輕鬆一下 (已結業)

以前黎呢度咩都係發泡膠但依家竟然變左膠碗用左膠碗之後魚肉湯的份量好似變大左唔通係扣除發泡膠成本回贈俾食客既?

腸粉好滑但份量少了可能因為唔加價,變相減料掛本人一向唔鍾意食太甜唔記左叫佢走甜醬食到一大半先記得影相睇黎我要慢慢養成食前影相的習慣了不過真係好好味，停唔到口．．．放緊假，黎輕鬆一下先，哈哈

可能好耐無黎，發覺有好多野都加左價生菜魚肉由10蚊加到12蚊仲要係味道差了，特別係個湯底以前我會飲到一滴不留，但是次我只飲了半碗另外魚肉同生粉的比例差了，食得出好多生粉我寧願佢俾少d我，都好過落唔足料除非佢提升質素，否則我都係少黎為妙

尋晚唔知食什麼好! 行吓行吓見到輕鬆一下! 見咁多年都冇幫襯而佢一向又咁多人幫襯咁就試吓啦! 叫了車仔面及熱o荼, 而老公都係叫了車仔面及凍o荼! 呀姐一放底碗面已覺得唔掂! 湯底沙爹又唔似咖哩又唔係! 面又唔夠彈, d 豬腸又唔入味成"住"嘢咁! 豬皮又唔爽!豬紅及蘿白可以啦! 倆人食了兩啖已話唔會再幫襯!食車仔面寧顠去番盛芳街那間好味好多又平好多!

今日男朋友收工就去左附近食夜晚o個餐,呢度d野平均都貴過出面ge,但又唔係特別好食= =而且d阿姐好串,o係度喝人以後都唔想再黎啦

間野有好多野食種類～我覺得佢個碗仔翅好好味，又足料，食完又唔會話係咁飲水～係有時ｄ呀姐會忙到都唔鬼得閒理我地咁囉～但係整體都唔錯，，價錢又抵～～

睇住呢間輕鬆一下愈做愈大,而家連後面小巷內又多個舖位煮麵,另一方面又放多幾張檯應付堂食,今次就係黎呢邊外賣冬菇麵。四隻大冬菇平均分佈係麵條上面,另加幾粒九王,就係呢碗冬菇麵造型。原來麵分兩種,價錢亦然:上海麵索價$22,呢款鹼水麵就只係$19。湯頭淡淡,無甚味道;麵條口感ok,算幾爽口都可以叫彈牙,並無因為外賣而浸淋,ok!只係個陣鹼水味都幾利害;冬菇的確夠厚身都夠淋,只不過今次無乜味道,似乎成碗麵虛有其表。幸而今次食完都唔太覺口乾,相信係師傅落得比以前少關係,所以味道都比以前淡。唔知幾時又了起條筋再食,不過應該唔係近期既事。

成日經過都唔會食,有朋自遠方來才去試試港式野咋.1.兩溝碗仔翅$13 ~ 魚翅都幾OK,很多料,唔係獻漿杰撻撻,但魚肉就完全唔掂,了無生氣.2.炸雲吞$5兩件~ OK,塊皮幾大塊,但肉只得一小忽3.炸餃子$5兩件~ 幾好4.炸蕃薯$5兩件~ 都幾大件5.腸粉$5三條~ 佢落好小芝麻,而麻醬亦唔夠香6.咖喱魚蛋~ 唔掂,一點咖喱味都無7.墨魚丸河粉~ 賣相幾好,但無份食.

我不嬲都係腸粉嘅忠實fans 以我食腸粉嘅多年經驗得出一個結論, 就係一碟好吃嘅腸粉,一定要有濃郁美味嘅醬料,佢地嘅腸粉係我食過嘅最差, 醬太稀了, 好有偷工減料嘅感覺....唔係肚餓到死, 真係請我都唔去...另外我覺得佢cashier 嗰位置好"正"law, 我諗佢年中"走"嘅單唔少.....

呢間D炸雞亦麵幾好味，不過D雞亦真係好油!!!不過D小食就好唔抵，好似炸魷魚咁，價好約$5或$6一碟，得3條勁幼魷魚鬆，真係離哂譜，魚旦又淋，腸粉又貴又唔好食。

看完戲已九時半,因為在看戲之前吃了點東西,所以選擇在這裡吃些小吃便算,點了一個兩溝(魚肉翅),兩個粉果,一串魚蛋,一串燒賣及一碟菜心,還有一杯豆漿(因不是太餓,所以兩人一起吃但大部份都是叫了一份),基本上以上小食全都不錯,但要特別一提兩溝,因已很久沒有吃過這麼好吃的碗仔翅,味道十分可口,而且口感不錯,吃起來不會是稀得像水般,亦不會出現一團團的粉,記憶中小學以後好像未曾吃過這麼好吃的碗仔翅了......

Lunch時間,同事同我諗左好耐都諗唔到今餐食乜??突然記得呢間好幾年無食過,今日就一齊"輕鬆一下"。環境同店名係風馬牛不相及,相信無一個食客係呢度會覺得食得輕鬆;呢頭坐落張凳,阿姐已經企你隔離問你想食乜。冬菇雲吞麵:好大一個碗!!麵條似係上海麵,生熟程度剛好,唔會太淋,ok! 菜肉雲吞幾大隻,可能煮定關係都幾淋身,味道覺得甜甜地,菜肉比例ok;五大隻厚身大冬菇,好鬼壯觀!!!冬菇夠入味,有咬口都幾滑,真係好厚!!湯底飲落甜甜地,加埋蔥花、雪菜本來係好好味,只係師傅好多,食完碗麵未上到三樓,師傅已經發功,即時走去買檸檬茶至解決得到。炸雲吞:本來無打算食,不過見同檯d三寶好似好好味,唔忍得口就叫左碟雲吞。雲吞都好大粒,魚肉都算幾多同厚,只係皮稍厚同凍左,食味打左折扣。

假期同男友來食個TEA..呢間店食過好多次..個人認為只有豬扒..麵..雲吞..同三寶係好味..其他都唔洗試..價錢幾貴..一碗雲吞麵要三十蚊..只係一間大排擋咁款既地方..感覺亦不太乾淨...D亞姐態度亦唔係好好但我真係很愛呢到既麵..汁好濃..好多花生同麻醬..又好大碗..真係好好味所以..我仍然經常幫襯...真犯賤..哈哈!

15 September 2006 (Fri) - 晩飯又一次黎呢度，黎親葵芳都淨係識黎呢度食嘢，今次我叫咗担担麵，雖然絕對唔係上海舖既口味，但係作為求祈一餐都真係算唔錯！仲叫咗碟$10油菜，都係咁啦！我都好想試下第二間既，但唔知咩緣故，好容易就被吸引到黎呢度．．．　唉～～

腸粉加少辣魚蛋好味。魚蛋算彈牙。炸番薯不好吃。炸魷魚OK。水餃OK。碗仔翅OK。送食物速度算怏。