迷日食堂

營業中

休息中

我同老公今日去荃灣行街，因為行得夜咗就決定買外賣返屋企食😆咁岩俾我哋見到喺大河道有間好似唔錯嘅日式便當😍。所以諗都冇諗就即刻買佢返屋企開餐😋睇完Menu，我哋叫咗兩個便當加一個章魚燒。我同老公先試左大阪白蔥章魚燒。佢個價錢都幾抵，$30就有八粒。而且每粒都脹卜卜，仲有好大舊章魚喺入邊😋。白蔥同章魚燒嘅味道好夾，完全帶出咗章魚嘅鮮味。非常好味👍🏻👍🏻👍🏻👍🏻👍🏻我食左個和牛雙拼弁當。呢個便當非常好味👍🏻和牛薯彈唔單止好大件，而且勁足料😋。咬落口外脆內軟。有好香濃嘅和牛味。非常好食。個飯好鮮味，仲見到入邊有好多蜆肉。👍🏻呢個真係超讚👍🏻老公試嘅係漢堡芝士弁當。呢個完全係充斥住芝士嘅便當。😋漢堡扒超大塊，煎到剛剛好，一啲都唔乾，而且有好濃郁嘅肉味👍🏻非常好食😋 再試埋個一口炸芝士。有超濃郁嘅芝士味。會忍唔住食完一粒又一粒。👍🏻你間餐廳啲嘢食都幾好味，全部都好有surprise。如果再過荃灣一定會再買來食👍🏻

難得今日放假，返咗成個星期工，我已經攰到完全唔想煮飯。所以決定落樓下買外賣。諗住搵吓有乜嘢食，又俾我見到一間叫迷日食堂嘅日式便當。睇一睇佢個Menu，個價錢都幾抵，而且選擇都好多。所以就決定試吓😋本身我諗住買兩個便當就算，但結果我買左勁多嘢返屋企🤣。等我遂樣介紹下🤤1)無肉主義弁當🍱。茹素嘅人最啱食，完全唔驚會食到肉。薯餅炸到啱啱好，而且非常乾身。入邊嘅餡料非常多，口感非常好😋白飯份量都算多。完全唔擔心會食唔飽👍🏻便當入邊仲有一嚿四色波波俾你做飯後甜品。呢樣嘢我覺得非常細心👍🏻2)漢堡芝士弁當🍱- 呢個便當好足料。入邊有漢堡扒同埋4舊一口炸芝士😋。漢堡扒有冇濃郁嘅牛肉味。而且大大塊，真係啖啖肉。非常美味❤️❤️❤️3)一口炸芝士-賣相超可愛，細細粒三角形。芝士炸到外脆內軟。咬開嘅時候仲做到拉絲嘅效果。真係好玩又好食🤤4)串燒🍡-外貌十足十日式燒團子🤣。味道鹹鹹地。口感就有少少似湯圓😋。其實都幾好味😋5)日式醬油年糕-味道有好香嘅醬油同米香味😋。而且燒到啱啱好。口感軟綿綿得黎仲有啲煙韌。非常好食👍🏻6) 芝士薯仔年糕- 外貌普通但味道好好。有好香濃嘅芝士薯仔味。咬開嘅時候芝士係多到會流岀來，超

今日去開荃灣大河道， 見到有一間專食日本便當同薯餅嘅小店。舖頭細細間，但顏色配搭得幾靚👍🏻。鍾意食薯餅俾我睇完Menu之後，即刻忍唔住要買佢嗰啲薯餅。首先是嘅係甘栗紫薯彈。第一次試用甘粟同紫薯整嘅薯彈。薯餅蓉係紫色嘅，而且包住一粒粒嘅甘栗係入邊。所以非常有咬口🤤成個薯餅都充斥住甘栗同紫薯嘅味道。非常好味。之後就食我最鍾意嘅咖喱薯彈。咖喱同薯仔永遠係Perfect match，薯餅有超香濃嘅咖喱味同有少少辣。非常惹味。再黎就係野菜薯彈🤤🤤🤤。呢個又係超好食。食材好新鮮同味道鮮美👍🏻跟住就係南瓜薯彈。呢個又係好少食到嘅，成個薯餅都充斥住南瓜嘅味道。非常清甜鮮味👍🏻炸豆腐魚餅。呢個又係第一次食，有好香嘅黃豆同魚嘅鮮味。而且魚餅非常彈牙。非常好食。跟住我有試個重頭戲爆汁肉彈漢堡。呢個真係不得之了。真係炸到外脆內軟，非常多汁。咬落去嘅時候肉汁流咗落麵包度，麵包索埋啲汁一齊食。真係非常滋味👍🏻最後就係秘製雞肉彈，呢個有surprise。雞肉嫩滑多汁，味道鹹香。真係好好食。我覺得呢間小店嘅嘢都幾好食，尤其是佢嘅薯彈。全部都味道超好，睇得出佢花心思去研製咁多口味出嚟👍🏻

