達濠仔地道潮汕美食

見到達濠仔開分店，真係解決咗我一大心願！平時幫襯西環總店，唔太就腳，而且次次都要排隊，遲少少去仲有機會賣哂啲心水餸。去開銅鑼灣心思思即刻去會一會佢。平日晚市時間殺到，嚇親！竟然唔使排隊，直入有位。環境同西環差唔多，但就坐得闊落啲，乾淨企理。今次叫咗三餸米線，揀咗蝴蝶腩、豬黃喉同蠔仔。個湯底keep到一貫嘅鮮甜，成個湯飲哂。餸嘅分量足，豬黃喉處理得好好，爽口唔韌，完全冇異味；蝴蝶腩又係咁入味，正！蠔仔都係大大粒，飽滿鮮甜。唯一可以再好啲係個米線，煮得有啲過淋，有啲碎。整體來講，食物水準同總店睇齊，以後唔使特登過西環都可以食到呢碗高質潮汕美食，大滿足！…查看更多

喺銅鑼灣搵食又點少得去登龍街？見達濠仔由西營盤開到過嚟銅鑼灣梗係要試下佢。店內環境簡潔乾淨，裝修樸實無花巧。其中一個Menu有晒相，相信都係佢哋嘅招牌菜。一於就試下先，今次就簡左：🍜 招牌達濠仔米線 - 湯底：應該係用咗老火煲嘅骨湯，好想知有咩配料，因為入口清甜帶鮮- 米線：唔鬆散，夾上嚟唔易斷，無發漲到淋哂- 配料：牛筋丸／牛雜／魚丸／魚餃，丸類彈牙有嚼勁，成碗大大碗，份量紮實🦪 特式潮汕蠔仔粥 - 蠔仔：粒粒大大粒又飽滿，無腥味，鮮甜 Juicy，成碗都冇死蠔- 粥底：介乎稠與流之間，無爛到似糊仔，勁鮮甜，又有鹹香- 配料：食到仲有蝦米，豬肉，仲發現到有鹹魚，真係落足料去煮🌯 特式潮汕腸粉 - 粉皮：薄身帶微煙韌，但又唔係成餅野- 餡料：加咗蛋同生菜，配埋甜豉油，估唔到有幾特別 同場加映：佢哋嘅辣椒醬🌶️，辣得來又夠香，後勁十足，食得好過癮。唔食得辣嘅朋友一次過真係唔好加咁多銅鑼灣登龍街，人來人往，冇人會特別留意d小店。但其實佢地一直去好努力，坐低食完一碗米線、一碗粥、一條腸粉，會發現到佢地用心製作嘅驚喜，份量足價錢實惠上菜快夠鮮味。📝達濠仔 📍地址：銅鑼灣登龍街31–35號玉山大廈地下A舖 …查看更多

12點喺銅鑼灣食個快午餐，就揀左呢間。未夠十二點半，都已經有八，九成客人，12點半就已經要排曬隊。。。聞說呢間潮州嘢喺西環好出名，啱啱起銅鑼灣呢條食街開咗新分店。佢出名豬雜，但我本身對內臟興趣不大，揀咗非內臓嘅三餸，牛筋，牛丸同蠔仔河，另外加一碟潮州腸粉同杯凍奶茶。唔使5分鐘就有得食，佢兜粉嘅分量都唔少，蠔仔都幾大隻，有成兩個1蚊銀咁大，牛筋腍得來有啲咬口，又入味，牛丸彈牙又juicy。食潮州粉麵最鐘意就係佢啲蔥芹，撈埋河粉一齊食，又香又多口感。食潮州野點可以唔點辣椒油（佢檯面有好多醬料，菜甫，辣椒醬，辣椒油，麻油，胡椒粉）。佢樽辣椒油都幾辣吓，但無乜香味。無耐就黎左個腸粉，個腸粉皮好薄，清楚睇到包住左菜同蛋，食落啲腸粉有少粉煙韌嘅，啲豉油唔會太鹹。我食左9個字到，就因為太多人而要搭檯，之後就好快走左。…查看更多

除左去西環食到達濠仔地道潮汕美食 @tathojai.hk， 而家喺銅鑼灣都食到啦！今次嗌左 ✨四拼米線 （有豬膶、蝴蝶腩、汕頭牛筋丸、牛腩）$62一次過嗌晒鍾意食嘅餸，勁足料，豬膶爽口；蝴蝶腩嫩滑與爽脆，肉味香濃；自家製汕頭牛筋丸牛味濃又有嚼頭；牛腩肥瘦適中，唔乾唔柴。👍🏻滿意～ ✨安格斯牛頸脊加墨丸米線 $100牛頸脊有驚喜～口感鮮嫩、肉味濃郁，仲係半熟上枱。加埋有墨魚粒粒嘅墨魚丸，彈牙爽脆，性價比高！兩碗都有大量芹菜好香啊～✨特式潮汕腸粉加蠔仔 $48腸粉皮好煙韌有彈性，入面有蛋、冬菇、生菜，加埋粒粒飽滿嘅蠔仔，蘸埋豉油同辣醬係勁夾冇得頂👍🏻黎到必食！🫰🏻店舖仲有好多食物可選擇，下次想食埋蠔仔粥同豬雜粉啊～…查看更多

