過橋麵檔

營業中

休息中

去完睇紅葉，返到元朗經過見到呢間中國風嘅「過橋麵檔」以為係食麵架啦，點知發現新大陸😍用餐途中，間餐廳嘅外賣忙過不停！證明應該好多人識食！霸王雞菜飯 $71 勁多蔥絲係面再加埋熟豉油！雞肉嫩滑就連雞胸肉都好入味！完全可以鯨吞成盒飯！菜飯都比出面既多菜！重點一提雞入邊仲有大量芽菜！吸晒啲汁！巴辣雞菜飯 $71未食已經覺得好辣！先試左一啖面頭嘅醬蓉！嘩 都真係幾辣！但都係可接受範圍（平時食開譚仔3小辣） 一樣雞肉勁滑！配菜飯可以中和辣度！好過癮！

好耐之前已經知元朗霸王雞好出名，亦都食過幾次。之前堂食過係跟菜飯，雞同個飯份量都勁多！今次屋企人想食，就外賣左半隻雞返去。咁耐無食依然可以保持到水準。本人好鍾意食蔥，見到咁多蔥已經覺得好正！再加埋蒜同辣椒更加惹味。雞既質感好滑，量亦多。而個底係有Ｄ芽菜墊住，芽菜吸哂Ｄ味，好好食！

😅之前食過都唔係咁樣架家下食返隻雞咩事肉好梅咁，冇味，鞋口蔥汁一如既往好味，只好硬住頭皮扒哂落口,用汁撈飯芽菜索哂味，好好送飯個餐成6條野，真心係唔值暫不回頭

今晚兩人叫了兩個霸王雞菜飯(走翼)，無意中看到收據，寫住什麼(手寫單收費)$8賣單 時我問 ，乜有得唔手寫單嫁咩？點知佢話$8係 指定費用喎！ 嘩，咁唔老實，完全無講過囉！話我地要指定下莊喎！咁下莊你唔比隻脾我？？ ？ ？ ？ ！咁我加脾啦！ ？ 原本就知改脾要加錢 唔出奇呀！ 我話走翼咋喎！你要加錢咪講囉！比左個雞背咋喎，咁都要加錢？！重大大地話走翼咪姐係要下莊囉！當比乞丐！咁樣都要呃………

我哋已經嚟過呢度好多次啦，今次去食霸王雞同埋魷魚鬚，又香又好味，正到爆！霸王雞好多蔥，仲有好多花生粒粒，又有薑絲，又有芽菜，但係啲雞肉質比較淋，如果換咗走地雞就好好多。另外，佢啲菜唔記得咗切開，好大棵，但係d調味料好入味嘅。

191517082022，好耐沒有入去元朗，現在既元朗多野食到你唔信。十年前我都有食過呢間過橋面線，今日主要來懷念一下，但由於比較趕時間，所以今次就外賣霸王雞菜飯返去食，大約等左十分鐘就可以拿到。返到屋企打開個盒，見到大量既蔥絲，炸蒜粒，蔥絲帶著點點既微辣，蒜粒既香脆，加上嫩滑既雞件配合尤其是個雞皮加上又香又脆既配料淋上一個特別制作既豉油，同過往都一樣保持水準，雞件份量都相當多，應該有四分一隻，菜飯味道也算不錯加上沾滿了豉油既芽菜，今餐外賣令我相當滿足。

今晚家人想食過橋麵檔的霸王雞菜飯，梗係好啦，我都想食佢地的豉油皇雞扒菜飯，另外再叫咗2個小食。霸王雞菜飯 - 雞肉一般，唔算嫩滑，無以前咁好食，但份量OK。豉油皇雞扒菜飯 - 同平時差唔多，都算入味，水準保持。菜飯品質炸雲吞 - 賣相就麻麻地，不過咬落去，外皮好脆，唔錯。涼拌雞絲粉皮 - 賣相同樣係麻麻地，食落口感一般，粉皮唔夠爽，雞絲亦相對較少。總結：過橋麵檔整體同以往相比，食物質素確實係差咗啲，但作為元朗街坊我地會繼續支持。

