見餐牌楊州在那？揚州炒飯才正確。洋蔥雞髀？我真係未食過雞脾臟，雞髀我就非常喜歡。已經食自己獨獨晚餐，仲要坐自閉迷你面壁位，真係陰膠功。熱檸茶走甜，漂白水氣味強烈，我由外到內再由內到外都完全被消毒！頭兩啖以為錯覺，食完飯再試兩啖，真係漂白水味，放棄！大檸茶走甜，加 $3 蚊飲大杯，抵過叫兩杯！茶色晶凝通透，味道清爽撞得出色，加上淡淡鮮檸味更透心涼。菠蘿冰加大，久違的菠蘿冰，點解隻色係龍眼冰？有龍眼糖漿味喎。點解菠蘿粒全部都係心既？留起菠蘿肉做生炒骨？凍檸檬菜蜜加大，始終都係蜂蜜較清爽，菜蜜較沉實較甜，幸好夠冰凍多檸檬，飲落順喉舒適。爆脆阿華田加大，完全唔覺脆，對我黎講太甜，盆栽阿華甜。阿妹您落錯單定係師傅做錯單？我要冬菇蒸雞唔係金針雲耳，我唔食金針架！例湯，無新鮮味道，無香甜味道，飲完都唔知什麼湯。味道可以唔難飲，但飲完都唔知是什麼。椰子蘿蔔湯，熱熱清甜一飲而盡。冬瓜薏米水鴨湯，平平無奇清淡而薏米甜味濃，合時消暑湯水特別清甜。瑤柱肉碎蒸蛋，即叫即蒸耐心等候 15 分鐘，時間到即時出現！薄薄的蒸水蛋，氣勢不足。無煙無氣，喉摛塞入一口，滾燙高溫灼到甩皮了，痛痛痛！半碗飯剛剛好，多肉少飯係我一貫作風。雖然無煙但高溫無比，要放慢速度吹凍一下才享用。瑤柱？只不過係迷你貝柱，都免強食到幾絲，都隱約食到少少貝柱海味味道。零星梳落的肉鬆，肉香肉甜味薄弱，幸好雞湯底夠濃，水蛋夠滑溜多汁，襯埋乾爽飯粒夠和味。豉汁蒸倉魚，等了又等，比正常處理時間長多倍，第七感話我知因為未解凍所以要更多時間。輕鬆拆開急急享用，無鮮味無魚甜味，雪藏而使新鮮度極低，就算滾埋大量豉汁都未能完全遮蓋微腥飄飄。魚肉質地不結實結實不彈滑，腍腍的啊。白飯都有問題，還以為錯覺，聞完再聞，食完一啖再試多兩啖，嚴重布味麻布味，不新鮮無飯香！魚同飯都強差人意，點解如此對我呢？格硬吞晒魚肉，白飯放棄！沙嗲金菇肥牛粉絲煲，我係要沙嗲金菇肥牛粉絲煲，唔係炒粉絲喎！粉絲索晒沙嗲汁完全發脹，如果我吞晒粉絲落肚等於飲晒成煲沙嗲汁。有微量燶底，幸好食唔到有燶味。十分濕潤滾熱辣出晒煙的粉絲，完整多汁啜得暢快豪爽，好似食左成碗麵一樣，食完一滴汁都無剩。沙嗲汁香甜而不辣，牛肉腍腍味濃香口。炒飯，早前白飯有著濃烈麻布味，我仍猶有餘悸，都係加錢食炒飯穩陣。沙嗲金菇肥牛粉絲跟炒飯夾得天衣無縫，值得一讚！菜芯炒牛肉，爽甜爆汁，就算粗粗的莖同樣鮮甜翠嫩無得頂！𢲡牛肉少彈偏腍醃味重手，大大啖飯包著掃入口剛剛平衡。菜芯炒牛肉配炒飯，極爽甜菜芯，係牛肉滑潺潺略咸，撈高質香噴噴炒飯和味停不了，唔覺意全部清晒！客家酸菜炆豬肉，有別於我食開及認知的，不是深綠色乾菜葉而用多汁爽脆咸酸菜，酸酸甜甜新體驗。五花腩多層次，薄薄黏黏骨膠原豬皮，脂肪雖厚但甘香不膩。瘦肉鬆軟不乾鞋，肉與肉之間有著油脂，添多一點潤滑。大大舊肉墊著咸酸菜仲有大大啖香噴噴炒飯，淋埋肉香甜酸芡開胃無比，清得一粒飯都無剩！白菜炒肉片，驚喜爽彈肉片，帶汁不腍啤啤，雖然有輕微澀味，可能來自粟粉。白菜充滿清甜菜汁，爽嫩索索聲，炒得蠻有水準。白菜炒肉片配炒飯，冷飯放幾多日？以為可以瞞得過我條脷實在太天真喇！眼睇都已經暗啞貧脊，炒完都聞得到隔夜氣味，炒底加濃味白菜肉片都免強蓋過大部份異味，唯有多多餸少少飯再撈埋汁吞掉。豆豉蒜蓉蒸排骨，看似細細兜都好飽呢！最後幾舊排骨有點壓力，而且炒飯食剩兩啖。蒜味強烈出眾，輕輕豆豉香吊吊味使其更生動。豆卜索盡豉汁肉汁油脂十分香口濕潤，送飯夠滋味。肉多骨少靚排骨有誠意，半肥瘦帶點肥膏也有不少軟骨，趙得甘甜過癮，連排骨也有陣陣豆卜味道。炒飯好食唔好食睇彩數，依碗有極微弱隔夜氣味，免強合格！