越Home 越式料理

營業中

休息中

都已經唔知第幾次嚟呢度食嘢啦，次次諗唔到食咩或者胃口冇咁好嘅時候都會揀佢因為越南嘅始終都有啲酸酸尾尾，幾開胃下！呢間鋪頭冇分店真係小店成日嚟到都唔開門，入邊裝修簡單整潔，老闆主廚唔知係越南人定泰國人但係聽佢都講到廣東話，試過聽到老闆出嚟問客人意見睇得出佢好有心搞呢間餐廳，我哋都俾個意見老細。基本上午市下午茶或者晚餐餐牌入邊嘅食物種類都差唔多係價錢有啲分別姐簡簡單單嘅裝修入邊位置唔算太多應該都有40個位左右一款一定嗌嘅就係越式撈檬，睇下你想配咩肉，手撕雞豬扒雞翼都好好食，佢嘅酸汁比起出邊食過嘅真係覺得好好，唔知係自己整還是入貨的，份量亦好充足配上炸蒜，花生，越式蔥油真係一流！次次黎到都一定嗌嘅就去湯河不過一定會加$8轉做冬陰公湯底，問過老細佢話佢呢個湯底係自己調配有時好快就會賣晒，入邊非常非常足料，圖上都見到蕃茄薄荷葉洋蔥蘑菇好多唔同嘅香料都唔係太識，飲落非常濃郁酸酸地唔係咁辣，真係好好飲！試過成碗飲晒，問過老細佢話佢係自己改良過，適合香港人嘅口味！總括而言呢間真係荃灣其中一間非常有心做嘅越式餐店

早上在荃灣福來村工作，12點就完成，於是去越home食午餐。還沒到12點半竟然已有客在等位，最終等了15分鐘才入座。今天點了香茅豬扒飯，跟一般越式的一樣比較油膩，不過是意料之中。味道不錯，豬扒夠軟，唔多骨，䓤也很香，還送香滑奶茶，美味。40元不到，很掋食。

嗰日經過海壩街送貨，就經過呢間野。由於時間未到，所以就係呢間野食下野消磨下時間講真呢間野價錢好抵咁我就叫咗個扎肉包試吓先可能人手水平我同呢間野有區別$34連埋嘢飲係非常之抵但係我世界我寧願佢收我4-50幾蚊因為你睇到嗰片扎肉，係風都吹得起當然我覺得廚房師傅已經用盡心思加咗好多菜類落去個包度但最敗筆係有紅蘿蔔絲其實做餐廳平貴都有，咁樣你先搵到錢唔係坐爆曬，都唔行常開支差唔多。咁樣做生意得個玩字。努力呀老闆！

平時食越南嘢我都係比較鍾意去一啲小店，因為比起商場嘅越南食肆，小店嘅分量都比較多。今朝游完水，直接就食午餐，係有d餓嘅地方細細坐得有啲逼，就唔特別影喇，不過就算外面冇人排緊隊，都唔好諗住入到去好快有得食，因為佢哋嘅外賣單密密接係做唔停架，都要等好一會兒。48蚊已經包咗野食同野飲，可分嚟到嗰陣時俾我想像中大，隻碗又闊又深，而且裏面仲有三隻青口、秀珍菇、少少魷魚絲、海鮮碎等等，絕對唔係淨係得湯咁單調，好飽肚。湯底值得一讚味道非常之濃，辣度嚟講如果係食譚仔十小辣嘅人我係唔推介佢揀冬陰功湯嘅，但係愛好酸辣嘅人必試，溫馨提示如果個餐本身只係普通湯河要轉冬陰功湯係要另外加錢架，所以呢set真係好抵食。重口味必試加錢要3個蝦角，13蚊，好脆，入面真係成隻蝦黎架！小店無乜宣傳都有咁多好評，係有d料嘅！

上午在荃灣完成工作，沿路經過福來邨，見到越home，想想太累沒甚胃口，吃碗河粉吧。中午時間到處都人多，等了近20分鐘才有位。點了一碗生牛肉湯河粉，牛肉生熟程度不錯，上枱時呈現紅色，泡著湯，一會全熟，很有嚼勁。餐配熱奶茶，香滑，精神總算回來了。

