辣媽酸菜魚麵 (元朗安寧路)

營業中

休息中

喺公司見到有外賣單張派過黎， 就諗住試下啦！ 打電話過去，個阿姐話唔識路送外賣， 其實都係六分鐘路程，直行轉咗就到， 我好有耐性同好有心機教個阿姐點行過嚟， 但我每講一句，個阿姐都係話唔識唔識同唔識， 叫我自己過去拎， 我自己過到去拎我唔使嗌外賣啦！根本佢都唔想送！ 簡單嚟講就係，貴公司生意差想做埋外賣， 但貴公司啲員工根本就趕客！

1. **酸菜魚：** 湯底金黃酸鮮，開胃度滿分！酸菜脆爽夠味，是靈魂所在。魚片雪白，量足且滑嫩無刺，入口即化，吸收了湯汁精華。熱辣酸香交融，配飯一絕，是暖胃過癮的必點菜。2. **湖南小炒肉：** 鍋氣十足！五花肉片煸炒得焦香微卷，肥而不膩。螺絲椒（或類似青椒）新鮮爽脆，辣度直接過癮，帶著湘菜標誌性的咸香鮮辣。豆豉和蒜片提香，醬汁濃郁下飯，是地道惹味的湘式代表。3. **巨無霸手打檸檬茶：** 視覺震撼！超大杯量，名副其實的“巨無霸”。檸檬經充分捶打，果肉纖維與汁水迸發，酸香撲鼻。茶底醇厚，甜酸比例剛好，冰爽沁心，解辣消暑神器。手打帶來的濃郁風味和滿足感，是整頓飯的完美收尾。**總結：** 三道菜一飲，酸、辣、爽俱全。酸菜魚醇厚，小炒肉火辣，檸檬茶冰爽巨量，組合起來層次豐富，吃得酣暢淋灕，性價比與風味俱佳。

食極都唔厭既酸菜魚飯我食開都會轉左加錢食鱸魚鱸魚就無骨魚肉相比之下滑啲🤤🤤對於我呢啲食唔到辣嘅人講一般都會走辣但係佢嘅酸菜底都OK勁多魚片份量又足夠配埋啲飯一齊食勁正😍😍

相約咗嗜辣友去元朗，咁就梗係食辣嘢啦，孜然羊肉串，用牙籤將肉串起一小塊～有啲比較零碎，滿滿辣椒乾香氣撲鼻，因為羊肉有炸過，令肉質變得乾柴，所以只食味道，唔好期望個口感。夫妻肺片好味，調味唔會好鹹，辣度適中，標準可以空口食嘅小食。水煮鱸魚麵香香辣辣，魚又夠滑，鍾意佢個青只有蔥無芫荽，我唔使撩番出嚟，麵質都唔錯，好味。

今日喺元朗行完山，落番市中心己經三點幾，見到呢間四川餐廳客人唔多，加上又想食酸菜魚，呢度仲有水煮魚，酸菜肥牛肥腸等其他食物選擇呢間餐廳環境昏暗左少少，衛生同職員態度都尚算可以，呢度全部用QR Code落單，今次揀左酸菜魚米線$66,另外加杯凍檸茶$9，酸菜魚片食落啖啖魚肉冇骨易入口，魚肉味幾好，魚片數目都唔少，鹹酸菜切粒都夠鹹味，加上個湯底幾濃配埋麵一切食唔錯整體都算ok,下次再食可以試下其他食物或套餐

在香港吃酸菜魚的通病是魚肉份量少，暫時未找到一間餐廳的魚肉可以吃個夠🤣我們兩人點了晚市二人套餐 $278，整體味道調味不錯二人套餐 $278酸菜魚+手撕包菜+檸檬茶酸菜魚湯底咸淡適中，加入了很多酸菜，十分開胃；魚肉嫩滑無刺，另外我們額外加了 $10紅薯粉的增量，紅薯粉比較幼身因此也更容易入味，個人更喜歡粉絲基本配置的蔬菜比較少，基本上只有酸菜，如果有萵筍豆芽等會更好檸檬茶不需要點少甜，茶味偏重且冰多 （儘管已經點了少冰）

🍜酸菜鱸魚米線 $72鱸魚魚肉鮮嫩無骨份量多又大片 未能嚐太辣的我選擇了BB辣 也相當惹味 湯底酸味突出 米線煙韌爽口 份量十足 除了米線之外 還有薯粉可選🍜藥膳養生雞米線 $62藥膳湯底藥材味濃且帶甘 雞件肉質嫩滑 份量十足🥬豬油渣炒菜心 $72豬油炒菜相當美味 每一條菜都被豬油包裹著惟菜心炒得太稔身 過了火喉

每次去食，個服務員唔係抹冷氣就抹呢樣個樣，抹啲唔正常既野！第一次我食緊 問我介唔介意抹我頭頂部冷氣，痴線😀我話等我食完先抹，唔好搞到我碗面有塵！ 真係離譜，用個腦諗都諗到 有客人係到 就唔好抹佢頭頂既冷氣機啦！第二次食佢係到抹我張枱既隔離板，拎唔稳 撞跌成杯水，搞到我上衣+褲都濕晒！其實係咪應該等個客走左先做呢啲野？然後我話碗面倒曬有水 污糟左唔會要，佢好驚訝話我點解唔要😀真心有病！仲叫個同事黎 話我唔要，想逼我要！一點歉意都冇！

