轉角‧見

營業中

休息中

今日同朋友來這家餐廳吃下午茶，我們三人叫了芝士蘑菇漢堡，配薯條。芝士味道好像麥當勞巨無霸的芝士，味道很好，肉質鮮嫩，肉汁濃郁。混醬雞翼，用了自家製的燒烤醬，醬汁個人覺得太濃雞皮出奇的香脆，雞翼大大件煙三文魚全日早餐，沒有什麼特別，炒蛋比較碎，味道一般。朋友的凍朱古力奶昔，朱古力大大粒，朱古力味香濃，好有口感熱雲尼拿蜜糖茶包，覺得茶包裡的雲尼拿味不是太自然，不太夾。這家餐廳也挺注重清潔，可以跟朋友來聚。

.今日專登出咗去荃灣幫襯下啲黃色小店💛。因為唔係好肚餓嘅關係，所以今次就揀咗呢一間食all day breakfast嘅餐廳。🍴因為疫情關係，加上餐廳嘅舖位都好細，所以入座率都唔算高，唔會好迫同好嘈，職員亦都有幫我哋量體溫。✅轉角特選早餐 $79個早餐都幾豐富，有焗蕃茄🍅，煙肉🥓，豬肉腸，火雞腸，炒蘑菇，炒蛋🍳，蒜蓉包🥖，同埋煙三文魚最有驚喜就係個蒜蓉包，因為一食落係超級香脆得來又唔油膩，仲有濃濃嘅蒜蓉味🤤而個焗蕃茄一切開都超多汁，唔會焗到好乾。至於炒蘑菇，煙肉同豬肉腸都好惹味，牛油香重不過就有少少油。炒蛋夠滑，冇得彈。😍至於煙三文魚嘅份量亦都比想像中多，都算抵食。蝦多士 $38見到好多小食好吸引，最後就揀咗食蝦多士🦐🍞。蝦嘅份量都算多，蝦肉亦都彈牙。連埋個脆口嘅多士一齊食，口感十分夾。不過個多士入邊都幾多油下，可能食一兩件都超曬標🤭。如果怕油膩嘅話其實餐廳仲有其他小食例如雞翼等都好吸引下。🥰不得不提嘅就係我哋叫咗一杯超級邪惡嘅飲品：花生奶昔。🥜🍼 (跟餐+$26)杯嘢飲真係超級好飲嗎，第一啖飲落去已經好似食緊花生醬咁🤭對於我呢啲超級超級超級鍾意食花生醬嘅人

-轉角。見 Kitchen Corner-型男漢堡💪🏻 配薯條🍟Aussie 🍔 見到以上配料既配搭，就知一定吾會伏既🤣漢堡肉既牛味一般🧐煙肉吾係煎到脆卜卜果隻，而係偏向有肉汁同煙肉既鹹香，加埋芝士同流心既煎蛋，係邪惡呀~😈食起上黎因為有紅菜頭、蕃茄同沙律菜既關係，可以中和到肉既油膩感呢個包係味道上就冇咩驚喜位😌-沙嗲雞堡🐔 配沙律🥗 Satay Chicken 🍔以坊間既burger店黎講，將沙嗲加入burger既做法真係吾多見，淨係呢個理由已經值得叫番個黎試試伏🤪食過之後，覺得將沙嗲xBurger一點都吾伏，仲好好食添😋😋😋呢個burger真係大推！！！👍🏻👍🏻👍🏻塊雞扒一點都吾柴，又嫩又juicy💦個沙嗲醬更加係錦上添花，係成個burger既靈魂所在！好濃郁既花生味🥜🥜🥜好似加左一大羹粗粒花生醬落去整個沙嗲醬咁而且沙嗲醬既分量俾得好足，啱啱好可以夠食哂成個包之餘，又吾會太搶fol對於我呢d PB控表示十分滿足😋想試新野，味道上鐘意多元化d既就可以叫呢款漢堡😏-Peanut Butter Milkshake 🥜又係PB控必點！！！！飲第一啖已經好重花生醬味，飲到尾果浸都仲有花生醬味

