轉角‧見

營業中

休息中

今日同男朋友想chill d過weekend 而我又好想好想食漢堡包wo🍔😍 就帶佢黎試吓呢間位於荃灣 我好耐以前食過一次嘅 轉角。見！中午黎到都係要等位㗎 今次好彩我地等左15至20分鐘就有位啦💁‍♀️ 女朋友我係蘑菇控 就梗係要個芝士磨菇漢堡啦😝 想要埋薯條/沙律既話 就可以好似我哋咁選擇加正價飲品轉combo啦(送薯條/沙律)🙆‍♀️芝士磨菇漢堡首先講吓個漢堡包 係烘熱左 表面好脆但係又好軟熟嘅 唔使驚好乾💁‍♀️💁‍♀️💁‍♀️ 漢堡牛扒都幾有牛味 配埋炒香左嘅蘑菇同溶咗嘅芝士😍 真係又惹味又juicy😋😋 沙律我覺得都幾新鮮 不過男朋友食就話苦😂🤷‍♂️煙肉漢堡本來男朋友話型男漢堡聽落幾型 可以試吓🤓 不過原來有流心蛋既 怕食得麻煩🤷‍♂️ 所以都係揀煙肉漢堡啦💁‍♂️ 煙肉煮得一啲都唔乾 生菜洋蔥balance番個油膩感 整體都唔錯既💁‍♂️💁‍♂️飲品方面我地就要左杯特濃花生奶昔💁‍♂️同Rose Latte💁‍♀️特濃花生奶昔幾重花生味 有啲驚喜💁‍♂️💁‍♂️💁‍♂️ 不過可以再濃啲就仲正🤤 美中不足係奶昔仲有碎冰 唔夠滑🤔Rose Latte就如常地好飲😝 好香玫瑰味 玫瑰乾花加哂分阿☺️ 女仔一

平時喺荃灣食野，好小去呢頭地下個頭食，朋友介紹嚟到呢到食burger,出奇地唔錯。我地一行三人7點左右嚟到，要等位，因為舖頭唔算大，加上食客都是剛剛開始食，所以都等左陣。我地叫左兩款burger,冇記錯，應係係型男漢堡同芝士漢堡，再加左個西柚汁雞翼同磨菇意粉，仲有三杯飲品。價錢合理，料足，絕對有種價簾物美感覺。本人會推薦漢堡同雞翼，真係好美味不過，美中不足，就係外邊環境，食呢類burger,又不是快餐店，店員見我地等嘅時候，問我地介唔介意，在餐廳外，廁所門口附近開張枱，雖然都是商場內，但我們在等候時，都嗅到廁所啲臭味，如果有考慮食客感受，真係唔好提議開枱喇！我寧願外賣。希望他們有所改善

週六滿心歡喜去再食，12:00 到達餐廳，同行4人，當時已有兩位到達，尚有兩個5-10min將到，當時餐廳根本有大量空位亦沒有人等候，餐廳要求必需齊人才可入坐。ok, 我都係企在餐廳考慮中，另一位馬上出黎非常不有善講：出面等。個那種呼喝的咀面比大餐廳/名餐廳還差，温馨小店？？？邊到啊？？？年輕人創夢餐廳？？？見唔到囉，淨係見到兩個非常冇禮貌的待應生。之前食過，其實漢堡唔係做得非常好，但可以的，但比起同區的漢堡飽店咁的價錢可以有更多更好更禮貌的選擇，奶昔係好飲的，但奶昔好難唔好飲囉。現在講緊係個殘舊商場入面的臭串餐廳，平均$80-100/人的消費，真係有生之年都唔會再食。

周六難得不用出席龍舟練習，臨時相約好友見個面談談近況。穿過無限個感覺一式一樣的商場，沿途發現不少小店，良久沒過來這邊的我忍不住東張西望，甚有新鮮感。 之前兩次想光顧此店都摸門釘，難得數年過後它仍能屹立不倒，想必有其過人之處。小店座位二十個左右，深色牆身襯托淺色檯凳，牆身有一大幅壁畫，增添生氣。蘑菇芝士漢堡 $52手打漢堡肉味濃，帶有肉汁但不覺肥膩，配上蕃茄、生菜、芝士、洋蔥和蘑菇，豐富對胃。 炸魚薯條 $72魚柳肉質實淨有魚味，可惜份量少炸得過火，相較之下漢堡就較出色。 好友點上一杯黑牛，雪糕加汽水，開心指數爆燈，而養生的我則點上一杯花茶，越喝越熱實在不智哈哈。雖然整體質素未算超班，但埋單每人不過是八十塊，性價比不錯。

