辣蟹莊 (已搬遷) 新店位置

之前抱住覓食心態，搵到e間樓上蒸氣煱。之後每個月都keep住嚟一次。嚟之前一定要book，而家生意太好，好難搵位。$188/位+加一，而家e個價嘅蒸氣煱好難有，而且每個人包半隻新鮮龍蝦，兩隻新鮮鮑魚，新鮮白貝，新鮮珍珠貝，新鮮蜆，兩隻蝦，安格斯牛粒，冬瓜南瓜拼盆，手打豬肉丸，點心拼盆（馬拉糕，素餃，珍珠雞）。超飽set!識食嘅一定要加$60 南瓜排骨粥！！海鮮嘅肉汁滴去粥度，d粥簡直係極品，但記得食蒸氣食得慢dd，唔係d粥會煲得唔夠綿。我第一次食得太快，就變左潮州粥豉油自己去bar 枱調配。但一開初真係唔識用個爐，要店員幫手龍蝦雖然每人半隻，但絕不馬虎，上台仲係郁郁下海鮮冇得彈鮮鮑一睇就知新鮮（起碼5隻識郁）安格斯牛肉粒，牛味同肉質都唔錯，但唔好蒸太耐。 瓜拼盆可以中和下油膩。馬拉糕同素餃都唔錯。肉丸，珍珠雞相比起嚟有d失色，味道有待加強。最後，仲有糖水送，之前食都係紅豆沙，唔知會唔會轉，但佢係送完即止。

11:15am到食店，一入去坐好，不停叫人執抬都叫左20分鐘，店內的人手不足，疑似的老闆都唔落手執枱，只係講：得！好快！！食客的我真係好想走！大哥！唔執枱點樣叫野食呀！

見有蒸氣鍋優惠，一於同朋友去試試。＄188一位，都幾多嘢食，但粥底要另外加錢。海鮮新鮮，乾淨。鮑魚同蝦上檯仲識郁。海鮮滿意，之後有啲飽肚嘢。當然唔少得藍妹，仲有幾款牌子生啤可以揀。酒樓似係新裝修，晚市人唔多，可慢慢坐。

今日係我既生死之交畢業啦🎉🎉🎉觀塘區酒樓非辣蟹莊莫屬，平、靚、正🙌🏻🙌🏻環境一流，最重要有鑊氣，很少酒樓有這樣的水準😉😉真心推介紫菜勝瓜水煮蜆，清而不淡😋

今次一行十人，整間房靜靜地，又有電視又有空間，仲可以打麻雀。原本想打邊爐，嗌左個煲又改變主，食完恰菜就嗌肉，連班揀入摘食既小朋友都無擰頭，最好食都係甜骨，又唔太甜，仲有芝麻，夠香口。紫菜煮蛻真係首次食😉😉正到無朋友，避風塘雞翼辣度恰好，微辣得來也香口

星期日中午竟然有位👍🏻👍🏻一行6人食炒麵食點心，炸物先上，再到蒸點，之後就炒物，所有食物上檯都係熱架😋😋椒鹽豆腐堅好食，連我這個食肉獸也忍不住多吃幾件✌🏻️✌🏻️

呢間嘢，食物一般，經理服務態度極差！事原於一碟流沙黃金蝦球，蝦球好普通，無咩特別，食到中間沙律酸臭味，即時叫侍應換過杯啦，換過杯都係酸，叫經理啦，佢就話，坏就算啦，拎走杯沙律，跟住就走咗，無交待，無解釋！我就再叫侍應啦，問杯沙律點樣，佢就走去問經理啦，經理只交待侍應過來講，"杯沙律係配菜，可有可無，碟菜主要係蝦球無問題。"上菜侍應態度還好，但個男經理實在太差了！我第一次見酒樓有咁樣嘅服務態度，眼都突埋！服務態度差，食物坏！唔會再有下次！

新裝修的酒樓，有露台讓朋友們呼吸新鮮空氣，食物有水準，樣樣悉心泡制，店員服務又好，最重要係好味，上檯既食物係熱的，推介酸味涼瓜，本身唔食涼瓜既我，試左原來唔差，甜酸苦味樣樣食，炸蝦也是很好，食物擺設又美觀

服務態度是超級差.......今日去飲茶，覺得蝦餃變左味，向經理投訴，個經理走來把籠蝦餃拿走，一句說話都沒有說。我問一個著灰色衫的女公關，是否取消該點心，她竟然說，蝦餃沒有問題，是我們的口有問題，不關酒樓事。對客人這樣子說話，一點尊重都沒有。這樣子的酒樓如何做到生意，是否應該改善一下服務的態度，否則，很難生存，連累公司。

事缘經朋友介绍海鮮蒸鍋，周五晚訂位試菜，去到酒樓—位穿黑色制服的服務員，說由於我們未有準時到來，已把枱買給人家了，我質問自己留下聯絡電話，為何不致電直接問我，其實只遲來了約十五分鈡，個人估計是根本其沒有留意有人已訂位，沒有留枱的意識，結果我到了就找藉口推説我遲來。本來問題不在有無位，而是那位服務員態度，只叫我食小菜，小菜就有枱安排，我解釋來的目的只是試海鮮蒸鍋，對方就無打算解決問題，就不再理啋我們，完全不是—個專業的應有態度，相信即使再好的美食，經這樣的不專業的人來掌握樓面位置，再好的廚房，也被這一些人毀掉，結果不會有客回頭，食肆現在已經難做，投資人請看管好你們的服務員工，永遠服務是前線，高層管理不善，最終結業收場。

同同事飲茶，佢地話附近開左間新辣蟹莊，環境比之前食開既舊鋪好，但食物質素比下去。點左酸辣木耳，辣度唔係好夠，酸味就有，普通啦蝦餃：皮偏厚，蝦大大隻，但蝦味都冇乜排骨：正常口味，肉幾嫩 多汁都ok牛肉腸粉：牛味唔出，腸粉皮偏厚，普普通通炒飯：呢碟唔錯，炒得幾入味香口同唔油

    好耐無同家姊聚舊了, ( 大家都工作忙吧 )家姊住藍田, 她聽同事講有間新開食店在觀塘俊業街這邊,D點心幾特別, (於事就吓家姊試吓)     下午茶時間唔使等位,入座後覺得環境唔錯,外間有个大花園露台有餐檯嘅(啱我叻Ｄ吸煙人事)但今日有家姐在要扮乖仔(為有座入便)     Ｄ點心新派嘢都幾特式, 核桃包,鳳梨南瓜棵, 脆皮海皇腸粉, 鵝肝醬豬仔咸水角, 韓式泡菜餃, 兩个人食咗六樣嘢, 埋單百二有找,原來"新張"有九折(花園露台重免茶錢加一)    下次一定要帶埋老婆黎再食果个核桃包同鵝肝醬豬仔咸水角,核桃包賣相特別包皮夠鬆內餡有Ｄ粗粒嘅碎核桃又不太甜"正",而豬仔咸水角外形真可愛,我唸我老婆見到都一定鍾意,埋單出咗門口見到佢Ｄ宣傳海報,原來這餐廳晚上除咗"避風塘蟹"食,重有"蒸氣石鍋"特價龍蝦法國石蠔食,正有多个好去處