農耕記 湖南土菜 (好運中心)

營業中

休息中

假日來到食 大約等了一個多小時 之前喺內地都食過見到香港有分店，所以一試。點了幾個菜叫小辣也比較辣，可能是我們吃不慣。但是非常惹味，所以一定要點白飯食物的味道和和內地差不多，希望下次點參考可以快一點上檯。

見好運中心開左分店 裝修得又幾靚咁 咪試下食 土雞湯都OK 鹽多左d鮑魚肉炒辣椒 店內推介 點知辣椒完全冇辣味 肉片硬骨骨 又多油 呢個餸真係鹹到飛起試過就算 其它分店都唔使試喇冇下次…

晚飯時間要等位，但很快已經可以入座。服務員很好，每個都很有禮貌。叫了幾樣食物，都很快上菜。而且份量都很多。尤其米粉，看似好清淡，但味道很夠。下次會再試下其他餸菜。

食物，菜式，偏辣，偏油，但好夠鑊氣，白飯大碗，夠熱夠軟，辣椒，鮑魚，炒肉，top 1 名菜，首推。花茶，免費，好飲，好味，夠熱，但我廣東人食不慣，太辣，太辣了，食到咳。

不知所謂的公司5:34叫外賣，等咗2個小時做唔到生意就唔好做！錢收了又出唔到外賣！真係做唔到退錢可以，無謂浪費客人時間。2個小時煮乜都得啦！仲會有下次，唔駛指意！

檸茶夠香味道非常特別，小菜夠嘢味，十分好味道，辣度可選擇，大人小朋友都適合，其中最好食是蝴蝶魚及肥腸，味道甘香，服務態度也很好，上菜速度快， 絕對值得推介的一間餐廳

一行3人週日正午12點前入座，不用等位。可能仲未返晒工，入餐廳時無日式嘅歡迎儀式😄。餐廳唔係好大間，只有2人/4人枱，大概二十幾張枱，隔離枱5人都係加圓櫈坐走廊。成間餐廳嘅員工似乎都係外勞，聽倒佢地之間用普通話溝通。而且坐附近嗰幾枱都係移咗民嚟香港嘅家庭，感覺好似返咗大陸咁😄。講返啲嘢食。我地叫咗5樣。1) 招牌蝴蝶魚(少油、走辣，$98)份量都幾多，仲有啲紅蘿蔔薄岸同青瓜薄片一齊炒。但味道就無乜特別，好似屋企餸咁。成碟嘢好咗好多蒜頭炒，我自己就麻麻地。2) 鮮炒黃牛肉(少油、少辣，$138)用咗土豆絲(薯仔絲)炒，味道唔錯，但好油。牛肉嘅味道係似返大陸食火鍋嗰種肉味，不過有啲韌，而且好多牛肉都切到碎濕濕，好難夾。3) 魚湯滑豆腐($58)魚湯清清地，同豆腐應該係夾嘅。豆腐好滑，似百福豆腐，不過唔知點解豆腐好似係甜嘅。4) 香辣刁子魚($38)似上海菜嘅薰魚，但呢碟魚係辣嘅，而且亦無咁好味。魚嘅質地似硬咗嘅豆豉鯪魚，魚皮仲硬，唔啱口味。5) 老麵花卷($29)花卷好鬆軟，甜甜地，但我食唔倒麵粉味。整體質素麻麻地，但價錢確係比一般餐廳平少少，會再幫襯嘅，不過唔會好熱切咁囉。

今日已經是第二次踏入此餐廳，那次我同媽媽叫了糖醋酥肉和魚湯白豆腐，糖醋酥肉好惹味，但我特別喜歡他們的魚湯白豆腐。今次特地帶爸爸來試食，當然一定有魚湯白豆腐，還叫了招牌湖蝶魚，我們的是走辣，好好味，不消數分鐘已經食清了，來不及拍照😝而果木脆皮烤雞還可以，不太喜歡辣的我竟然喜歡他們放在烤雞旁的辣粉，好香但不太辣，真的可以為了他們的辣粉叫半隻雞來一試🥰順帶一提，他們的茶水好香，飲下一啖覺得很舒服。我們已經約定下次來試鄉里蒸扣肉。

下午6點鐘在GuLu 攞咗飛，半小時後到門口，不用等10分鐘就可以就座。太幸福了。雖然湖南菜有辛辣，但有很多菜式可以選不辣，老幼皆宜。兩個人點了如下菜式：。招牌湖蝶魚 （爽）。乾鍋酸菜肥腸 （可以少油，好食）。果木脆皮烤雞 （可以半隻或全隻，卜卜脆）。鹹蛋黃燒賣 （yummy 😋）。香水檸檬茶 1 L （好大杯，開心又滿足）

酸菜魚$158：無酸味，正常辣無辣味（平時譚仔食開10少辣），魚有骨。真係未食過咁難食既酸菜魚呀！太二，楊記好過佢好多鮮炒黃牛肉$138：份量少，牛肉碎濕濕，已經叫少油，但好似油浸咁。總結：唔會有下次

味道比國內差，有店員只會説普通話！食物大力放在桌面，另外，食飯途中兩次叫我們起身要拿東西。整體感覺不好！叫了小炒肉和油豆腐，小炒肉還可以，但油豆腐沒有風味，下次不會再光顧！

第一次黎到好運中心的農耕記…服務態度不錯..食物夠辣上菜快..就是冷氣不夠涷…裝修不錯.會派氣球給小朋友…等候時間都不會怕小朋友不耐煩餐廳放著農村歌.雖然聽唔明但好有在農村的感覺

等位等咗差唔多一個鍾 但慳咗返上大陸過關嘅時間 都值嘅 之前喺尖沙咀都有見過佢嘅分店 已經好想試一試 可惜等候時間太長 最後放棄咗 沙田這個位置就更加適合沙田友 等待時候可以去附近商場行

星期六，下午五點幾已經差不多坐滿咗，見新開試吓。安排佐坐卡位，之後用QR code落單，過咗一陣就嚟咗一碟酸甜豬柳，我哋叫仲咗絲瓜，但嚟咗碟炒蛋，見到碟絲瓜去咗後邊張枱，告知店員之後，店員拿走佐炒蛋，繼續無黎個絲瓜，一直都未嚟，到差不多食完，就跟店員說取消，店員卻馬上入去叫廚房整，然後出來同我哋講而家整緊，我哋話唔要，佢就話廚房而家整，咁無奈接受…但再坐咗一陣，佢都仲未嚟，再叫個甜品，食完都冇嚟到，個絲瓜又係去咗其他枱。個店員又再走過來，她說啲菜上齊了，同佢講嗰絲瓜都係冇嚟，我們不要啦，你不要整，佢面露不悅行走佐。見到其他都有催食物，話啲食物冇嚟到，見佢好多人喺度做嘢，但安排很混亂，d菜亂咁派，所以好多台等極都無黎。講返食物，叫了個土雞$158，覺得雞的質素就一般，味道只係香濃辣味，和大陸啲土雞不一樣。叫了個燒賣，原來入邊係糯米飯加蛋黃，有啲怪，因為好似一隻糭，但又冇咁好食。然後叫了個桂花冰粉，個冰粉都係無內地食過冰粉咁好食，無桂花香，而且配料少得可憐，就收$32。最後食了$322兩個人總括而言，試一次就算。

菜式挺美味的，很好吃。服務態度也很好，挺喜歡這種菜式的。很有家鄉菜的風味，湖南士菜很好吃。小孩喜歡吃炒黃牛肉，蒜蓉蝦仁也不錯，酸菜魚的味道比之前的更好吃。推薦大家去試試