叫了一個有型男漢堡和一個煙肉漢堡，很喜歡有蛋黃的型男漢堡。因為它的漢堡排肉汁加蛋黃香實在既是經典也很難抗拒；煙肉漢堡就適合喜歡肉食的朋友，口感也很豐富。對於這漢堡的份量是很有信心的，但我們也加了薯條和沙拉與飲料，友人曾嘗試過花生奶昔，說是一試難忘，但我們最後叫了花茶，都是解渴，安慰自己這頓還未太熱氣的午餐。環境方面很舒適，但唯一要注意的是與友人已是下午2點到達，也是等了約二十分鐘才入座，所以趕時間或者沒有預時間的食客要小心。雖然是美式飲食，但這裡的食物卻值得更多的時間。

而家想係香港食個burger都唔平，閒閒地都成舊水，難得知道荃灣多價錢合理少少既burger，緊係要黎試下啦～今次就試下呢間小店，有名你叫，佢真係開係商場既角落頭位😂😂望住menu，我掙扎左好耐叫型男牛堡/煙肉牛堡好，想叫型男，但又怕流心蛋會整到成手都係，同埋唔知紅菜頭好唔好食，最後就食左最穩陣既煙肉牛堡，加一個正價野飲仲有細薯條送，我就揀左TWINING熱情果，芒果，橙茶。burger餐黎啦~第一眼吸引到我既係粗薯條，話就話係送既，但細薯條既份量一啲都唔少新鮮炸起，落啲鹽已經好好食。burger都冇令我失望，個牛肉扒好多汁，即刻我拎牛油紙包起個包黎食，啲汁都邊食邊滴出黎果茶好飲，不過原來係茶包茶，飲落都真係幾濃烈既芒果味。佢用一個玻璃壺泡住，不過啲水太熱啦，夏天就唔好點呢個茶啦😂

型男漢堡 $60 好適合食肉獸漢堡好juicy😋仲有脆脆既煙肉加埋煎蛋😍 d蛋汁但唔會好膩有生菜、蕃茄、沙律菜同健康既紅菜頭減低罪惡感🤫加飲品仲送沙律/薯條薯條係粗身果隻好正！轉角特選早餐 $79配料都幾多但無咩特別🙊個蛋炒得幾滑

約三五知己到荃灣小聚，行到腳軟，就緊係搵啖食。之後係openrice到搵到啲間轉角.見。跟住地址去行，行到去昌寧大廈，轉左幾個角，終於搵到轉角.見。坐低後，緊係睇下食啲咩，身邊友人……一見型男漢堡就即點😑因為佢話型男要食型男漢堡😂😂😂但因為冇靚女漢堡……所以最後我叫左芝士磨菇漢堡。一行4人，每人叫個不同嘅漢堡。型男漢堡芝士磨菇煙肉漢堡(煙肉漢堡較為鹹咗啲)經典漢堡檸檬綠茶& green tea latte以上漢堡嘅牛肉味有鮮味，啲個價錢黎講算唔錯漢堡嘅價錢$52至60之後加埋飲品大約每人平均消費$90(如果女孩子食量唔大，可以兩人share 一個漢堡之後再加小食)

真係好轉角，要專登搵先搵到咁隱蔽嘅，但係下晝三四點（而佢冇tea set）嘅時間去，仍然要等位，可想而知生意幾好。第一張相係沙嗲雞扒漢堡，揭開睇沙嗲汁只有少少，但我寧願少啲，冇咁漏，雞扒煎得好香口，食落亦冇雪味，44蚊一個算幾抵食。之後就係「型男漢堡」同佢嘅切面圖，已經盡量切靚個樣影架喇~ 唔知點解牛肉漢堡加蛋就要叫型男，可能係「牛B」咁解啦。塊牛柳唔係話非常出色，但肉味同濕度合格有餘嘅，有紅菜頭夾喺中間，口感都幾新鮮。因為食兩個包都唔覺漏，所以又嗌多咗碟炸雞翼，炸出黎稍稍燶，但都中規中矩，正常味道。埋單好似先130蚊咁上下，真係抵食，但我敢保證同神農氏仲有幾班嘅差距！最後值得一提嘅係兩個侍應妹妹服務都好好架~

