醉翁亭火鍋館 (已結業)

沙田附近其實邊爐選擇不多，作為沙田友而想食邊爐，見馬鞍山出現醉翁亭， 不防一試醉翁亭記。此店更是$298任食的邊爐，平日晚上來到， 不用等位即時入座， 侍應們很有禮貌，介紹自助小食、甜品、水果及飲品位置而且調味盤都用了保鮮紙包住，較為衛生我們點了瑤柱冬瓜湯底， 湯很有味，瑤柱分量十足另外也在自助小食處拿了豬腳仔、鳳爪， 兩樣也醃得很入味 還有小青瓜及木耳到了主菜， 由於一個set 已包了牛、刺身 、 海鮮船、餃子等， 我們只是再另點青口、蝦滑、墨魚滑、菜等已很足夠了，重要是set中居然有飽魚食所有食物也不俗，刺身拖羅很好吃， 很新鮮， 牛也很有味， 海鮮新鮮， 滑類彈牙，而且飲品任飲，食到很滿足離開

踏入大雪，天氣開始凍，最好就係打邊爐，一邊吹水，一邊「霎」下「霎」暖住個胃。 聽友人講呢間醉翁亭吾單止質素高，仲要係無限時任食！ 三百蚊到可以無限時感覺上真係買少見少！ 因時間尚早，我們是第一檯的客人。二至四人的可以選擇卡位，卡位與檯的距離有少少窄，出入好容易撞到放食物的茶几。呢度有自助吧供應數款小吃，今晚有沙薑雞腳，豬腳仔，手拍青瓜，醋伴黑木耳，干炒牛河。 值得一贊係呢度的小食一值都保持微熱，不錯！ 飲品方面，有飲品櫃供應各款汽水和紙包飲品。啤酒和鮮窄果汁則要額外收費。坐底冇幾耐，服務員就逐一送上食物。呢度每檯都會送刺身拼盤，蠔皇扣鮑魚，極上牛頸脊，至尊水餃皇和海鮮拼盤，好誇張！ 呢度的刺身和海鮮用料新鮮，色澤均勻。鮑魚略嫌細隻少少，而且味道沒有花菇那麼濃郁，不過其實我都沒有太大期望，畢竟也是送的。食完一輪熟食，肚已經有三分飽了。終於開始打邊爐，我們今次選擇了莞茜皮蛋湯鍋底，貪佢可以降火同食出材料的鮮味。我特別欣賞佢嘅牛頸脊和餃子。牛頸脊的雪花均勻唔太肥，而且口感很爽，很有牛肉味。初時看至尊水餃和沒有太大的驚喜，但係一口咬落去，就發現這是非一般的水餃！足足有四隻鮮蝦在入邊呢！材料非

和Honey難得撐枱腳，揀咗一間唔會俾人趕走嘅任食火鍋＄298/位，有雞㷛丶海鮮丶肥牛環境不錯。坐低之後，先去自助小食區，雲耳好好味，青瓜一般般。之後就來了刺身拼盤，厚切魚生，夠新鮮，啖啖肉，正！每人贈送一隻鮑魚，鮑魚夠淋丶夠入味。再來是雞㷛，2人份量都咁多！夠入味，只可惜唔多夠汁，比較乾身。我和Honey至愛牛牛牛，牛頸脊好新鮮，肉質鮮紅，唔會太肥，份量好多，咁先係任食再來是海鮮拼盤，有不同海鮮，有青口丶聖子丶魷魚及鯇魚片。蝦超新鮮，好甜好鮮味，其他也不錯。因為Honey想試試鵝腸，點了，估唔到又幾好味，夠爽口彈牙。至於豬潤就不過不失。響鈴不過不失，但魚皮有點失望，不夠脆口，有點硬。除了任食，還有任飲，有自助飲品雪櫃，有我至愛的烏龍茶，另有汽水等。店員服務態度良好，落單後食物很快到，啱哂我Honey，佢唔鍾意等嘅性格！

