迷客夏 (百寶利商業中心)

營業中

休息中

出咗去朋友公司吹水 傾到口淡淡 決定買番杯嘢飲云云眾多手搖店入面揀咗之前飲過珍珠奶茶幾好味嘅 #迷客夏 今次想飲芝士奶蓋 又唔想飲珍珠奶茶最後比我見到呢款聽落消暑 但唔解渴嘅草莓芝芝 😂 叫咗微糖🤤 呢個甜度對我來講啱啱好朋友們試咗都覺得好味道👍🏼決定下次試埋多芒芝芝 應該都唔會差😜

我訂自取6點45分拎但staff 4點已整完。。。。。我放工拎完去到上車先發現杯飲品凍。。。我明明叫熱，睇到label先知4點整。。。甘早整我就唔駛訂6點45分😑d野唔知會5會變壞

行街路過見到極多人圍住迷客夏，就望多左眼，原來除左有明星生日D活動之外，仲有新產品嘅優惠，忍唔住就點左杯試下，原來想試下yogurt，唔知點解落單果下自己講左做草莓芝芝，就將錯就錯啦。呢杯就係草莓芝芝（原價$39，試飲價$34，微糖，冰度固定），見宣傳話係用左歐洲嘅士多啤梨，我就唔太分得出，不過飲落係真嘅士多啤梨味，仲有少少茶香，而唔係藥水味。點左微糖感覺酸酸甜甜，都食到好多果肉，幾足料。至於面頭嘅芝士奶蓋，感覺都幾濃郁鹹香，想輕盈D可能就要叫yogurt啦。

不得不吹奏下, milksha雖然時不時推出新飲品，但以前都係鮮奶飲品居多，今次終於終於推出芋圓系列，飲完真係覺得無得輸🍡 雙Q芋圓內有芋泥和大小芋圓粒，配上椰汁，本來不是特別喜歡芋圓的我，都覺得好好飲，香滑椰汁加上帶有口感的芋圓粒，用料十分充實滿足，每一口都食到芋圓，而且芋圓中間又會食到芋頭粒，怪不得芋圓系列才新推出，每日都差不多會賣光光，令人下次都想Encore🧋飲完仲會好飽肚，完全係食咗半餐飯的感覺

平時喺旺角行街都會見到好多人喺呢度排隊，最近ig又成日出現，上網check完個地圖知道佢係良心小店之後，今次我都排埋一份。自從有疫情之後其實都有啲怕喺街度飲嘢，一來唔係咁快可以飲曬，二來嗰支飲管好似暴露係空氣中間有啲驚。不過其實大家都戴咗口罩應該冇事嘅今次飲咗一杯朋友話喺台灣飲完覺得超級經驗嘅大甲芋頭鮮奶。佢哋落嘅芋頭真係好多完全唔會覺得好孤寒，手工芋頭蓉有大有細，口感一流。飲上去覺得芋頭味好濃 , 口感好綿，同埋芋頭嘅甜味好出。呢款飲品嘅甜度係冇得揀嘅，我個人覺得比較甜，但係真係好鍾意芋頭蓉喺口裏面嗰種嘅口感，一定會返嚟再買！

芋泥鮮奶已經係世界級好飲加埋芋圓係宇宙級好飲💜🍠🥛﹣﹣﹣﹣﹣﹣﹣﹣﹣﹣﹣﹣﹣﹣﹣﹣▶手感芋圓芋泥鮮奶 $33近排係ig洗版式咁見到新出嘅手感芋圓系列勁吸引！去到舖頭都覺得多咗好多人排隊咁🤣一直同朋友吹奏佢哋嘅大甲芋頭鮮奶超鍾意飲！奶味同芋味都係特濃芋泥係軟綿+有嘢咬兩溝口感～呢杯我覺得冇本身嘅大甲芋頭鮮奶咁綿芋泥變咗粒粒狀 但就易吸好多～加埋芋圓真係宇宙級！！佢哋介紹話個芋圓用咗三年時間準備想講...我睇到個陣覺得好誇張🤣🤣🤣不過飲落又的確冇令人失望嘅🤪煙韌度 芋香味 固定甜度 全部都啱我口味連奶味都勁濃 但又同芋頭味好夾 唔膩！秒速飲晒想encore🥺如果有埋大杯裝揀就好luuu😆﹣﹣﹣﹣﹣﹣﹣﹣﹣﹣﹣﹣﹣﹣﹣﹣✐@milkshahk迷客夏旺角西洋菜南街1A-1K號百寶利商業中心地下12號舖銅鑼灣利園山道17號地舖荃灣大河道98號如心廣場商場二期1樓111號舖將軍澳康城路1號The LOHAS3樓303號舖