呢間黃色burger 小店離荃灣站有一段距離,但都值得專程過來一試.我叫左經典牛堡加薯條配金牛,勁邪惡個burger 一上黎即刻wa 一聱, burger 份量一d 都唔令人失望,足料配菜又多, 個burger 大到唔可以一啖食落去,第一下咬落去個下d 肉汁係會漏出黎,肉身其實有d 散,但勝在夠juicy 同大份~金牛大大杯,但要一上就要快d 食左個雪糕先,如果唔係好快溶,但餐廳都好貼心放隻碟係杯底.總括呢間係要大力懲罰既黃店!

✨經典牛堡(💰$55)加正價飲品會送薯條/細沙律不過我就淨叫左漢堡黎試🤣🤣配料有漢堡牛扒 蕃茄 芝士 酸青瓜 洋蔥 沙律菜漢堡牛扒咬落幾juicy 但調味就重手左同朋友都覺得食落好鹹 要狂飲水😂整體都ok既 如果漢堡牛扒冇咁鹹會更好

都係個句，有D黃係要支持一下最近係網上見到有個post，評論全球最佳漢堡，香港亦都有數間入圍，而荃灣呢間小店係其中一間order左兩款，一型男、二煙肉。先評論煙肉漢堡，手打牛肉分外鬆化，肉汁滿滿，離遠望到廚房鮮肉一大盤，應該係接到order先至開始煎，煙肉配答尚可而型男漢堡（我都唔明點解個名係咁哈哈），配上紅菜頭，醬汁上應該用上調好的蛋黃醬，非常非常夾，漢堡肉應該每一款包都係一樣但係型男漢堡的配料和醬汁我係比較推薦的！如果可以有呢款醬汁點薯條真係一流！薯條係粗薯條，口感唔似連鎖快餐店，不錯不錯👍牛油雞翼炸得好香，牛油味好重配上蒜粒熱辣辣，真係好正latte正常，不過呢間始終主打漢堡總括而言，果然名不虛傳，配得起上榜嘅名銜，不過最出奇嘅係店入邊全部都係後生仔女主打，唔知係咪真係佢哋研發出黎

經典牛堡 $55經典牛堡既賣相真係好吸引🤪，一開始真係唔知點落手食好，要壓一壓先可以一啖咬哂成個包🍔，入面有漢堡牛扒、蕃茄、芝士、酸青瓜、炒洋蔥同沙律菜。漢堡牛堡好厚，入口啖啖肉汁好Juicy🤤；加上熱辣辣既薯條，成個Set好抵食。-卡邦尼 $60入口好Creamy🍝，蛋味香濃，不過略嫌煙肉同芝士味都唔太突出，少左浸鹹香味🙈。蒜蓉包烤到熱辣辣，蒜味又濃，呢個價錢黎講我收貨！-蒜香牛油雞翼 $38新鮮熱辣炸出，入口鬆脆，雞翼仍然充滿肉汁😍，好Juicy；蒜香唔算突出，但牛油味非常香，不過因為牛油味真係勁重，所以食到最後有啲膩膩地😆。-OREO奶昔 $37超超超好飲🤩！嗌左少甜，甜度岩岩好，OREO味勁濃，奶味又香，而且啲冰打到好碎，唔會飲飲下飲到有冰，好鬼正，一定要試下😈！-蜂蜜檸檬綠茶 $28反而呢個有啲失望，飲唔出有綠茶味，就好似一杯檸檬水咁，可以不試🙈。

今日去開荃灣激安買野，search下荃灣區的黃店。見到好多人推介花生醬奶昔，於是就下午2點去食個lunch先。我要左個經典漢堡+薯條+花生奶昔。友人就叫左型男漢堡+花生奶昔（明顯係比我影響下先忍唔住叫）首先係飲品先到，一入口已經有好香濃的花生味，仲有d花生粒粒係入面，果然無介紹錯。因為製作漢堡需時，所以當漢堡黎到時，我杯花生奶昔只得番3分1。漢堡同薯條的份量好多，一食就知係即叫即做，麵包同薯條都係又脆又熱的。友人的型男漢堡豐富好多，仲有蛋同煙肉。環境舒適，食品質素ok. 會再來幫襯～