今晚屋企冇煮飯 同左老公去打邊爐 我地黎左盈海呢頭兩個靜靜打 一位都係298蚊 加埋一兩位650蚊到 又有免費泊車okla我地叫左冬瓜瑤柱湯底 幾清甜 醬料可以整 兩小時任食火鍋黎講都幾多選擇 質素算中上 有環球海鮮盤同刺身 有聖子 青口 魷魚 鱔片 幾新鮮 仲有海參食 最愛就係牛頸脊 完全唔韌又爽口 佢地個水餃皇都唔錯 大粒到有成5隻蝦係入面 至於半肉片都ok 唔會話好so 野飲任拎 如果唔想淨係打邊爐 仲有d熱食前菜同甜品 不過其實淨係食火鍋都食到好飽🤤服務都幾好 會有姐姐自動加水同換碟

最近先發覺原來醉翁亭有做飲食火鍋兩小時 咁岩又係屋企附近梗係試吓啦七點鐘入座 唔算多人 即刻就有位 有軟林林嘅卡位坐 我諗打足兩個鐘冇難度啦 因為坐得舒服都係好緊要嘅同朋友揀咗個重慶雞鍋 兩個人我諗都有半隻雞 真係食雞都會食飽 食咗幾件就開始點火鍋材料 樓面姐姐都問我地需唔需要幫手夾起啲雞先 等我哋可以加湯打邊爐 或者可以換過清湯俾我哋 然後成個雞煲放埋一邊 👍🏻我哋就選擇咗前者 呢個任食會跟左幾份限定嘅食材有呢個海鮮盤，牛頸肉，水餃皇同埋鮑魚仲有刺身 根據人頭供應返相對嘅份量識食梗係放咗海鮮落去先啦 等個湯可以甜啲呀嘛 聖子淥一陣就即刻食 魷魚就算淥耐左都唔難咬 有兩款魚片 分別係龍躉同埋鱔 其中一款比較多骨 青口就實屬普通 每次一打邊爐我就會變咗牛魔 啲牛頸脊差唔多¾都係我比我食晒 😂 好有牛味 厚薄啱啱好 肉食除咗啲牛頸脊之外就冇再點其他 朋友就點左好多菜類 粟米同蘿蔔都好甜 而且食落冇喳 魚皮可能擺得一段時間 唔夠脆兩個人埋單650幾 飲品都係任飲 有大概10款飲品而且仲有幾款熟食都係任食

最近入左馬鞍山探舊同事, 之後順便食埋飯，佢地帶我去打邊爐～ 黎到迎海間醉翁亭 ~ 一開始先睇MENU，係任飲任食無限時，正！價錢係：星期一至四$298,OR星期五六日$328, 如果九點後就有8折.一坐低好快就先黎鮑魚、刺身拼盤、海鮮拼盤。出面仲有得拎野食，如鳳爪、豬手、木耳等. 仲有好多飲品任飲…刺身拼盤非常鮮美，有幾款，魷魚、三文魚、北寄貝、蝦等.海鮮拼盤包括海蝦、蟶子、鱔片、 魷魚、脆鯇片等,, 處理得乾淨，食落口又鮮甜，OVERALL 都好唔錯！碟牛先係重點，佢係極級牛頸脊！！！脂肪好少，雪花分佈平均，口感鮮嫩，入口即溶，極推介。整體感覺唔錯，值得推介。

最近表姐搬入馬鞍山, 近我, 咁岩佢有晚冇飯食話請我打邊爐，梗係去食啦，依家咁既天氣最岩打邊爐！我地去左烏溪沙站迎海間醉翁亭～星期一至四$298, 九點後8折.星期五六日就$328, 同樣九點後8折.係無限時任飲任食, 正!!一坐低好快有調味料比我地混醬. 之後仲可以去出邊拎野飲AND 拎前菜.之後就個刺身拼盤，打邊爐竟然盤刺身拼盤，入面有三文魚、北寄貝、蝦等.另外，好快仲黎左個湯底，我地揀左冬瓜瑤柱鍋，當極級牛頸脊淥熟，真心好食，鮮嫩又可口，好香牛味！仲點左D 炸魚皮、芝士腸、玉子豆腐、菜 ETC整體都唔錯, 下次會再黎.