我相信冇人可以抵擋到日式炸物嘅魔力，如果你都係炸物愛好者，誠意推介你哋嚟依間小店掃街，價錢大眾化食物質素又好，Let’s eat!🤪脆炸小池魚$22🐟🐟不得了嘅小池魚，食完一條又一條，完全停唔到手，尤其點埋蛋黃醬食就更加無敵🤩甘栗紫薯彈$16🍠🌰栗子同紫薯係好朋友，紫薯蓉又香又濃，仲有大大粒甘栗加持，口感滿分！炸豆腐魚餅$16◻️🐠魚餅就係要厚身先好食，外酥內軟，抵食之選🤑秘製雞肉彈$22🍗🍗雞肉用咗秘製醃料醃制，高溫油炸後鎖緊肉汁，一啲都唔會輸蝕外面嘅連鎖炸雞店👏🏼咖喱薯彈$14 🍛 野菜薯彈$14 🥬 南瓜薯彈$16🎃三塊薯彈都係我嘅最愛，同樣高質！油炸炸衣厚薄適中，包裹住幼滑嘅薯蓉，口感100分！我買完之後唔係即刻食，隔咗一陣都同樣keep到香脆，你就知佢犀利啦😍

朋友話荃灣鱟地坊有間粉紅色小店嘅便當同薯餅CP值高，每樣食物都新鮮熱辣。今日行過發現都有幾多人幫襯，所以我都唔輸蝕即刻叫咗兩個便當同埋薯餅😁嘢食果然係即叫即做，攞到返屋企仲係熱辣辣，加分！💯💯分別叫咗三個薯餅🥔🥔🥔-咖喱薯彈$14-咖喱味唔會搶咗薯仔本身嘅甜味，兩者配合得好好-野菜薯彈$14-有洋蔥、紅蘿蔔、西蘭花碎等等，唔鍾意食菜嘅小朋友都爭住嚟食☺️-南瓜薯彈$16-日本南瓜非常之甜，好creamy好出色當然唔少得便當🍱🍱-漢堡芝士弁當$63-和牛漢堡扒好有肉味，調味唔會過濃。炸芝士一口一粒，估唔到又幾適合配飯食-雙魚海鮮弁當$53-小朋友好鍾意食塊魚餅，而我就好欣賞啲炸魚仔，炸得好脆成條都可以食舖頭唔係開咗好耐，但都吸引咗好多人嚟食，相信大家同我一樣都好滿意佢哋食物嘅品質💕💕

離遠已經望到呢一間粉紅色嘅舖頭仔，原來佢哋係主打日式外賣同埋一啲輕食🇯🇵見到佢哋嘅必食招牌都幾吸引，老闆更加話佢哋嘅牛肉都係和牛，所以就order左兩個牛肉料理，試吓係咪真係咁堅🙈🙈！漢堡🐂芝士🧀弁當$63！依塊漢堡扒真係得喎！微微煎過嘅肉餅油脂滿滿，一啖肉配一啖飯真係幸福😍炸芝士都俾足貨，一份便當有四粒，非常芝味！便當仲有一粒小甜品，非常有誠意👏🏿！和牛🐂薯彈🥔漢堡🍔 套餐$46 ！另一個招牌係和牛薯彈，和牛喺薯餅入邊嘅存在感好明顯，超級足料！跟餐可以食埋北海道厚切薯條🍟，薯條係我最鍾意食嘅粗身薯條，同薯餅一樣都好重薯仔味，建議大家都要跟餐♥️♥️我哋三個人share以上嘅食物都十分之飽肚，價錢實惠，份量充足，味道出色，店員用心，超值得專登過嚟食‼️

又到3點3，係時候要Tea 1 tea😆Tea time點少得脆卜卜嘅炸嘢，見到個餐牌真係選擇困難症，咩都想食🤤🤤首先嗌咗個 和風蜆肉飯團$22 2個，裏面有蜆肉、枝豆、昆布等等嘅材料，健康又飽肚嘅選擇。🍙我哋自製左個小食拼盤，最突出嘅一定係 秘製雞肉彈$22，雞肉唔柴，炸皮好薄好香口，好快就掃清晒！之後有 炸豆腐魚餅$16 魚餅加咗豆腐所以好軟綿綿，喜歡💕最後帶咗三個薯餅，有甘栗紫薯彈$16、咖喱薯彈$14同野菜薯彈$14。薯餅炸得好乾身，金黃酥脆，咬落去完全唔會成口油，值得一讚！紫薯蓉好軟糯香甜，我薯蓉嘅薯仔味道好突出，睇嚟係用咗日本嘅薯仔打成🇯🇵經過荃灣，記住唔好錯過呢間粉紅色嘅小店，一定滿足到你嘅脾胃😎

