農米莊 (厚福街)

營業中

休息中

去開尖沙咀睇完戲，一心諗住搵米線食，就見到一間好特別嘅米線鋪，居然唔係我平時食開嘅雲南米線，係主打雞湯米線…呢間舖頭好特別啲款式多到我都唔知食咩好？有辣有唔辣又有健康，老闆都好滿足到唔同需要嘅人，我諗有選擇困難症嘅我揀咗好耐耐到我對面嗰個食完我都仲未揀到，終於有個店員過嚟推介我，不如試吓我哋嗰個酸菜魚米線吖…話好多人食！我即刻就話唔該你呀我唔使諗喇⋯完全冇諗過酸菜魚配米線都OK喎！但係啲款式真係好多，下次再嚟食又要再諗..不過真係冇介紹錯又幾好食！最估唔到我喺繁忙時間諗咗咁耐啲店員都冇鬧我值得一讚

平時嚟農米莊一定係食芫荽雞湯米線或者椰子雞湯米線，今日見到有酸菜魚米線，可能係新出品？唔知試唔試好？睇吓隔籬枱有冇人叫先？😂如果個樣對路先諗住叫嚟試吓，不過酸菜魚我都鍾意食，諗咗好耐….最終都決定挑戰下，睇吓龍與鳳…所以就叫咗你試吓…都驚有啲冒險😂因為農米莊係主打食雞湯米線，好似同魚湯有少少格格不入，點知有幾好食喎…有驚喜！同我平時食嘅酸菜魚冇乜分別一樣係咁正😋完全唔腥啲魚仲要無骨，啖啖肉…仲好有正宗北方味道，但係估唔到同米線又幾夾！最估唔到酸辣湯我都飲晒…😂

原本今日同啲米線粉絲朋友去食雲南米線，仲諗住食勁辣嗰隻，點知我哋其中有個朋友話喉嚨唔舒服，所以我哋全部就晒佢，唯有食其他嘢，但又好想食米線….無意中見到間主打健康米線嘅米線店，入邊做有辣同唔辣任君選擇，我哋幾個揀咗麻辣同好特別嘅黃椒米線，唔舒服個朋友就揀咗個清清哋嘅椰子雞湯米線，個麻辣雞湯米線就普普通通唔，冇乜驚喜…..但係個黃椒出邊可能好少有，就有意想不到嘅味道，好香同有食指天椒嘅感覺，下次可以再N call…但係冇諗過我朋友食嗰個椰子雞湯米線，雖然清清地、有椰子同雞湯米線嘅香味，又冇諗過有幾好食喎！

本身食開旺角個間，尖沙咀呢間真心劣評！員工落單服務態度差都算，叫自選三餸，碗野生菜送埋隻大大隻嘅烏蠅，好啦，換左第二碗，再送隻蚊，真係吐都吐唔切🙃史上最差嘅米線舖，嬲到即走，諗返起都想嘔。

雞湯沒雞湯味，只是黑色的水冬菇沈完沒有把水完全擠出，有些帶有酸味墨魚丸中間是冷的雞有雪藏味墨魚丸和冬菇每款加了8元，加上原本的47，整碗65，吃了一半都沒有就離開了，還說什麼連湯都可以喝完的米線，騙誰。

來這餐廳只想吃碗米線便去開工，餐廳侍應誠意地向我推介蔥油豬扒飯，本來不想吃的，因為蔥油給人的感覺是很油膩，但見侍應態度誠懇又有禮貌，所以即本試試當侍應送上這碟蔥油豬扒飯時竟然出乎我意料，首先陣陣的青蔥香味從鋪滿大大粒青蔥的豬扒上傳來，蔥香撲鼻, 配上juicy的豬扒，味道恰到好處我是一個沒有飯癮的小女人，竟然會吃到一口都沒剩，還一連吃了四天，介紹給同事，他們也讚不絕口

呢間野嘅米線係唔錯，但係個飯真係好差…見到個飯勁無奈，完全唔係呢個價錢應該有嘅。又貴又唔好食，香菇豬軟骨個餸嚟到已經凍哂，好似煮完攤喺度好耐咁，連加熱都懶得加熱一下。得個法例啱啱畢出嚟。但係仲要等咗好耐先有，以為佢煮緊點知出到嚟嗰嘢係凍嘅。10分失望…加錢個飯加底，如圖所示個份量就係個飯加咗底嘅份量。。依然係極少，完全都唔夠食。啲野又凍。同個侍應講話，係咪已經加咗底，佢話係，咁嗰陣正份量本來應該有幾少..