某星期天在荃灣揾吃發現了這間 性價比甚高的越Home 越式料理，湯粉味道十分不俗而且份量又大價位公道值得幫襯。 坦白講如要靚裝修又要坐得舒適的朋友就别選來吃了，此店做的是街坊生意但員工亦算親切，但人手不多要見諒才可喔！ 青檸梳打跟餐加＄12最正是*可以走甜*太合我意了，另外車爸爸點了港式熱奶茶跟餐送贈的不算十分香濃，但也比很多茶記好喝多了！ 他的火車頭湯河＄48非常足料！內有牛腩、牛丸、肥牛及札肉等餸料，而湯頭有鮮甜味吃得他挺為滿意。 我則點了招牌香茅豬扒湯河＄39，大大碗湯河我跟本吃不完！內裡的蘿蔔烹得入味如是當造應更為美味，香茅豬扒非返炸吃下熱辣辣又夠香口，湯河滑溜加上濃香湯頭十分吸引，這兒的食物整體表現不俗如不介意環境一般是吃得過的。

依間越home幫襯左好多次，但今次先記得寫個食評。今晚自己一條佬食飯，所以懶冇出街選擇左叫外賣。越式三寶飯個份量好大，三寶有炸雞翼(二隻)，豬扒(一塊切條)，扎肉(數片)，每一樣餸都獨當一面。雞翼同豬扒教醃得好入味，雞翼又大隻，極之juicy。豬扒好鬆軟，唔會鞋口。扎肉入面既香料都好出眾。即使係晚市時間叫外賣送到黎都好快，睇得出啲production好有效率。今次雖然淨係寫個三寶飯，但其實佢啲湯粉面個湯頭都好正誠意推介各位街坊朋友有機試一試!!!

❤ 荃灣一向多美食又多選擇, 位於福來邨這間越南餐廳午餐時間經常都坐滿, 事關大大碗既越南粉連飲品都只係$40.🤤 ~ 我選擇了湯濛, 上枱時已經見到大大隻碗, 內有多塊生牛肉, 多濛粉及三大舊蘿蔔❤ 以午餐來說這個價錢有這個份量包飲品確實好抵食😎 🤤 ~ 份量大, 雞扒多, 而且吃落去有很香的咖哩味, 值得一試呀!❤店舖 : 💙地址 : 荃灣海壩街20A號地下

超佛心越式料理發現晚市單點比套餐平.第一次食小吃拼盤上枱真係嚇親 好大碟🙀唔怪得甘多人食好豐富 有齊雞翼 春卷 蝦餅 扎肉 香茅豬扒.火車頭仲抵食 高質啊生牛肉好滑 熟牛肉牛丸都好彈牙.雞排湯河就相對普通不過雞排都煎得好香脆 冇hea做

依間越南餐廳係做街坊生意，啱啱經過見到佢餐牌真係好平，所以決定一試！叫咗一碗生熟牛肉湯河，但質素真係好一般🙈🙈 冇諗過牛肉真係咁生😹 而且睇落已經感受到佢嘅肥膩🤭 湯底亦有點油🙊 朋友叫咗個海南雞飯，佢話係ok ge! 我覺得勝在價錢平ma🤣🤣 一分錢一分貨，會開心啲！

路過見店內坐了一半客人，再查看其食評都不錯便試下。叫了兩個晚餐海南雞飯： 飯只是普通白飯，飯質一般，不熱，冇飯味和香。但夠大碗！！醬汁有兩種，辣汁 ：第一口有小小辣之後無味葱油 ：葱粒算多，但冇葱的根部分，所以冇葱味。雞有1/4隻……我的是下裝部份（雞肶）肉質算滑，份量算多，但可能是凍鮮雞的關係，就算好多雞油，但都是無雞肉味道。三寶金邊粉：份量好多，餸是另上！飲品 應有水準！！lemon 算多！店員有禮，會主動加水無時無刻也面帶笑容！雖然全餐味道一般，但其份量和店員服務都值得再去！