秋涼最岩打邊爐，行街咁岩見到醉翁亭無限時任食火鍋，我地決定黎試。待應比左卡位我地，梳化座位很舒適。飲品方面有汽水同紙包裝，啤酒要另外加錢。蠔皇扣鮑魚是送，鮑魚有咬口入味，冬菇夠軟。刺身很新鮮，最鍾意係三文魚，鮮味夠！我地首先叫左羊腩鍋，羊腩夠腍夠味，份量足，腐竹夠軟，易入口。食完羊腩，仲可以換湯底打邊爐，很好！我地揀左清湯。牛頸脊是送的，2人份量黎講很多，牛味濃，好食！海鮮盤都是送，很多款，最鍾意就係蟶子，肉質彈牙，有鮮味，最重要冇沙其他配料都係十分新鮮，而且份量足我地2個人寫1份量已經得！最後埋單連加一 $328，睇落唔平，但我地傾計傾左3個多鐘，完全唔趕你走，因為無限時（營業時間6-12），係一個傾計既好地方！

終於感受到秋天的來臨啦！日夜溫差之大，提醒我又可以去打邊爐了。這次去開港島區，這天在沙田區工作，於是到了這個火鍋店的馬鞍山分店，再來一次無限時段的任食打邊爐。除了雞煲之外，這分店提供了羊腩煲的選擇，我毫不猶豫地點了羊腩煲。羊腩炆得很焾，支竹很吸湯，店員說可以任添羊腩，不過原來的份量已經很多，所以就直接加湯打邊爐。附送的刺身包括三文魚、吞拿魚等新鮮的魚生。手切牛頸脊即使是二人份，份量也極多，牛味很濃；海鮮新鮮之餘種類又多；自家製餃子很大隻，餡料有好幾隻鮮蝦。一人一隻蠔皇鮑魚，而鮑魚大大的一隻彈牙美味。基本上沒有怎麼再點食物，因為已經吃飽了，最後還是點了麵食，烏冬是手打烏冬，配湯一流！有各式各樣飲料可供選擇。

早在數個月前，來到迎海這裏，在隔壁的屋子生活午餐的時候，經過醉翁亭時，已經打算下次再來瀛海就要吃他！ 醉翁亭餐牌非常吸引，湯底有好幾個選擇，亦有雞煲。 每位客人都會有一客專屬嘅食物，有牛頸脊，有刺身拼盤，有海鮮拼盤，有水餃皇，亦都有蠔汁扣鮑魚。除此之外，任食嘅餐單裏面亦都有好多好好嘅選擇。總之就夠你食得好滿足。 上次黎迎海，塔馬鐵烏溪沙站經天橋，唔使5分鐘就到達。今次揸車嚟，平日夜晚＄20 一個鐘，黎食晚餐，當然有免費泊車啦！ 無論係搭港鐵，抑或揸車黎亦都非常方便，停車場就係商場嘅樓下，車位亦都非常充裕。 今次同老公仲有阿女一齊來，餐廳安排左一張BB櫈俾阿囡，非常窩心。有好多餐廳根本連BB都唔歡迎，而呢一度醉翁亭竟然有BB櫈嘅安排。不過，可能太多小朋友都座過嘅關係，條安全帶已經鬆晒，如果下次再帶阿囡嚟嘅時候，或者應該要預先準備一條私家安全帶比較穩陣。 醉翁亭既服務員相當友善，當下女喺度望住我地食嘢而佢無得食嘅時候，阿女係個位度慘叫，服務員都冇用歧視嘅眼神望住佢，反而喺度幫手氹阿女。 除咗每人有呀分嘅食物，任點嘅打邊爐配菜，無限供應嘅飲品之外，仲有一列2行項 嘅熟食小食喺飲品櫃嘅隔離。