山長水遠入到黎元朗 稔住重遊舊地去食番半隻雞 叫左一個set飯同半隻霸王雞等緊啲野黎既時候，留意到佢地啲碟都用哂紙盒去裝，好似食緊外賣堂食咁，應該係市道真係唔好幾好，要cut cost ，連洗碗都無埋…等左一陣，霸王雞黎啦，好失望，發現半隻雞竟然脾又無翼又無，成碟差唔多都係骨，仲要加左價，之前半隻雞100蚊有找，宜家仲要加到112。稔住去搵個侍應反映下，開頭個侍應都算好好聲氣了解下發生咩事，之後個侍應同左個應該係”女負責人”講，個女負責人就黎我地張枱黎睇下啲雞，估唔到佢只係一味係咁話佢地無可能做啲咁既事，不斷重複，死口唔認，連隻脾都搵唔到，其實都唔係稔住要佢做啲咩，稔住同佢反映下，點知個”女負責人”就開始發老脾，話我都廢是同你講就走左去….心稔…無野呀麻…估唔到一間之前要排隊先有得食既餐廳會用啲咁既態度對待客，唔係應該以客為先，或者會稔下廚房會唔會做漏左，而唔係覆個客”我地唔會咁做，我都廢是同你講”…真係對住啲咁既”女負責人”，真係不可一，不可再…唔怪之得要轉外賣盒同再無人排隊…

今晚放工一邊坐車返元朗，一邊用外賣平台app睇食邊間，最後決定叫過橋麵檔外賣，家人一向都鍾意食霸王雞飯，而我就鍾意食豉油王雞扒菜飯，另外再加多一份炸雲吞就啱啱好。收到外賣返到家中食物都仲算熱，我的雞扒份量都算幾多而且亦夠入味。而家人的霸王雞飯肉質都算嫩滑而且同樣夠味 (不過以往就更加入味)。至於跟飯方面，用菜飯除咗係食得較健康外，食落亦相對感覺無咁油膩。炸雲吞皮夠晒脆，而且雲吞肉餡亦美味，一份有10件其實都算係抵食。

同朋友齊叫雞！飯！哩班朋友仔好鐘意食雞😂我地一齊唔喺食雞飯，就喺食雞煲😂唔喺雞煲，就喺炸雞！總之總有一樣餸以上喺雞-過橋麵檔以前就好似我地嘅飯堂咁，成日都會去食10次有9次都係叫霸王雞飯，淨返個一次就喺因為唔喺同佢地食，所以叫其他嘢食😂-諗返轉頭，原來已經成年冇去食過咁濟，今次返去就好似食回憶咁💛好懷念位依然要等，啲雞依然好滑，啲蔥依然好多，最鍾意食雞底嘅芽菜！真喺超級正🤤平時食好少飯嘅我，每次嚟到過橋麵檔食霸王雞飯，都食得哂成碗菜飯！一嚟啲菜飯好食，二嚟啲蔥同芽菜真喺好好送飯🤤

