越色牛肉粉餐廳 (已結業)

食過幾次呢到既河粉唔錯，我無啦啦想試下炒飯。午餐叫左呢到既椰青海鮮炒飯，仲有野飲送，唔洗加一，$44大元，同火車頭河粉差唔多價。炒粉係比河粉慢我唔意外，結果等成廿分鐘，我LUNCH唔係好多時間架炸...唔洗咁耐掛。上菜有隻鐵鍋仔，分量唔係好多，望落都有4,5椰片，2-3塊墨魚片，得2粒蝦米，原來咁樣已經叫做有海鮮。唔緊要，我鐘意食椰青味者，海鮮少就算啦，幾塊椰青片都係冇味既，唔知既仲以為食緊淮山，炒飯炒得幾好，軟硬適中，可惜冇乜椰子味，大失所望...食完我心諗...個廚師係未冇放椰油呀...唉...食開佢地D河粉真係幾好食，但係炒飯真係唔好試...

諗唔到食乜又想想地食牛肉河於是去左阿士厘道呢間越南野食叫左一個二人餐生牛肉湯河一味菜牛柳粒炒反再加一個小食我們最愛還是那個甜品哈哈呢度環境同埋氣氛都唔錯係度傾計應該幾好　：)還是覺得味佳居的火車頭最好...

近期同屋企人搵地方食飯又唔想食來食去都係果幾間見呢條街都幾多野食,就入黎呢條街搵下食咁岩又想食下越南野就上左呢間野試下環境唔錯地方幾大又夠靜可能人唔多啦坐係度都幾舒服服務員幾nice環境好,加上服務員既態度又唔差已經加左分試左咖喱牛腩河屋企人叫左炭燒香茅豬扒蒸蛋飯(差唔多,唔記得個名)再加一客香茅雞翼同絲網春卷個河粉加大,不過份量都係唔係太夠大,係個碗大左(或者係我大食)味道濃少少會好d,好似唔係太夠濃個香茅豬扒就要等好耐但係味道真係幾得,或者係炭燒既關係耐左d反而最鍾意係個香茅雞翼,好入味個春卷好似唔多抵,細條,雖則味道ok整體上菜速度一般略慢但係可接受唔錯唔錯

放工同女朋友去越色牛肉粉餐廳食飯(我等一次去)環境好好,好干凈,服務一流,都幾Nice.關於食物方面:我地叫咗1.炸蝦餅2.越式蝦米卷3.俄式牛柳紅飯4.蝦球配干麵Total: $ 205 味道方面:炸蝦餅雖然好食,但係好熱氣.越式蝦米卷好清好鮮. 俄式牛柳紅飯雖然唔係正式越南菜,不過都好食,D牛肉好"臨".蝦球配干麵係最正,要自己試過先知.

12.30 (Sun) lunchTST分店(亞士厘道)有很多食肆，tokyo及pho最後選擇了pho但Pho給我的印象(食物)一次比一次差，還有，還是河粉好lunch 有free drink炭燒香茅豬扒蒸蛋飯：太『焦』了，不過豬肉都烤得頗野味，配蒸蛋有點奇怪，味道沒有什麼特別火車頭炒飯：料較少，有點兒辣，不吃辣的也不要吃這個了service很好，侍應也主動添水及提供協助人不多，兩人可以坐六人座位，連朋友也不想離開不用加一