馬鞍山有幾間中菜選擇，今次同屋企人試吓呢間醉翁庭，見到門面寫住冇限時，又包鮑魚、肥牛同海鮮，加埋火鍋只係$268一位！環境以中高檔酒樓格調，先上賣點多款名貴頭盤，有刺身併盤，最愛厚切三文魚，吞拿魚，油份充滿口腔，魚鮮味十足；還有北寄貝同赤蝦等。再點火鍋湯底，叫了重慶雞煲作湯底，一上枱已好香，雞肉已熟透，加熱食得，雞肉嫩滑，有辣椒，蒜粒夠晒惹味但又唔太辣，店員見大家食完雞後主動加湯，服務好好。還跟上至尊水餃皇，超大隻，餡料豐富，內有大隻鮮蝦、木耳，卜卜脆，有份量。仲係上緊頭盤，四人四隻蠔皇汁冬菇炆鮑魚，鮮甜，肉質彈牙入味，尤其冬菇，香濃，厚身；旁邊還有特大秋葵，有益爽甜。另一邊係自助餐前小食區，巡視吓先，都唔弱，有多款小食，有冰鎮豬手，煙煙韌韌，豬手唔會肥膩，開胃，食完想再食；沙薑雞腳夠稔，小食還有開胃黑醋木耳同手拍青瓜。還有海鮮拼盤上場，震撼海鮮盤，夠晒新鮮，有中型海蝦，青口，蟶子，魷魚和鯇魚片，淨食海鮮都夠飽。開始入正題，打邊爐，頭先已邊食雞肉，未停過，食晒雞肉，可叫店員放湯底，同時叫定火鍋配料，店員也攪準時間送上指定的極級牛頸脊，好大碟呀！肥牛肉紋分佈均，放湯滾幾下，肉質嫩滑鮮甜。

相識紀念日又來了，一年一度，怎能不記得？（如果忘記會被老婆....）今晚帶老婆到烏溪沙打邊爐，釣魚翁我就常常聽到，醉漁翁真的沒有試過。那邊的價錢算是高尚一個人連加一服務費大概$300。但是一入咗已經幾項好東西附送，首先我們選擇湯底，由於羊腩煲和雞煲食完會好飽，所以我們選了皮蛋莞茜湯，湯很清，更能品嚐到食物的鮮味。牛頸脊的顏色很美，是新鮮牛肉的顏色，質地很滑，入口即融化，是好乘的牛肉。餐廳還有附送刺身，份量不太多，每款有兩片，不會太膩，還有泰式生蝦，點Wasabi味道也不錯。鮑魚絕對是意想不到的，除了鮑魚還有冬菇和秋葵，意想不到是：軟淋淋和入味，冬菇和鮑魚都好淋，但都不失煙靱感，汁也很多，不錯。環球海鮮盤是主打，師傅很有心地將每樣海鮮放上碟，蟶子的殻有多長，肉就有多長，蟶子肉好爽口，放入水中很快就熟了，我經驗是：10分鐘剛好。身為魚控的我特別欣賞鯇魚片和鱔片，鯇魚片是薄薄的一片，雖然沒有脆肉鯇般爽脆，但有淡淡的魚味。鱔片也切得薄薄的，沒有腥味，已熟的鱔片還捲起來，吃的時候會覺得有點脆口！其他配料我也叫了不少，有響鈴、魚腐、芝士腸等等。響鈴好脆，但又唔會覺得鬆散，魚腐好淋，浸了落邊爐，吸收

成日去釣魚翁飲茶，呢排經過見到有任食火鍋就一於嚟打邊爐先逢星期一至四都係$298，每檯會送刺身拼盤、環球海鮮盤、醉翁亭極級牛頸脊同埋至尊水餃皇每個星期會換一次嘅蠔皇扣鮑魚、蠔皇金錢花膠、蠔皇金錢海參同雞蓉燴燕窩今日我最愛嘅蠔皇扣鮑魚呀，上菜嘅時候咁大堆頭即刻覺得超抵食環球海鮮盤好豐富呀，有蝦有龍躉片有青口有蟶子同魷魚，啲蝦好新鮮，爽口又彈牙湯底選擇都好多，有羊腩煲又有雞煲，再唔係普通湯底又得幾經掙扎揀咗羊腩煲，淨係食羊腩都夠晒，支竹好入味好正呀醉翁亭極級牛頸脊，比時去打邊爐一定嗌牛頸脊，而家連任食都送一碟仲大大碟一啲都唔孤寒，同散叫質素一樣，真係平靚正其實任叫都仲有好多嘢食，不過食咗咁多肉我哋都係主打食菜呢一餐真係又豐富又好味!!仲有任飲任食無限時，一家人細嚟就岩晒