過橋麵檔巴辣雞菜飯霸皇雞湯米線鹵水三拼價錢💲: $62/ $62/ $53好味程度😋: 4/5服務🍴: 3.4/5環境🗾: 3.4/5性價比🥢: 4.4/5回頭率😚: 3.7/5-元朗好多平民野食，難得一家入到去梗係要搵啲老少咸宜的鋪頭。所以今次就去左呢間出名食雞的餐廳，試試佢地。環境就係普通茶餐廳，不過味道搭救，都幾滿意🤓-✅巴辣雞+菜飯。普通份量已經足夠2人分！雞肉嫩滑，雞皮有厚厚的黃油🤩 雞唔會有冰鮮的味道。巴辣醬就係好多的辣椒+小小口水雞的味道，惹味香濃。不過後勁都真係有D辣，食到的朋友先好叫因為係冇得選擇辣度🤭 底下墊住D芽菜可以索晒啲汁😚 菜飯好食！滿滿的小棠菜幫白飯加左口感，可以食多幾啖‼️-✅✅霸皇雞+湯米線。霸皇雞鮮係呢到的招牌！雞肉一樣大份夠嫩，食落唔會好鞋，都幾滑。呢個的重點在於大量蔥+炸蒜+小小辣椒同豉油，好香口😗用小小葱油同炸蒜撈飯不得了！湯米線的湯底都叫有味道，唔會淡某某，米線比較粗，唔會煮到一patpat😬-🆗滷水三拼(大腸+鵝腸+豬耳)。呢個的鹵水就一般般可以唔叫了🤐因為個人認為可以再入味D。豬耳爽脆，都唔見有咩豬毛既👌🏻 大腸係最入面的一款，入面帶小小肥

以前做嘢嗰陣就已經成日叫呢度嘅菜飯過咗咁多年上返嚟食返以前嘅味道 一樣都係咁好食啲雞超嫩口勁滑 每一嚿都啖啖肉 佢嘅炸蒜同芽菜先係極品 加埋佢辣辣地咁真係超好食！將啲汁撈埋佢個菜飯一齊食真係食過返尋味 難得返嚟呢度附近都一定要要來食佢🤣🤤🤤🤤啲雞咁大碟性價比你講都高㗎！呢度來講佢嘅霸王雞菜飯就應該係最出名㗎啦 不過佢另外都仲有好多款菜飯揀嘅仲有豉油雞菜飯以前食過都幾好食㗎！因為今次係下午茶時間嚟食仲有下午茶餐添 不過下午茶就冇菜飯揀 但朋友都揀咗嗰涼拌手撕雞粉皮 啲雞一樣咁嫩呀 但佢嘅麻醬係自己另外加 佢會比一大支你自己撈㗎！

好耐冇食過了 都有幾年時間 之前任何時段都爆場 去親都要等十幾張 而家小左好多人了入去直接坐低都係得兩張枱有人 。咁就點餐喇 點知個侍應態度好差 講野又大聲，是但叫個飯就算。黎到 味道差過之前，野飲又細杯左，貴過之前好多，雞皮幾舊都有大大條毛，環境一般 ，貴唔係問題 品質keep唔到 出面咁大競爭 唔係要你進步阿，最小唔好退步掛，最搞笑既係我食食下 知待應埋黎叫我埋單先得唔得 大佬而家又要笠個口罩 行出去嘟8達通 再行返埋位食 你覺得我咩感受阿？ 差！

通常唔知食乜就一定會食佢地既招牌 --- 霸王雞菜飯🐔豉油，炸蒜，辣椒撈埋底下既芽菜真係精華🤩配埋菜飯真係好送飯!!主菜既雞份量都算多，雞好嫩滑都好夠味。雖然店舖係叫過橋麵檔，有車仔麵，咖喱飯，滷味，連小菜都有。整體質素都唔錯架👍🏻鍾意食辣既可以試下巴辣雞，辣得好過癮🌶🔥

每次經過門口都好多人排隊。起初以為食車仔麵主打，後來發覺原來最出名嘅係霸王雞。剛好一次早上十二點前經過，竟然無需要等位，當時即刻入去食早午餐。見到餐牌有輕盈版，平兩蚊之餘仲包野飲。一問店員情況下話只少三分之一既份量。出於好奇心底下一於嘗試一下份量夠竟有幾多，發覺都係幾舊之差，唔係大胃王都可以選擇。味道上霸王雞的確好有雞味，唔會有雪味。醬汁調味剛剛好，唔會死鹹，表面有一埋炸蒜+蔥花，配上醬油絕對惹味。絕對可以翻食。