行完大帽山肚餓餓，喺荃灣揾食一番，比我喺海灞街揾到間越南粉餐廳夾喺韓國嘢同日本嘢中間。依家世風日下，是人都玩日風韓風，我硬是要食番啲小店越南嘢啦！時間大概是三點半，咁岩撞正有下午茶，我叫咗豬頸肉法包，蝦三角同埋龍眼冰，而友人就叫咗扎肉河。不夠十分鐘，一碗熱騰騰的扎肉河就捧到我哋面前啦。嘩嘩嘩，我夾咗一塊扎肉嚟食，入口彈牙，夾雜着清而不膩的湯底，呢碗河完全是平民美食超水準！即刻叫侍應比個碗仔我試真啲河，嘩，個湯底不得了，加埋啲蔥，簡直是行山友恩物，不得了啊剛剛食完我果細碗河粉，又端來一碟法包。包面香脆，豬頸肉入口無楂，加上酸味味的醃菜，好味到喊出嚟啊救命。由於啲嘢食太好味，我都唔記得影相啦。加埋一杯龍眼多到離哂大譜的龍眼冰，就咁我就完美結束我大帽山之行。想知有幾好食，唔需要靠OpenRice 有幾高評分。呢間嘢，性價比超水準，唔洗你OpenRice 讚，自然就有一大班屋邨街坊幫襯！

越式手撕雞湯檬- 湯底清甜，配上切得幼細、爽脆的蔥花，香氣獨特的金不換，清香的檸檬葉，爽口清甜的芽菜，由辛辣浸至清甜的洋蔥圈，每個組合的味道都不盡相同，每種味道都很搭配，能融為一體，又能各自獨當一面- 白蘿蔔清甜吸湯無渣，帶鹹的湯底，調起了蘿蔔的清新香氣- 檬粉滑溜吸湯力佳- 雞絲很嚡，沒雞味亦不鹹香，夾雜在檬粉中，挑也挑不盡，可說是一子錯滿盤皆落索

原來荃灣都幾多越南餐廳，今日繼續試新餐廳，呢間佢係平時食日本菜附近但一直無留意!食評唔算好多，但睇啲相好似不錯哩!今次食左薄餅，咖哩牛腩同小食拼盤，份量好多而且美味!薄餅點咖哩汁好食，咖哩牛腩係有個爐點住火熱住，牛腩好淋好入味而且好多!不過周圍環境好嘈，好多街坊食，好似食緊大排檔咁熱鬧，有點迫不時被經過的人撞到，坐得唔係咁舒服!不過見到其他人點的食物賣相都好吸引而且份量好多，有機會仍然會再幫趁哩!

記得拾多年前去越南旅遊，到達的第一餐，導遊帶咗我哋去食當地的特色越南生熟牛肉湯河，點知一食，永誌不忘。之後嘅行程都四處尋找這種美味，可式都找不到。係香港，這拾多年，我試好多所謂越南菜館，沒有一個令我滿意的。其實要知道那些所謂越南餐館是否正宗，一定要越佢哋嘅生牛肉河粉，特別係佢哋嘅湯底！最近遇然機會係荃灣一個不起眼嘅地方，海霸街發現一間越南小館，那時已過午飯繁忙時間，但依然有很多人在外等位，好奇心驅使下，便跟其他人一樣去等位，目的係嚐一嚐那碗牛肉湯河啦。有位後，點個椰青、一碗火車頭牛肉湯河，並以優惠價加多一小碟去骨鳳爪，因為只需$15。不需等太久，所以食物到齊，第一口當然試牛肉河嘅湯底啦，一入口，其味道勾起我拾多年前係越南食過那同一種味道；太驚喜，我終於找到了失去的回憶！另外椰青非常清甜，鳯爪也很有水準，不消10分鐘，已吃清所有東西。很快我又會再次幫襯這小店，因我已鍾佢嘅出品。