朋友住馬鞍山，所以響果邊知道有間醉翁庭，上次響觀塘食完，好回味呀！又冇限時又有鮑魚同海鮮，加埋火鍋都係$268/位，抵呀！我地4人被安排坐卡位，先到自助餐小食區取小食，有幾款，充滿骨膠原的梅子豬手，爽口煙韌，豬手豐富膠質，充滿骨膠原。第二激係頭盤既刺身拼盤，魚生厚切，新鮮，啖啖肉，有吞拿魚腩，三文魚，北寄貝，赤蝦等。還有每人一隻蠔皇汁冬菇炆鮑魚，豪食，鮑魚夠腍身，好滋味鮮甜。 先來雞煲作湯底，食完雞後加湯，干鍋上好惹味,雞件多，夠嫩滑。至愛還是海鮮拼盤，有多款海鮮，見到好澎湃，看來新鮮，包括有生猛海蝦，大青口，蟶子，魷魚和鯇魚片。最喜歡是蝦，非常生猛新鮮又夠彈牙，蟶子洽一陣，不要太熟，夠爽口。雞煲放湯湯底好夠味，加埋海鮮越煲越鮮甜。還送上極級牛頸脊，4人配給有一大份，肉質鮮紅，肥瘦適中，唔會太肥或太廋，佈滿雪花，滾幾下就食得，肉質嫩滑，牛肉味濃，夠Juicy。火鍋料齊全多款，有鮮打四寶丸，包括有牛丸，墨魚丸、鯪魚球和魚丸，粒粒夠大，彈牙爽口。頭盤有限定的至尊水餃皇，好巨型大隻，多餡料，內有鮮蝦，還有木耳，夠爽脆鮮味，反而唔會好似一般食店好重味精口感。配料還叫了白蘿蔔煲湯夠清甜下火，竹笙

醉翁亭在馬鞍山這個美食沙漠，竟然有一間質素不錯的火鍋館，更是無限時任飲任食，實在沒有不吃的理由。星期一至四成人每位＄268 ,星期五六日及假期則每位＄298 ,任飲任食冇限時，而且更會贈送五款食物，分別是環球海鮮盤、蠔皇扣鮑魚、至尊水餃皇、刺身拼盤及醉翁亭極級牛頸脊，而另外則有約50多款火鍋配料可以任點任吃。先點湯底，我們選擇了鴛鴦鍋，是沙嗲及芫荽湯底。沙嗲湯底味道挺濃郁，芫荽湯底則是清淡之選。環球海鮮盤有海蝦（上枱時蝦還在動）、青口、蟶子、魷魚及鯇魚片，陣容鼎盛，實在令人興奮，而且每一款味道都非常新鮮，最喜愛吃鯇魚片，肉質爽脆，魚味濃郁。醉翁亭極級牛頸脊口感嫩滑多汁，有著如大理石般的油花，輕輕放在鍋中拖幾秒便可，油花在口中慢慢融化，瞬間滑落食道去。蠔皇扣鮑魚鮑魚份量十足，外層充滿光澤，泛起亮麗油光，鮑魚質感軟腍易咬，爽口彈牙，而且炆得非常入味，醬汁濃郁可口，以刀叉這奢華方式食用，真係夠哂滋味！刺身拼盤有三文魚刺身、吞拿魚刺身、希靈魚刺身及北寄貝刺身等，味道挺新鮮，雖然份量不多，但吃火鍋也能吃到刺身，實在感覺非常滿足。至尊水餃皇這隻水餃真材實料，裏面有大約三至四隻蝦，而且調味剛剛好，皮