達濠仔本店在西營盤，一直沒嚐過，這天到它開張不久的銅鑼灣分店，試試它的胡椒湯。點了3餸（魚蛋、牛筋和鮮牛肉），$52。上枱時湯夠熱，第一印象良好。先來啖湯，湯底濃而帶甜，除了豬雜和豬骨、其他配料的甜味之外，似乎加了糖。胡椒味不嗆喉，初時不覺辣，喝到尾就愈喝愈辣。相比之下，潮州人的湯底重胡椒香，入口更辛辣，豬雜的甜味會在胡椒的刺激之後出現。餸方面，牛肉薄而大片，醃過所以帶甜的底味，嫩滑而不會過份鬆肉。牛筋3至4條，大條而完整，非常軟腍而調味相對輕手。這兩個餸是達濠仔較佳，因為潮州人的鮮牛肉有時會帶咬不開的筋，而潮州人的牛筋也大條完整、軟腍入味，不過不大喜歡那滷水汁的味道，所以入味反而成了缺點。魚蛋2粒，通常潮州白魚蛋從一大餅魚蛋而出，會有平面（黏著其他魚蛋的部分）和尖角位（魚蛋餅的底和面），達濠仔的魚蛋則呈球形，中間混合了些灰黑的碎屑（魚皮？）。魚蛋爽口彈牙，魚味自然而淡淡的，不錯。配料有芽菜和唐芹，因為要淨餸，加送了幾條生菜。同行的友人點了牛筋、牛腩和牛丸。牛腩是牛肋條，炆得軟腍。牛丸也爽彈，不過未算特別。達濠仔的麵都會加上招牌蔥油（據說煮了3小時），所以多了一份香氣。炸魚皮$20，沒大小之分。喜歡炸魚皮用了薄粉漿，這點和潮州人一樣，不過一碗炸魚皮中混合了很多細碎的魚皮，未夠完整大塊。吃潮州粉麵，另一個必試的肯定是餐廳提供的辣椒油。帶籽的暗紅色辣椒油是潮州人完勝（潮州人的辣椒油有炸過的乾蔥，香得多）。不過除了辣椒油，達濠仔枱面還有像菜莆黃色的辣椒醬，比它的辣椒油香，加一點把胡椒湯的靈魂都吊出來了。整體而言，個人偏好潮州人的味道；但若是想止潮州粉麵癮，達濠仔星期日也營業，湯濃而不油膩，而且喝光了也不覺口渴，環境又光鮮，冷氣足，以後到銅鑼灣有多個選擇了呢。…查看更多

第一次來食就愛上佢個豬雜湯，湯底很濃、有胡椒香、豬雜料好足，冇豬嘅騷味！仲試左蠔仔湯飯，真系好正宗潮州的，料好多：柴魚、菜脯、蔥花、蝦米都好大粒，湯都好好飲好濃，冇味精味！下次會再來食。…查看更多

“特式潮汕腸粉”真係幾有特色，一般奄列都係蛋包餸，這個由腸粉包住成奄列型，份量大而且腸粉煙韌有咬口，好食！“招牌達蠔仔”餸量充足，牛的肉質很軟，魚蛋大粒彈牙，口感同味道都好！“特式潮汕蠔仔粥”蠔仔有十蚊銀咁大隻，加入芫茜，方魚，蝦米，上枱已經好夠味，不用再加調味。“特式豬雜湯”係特登為好豬雜者而設，個河粉唔錯，但如果唔好豬雜，可以不試。餐牌上還有很多選擇，如墨魚丸，濠達肉券和魚扎等，像車仔麵一樣可選不同配搭，可說是潮式車仔麵，下次再試埋其他嘢！…查看更多

西環名物「達豪仔」原來喺銅鑼灣登龍街開咗新分店，終於唔使山長水遠去到西營盤排隊食✌🏻一定要食自家製手打「魚蛋」「牛丸」，食得出係足料用心整🫶🏻，而且爽口彈牙，非常高質🥰！「牛筋」都好出色，好入味軟腍Q彈充滿collagen嘅感覺✨特色嘅潮州腸粉都好好食耶，皮薄小煙韌，爆多細蠔仔、冬菇、芽菜、生菜、雞蛋，口感豐富，比港式飲茶嘅腸粉好唔同ദ്ദി ˉ͈̀꒳ˉ͈́ )✧🧾𝙞𝙩𝙚𝙢𝙨 𝙤𝙧𝙙𝙚𝙧𝙚𝙙:•三拼撈麵 $52 （+$20）•特色潮汕腸粉加蠔仔 $43📍 達濠仔地道潮汕美食 •銅鑼灣登龍街31-35號玉山大廈地下A號舖•西環西營盤正街6-14號正豐大廈地下3號舖…查看更多

