辣嗎?美食

營業中

休息中

呢間舖喺我屋企附近所以得閒都會去買啲小食同酸辣粉過下辣癮。一向食開佢個$15任選三款小食，每次都揀哂三份魷魚，之前佢同其他小食點一樣，一係落辣汁一係落豉油，但最近有埋麻辣汁揀，真係一試難忘。嗜辣嘅我食過好多麻辣汁都覺得一般，冇諗過呢間小店竟然較到個麻辣汁咁有水準，又麻又辣之餘仲好香，極之過癮！不過佢個酸辣粉就時好時壞，之前試過幾次都好滿意，但今次粉條好”林”，仲一夾就斷，有點失望，希望下次會有改善啦

這年來每個禮拜六都要到附近上堂，放break時少不免要吃點小食提提神、醫醫肚。 這一條在灣仔道旁的窄巷開了許多家小吃店，吃過附近幾家的燒賣，最後還是回頭到面向大街的這家。這裡有抵食的腸粉套餐，可以配以燒賣魚蛋/牛肉球/豆漿，我最喜歡的還是腸粉燒賣餐($15)。腸粉滑溜，麻醬甜醬不稀釋，充滿醬汁和芝麻的腸粉很好吃。最讚的還是燒賣，不像是其他地方很多時很粉的質素，燒賣皮薄，魚肉餡煙韌，比得上紅磡林記小吃。夏天新推出了涼拌系列，是日沒有粉皮，所以點了紅薯粉。紅薯粉頗為煙韌不糊口，不過即點即煮後沒有冷卻，只有室溫，不算涼拌。可是配的日式芝麻醬較稀，吃不出甚麼味道，可能配麻辣或麻醬會更好。

通常叫沙嗲蘿白加魚蛋/“物演”，個汁好惹味，服務態度又好。其實我當初會come across 呢間舖係因為鍾意食腸粉皇。有機會都會試埋佢個腸粉。其實我等咗openrice 開個entry 俾呢間舖好耐㗎喇，成日見咁多人幫趁，冇理由得我一個上openrice揾佢架!

一直在灣仔工作，有時食早餐都會去茶餐廳用餐，但總會有食到悶既時候，今次路過一間小食店，名字很特別，叫辣嗎？美食。這家店有很多不同小食，有重慶酸辣粉、腸粉、燒賣、魚蛋等！今日我就買左魚蛋同燒賣，它有沙嗲汁、咖哩汁同麻辣汁，我喜歡食辣，所以叫左麻辣汁。一打開個碗，就聞到陣陣麻辣香味，見到麻辣汁入面充滿辣椒，而且食落還有孜然粉味道，味道真的是又麻又辣，我不是食得很辣的人，但都食到。燒賣不是外面經常食到由麵粉製成的，而是魚蓉製成的燒賣，真的很好食，魚旦也不是炸魚旦，係白色的魚旦，食落更彈牙，再配合麻辣汁，真的很夾，愛辣的真的可試試。小店有這樣的水準，已經不錯。

星期日起身，學話劇前想食個又滑又多醬既腸粉，個腦諗住旺角東火車站既snack express,想食佢嗰度爆多醬既腸粉，但心諗我學drama係灣仔，未任性到特登去旺角東食個腸粉再去灣仔上堂。 於是就隨意係利景酒店落車，慢步去修頓球場嗰邊，沿路見到呢間有腸粉食，8蚊4條，e,價錢ok,又唔洗排隊，一試無防。叫左一個12蚊既set,有腸粉同豆漿。要左混醬，咩醬都要哂，淨係d醬已經爆多，d腸粉滑到一個點，我其實係一個鐘意unroll/unwrapped d腸粉黎食既人，好古怪，但呢間小檔既腸粉滑到好易折開，d腸份既每寸白滑薄肌都沾滿混醬，一啖食落口，真係覺得good morning! 食完飲埋杯豆漿，杯豆漿唔太甜唔太濃，就滿足哂~

I had checkered waffle and it was so good. This place gets quite busy so there was a bit of a wait which I didn’t mind. The owner is also honest to tell me to expect to wait which I appreciate. While waiting I noticed all the different things they offered on the menu and I can’t wait to go back and try them all!

實習放工勁肚餓，拿拿林食番碟腸粉先得!腸粉+燒賣 $13聽講隔離腸粉皇啲腸粉幾好食，但我見大家都係去買呢間既小食，所以決定都係幫襯呢間小食店呀～腸粉白雪雪，除左軟糯滑溜之外，精粹一定係啲醬汁，花生醬、甜醬、豉油，花生醬同甜醬都好惹味，所以點溝都係咁好食❤️❤️！燒賣更係我最中意食既魚肉燒賣，而唔係個啲白雪雪好難食既麵粉燒賣～～腸粉如果唔係講明拎走，佢會比隻碟你企住係度食，企係街邊食腸粉，我覺得幾有風味呀