😍😍😍😍東方美人奶蓋茶 $30💓見到層奶蓋係超級厚🙈😍奶蓋整得好好飲，打得幼滑，完全冇粉粒，入口仲有咸香，唔會整得太過結，所以飲茶期間都可以飲到奶蓋🌸茶味清香，都幾好飲鮮果四季春茶 $32👍🏻水果茶有橙同紅蘋果，味道有少少酸，所以都好開胃，呢排食咗好多糕點，飲呢杯水果茶解膩就啱晒😛😛唔知個優惠做到幾時呢，真係好抵呀😍🙈

香港仔終於開咗新嘅台式飲品店，唔係連鎖集團式，梗係同屋企人試吓啦😋😋😋本身我覺得飲品嘅定價唔太貴，更加估唔到而家新開期間，飲品買一送一，實在太抵啦😍😍😍買咗兩杯同屋企人分享😝😝第一杯係芒果芝芝冰茶，見到芝士奶蓋係非常之厚，啱晒芝士抵🤣奶蓋口感 creamy，但味道比較偏甜，少了一份鹹香味☺️☺️☺️芒果冰茶有飲到絲絲嘅芒果肉，亦都有茶嘅味道😊😊第二杯係火炙芝士黑糖珍珠鮮奶，因為冇叫少甜嘅關係，我覺得飲品太甜了，如果叫微糖會比較好，珍珠充滿黑糖香，而且都幾有咬口😊😊

天氣不似預期，明明就已經是冬天，但仍然好熱，經常去搵野飲舒緩一下口渴，口乾等不適。嗰日係香港仔行街，係香港仔中心食完個飯，見到有間飲品店大排長龍。呢間台式飲料店叫里的茶。原來新開張做嘅優惠，難怪吸引到咁多人，仲力度好大，買一送一。睇咗一下，好幾款都好吸引，買一送一，咁就即係要買兩杯啦。最反叫咗呢兩杯。原來另外仲有支裝茶，唔駛等佢手搖調配。另外工作枱開揚，睇住佢整，飲起身更有信心。密瓜芝芝冰茶，甜度啱啱好。都幾清新。西柚凍頂烏龍茶，呢杯睇佢整，真係好真材實料，西柚都有好幾片，呢杯俾咗個同事飲，佢都話非常唔錯。