I am from GuangXi Always eat 螺螄粉 during childhood Want to find back memories hereThe 螺螄粉 noodles are really my childhood taste . It is spicy with some seafood 螺絲n some vegetablesI think people like it is due to its 惹味 and the spices . It is different from hk style 米線 But the price is really quite high. When the topping is simply some vegetables or tofu or fried eggs, it makes this restaurant becomes “try once is enough”😂

今日天氣好凍，好想食熱辣辣嘅嘢，於是朋友帶我哋嚟食辣媽酸菜魚。我哋12:30左右嚟到，已經差不多坐滿人，好在剛剛有個卡位，於是店員安排我哋三個人可以即刻坐入去。我點咗鱸魚酸菜面，配珍珠奶茶，面好大碗，珍珠奶茶又好大杯，加埋先$80 ，真係好抵食😋😋😋

想試辣媽好耐，平時經過見到好多人，趁今日放假去試。12:30 去到有枱，有套餐二人餐酸菜鱸魚二人套餐，原價331，熱賣價$279套餐包括：招牌酸菜魚一份手撕包菜白飯兩碗凍檸茶兩杯水煮牛肉二人套餐包括套餐，原價281，熱賣價$239套餐包括：招牌水煮牛肉一份干鍋椰菜花白飯兩碗凍檸茶兩杯但係套餐係例牌，阿姐話我哋咁多人要一條先夠食，就叫咗一條，我哋五個人最好就食一條。落咗order：蔥油手撕雞拌麵60，普通；爆炒鐵板魷魚鬚$99 BB辣，魷魚鬚太少，魷魚鬚有味，洋蔥芹菜比魷魚多，完全唔抵食！酸菜鱸魚麵，味道ok，魚粉漿多，普通。酸辣肥腸紅薯粉$50，小辣，肥腸食落唔錯，雖然有肥膏喺度，但係個湯幾好味，大家一致好評！酸菜鱸魚一條$268，BB辣，鱸魚滑身，又冇骨，不過食到尾都係有，因為佢成條落晒，連側邊啲骨都落埋，係油少少，比酸菜魚麵嗰隻魚滑好多，跟麵嗰隻魚好似超市買嗰啲酸菜魚嗰啲乸到冇味嘅魚，呢隻就係正常啲嘅魚，唯一要彈嘅喺酸菜太咸，唔係老壇酸菜，因為老壇酸菜魚標榜話係酸菜比魚好食。凍檸茶$9，唔扺飲，水果茶唔錯，叫了百香果，$32半價，即係$16，大大杯解渴，份量等於2杯凍檸茶！埋單 $

喺元朗朗屏站，或者輕鐵康樂路站，行過去大約五至10分鐘就會搵到辣媽.當日星期六下午去到，成個場都滿晒人.辣媽係晏晝超級抵食，叫一個面加一個嘢飲，大約只係$70今次小編叫咗❇️ 鱸魚酸菜魚麵❇️肥牛酸辣麵鱸魚超級滑身，又冇骨，啲魚多到食唔晒小編平時喺譚仔係食開小辣，係依度可以叫中辣另外如果唔想食麵，可以轉做薯粉，佢哋嘅薯粉都好高質，好qq.如果晚餐想食好啲，佢都有好多唔同嘅辣鍋.入面環境裝修好似大陸嘅餐廳咁樣，好多燈牌，裝修好靚

話說我朋友話呢間食肆酸菜魚好好食，今日決定去試一試水煮牛飯、酸菜魚麵但係個阿姐無啦啦叫人掉位又唔講咩事，落單要人講前後兩次先聽到，仲要係譚仔話。點知嚟到有三杯嘢飲，明明見到枱面兩個人已經有兩杯，睇都唔睇第三杯都照放低水煮牛夠辣，送飯好ok牛肉肉質幾好，唔會韌嚟到碗酸菜魚麵顏色都好似幾好，點知一食落口淡而無味，但係啲魚幾滑嘅不過服務就麻麻喇～我地睇錯左個餐牌，晚市先有加配，阿姐勁大聲喝我地冇呀得喇得喇，聽到了

前一日食13:00左右，無咁差既。今日只係唔同左時間食，食物質素極差，海南雞飯，無論雞定飯都好似未解凍咁。蕃茄湯米線，d茄湯好似茄汁溝水咁，真係非常難食！全因為員工放飯，所以求其做？連員工態度都好差。

都唔知幾耐無食啦～ 今次新裝修後第一次試，發現有好多款食物揀，多樣化左我地都算夜去食，不過見到周邊嘅人啲食物都好吸引我地揀左酸菜魚、炸饅頭同埋花甲凍食，仲有水果茶先講個酸菜魚，我地係叫例牌嘅，無配白飯，但入面都有好多配菜，魚🐟幾新鮮，我地無叫辣，酸度岩岩好唔錯再嚟，就係花甲凍食依個真係大推喔好好味，第一次食依種煮法新鮮無沙同入味而炸饅頭本身已經好鍾意食所以一定要試，我地擺左一段時間，都覺得好食同好脆煉奶都俾得好足架水果茶個份量都夠兩個人分享一齊飲，仲有好幾款水果🍉配搭，最鍾意有百香果茶底應該係綠茶🍵因為比較清新