📌銅鑼灣平民食堂 自薦小店篇平民食堂最近，就系Threads上面招募餐廳自薦，自費去支持下，畢竟香港其實有好多小店需要大家多多支持。而今次自薦既小店位於銅鑼灣，系一間位於銅鑼灣登龍街既潮式粉麵店 一 達濠仔地道潮汕美食 @tathojai.hk說到做到，今次直接嗌佢地招牌：🐮🐟🍝招牌達濠仔 $88湯頭帶白胡椒香，香得黎吾油膩亦吾會死鹹，河粉正常，而配料就多到有d誇張，魚皮餃、手打魚蛋、爽彈既手打牛筋丸同埋燘得幾入味既牛雜😋👍🏻👍🏻整體而言，小店位置吾大，繁忙時間肯定要等位，嘢食味道應該算得上系正宗潮州味(？)而且份量亦吾細，不妨一試👍🏻📍達濠仔地道潮汕美食地址：銅鑼灣登龍街31-35號玉山大廈地下A號舖#銅鑼灣 #達濠仔地道潮汕美食 #登龍街 #達濠仔 #撐小店 #小店系列 #平民食堂 #平民美食 #自薦小店 #香港小店 #地區小店 # 招牌達濠仔 #星星帶你食 #銅鑼灣食咩好 #foodie #hkfood #hkfoodie #foodiehk…查看更多

「家己儂系潮州語，意思即系自己人」小編今次就帶大家黎到銅鑼灣，同大家介紹一間由西環開過黎既正宗潮式粉麵 一 達濠仔地道潮汕美食 @tathojai.hk🌟招牌達濠仔 $88潮式粉麵既靈魂，絕對系佢地自家肴製既靈魂湯頭，達濠仔既湯頭鮮得黎吾會似味精死鹹，而佢地既招牌達濠仔，其實亦相當豐富，一碗有齊燘得夠腍既牛雜、口感幾好既牛筋丸、食得出魚味既魚蛋同魚皮餃🤤👍🏻🌟特式潮汕腸粉 $38潮汕腸粉真系第一次見，腸粉入面包既系炒蛋，上面放左蔥花同菜甫，加埋甜豉油🤤👍🏻🌟特式潮汕蠔仔粥 $68蠔仔粥非常鮮甜，蠔仔粒粒都肥美又飽滿🤤👍🏻📍達濠仔地道潮汕美食地址：銅鑼灣登龍街31-35號玉山大廈地下A號舖#銅鑼灣 #達濠仔地道潮汕美食 #達濠仔 #蠔仔粥 #家己儂 #留港消費 #支持小店 #玉山大廈 #潮汕美食 #覓食銅鑼灣 #食在銅鑼灣 #為食關注組 #招牌達濠仔 #香港美食地圖 #特式潮汕腸粉 #銅鑼灣食乜好 #特式潮汕蠔仔粥 #九十後行到邊食到邊 #HKIG #HKIGER #HONGKONGFOODIE…查看更多

食完扣肉，就過隔離呢間達濠仔食個豬雜湯。店舖比較細，得5，6張枱，午餐時份都有幾枱食客。坐低望一望個餐牌，係呢個特式豬雜湯比較吸引眼球，於是就點了一份。不一會碗湯就嚟到，都幾大碗既，豬雜有豬肺，脷，肚，粉腸，心，芽菜同埋生菜。呢d肉臟雖然就咁食都很好味，但蘸佢個辣椒醬食就更加美味。湯頭清甜有淡淡既白胡椒味道，清碗！[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

食店名稱：達蠔仔 地區：銅鑼灣人均消費：HKD $180 今日同朋友試咗呢間達蠔仔餐廳，整體來講好滿意！ 環境：地方唔算大，喺登龍街嘅食肆尚算闊落，坐得舒服，裝修普通，但乾淨整潔。12:00到好彩仲未有人，唔使等位。食物： - 特色豬雜粉：必試！味道好正，全部肉都唔韌，份量足料，食落好有驚喜。 - 蠔仔粥：蠔仔粒粒脹卜卜，超級足料，味道啱啱好，好味！- 檸檬茶：甜度剛好，同平時嗰啲差唔多 服務：店員態度友善，上菜速度合理，有問必答。 價錢：算合理，呢個質素對得住個價錢，會再encore！ 如果怕多人，可以同我一樣早啲去…查看更多