56
2
3
港鐵佐敦站 A 出口, 步行約2分鐘 繼續閱讀
所有分店 (6)
電話號碼
36130790
營業時間
今日營業
11:00 - 15:00
17:00 - 21:30
星期一至日
11:00 - 15:00
17:00 - 21:30
付款方式
Visa Master AlipayHK 支付寶 現金 八達通 微信支付
其他資料
網上訂座
電話訂座
賞訂座積分
以上資料只供參考, 請與餐廳確認詳情
有關獎賞計劃
食評 (70)
等級4 2024-04-13
1514 瀏覽
前排北上返深圳玩果陣,都成日見到呢間農耕記嘅廣告,果陣已經心思思想試下正宗嘅湖南土菜,可惜未有機會!估唔到而家唔洗特登北上,留喺香港都已經可以食到啦!而家仲有一年只賣45日嘅春鮮土菜季,忍唔住叫咗幾道春天時令菜品來食下~雪豆酸菜肉沫💰HK$78雪豆同一般嘅青豆口感有啲唔同,加埋惹味的酸菜同肉沫一齊炒,令雪豆嘅味道昇華咗去一個更高嘅層次,用來撈飯一流~小筍炒臘肉💰HK$138嫩綠色嘅鮮筍口感爽脆,臘肉又超肥美,一齊炒令到鮮筍帶有臘肉嘅咸香,用來撈飯一流~香椿炒雞蛋💰HK$78香椿菜係喺香港極為少見嘅一種青菜,上網一查原來係香椿樹喺春天發出嘅嫩芽,而香椿係有一種特殊嘅香味,同雞蛋炒埋一齊,味道香辣鮮美,具有滋補的功效~泰國茉莉米飯(1碗)💰HK$12粒粒分明,食啲咁惹味嘅餸,梗係要叫返碗飯啦~糍粑油條💰HK$39口感軟糯嘅糍粑夾咗喺酥脆嘅油條中間,外脆內軟,上面仲有啲黑芝麻碎碎,整體感覺唔會好油膩,而且味道又唔會太甜,味道非常之驚艷~1L 招牌檸檬茶(1杯)💰HK$26超級大杯,味道清新,食完辣野最啱整返杯來解辣解膩~另外,店內座位亦好闊落舒適,而且店員熱情招待,服務態度好好,值得一讚👍🏻~ 繼續閱讀
(以上食評乃用戶個人意見 , 並不代表OpenRice之觀點。)
等級4 2024-04-10
1011 瀏覽
前排班港漂同事好興奮,話佢哋最愛嘅內地知名連鎖湖南農家菜餐廳「農耕記」黎香港開分店,終於可以好方便咁解決思鄉病咁話喎!見佢哋咁吹捧呢間餐廳,一於帶鍾意試新嘢嘅女朋友去試下佐敦分店啦!餐廳好近佐敦地鐵站A出口,交通方便。另外,餐廳裝修好有特色,而且環境闊落舒服。一坐低店員就好殷勤咁招待我地,仲特別同我地介紹話餐廳最近推出左幾款特色春季時令農家菜品。正所謂不時不食,難得撞啱季節,咁就梗係要試下啦!「小筍炒臘肉」:呢度嘅臘肉好肥美,配合嫩綠嘅小筍一齊食,口感真係一流!「香椿炒蛋」:香椿芽有一種獨特嘅香氣。據講香椿除左健脾祛濕,仲可以殺菌除痢,提高人體免疫力。更重要嘅,係佢同炒蛋好夾,令蛋香昇華左!「雪豆酸菜肉沫」:啲雪豆好甜,而且口感係軟糯嘅,配合肉香十足嘅肉沫一齊食,絕對係非常下飯嘅。「糍粑油條」:賣相吸引,口感外脆內軟!值得一讚係唔會太油或者太甜,啱啱好呀!「手打檸檬茶」:好大杯好滿足,味道不錯,解辣一流!臨走前見到原來餐廳開幕嘅時候視帝陳山聰都黎過! 繼續閱讀
(以上食評乃用戶個人意見 , 並不代表OpenRice之觀點。)
等級3 2024-07-12
23 瀏覽
Dinner at Nongenji Hunan Cuisine Jordan road, a chains restaurant from China serving Hunan cuisine, I remember I first saw this name back in Vancouver- Richmond Canada a few years ago but didn’t have a chance yo try. Most of the dishes are stir fried with different levels of spiciness , and some like the veggies we choose no spicy at all. The high light of course is the Sliced Fish fillet in the chinese spicy sauerkraut soup. And my fragrant Iced lemon tea of 1L only cost me HKD38! To my surprise, the head server with quite an attitude!天使大叔的飲食誌 於佐敦道一間來自內地嘅連鎖餐廳農耕記初嚐湖南士菜,其實幾年前住係加拿大卑詩省烈治文已經見過但未有機會試!菜牌有唔少小炒類嘅選擇,仲可以揀喜歡嘅辣度,好啱餸飯,其中炒椰菜花及油豆腐拆骨肉,雖無加辣都好好味。酸菜魚中都有唔少嘅鱸魚片。唯一要改善嘅係一位好似係主管嘅女仕,態度好有商確餘地 ! 繼續閱讀
(以上食評乃用戶個人意見 , 並不代表OpenRice之觀點。)
等級2 2024-07-07
22 瀏覽
我哋三個人之前喺黃大仙嗰間分店食咗酸菜魚,辣椒炒肉,酸辣雞雜等都好好味,唔會太鹹或者太辣。諗住今次嗌啲新嘅餸試吓,點知喺呢間分店嗌咗四個餸,全部都炒車,本身仲諗住再嗌小食⋯食完主菜之後覺得冇呢個必要,唔知點解嗰個廚師煮餸可以唔均勻又好鹹,有啲無味有啲係全部都係鹽味,就算想個客嗌飯都唔係咁炒法分別嗌咗呢個豆腐湯,大蒜炒臘肉,茶樹油炒雞,招牌嘅蝴蝶魚係得杯檸檬茶正常建議想食返好食嘅湘菜,都係去返黃大仙嗰間分店。首先講喺呢個湯先,佢講係湯底其實得汁水唔係真正嘅湯,雖然豆腐好滑,但係佢嘅胡椒調味都好重,係飲唔到個湯。另外嗰個蝴蝶魚係招牌其實幾期待嘅,但係個調味又係好奇怪,鹹得嚟又好唔均勻,有啲冇味有啲就超鹹,雖然食落好爽口,但係招牌到呢個水平好失望。幾個餸裏面其實呢個算正常,因為煙熏味嘅臘肉係好開胃,但係個臘肉係超級肥同埋厚,係好少瘦肉位,正常咁肥應該切得好薄先啱,搞到都唔會真係食到幾多,同埋始終都係偏鹹,食完一嚿要食好多飯或者飲好多檸檬茶先得。第一次食炒雞係雞雜多個隻雞,而且雞嘅份量半隻同三份一都冇,可能得¼囉,而且雞肉嘅份量不但只少而且細粒冇乜肉咁滯,真心唔建議嗌,而且我哋堂食係三個人都比咁少⋯ 繼續閱讀
(以上食評乃用戶個人意見 , 並不代表OpenRice之觀點。)
閒日來到試他們的午市套餐,餐廳人客不算多,只有4台,主食點了一碗香,等了20分鐘, 係好味嘅,可惜隨餐附送的炒菜,吃到底發現鐵綫了…有點敗筆,希望貴餐廳廚房注意食品安全! 繼續閱讀
(以上食評乃用戶個人意見 , 並不代表OpenRice之觀點。)