車站豆腐花

營業中

休息中

豆腐花不外乎"好滑丫"呢個評價..小第最喜的市區豆花不外乎"公和老店"&"中環擺花街士多"兩間...自自然會用黎比較...山長水遠入到黎, 保險d, 食熱豆花, 叫左個黑白, 豆花果然夠滑, 反而芝麻糊影響左個口感; 女友叫左個熱豆花, 口感更好!對面枱叫左個凍花, 睇佢將d糖水注入的時候, 糖水在豆花中間穿左入去, 倒完後自動埋口, 竟然磨到咁精細!!? 但己經賣哂, 有機會再黎真係要試試...至於價錢同service都好~

到達大澳後，立即吃了鹹、甜兩種的雞屎藤先，這裹有很多豆花店，都不知那間好味．其實不是因為有豆花才進去，是看見有蓮子杏仁糊才入去，再叫多碗太極豆花（豆花＋芝麻糊）凍豆花溝熱芝麻糊，因店員說是手磨芝麻糊．蓮子杏仁糊有ｄ"傑"可能加了磨碎的蓮子，味道不太甜，ｏｋ太極豆花，芝麻糊有點粗，有芝麻味，但加了芝麻糊吃不出豆花味，凍豆花口感是爽脆的那種，不是滑滑的，ｏｋ兩碗一樣價錢，抵！

行完一輪後，去食豆腐花，此店還有杏仁糊同芝麻糊。芝麻糊唔夠熱，過杰，真係好似BB食糊仔咁，而且冇乜芝麻味，惟甜度適中；杏仁糊亦然，但杏仁味足夠；豆腐花唔夠滑，過實，惟黃豆味超濃，真係好掂。

入o黎大澳行,因為有原居民帶路,所以知道好多鮮為人知o既事.車站豆腐花以前真係o係車站個到賣,搬o左入永安街o既原因,對於只要有好野食o既遊客o黎講共唔重要,所以就唔多提啦係到豆花$6 碗, 要o左碗熱o既,係廿幾度天氣下碗豆花無熱到有煙真係好彩,唔知係唔係事頭婆專登呢??? 入口豆花好滑,『雪』一聲就滑落肚,不過豆味就唔係好夠,好似無乜味咁,結果要加黃糖食,唔係真係乜味都無山長水遠入到大澳o既話,呢$6 蚊絕對抵放低

今日大澳一日遊,山長水遠黎到梗係要食下人食人讚既「車站豆腐花」啦。一入到去,o的伙記非常之有禮貌,我地坐低之後,叫左一碗豆腐花同埋一碗黑白。嘩!o的豆腐花真係超滑呀,芝麻瑚亦好幼滑,聽o的伙記講o的芝麻係自己磨架,6 蚊碗真係唔貴呀!友人亦對豆腐花讚不絕口!總之一個字---「正」

我上次去時係2004年10月1日因為仲係熱熱地我同一班朋友都係叫左凍既芝麻糊溝豆腐花我地一致認為好好味芝麻糊夠香又唔太甜配合豆腐花黎食又好滑又有口感連平時少食甜品o個個都要encore多一個服務亦不錯因為假期太多人幫襯既關係朋友encore要多個時佢都講明未必夠凍呢種真誠少見正!另外,佢都有d腸粉,燒賣,魚旦賣但明顯係交過貨色不過味道還可以

以上是好友Thomas說的。一班食友行汾流，行到四點幾終於到了大澳。指定動作之一就當然吃茶果，而指定動作之二就是在這裡吃豆腐花。這裡隱沒在永安街入面，要行多幾步至入到來。舖面不大，我們一行十幾人已佔去了一半的地方。餐牌選擇不多，除了豆腐花，還有杏仁露、芝麻糊、喳咋等，可惜的是比較特別的腰果糊已沒有做。叫了豆腐花及芝麻糊兩溝，豆腐花幾滑，亦香豆味，但同意專食Cheap野兄所言是不太夠熱；芝麻糊看樣子也是磨的而不是粉開的，夠熱，不太甜，都食得過。無論單拼或兩溝，都一律6蚊一碗，幾抵食，都係果句，一場來到係要試試的，是關佢又唔係貴。有理由相信，大澳的豆腐也是有水準的，因為在之後的東方小祈園吃到的豆腐也是幾出色的。亦門口賣的魚蛋，不論味道，但體積比平常見到的大一倍，好得意。不過阿姐話一見光就會縮番細，幾神奇，所以都係睇好過食。

尋日同班食家進行瘦身活動﹐活動完畢到達大澳市集。既然瘦身完畢自然就有Quota可以食返夠本....於是就前往尋找大澳名物- 茶果及山水豆花。有食家帶路之下我地去到呢間“車站豆腐花”。望一望﹐門面簡單﹐而裡面係一般家庭模樣﹐我地就似去左人地屋企食糖水一樣。菜單上面除左無得賣的甜品比較貴以外﹐其它一律都係6蚊碗﹐價錢合理。叫左一碗熱豆腐花﹐送到面前先摸一摸個碗﹐似乎唔夠熱﹐入口亦證實左的確係。先唔落黃糖粉﹐一啖豆花入口﹐發覺真係軟滑得緊要﹐味道同口感都好好﹐其實唔落糖都會好好食﹐不過細細個食開豆腐花就一定要落黃糖粉﹐已變成一種習慣﹐總覺得唔落就唔似食豆腐花。但因為豆腐花唔夠熱去溶解黃糖粉﹐如果想保持豆花的軟滑﹐最好只落糖水。