遇不到某次的滿分炒飯。西蘭花炒蝦球，無帶子供應，退而求其次蝦球也好。平靜的演繹，普通鹽𢲡明蝦清爽沒鮮味，西蘭花爽脆無過腍，夠熟有菜甜，落味充足不用蝦醬蠔油咯。梅菜扣肉，有心理準備製作要耐心等候，差不多 15 分鐘送到。眼測乾爭爭喎？唔係翻蒸而去微波爐解凍翻叮？部份瘦肉已變成豬肉乾鞋硬，給多點牙力嘴嚼！部份瘦肉鬆化合格，五香腩片油香欠奉，豬皮及脂肪存在感薄弱。大量甜梅菜墊低，可能比扣肉更美味，白菜腍啤啤不苦澀。所有食材跟甜豉油混合，大大舊肉搭多多梅菜，擘盡我的嘴仔連炒飯釀進，合體的味道也不太差，全部清掉，轉頭口渴幾個鐘。番茄炒蛋，點解有蔥段有洋蔥架，兩種我都唔食。番茄炒蛋配炒飯，天氣酷熱食甜酸菜色較開胃。嫩滑炒蛋滾燙非常，好采無灼傷嘴仔。香噴噴蛋香出眾，茄汁夠濃夠酸，搭埋多汁鮮茄送炒飯，心滿意足。梅菜蒸肉餅，即造梅菜肉餅再蒸，製作時間較長一點 20 分鐘出爐，絕對無所謂，最緊要好味道！完全違背我所認知，切大粒梅菜墊底及洒少許係面，非常創新的演繹，食開梅菜豬肉刴成一塊完全合體均勻。肉餅十分結實而且黏實碟底，明顯沒怎樣落油做得好！肉餅主要瘦肉沒怎樣肥豬肉所以不油膩都做得好！鮮豬肉甜味散發陣陣胡椒辛辣，香噴噴彈牙豬肉混著爽甜梅菜夾少少炒飯一拼釀入嘴仔，慢慢嘴嚼融合細味，互相呼應昇華，色香味達標，如果再多點梅菜就再多點開心。金針雲耳蒸雞，雞件平均有髀有翼有胸有背，靜候十幾分鐘到步，即聞到蒸雞氣味飄香。著手搵柔地略拌，每件都要沾到鳳脂雞汁，禮成可以享用。首先幹掉雲耳，清淡爽爽搭雞汁配炒飯美妙，雞胸雞背軟塾，髀翼滑彈幼嫩，落味宜人吸引力不弱，還有陣陣酒甜生息不少。傳統釀豆腐，巨形太大件要開四或開二先放到入口，切開時豬肉飛脫了！結實硬豆腐少少豆香，豬肉彈滑甜美，配淡豉油舒服的味道。我自己蒸會一𥖁豆腐開四，立方斜切變成直角三角方體再釀豬肉，賣相勁美觀，呎吋剛剛一口夠方便。蝦醬鮮魷炒通菜，終於都食到炒通菜，食得到也未必好！澀澀黃黃。鮮魷頭未劏乾淨，故意留著魷魚嘴？雖然爽脆非常好，但牙齒沒有去掉喎。椒絲腐乳通菜炒牛肉，爽甜嫩通菜，厚厚腐乳醬，散發陣陣酒香，可能澀味係從酒而來，勁𢲡牛肉滑潺潺鬆軟吸盡腐乳汁。豆豉蒜頭蒸排骨，我係要剁椒蒸唔係豉蒜呢！排骨大大舊骨多肉少，蒜味濃郁。大半都係軟骨趙到卜卜聲，傷心的無咩肉食，乾乾的沒怎樣汁水，豆腐卜沒有汁可吸，嚥嚥韌韌。客家咸雞，賣相好樣衰肉酸甩皮甩骨，沒抱任何希望，放膽一試！竟然髀肉嫩滑，胸肉綿綿沒半點隔夜異味，充滿黃油仲有咸香夾雜清甜雲尼拿味道，合格非常神奇。蝦仁炒蛋，到底廚房師成何處？諗住蝦仁炒蛋最多咪幾條蔥段挑得到，唔洗走蔥啦！點知又韮黃又蔥花，揀到我傻，就算挑走晒但炒蛋充滿韮黃青蔥味，唯有配多點白飯吧！唔係蝦仁係大蝦黎但無味呢，無走油直接炒？出晒水搞到水汪汪淡茂茂，您到底識唔識架。耐心地慢慢挑走所有蔥花韮黃，最後變成蛋散碎濕濕，淺黃色的炒蛋唔方好食得去邊，淡淡水水少少咸無蛋香無蛋甜，大蝦除了大外別無可取，少少爽少少咸帶水味。蝦仁炒蛋配炒飯，搭上靚炒飯較美味！西芹炒雞柳，西芹非常爽甜雖然有一丁點渣，滑嘟嘟醃味濃濃雞柳好味喎，食完不停飲水。菠蘿咕嚕肉，沒有骨的淨肉食得方便，懶人殷物！乾硬肉粒非常失望，用多一點牙力吧！咕嚕汁平庸甜酸無特別，洋蔥青椒太生不爽甜。…查看更多
如果口乾嘅我鍾意叫一杯凍檸賓因為利賓立有維他命c平時又少食生果， 味道又ok。餐廳嘅裝修都算幾新淨，而且員工嘅服務態度都唔錯， 同埋地理位置都幾就腳。如果老婆同埋工人姐姐諗唔到買咩嘢食嘅時候好多時候呢度都可以幫到手🤪仲有個價錢都非常之平民👍🏻👍🏻