-{黃店💛芋圓芋泥茶飲🥤}期間限定系列出左3款sell手感芋圓嘅茶飲😍嗌左個勁多料嗰杯黎試😜🤤雙Q芋圓椰香雪露🤤 ($40)依杯極之多料！有西米 芋泥 芋圓 加椰奶 真係飲落都好飽下 芋圓入面咬到芋頭粒 做倒Q彈嘅口感🥰西米 都有咬口 芋泥都係大甲芋泥好香😋但驚椰香就飲翻鮮奶喇👀👀👖褲評: 9/10依杯已經榮升左去第一😍之前係大甲芋泥鮮奶😙40蚊一杯可能會覺得貴 但當係糖水一碗依個真係超足料兼飽肚😂當日午餐淨係食左個包加依杯野都覺得飽😎仲要好食喎🥰性價比: 8/10服務: 9/10環境: nil🚩Milksha迷客夏🚩地址:將軍澳康城路1號The LOHAS3樓303號舖荃灣大河道98號如心廣場二期1樓111號舖銅鑼灣利園山道17號地舖旺角西洋菜南街1A-1K號百寶利商業中心地下12號舖 #fuudjai #fuudjai黃店 #fuudjai茶飲 #fuudjai旺角 #fuudjai荃灣 #fuudjai銅鑼灣 #fuudjai將軍澳 #fuudjai甜品

-最近Milksha出左3款芋圓系列飲品🤩分別係雙Q芋圓椰香雪露、手感芋圓芋泥鮮奶 和 小紅豆芋圓椰香雪露～今次就試左其中一款😎-雙Q芋圓椰香雪露（$40）依杯真係好好飲(´∀｀*)用料豐富😎細細粒的芋圓，食落好煙韌👍🏻好有口感🥰椰香味好突出🥥杯底仲有好多芋泥和西米٩(๑❛ᴗ❛๑)۶飲完就好似食左甜品～真係好吸引！推薦(*'▽'*)芋圓控一定要試下✌🏻好耐未試過一次飲曬成杯飲品😋-Name🏠: 迷客夏 MilkshaLocation📌: 旺角西洋菜南街1A-1K號百寶利商業中心地下12號舖（港鐵旺角站 E2 出口, 步行約4分鐘）價錢💰: 雙Q芋圓椰香雪露（$40）

📍用上三年研發嘅新品‼️-- 迷客夏💛🍼==========================迷客夏係小編其中一間愛店，佢哋嘅芋泥鮮奶可以話係我心中數一數二嘅😝近排佢哋強勢推出芋圓系列，製作團隊更用上三年時間研發👍‼️可見非常用心！芋圓系列有三款飲品，分別係手感芋泥芋圓鮮奶、雙Q芋圓椰奶雪露同埋小紅豆芋圓椰奶雪露💖------------------------------⭐️雙Q芋圓椰奶雪露（$35）呢杯真係必試item‼️🥺💖材料非常豐富，包括芋圓、芋泥、黑糖西米、椰汁同鮮奶🤤椰汁同鮮奶完美融合，椰香味非常濃厚，牛奶香滑💖口感亦好豐富，先有綿密嘅芋泥，再有煙韌帶芋香嘅芋圓，芋圓入面仲有芋頭粒咖！😋之後再有粒粒嘅西米🙈好味到勁快就chur曬成杯😹------------------------------賣相：7/10味道：8.8/10性價比：8/10回頭度：8/10------------------------------

🍡芋圓迷福音😍 @milkshahk 最近出左全新限定芋圓系列！鍾愛芋圓既小妹立即進來了！😆 佢地用左3年時間準備呢個系列，當然要好好試下！..芋圓系列分別有3款：雙Q芋圓椰香雪露手感芋圓芋泥鮮奶小紅豆芋圓椰香雪露..我今次就點左第一款既雙Q芋圓椰香雪露，一飲落去，首先係一大啖既芋泥！omg好正😍 然後到清香既椰奶，再來啜一啖芋圓，細細粒，好煙韌，而且仲有點點西米呢！本身其實都怕會好甜，尤其係椰汁，不過我每次第一次試通常都會試原本既甜味，最多叫少冰，因為想知道最原先調製既效果係點，但無叫少甜既我，都覺得唔會太甜ok wor!! 所以都好滿意☺️ 不過就真係預會飽肚😆..下次試埋另外兩款先！🥰 鍾意芋圓芋泥既朋友唔好錯過啦！而家follow佢地ig仲可以優惠價飲芋圓系列呢

