通達食店

營業中

休息中

呢間街頭小店係香港出名咗好多年，身為香港人既我終於都去了一試叫咗雲吞撈麵，但太失望了🥲湯同汁都好咸，麵又痴埋哂一舊好難撈，食完之後好口渴要一停飲水另外叫咗一串燒賣，燒賣就幾好，但都未去到讚不絕口的地步，應該不會再去了

現在還可以坐著來吃腸粉和燒賣的地方已經買少見少了，因為租金真的太貴，所以只有人流非常好的地方才能這樣做，這家店大家一定不會陌生，就是油麻地A2岀口一岀就看到，他們的燒賣我一直都覺得好食，就是比較煙靭而不會好粉的那種，腸粉就是比較幼身容易吃的，腸粉雖然每家也差不多，不過我喜歡吃很多麻醬，落單時同佢講想要多麻醬，真的不會吝嗇的給很多麻醬，之前吃過車仔麵質素還可以，在附近經過時想快快地填飽肚子也是不錯的。

自己放工一個人去睇figure，揀左呢間快靚正食晚餐。燒賣比魚旦好食！腸粉口感唔錯，唔太粉，D混醬幾正！豬紅蘿蔔都唔錯自己一個人都食左成$50😂，其實都唔平。

記得一次無意之間試食過經過油麻地站A出口，當時整粢飯嘅位置仲喺門口出邊，見到客人叫粢飯，店員就會有飯桶，用飯殼舀出熱騰騰糯米飯，然後立即用布包住，壓平，放上肉鬆榨菜同油炸鬼，大力捲實，再放入膠袋，新鮮熱辣辣嘅粢飯就食得。自從見到佢係即場整，之後基本上每次經過油麻地，都會買佢哋嘅粢飯，尤其是冬天，不論堂食外賣。疫情期間好耐都冇嚟過油麻地，今次嚟到佢好似裝修過，乾淨咗，以前喺出邊做粢飯的位置改咗去入邊整，但依然係新鮮嘅，即叫即整嘅傳統。所以保持到油炸鬼嘅脆度，肉鬆又唔會過分濕潤，正，畢竟能夠做到即叫即整嘅小店已經冇乜幾間。雖然佢出名其他腸粉燒賣魚蛋等等嘅香港小食，但我仍然鍾情粢飯。

小時候經過地鐵站都總會買一串魚蛋或燒賣，現在味道已經不像從前，想找回兒時回憶也比較難。但這家餐廳由細到大都一直很多人排隊，但我個人覺得燒賣魚蛋味道平平凡凡，只是香港的一個特色而已。而且這個價格相當便宜，我一個人點了一份碗仔翅、一份腸粉和一杯豆漿。一個人也吃不完，但只是突然想吃😋香港的特色小吃。而且剛好在地鐵站附近，地點非常優越，一出站口就已經到了，行到攰走到攰都可以坐低食下小吃，唔使企喺條街度食。

我記得好耐好耐之前已經睇過一段新聞報道講香港人每一日都消耗好多魚蛋，證明香港人其實係好鍾意食魚蛋。試過好多地方嘅魚蛋，最得我心都係通達食店，仲要一定係油麻地呢一間，太子嗰間我都覺得只係一般。佢哋嘅魚蛋係彈牙。可以揀唔辣嘅蠔油味或者香辣味。蠔油味係有少少甜，點甜醬就最好食，辣味係幾辣嘅，如果唔食得辣嘅我建議都係揀返蠔油味。小店仲有燒賣腸粉碗仔翅魚肉湯等等等等嘅小食。最特別嘅就係佢全日都會有栥飯食嘅。

經過油麻地，突然間好想食中學時代成日幫襯既油渣麵，算唔算集體回憶呢( ◠‿◠ )🙈而家佢地個豬油渣好似改變左，變左炸得好脆口既豬油渣(///▽///)好脆好香好好味😋✨✨湯底味道好似唔同以前，冇咁濃味，以前既湯底好味啲（＾ω＾）不過而家都唔錯。

平時行過都會拮串燒賣魚蛋，見佢屹立油麻地咁多年，今次試下堂食。懷舊脆油渣麵有辣有唔辣，我揀左少辣，其實辣味係嚟自啲辣菜莆，少辣就落少啲，唔辣就唔落咁解💁🏻‍♀️少辣都食到我流哂鼻水🤧但辣辣地好過癮🤪鬆脆嘅脆油渣+彈牙嘅上海麵+大量qq嘅鮮冬菇絲，食落口感豐富😋配菜仲有大量火腿絲，幾得意😂燒賣魚蛋平時經過通達食店都會拮幾粒😂我覺得燒賣唔錯，魚蛋普通，但啲辣汁好正。遠近馳名粢飯熱辣辣，都多肉鬆熱豆漿