一直標榜一碗連湯都可以飲曬嘅米線，果然犀利…每次去親尖沙咀都會去嘅「農米莊」，今日同朋友行開尖沙咀見到新出「酸菜魚雞湯米線」，作為忠實擁躉嘅我一定要試下喇….仲有叫咗幾款小食❤️爆芝松露墨魚餅⭐️⭐️⭐️⭐️⭐️🧡爆芝松露燒大菇⭐️⭐️⭐️⭐️⭐️💛鹽燒豬頸肉⭐️⭐️⭐️⭐️⭐️💚三文魚鰭⭐️⭐️⭐️⭐️⭐️💙黃金皮蛋⭐️⭐️⭐️⭐️⭐️

⋆⁺₊⋆.農米莊..椰子雞湯米線/ $46 / 🥨🥨🥨🥨 /椰子雞湯呢個組合真係比較少見～除咗雞煲之外😹成個湯底唔會話好油！幾清淡～但係又有好香嘅椰子味( ˃᷄˶˶̫˶˂᷅ )入面仲有腐皮雲耳～估唔到米線都可以飲到無味精嘅湯ㅠ.［滿分5個🥨］...⌫ 農米莊 (厚福街) (尖沙咀)尖沙咀厚福街2號地舖.#尖沙咀咔嚓

約咗朋友係尖沙咀食飯問佢食咩好？佢話不如食米線我就即刻同佢推介農米莊😂今次係第三次去啦🤤本人係米線控，最近幾個月新歡係農米莊，去親尖沙咀都想食😂🙈有好多唔同嘅米線湯底可以選擇，想食飽啲都可以叫飯，有平有貴啱晒同朋友食呀

每次經過尖沙嘴厚福街，都幾乎會幫襯佢，事關佢養生之餘又好味！最適合我呢個鍾意養生既姑娘。之前次次去都係食佢個招牌藥膳米線，今次就黎試下呢個好茜既米線啦！雖然綠色湯底有少少恐怖，但係其實味道都幾正常，鹹鹹地，芫荽味唔算十分重，唔會太難入口。雞肉係米線既精髓，雞皮爽爽地，雞肉就超級嫩滑細膩，好好味！米線十分符合人人口味，好滑好甜，個人最喜歡呢種質地米線🤣不過其實個人覺得招牌藥膳個味道更出色，但係呢個都不妨一試既！

今晚差唔多十點鐘同friend行開尖沙咀要找餐廳，去到厚福街見到農米莊仲有開，閒日開到咁夜都係唔錯啦。之前都有聽過農米莊的湯飯、湯米做得唔錯，今次試試它的黑蒜雞湯米，朋友則試它的芫茜雞湯米。湯底是夠味，雞肉亦比足。食完有點口乾但店內宣傳品好似話是無味精的～ 整體是不錯，另外看到小食好似都好多選擇，但今日不是很餓沒有試到。

🇭🇰農米莊·懷舊藥膳雞湯米線$46呢間我上次已經食過架啦 我覺得佢個椰子雞湯好清甜 好好味 所以今次就再黎啦😎😎今次呢個藥膳雞湯藥材味就有D太重啦 食落有少少苦澀味 我自己無咁中意😭😭🤭不過佢D雞件都係咁滑既 佢既冬菇索晒湯都好好味 而且佢面頭既芫荽好多好正😈··📍尖沙咀厚福街2號地舖📍旺角豉油街68號地舖📍太子通菜街154號地舖

👉 懷舊藥膳雞湯薯粉🍜($62)食落去好似真係藥膳湯咁好養生😎，不過個薯粉漿成咗一嚿囉仲要偏硬😔👉 椰子雞湯米線🍜($58)幾香嘅椰子味，不過米線煮過頭好淋，值得一提雞肉都滑的👉 黑金雞翼🧄($28三隻）呢個真係唔推薦大家食，有酸酸哋嘅味道，好奇怪🥶

🍽農米莊 (厚福街) (尖沙咀)📍尖沙咀厚福街2號地舖.藥膳雞湯米線 $48椰子雞湯米線 $48.曾經有段時間厚福街全部都係甜品舖，食完飯一定會過去。而家就開咗好多熟食舖頭啦。但係嗰日放工遲咗過去，好多舖頭都閂10點。幾乎剩係得一兩間，所以就入咗農米莊。.因為係連鎖店，好小事。原來個藥膳湯都幾出色，當歸味好重。仲有牛先生唔食嘅杞子全部比我食晒哈哈。不過米線質地略嫌偏淋。雞肉方面都好滑，我嗰碗就幾乎係雞髀位置，超滿足。.