約朋友食飯閒談，香港地一定揀間舒服cafe, 同朋友黎話都覺得好好咪既，今次都黎食仲有新驚喜，四人行叫左4個主食及一小食share , 漢堡分別叫左芝士磨菇及重口味，先講芝士磨菇，牛肉有d散但好多汁，芝士唔算多但都好因為無咁飽，之後就明，另一重口味係店中是日精選， 原來係花生醬及煙肉及牛，估唔到咁夾，漢堡大大份，附既薯條亦多， 另外叫左個卡邦尼意粉及allday breakfast, 不過不失，小食係牛油雞翼，水準之上，大大隻又香口，不得不講就係飲品，留肚唔好食咁飽就係因為有佢，好香滑花生味濃，次次黎必飲，完全係一黎再黎既動力，必試

荃灣一向多野食 今日收工去左一間cafe食飯 位置算係幾方便一入到餐廳就安排左坐係高凳 之後望到個menu主要都係食漢堡 咖啡同意粉 如果正價叫野飲就會送一啲小食 當日叫左一個意粉 卡邦尼意粉 再加左一杯熱既檸檬茶 有兩片蒜蓉包係送既意粉佢煮到好creamy 好好食 而且佢份量都唔細 唯一既係有d漏 而個兩片蒜蓉包唔係好脆既個種 佢係好軟身 但係上面又塗滿蒜蓉 好香蒜味 值得一試而野飲就係一杯熱檸茶 佢連茶包一齊上 係lipton既紅茶包 幾好飲 而且價錢幾親民呢間小店價錢唔貴 野食又有心思 抵讚

Bookmark左呢間小店好耐，原來真係咁好食同抵食，有時間要再去支持下！型男漢堡 Aussie Burger $62麵包烤得香脆，漢堡牛排好厚實夠juicy，但煎得有d老，流心蛋既蛋汁令漢堡包更加濕潤，加埋紅菜頭、蕃茄、芝士、煙肉同沙律菜，成個burger配搭好豐富足料，好食！煙肉漢堡 Rocky Burger $58有漢堡牛排加2大塊煙肉，夾埋炒洋蔥同蕃茄生菜食唔會咁油膩，好match叫漢堡加正價飲品會送薯條或沙律，緊係要試試薯條啦！薯條粗身，炸得好脆，調味岩岩好，好好食特製花生醬奶昔 Peanut Butter Milkshake $37好肥仔但花生控一定要試，入口好香濃幼滑，好似食緊花生醬咁，仲有粒粒既花生碎係入面，好正！凍蜂蜜檸檬綠茶 Ice Honey Lemon Green Tea $28冇乜蜂蜜味既檸檬綠茶

分散支持 yellow shop 嘛💛最近努力中.. 近半年先發現原來香港有咁多高質💛既小食店呀!!ps: cash only! 但單價唔貴 超抵食因為搭巴士 所以揾呢間餐廳真係兜左一段路😂有少少隔涉 但絕對值得一試小店既室內座位唔多 我地18:30去到 都已經係最後一張枱行遲半步都都等位 室外既位都唔多但已經坐滿oreo milkshake 其實我見好多人推介peanut butter milkshake但我都係幻想唔到果個味道 所以我都係飲返我既oreo算😂佢個奶昔係將冰打碎果種 唔係老麥果啲勁smooth既texture😂但佢oreo味好重 好鬼正 好肥呀好邪惡呀😂Rocky Burger 煙肉漢堡 $58咁足料先$58 又無加一一切開見到勁juicy 勁震撼!!真係贏過好多間出名既burger啲牛肉又好彈牙 啲配料全部好新鮮薯條唔洗講啦! 仲有個carbonara!! 但無影底 啲sauce同個粉好似融為一體咁唔係分開既味道 啲sauce 漿住個口咁好正🤤🤤🤤治療心靈既corner!💛