每次來必點炸魚薯條及漢堡從他剛開業的時候光顧到現在食物素質一直都能保持在中上水平可以說是香港數一數二好吃的漢堡炸魚是用粉漿形式去炸配上粗的實心薯條蘑菇芝士漢堡的蘑菇好足料肉亦很多汁不會“乾爭爭“這店雖然小小的但絕對感受得到廚師的用心

此店在不是在荃灣的鬧區，因為開車經過所以決定一試！店內的裝修很有個人特色，牆上有手畫的壁畫！座位都數量頗多而且枱與枱之間空間較大！我點了一份「all day breakfast」，當中有五款食物，看似份量不多但食完都幾飽！蒜蓉包整得又香又脆，仲想食多兩塊！另外，炒蛋可能因為太熟的關係，比較硬身，建議不要煮得太熟！蘑菇，腸仔及煙肉就正正常常！男朋友點了一份burger，當中的醬料及煙肉及菜相當夾，肉料亦非常豐富，可以encore！薯條是屬於半粗身薯條，由於即叫即炸的關係，食落非常香脆！

I have been to Kitchen Corner several times. They do decent value burgers and the milkshakes are pretty nice too. Staff are okay too. My only complaints are that the large burgers can get pretty messy (be prepared for sticky fingers) and the outside tables have gaps between them so drinks can easily get spilled when you put them down on the table. Still, worth going.

五一勞動節假期，下晝約左友人。見有時間，諗住一個人係荃灣搵食，咁樣友人黎到就時間啱啱好。因為唔太肚餓既關係，想搵間cafe慢慢食慢慢坐，chill下。開Openrice見到荃昌中心都有幾間呢一類既餐廳，所以去左碰碰運氣。唔知係咪因爲公眾假期既關係，周圍都係人，就算一個人想搵位都好難。幾經辛苦終於比我搵到呢一間餐廳，啱啱好有一張二人枱，所以唔駛等就已經可以入座。除咗餐廳裏面同埋商場走廊有位，室外亦都有位坐。型男漢堡：大大個，好足料！牛肉唔易散開、煙肉亦都煮得啱啱好，唔會太硬同乾、而蛋亦都唔會煮得太熟，中間有少少流心。紅菜頭嘅味道同個漢堡包亦都好夾！雖然個漢堡包好大，但係亦都好容易食，唔會食到好哩啡！薯條太乾，冇乜薯仔味。青檸特飲同平時嘅青檸梳打冇乜分別，反而比較少青檸味。以一個人黎講，份量都幾多，漢堡包同薯條都有食淨。整體而言可以一試，但係以呢個地方同環境黎講價錢偏貴。

上星期openrice諗住睇下荃灣有咩野食，最後揀左呢間店，由元朗出荃灣諗住食好野，係度哎左2個牛堡1個雞堡餐外賣，等左30分鐘先有，返到屋企打開盒先發現個雞堡塊雞扒前後都「Lon」到跟本唔會食得！真係好無良心！問心如果食個個係你自己你會有咩感受！投訴亦都無人跟進！極不負責任！🔥

網上睇到呢間人氣cafe，地點實在有點偏僻，但嚟到竟然不斷有驚喜，所以附近住嘅朋友不妨過去試下，光顧一下咁有心開餐廳嘅年輕人～餐廳環境絕對好吸引，女孩子一定會手機食先，之後post上instagram/facebook就可以呃like，加分加分！唔好以為咁靚好高級，一定好貴，但性價比極高！就好似第一碟：卡邦尼意粉（$49），麵嘅份量唔算好多，加有兩塊蒜蓉包就剛剛好啦。2. 轉角allday breakfast($79):呢款相對就貴偏少少，但份量好多，有蘑菇、煙肉、腸、炒蛋、蒜蓉包、三文魚！