荃灣大鴻輝附近近排多咗一間日式小店，舖頭裝修用咗粉紅色，好少女💖佢哋主要賣日式便當同埋即叫即炸嘅小食，便當價錢大概由$4x至$6x，有肉有魚有蔬菜，望落都幾豐盛。小食種類就更多，薯餅、小丸子、炸雞、年糕咩都有，鍾意食炸嘢嘅人一定可以揀到啱食嘅食物🌟我揀咗｛雙魚海鮮弁當$53｝，炸池魚食落好甘香，好適合佐酒食🍺另一個主菜係炸豆腐魚餅，魚餅超級彈牙，外脆內軟，一個便當可以食到呢兩款小食果然唔錯😍見佢係招牌小食，所以單點多咗一個{爆汁肉彈漢堡 $38}，招牌果然係招牌，炸過嘅牛肉餅非常多汁，食嘅時候要小心啲汁爆曬出嚟，真係好回味，可以一食再食嘅滋味小店

原來屋企樓下新開咁一間小小嘅外賣小店，主打日式便當同小食。餐牌有好多選擇，每樣野食都感覺幾好食，今次先叫咗兩個便當，埋單$100都唔使，價錢親民。🐟雙魚海鮮弁當$53🐟有一件豆腐魚餅同炸魚仔，炸魚仔好香口，豆腐魚餅真材實料，食到有淡淡嘅豆香味。便當嘅飯都幾有心思，有蜆肉同蔥粒，係帶有和風汁味道嘅飯。🥔無肉主義弁當$44🥔便當唔使有肉都可以好飽肚，呢個便當有兩塊炸薯餅同埋白飯，啱晒鍾意食澱粉嘅朋友😆薯餅係南瓜同埋咖喱味，南瓜蓉好香甜，而咖喱同薯蓉好夾，依個便當可以兩個人share，抵食！除咗便當之外，見到佢哋仲有好多小食，不過今次實在太飽，下次一於試埋佢哋嘅炸嘢先

鍾意掃街嘅人一定去過荃灣鱟地坊，喺地鐵站行大概10分鐘到就會到達🚶🏽🚶🏽‍♀️今日嚟到荃灣嘅「迷日食堂」，睇吓有咩新發現先👀👀店員積極推薦左我試吓以下嘅小食:🍙和風蜆肉飯團$22🍙$22有兩大件，抵食過平時出邊買飯團嘅舖頭好多，蜆肉份量都幾多，有鮮味🍠甘栗紫薯彈$16🍠見到有紫薯我一定唔會放過，好鍾意佢紫薯嘅甜味好天然，仲食到粒粒栗子，口感好好🐟炸豆腐魚餅$16🐟加咗豆腐嘅魚餅質地更柔軟，健康之選🍗秘製雞肉彈$22🍗呢份炸雞好友驚喜，用咗雞髀肉所以肉質滑嫩，簡單用咗胡椒鹽調味已經大到雞肉本身嘅鮮味🥔咖喱薯彈$14 野菜薯彈$14 南瓜薯彈$16🥔一次過叫咗3塊薯餅，每塊薯餅都即叫即炸，我最鍾意南瓜薯餅，甜甜的好想繼續食店員仲推介咗炸廣島蠔，不過今次一唔覺意叫得太多小食所以暫時放棄佢先🤣小店嘅炸嘢十分出色，下次會試埋店員嘅其他推介😋😋

放工唔想煮飯，咁啱見到荃灣鱟地坊開咗一間新嘅日式外賣便當店，食物款式同選擇都幾多，價錢亦都合理，一於試一試😋我嗌咗一個「廣島蠔魚餅弁當$58🦪🐟」，便當有兩大粒吉列炸蠔，炸漿唔會過厚，蠔肉仲keep到鮮嫩有汁。另一主角魚餅有厚度，帶有少少鮮甜嘅蔬菜味，幾好食👍🏻便當仲附有一件小甜品，食完便當再食埋粒甜品，就十分之滿足了☺️口㾗叫多咗一件「咖喱薯彈$14」，咖喱係日式咖喱嚟，所以唔會好辣，加埋滿滿嘅薯蓉一齊食，真係零舍夾！呢餐晚餐真係食到好飽，唔想煮飯不妨買呢間日式小店嘅便當同埋小食，一個人都一樣可以食得好開心🤩

放飯時間喺荃灣搵嘢食，見到依家啱啱開業冇耐嘅日式外賣食堂有十多款嘅便當，睇落都好似好吸引，所以就快快手叫咗兩個便當，睇吓可唔可以變成我哋之後嘅食晏首選😝漢堡芝士弁當$63漢堡扒有一隻手心咁大塊，表面煎得帶點焦香感，而且加入左洋蔥粒，令到成塊漢堡扒嘅味道都更有層次。便當入邊仲有四粒炸芝士，將啲炸芝士夾埋漢堡扒一齊食，自製芝心漢堡扒，同事見到都話我識識🤣🤣和牛雙拼弁當$63和牛雙拼有一塊炸牛肉彈同和牛薯餅，一次過可以滿足晒想食炸牛肉餅同薯餅嘅願望。呢盒便當嘅飯比較特別，用咗高湯去煮，仲有好多蜆肉，所以就咁食個飯已經好好食了😋依兩個牛嘅便當都好高質，我哋已經諗定下次食晏買咩食，期待呀！✨✨