話說唔係住荃灣區，嚟開附近想飲杯咖啡，就 openrice睇下，最終揀咗呢間，一去到，自己座低，見無人招呼，我自己走去收銀位問有無餐牌，個 staff就咁遞比我，我自己攞番埋位，跟住又無人理我，要我自己問Ｄstaff出去買定可以直接 order....終於叫咗野飲，見到店外有幾個女人應該等咗好耐位，最終見佢地唔耐煩自己走入嚟ee哦哦話等咗好耐，自己動手走去執枱，❪班女人態度係心急同唔耐煩，有Ｄ令人唔舒服既❫見即刻有職員行埋去動手清張枱，但其中有個短髮既 staff好唔滿意咁一路執一路背住Ｄ客講粗口， 重發住脾氣嚟執嘢整到倒瀉曬。。。。睇到呢到我就覺得唔多舒服啦， 啲客係西 ,咪轉個頭走返入廚房或者行開同啲同事呻兩句囉， 但都唔應該喺其他客面前爆曬粗，發曬脾氣咁呀，我嚟嘆咖啡，但見到咁樣，個人一啲都唔relax......好啦，到杯野飲嚟到啦，擺低就走開， 熱飲冇用底碟都算啦，當你慳水洗小隻，但紙巾匙羹，糖都無。。。第2杯野飲到咗就叫佢比隻羹or攪 棍啦，攞咗匙羹嚟，佢見我唔想佢擺枱面，就好醒咁一野插落我杯野。。。。。但杯野即刻倒瀉曬，本身個面係奶泡，倒都倒咗一半泡。。。。你唔幫我換過杯

💛💛💛黃店推介💛💛💛今日黎荃灣揾個朋友，佢帶咗我黎食呢間黃店 轉角‧見。應該因為係黃店，所以超多人客！店外面排咗一排櫈比等位嘅人坐。我叫咗個煙肉漢堡Rocky Burger（$55）加奧利奧朱古力奶昔Oreo Milkshake（$37）因為係漢堡加正價飲品，所以可以送薯條或沙律，我揀咗薯條。估唔到嘅係，淨係個Burger已經超級大個。漢堡入面有漢堡牛排、蕃茄、芝士、美國煙肉、炒洋蔥，同沙律菜。個包入面嘅材料堆到個包超高，要用刀叉黎食唔可以一啖咬曬😛醬汁好好味，而且煙肉同芝士十分香口。後來睇返唔同嘅食評，原來我揀嘅呢個漢堡算係最普通嘅一個，但我已經覺得好好食😆我已經會比足5/5分～Milkshake我揀咗平時自己最愛嘅oreo味，非常濃郁好好味！下次要試埋最多人推薦嘅花生味💛

今日晏晝想食漢堡包，路德圍嗰間冇開，唯有行遠少少嚟昌寧商場。呢度都幾隔涉，要搵啱商場，扶手電梯落一層，轉身行入去再轉左。商場環境都幾差，但入咗餐廳就覺得環境幾好，有一個好光嘅窗可以望到外面。大約下午兩點到達，店舖九成半滿，疫情之下呢個入座率真係令人安慰。印象中已經係第三次嚟，同之前一樣嗌型男漢堡，加一杯mocha，會送細沙律。等左大約10分鐘就上菜，漢堡同之前一樣一啲都唔乾，紅菜頭同流心蛋亦令漢堡包更加濕潤，但漢堡扒肉汁比之前少。煙肉煎到好脆，有少少燶添，令漢堡包口感更加豐富。調味整體唔會太鹹太淡，好食。因為之前兩次食過都覺得薯條太鹹，所以今次揀沙律。沙律普通，配芝麻醬幾啖食曬。如果食量大配沙律應該唔夠飽，建議配薯條。Mocha味到正常，唔會太甜太苦，對我呢個唔可以飲苦咖啡嘅人來講幾友好。