前幾日去旺角睇波鞋，諗起有間小食店好耐無食，難得去開嗰頭就去幫襯下啦🤩🤩點解無益嘅嘢食總係特別吸引嘅😚😚，一個唔小心就叫咗咁多😛😛咖哩魚旦($11)、燒賣($11)、腸粉(6條$21)、魚肉翅兩溝($28)、豉油皇炒麵($19)、可樂($10)、檸蜜($17)😬😬咁耐無食味道依然好好味，尤其D陳皮魚旦夠哂辣味，腸粉又夠滑、炒麵夠乾身⋯不過魚肉翅就麻麻地下次可以唔駛叫，但其他嘢食下次全部可以encore😋😋

相信大家係油麻地碧街出口一出一定有見過呢間小食店一路都知呢到嘅咖喱魚蛋好出名尤其是啲辣汁簡直超正🤤🤤🤤估唔到仲有另一樣名物就係油渣麵🔶招牌油渣麵($36)豬油渣配埋上海粗麵、冬菇絲同火腿絲最最最重要係店家自製嘅辣菜脯，超惹味呢到嘅油渣麵湯底係麻油味較重同係出邊食嘅唔同，同埋配料比較多食落味道同層次都比較多元化______________________________通達食店 (油麻地)油麻地碧街48號地舖

每一次去油麻地都會心思思喺呢一間度買串魚蛋雖然佢旺角都有分店，但自己就鍾意食呢間多啲偏向鍾意堂食，因為唔使拎住喺條街度食魚蛋爽口彈牙～　仲要係出邊應該都買唔到嘅自己有啲特別嘅個人喜好，會鍾意叫一串辣同埋一串唔辣唔辣其實即係蠔油味，醬汁偏甜幾好食，辣味自己就一定係鍾意配甜醬除咗魚蛋之外其實呢度仲有好多唔同嘅小食～例如有燒賣魚肉翅粢飯腸粉等等等等！呢啲港式嘅小食真係好多回憶，所以真係成日都會返嚟幫襯反而佢嘅車仔麵我就冇咩點食過啦～

會一個月仲有幾日想食 港人最鍾情嘅 唔識 我屋企啲 馬騮同埋 愛人同樣同我一樣都係鍾情於每一兩個禮拜就要食一次 香港人舒適個個人都知㗎啦 外國人都會你食㗎呢一間係最出名㖭啦因為超有水準囉 每次我都會叫 腸粉燒賣多汁多麻醬甜酱將， 呢度嘅腸粉軟淋淋滑捋捋，啲汁又勁好味喎😋每一次小朋友同大人都係ko曬㗎 ，一餐都係廿零蚊好抵呀👍又經濟又實惠❤可以當一餐㗎啦 😁辣蛋即係辣魚蛋好好味㗎d咖哩汁辣得泥又好惹味😋叫咗三串🤣三串都可以食曬嘅😋😋唔辣魚蛋畀小朋友食，小朋友都勁鐘意架👍我就最鍾意食呢度嘅粢飯呀👍👍因為即叫即整㗎💯熱辣辣返到屋企仲熱架，裏面d料勁多，睇下條油炸鬼係脆添呀💯一個都飽曬啦👍👍好味嘅港人美食

有日行行下唔係好有胃口 就求其搵咗間小店入去食嘢 本身諗住叫車仔麵但係驚太油膩就叫左粥同炒麵粥入面好多料 食落個粥都綿綿的唔錯 記得好耐之前都食過佢哋嘅燒賣係唔錯🤔 下次有機會再試埋其他嘢食先👍🏼

從來想食魚旦燒賣腸粉雞旦仔都唔會亂食，皆因中伏得太多次，心目中已經有一份最好食嘅街頭小食嘅清單，每逢工作要經過清單美食附近都會去幫襯。今日就剛剛經過開油麻地，一定要去通達滿足一下想食街頭小食嘅慾望🤩腸粉加燒賣多醬係我最愛，皆因通達啲甜醬同花生醬係特別好味，碗仔翅加魚油加生菜三溝都係最愛，加少少醋又係好好味👍🏻其實魚旦燒賣碗仔翅唔難做，但係做得好就必須要有鑽研，香港即使經過這兩年多的風風雨雨及疫情，特別係喺油麻地區的通達仍然屹立不倒，不過這次來幫襯，眼見生意已經大不如前，希望大家能多啲支持，否則就會少咗一間好食食店。

💁🏻‍♀️經過油麻地，突然好想食油渣麵記得中學嘅時候成日都同朋友仔嚟太耐冇食啦，估唔到變左🥲😌以前佢哋嘅油渣麵，唔係寫住話脆油渣依家變咗炸左金黃色嘅脆油渣我覺得炸得麻麻哋好食🤨🤨一咬落去都成口油🥲🥲🙅🏻‍♀️炸得唔夠透身，唔夠脆！我真係寧願食返以前嗰種🥲至於辣魚蛋一樣都係咁好食，😙😙仍然都係好彈牙，好夠味！😆🤪😜