OH Yeah! 芋泥控芋圓控注意!Milksha籌備咗三年既自家製芋圓登場啦!推出三款期間限定飲品：雙Q芋圓椰香雪露(有芋泥)手感芋圓芋泥鮮奶小紅豆芋圓椰香雪露行街經過Milksha迷客夏，即刻買返杯我最愛既芋泥鮮奶加手感芋圓，自家製全天然芋圓咬落煙煙韌韌，入面有粒粒芋頭，好有口感，啖啖充滿香濃芋香!講返杯芋泥鮮奶～飲落綿密香滑，每啖都濃厚香醇～由台灣大甲出產嘅芋頭保持一貫出色水準，手工壓泥令到芋泥加芋粒好有層次感，絕對係我最愛既大甲芋頭鮮奶!

芋頭好香但偏甜，好彩個奶無落糖，不過淡味，但係其實好飽肚，應該用咗明治4.2掛?好快就沖完有得拎，不錯就腳之選味道: 7/10味精: 0/10價錢: 7/10環境: 7/10服務: 7/10

今次試用openrice 外賣自取叫milksha 🤩滿$40減$20，叫一杯多芝芒芒（$42） 變（$22）超抵，順便試下新推出嘅飲品！叫左外賣自取 岩岩好由地鐵站行到去門市就拎到飲品，節省不少等候時間同冇優惠添！🤣🤣🤩1️⃣多芝芒芒 $42Milksha的多芝芒芒 頂層個奶蓋偏鹹 夾埋個芒果沙冰同少少茶味 飲落超夾 好matchymatchy 💛👍🏻👍🏻超有芒果味 但第一啖永遠都係得奶蓋😂 要飲多幾啖先飲到芒果 🥭😋😋

未識呢間野之前成日覺得個feel好大陸，以為係藍點知黃店黎💛飲完嘅感受係點解發現得咁遲，好想日日對返杯🐖.🥤大甲芋頭鮮奶未試呢間之前，天仁嘅芋頭鮮奶一直係小編心目中嘅no.1🥇本身都抱住一個試伏嘅心態，點知超有驚喜，敢講好飲過天仁😭芋頭比得一啲都唔孤寒，每一啖都係一大pat，啱曬小編😝雖然甜度係固定，但味道適中，唔會太淡太甜.🥤芝麻紅豆鮮奶小編好鍾意芝麻糊同紅豆個種甜味，呢個組合啱曬，所以膽粗粗想試下😂芝麻味真係好重，所有野都配合得幾好但係就唔會有想飲多次嘅衝動，好矛盾🥴.🍽味道: 4/5‍👨🏼‍🍳服務: 3/5💧衛生: 3/5💰價錢: 3/5

呢排咁熱，一出街就好想買返杯台式野飲🤤 仲要係黃店，咁梗係要支持下啦！💛本來一心想嗌佢地嘅signature大甲芋頭鮮奶，但去到就比佢哋新出嘅草莓芝芝吸引住🍓決定試試佢！😋草莓芝芝（HK$36)佢呢隻系列可以揀乳酪或者奶蓋，我今次就抱住一試嘅心態試咗佢哋嘅奶蓋，點知飲落真係幾有驚喜！好多台式飲品店嘅奶蓋一係唔夠厚一係唔夠實，但Milksha嘅奶蓋味道充滿咸香味，飲落都幾濃郁，最重要係口感夠實，唔會好易散🤤 平時對奶蓋好高要求嘅我都覺得佢地嘅奶蓋做得唔錯，鍾意飲奶蓋嘅一定要試！呢杯係由鮮草莓果肉打成，見到店員真係落左好多粒士多啤梨，一路飲都食到好多個果肉，好足料！🤤飲落酸酸甜甜，有一種好清新嘅味道，一啲都唔會有藥水味🤣💯 誠心推薦！見到佢地同期都出芒果系列，下次試下先🤩🤩#大大力懲罰黃店💛 ⁣-⁣迷客夏 (旺角)📍旺角西洋菜南街1A-1K號百寶利商業中心地下12號舖抵食指數：😚😚😚😚/5 ⁣舔舔脷程度：😋😋😋😋😋/5