越男仔 Express

營業中

休息中

越男仔又開分店啦，今次佢開咗喺airside, 所以近排全線晚市嘢飲都可以減$8。咁我梗係夜晚去叫返一杯水果茶啦，佢嘅水果茶用料好足,會有香橙同檸檬等等唔同嘅水果。另外我仲叫咗一個豬牛蕃茄湯檬粉，蕃茄湯好濃郁，豬肉同牛肉配埋個蕃茄湯底，就變到更加好食。同時呢個套餐仲可以配搭一個沙律同埋紙米卷，兩樣嘢都好好食，沙律酸酸哋好開胃，紙米卷就雖然好多粉喺裏面，點埋佢嘅酸醬，就變到更加好食。我另外仲叫咗個生牛肉冬陰功湯金邊粉，冬陰功嘅味好濃，粉嘅份量好多。

難以想像，food court叫嘅越南菜，居然可以引嚟唔少目光… 位於Airside嘅”越男仔 Express”，係其5樓Foodmuse的其中一間餐廳，但嘢食同其他”越男仔”分店類似，主力有”招牌精裝海南雞黃薑飯”、招牌湯底椰汁酸湯等。我哋先叫了”鎮店四鳥”，即是脆雞皮+手撕雞+雞件+香脆雞的椰汁酸湯檬粉，淨係佢白色嘅湯底已經引嚟唔少目光。呢個椰汁酸湯，係用上雞骨熬製的湯底，加入椰汁、酸子和醋等配料，椰香十足又唔會太酸，啱晒我呢啲怕酸嘅人。肉嘅份量好多，咁計落其實$96幾抵食。同樣吸引目光嘅有”皇牌小食拼盤(B)” - $89，當中包括越式蝦餅 3 件+越式炸春卷 2 件+蒜香牛油脆雞翼 2 隻。鮮艷十足，炸春卷夠熱又鬆脆，又足料，口感十足。牛油雞翼亦非常香口，蒜味牛油味都好夠。另外叫咗杯青瓜青檸梳打，唔甜之餘，相當清爽。幫我抬呢盤嘢埋位嘅時候，行過嘅人都望到實😂#devietson #越男仔 #越南美食 #越男仔九龍城店 #九龍城美食

在週末中午的九龍城啟德新商場AIRSIDE 5樓的FOODMUSE 中，發現其中一間食店「越男仔 Express」有不少人排隊，餐廳主打越南料理，而且還有個假日套餐Delux Combo好似幾抵食，決定叫了以下2個set:⭐️招牌精裝海南雞黃薑飯：餐牌上寫上這是他們的王牌，果然冇誇張。雞肉連雞皮都好滑，放薑飯亦好香口。⭐️牛豬蕃茄湯檬粉：蕃茄湯底超級濃郁；檬粉亦非常爽滑，加上有（熟牛＋烤牛＋豬頸肉＋豬扒）在內，材料豐富，絕對滿足牛和豬的愛好者。套餐包小食同沙律，可揀無骨鳳爪或手撕雞沙律。另外小食我叫咗越式炸春卷及手撕雞檬紙卷，全部都睇到廚房的職員即叫即整，絕對新鮮！#devietson #越男仔 #越南美食 #越男仔九龍城店 #九龍城美食

個蕃茄四寶湯檬粉又貴又淡 好似水咁完全冇蕃茄味 唔知食緊D乜 仲要唔熱仲叫左個必食嘅香茅牛肉飯 又係冇香茅味 好似食咩都冇乜味咁 第一次食到寫差評 希望大家唔好中伏 食其他嘢仲好

越男仔 Express，位於九龍城啟德協調道2號AIRSIDE 5樓L504-L505號舖FOODMUSE內。 餐廳主打越南料理，向美食廣場FOODMUSE 裏面。 見到很多人都點海南雞飯，所以我又試下，招牌精裝海南雞配黃薑飯、 黑糖無骨鳳爪沙律、 手撕雞檬紙卷、 椰青 $132。 ▫️招牌精裝海南雞配黃薑飯 ～ 黃薑飯偏乾帶點硬， 海南雞正常發揮，沒有驚喜。 ▫️椰青 ～ 加$37，可以升級椰青。 ▫️黑糖無骨鳳爪沙律 ～ 無骨鳳爪口感爽脆，沙律酸酸辣辣的。 ▫️手撕雞檬紙卷 ～ 手撕雞滿滿的，紙卷皮偏厚。 第一次食，感覺味道普通。🏷️溫馨提示～ 整個用餐體驗均屬個人分享意見， 只作參考😊。

🍽越男仔Express胡志明市紅蕃茄四寶湯河粉扎肉·豬扒·豬頸肉·脆豬肉勁香濃蕃茄湯～蕃茄控要黎試下超開心😃小編唔應該配河粉🫣好快索哂湯～四款肉都幾好味～豬扒落過功夫夠淋～脆豬爽口有口感·係幾好味👍蔥花煙三文魚蓉越式春卷出奇地食落味道唔錯～三文魚蓉係頭頭位置～食完就係春卷部分👍好足料推薦試盛惠$1xx💰💰💰💰💰好味指數🫵 5️⃣最佳🍻🍻🍻🍻☻非專業食評·純個人口味☻🗣️仲有咩想講唔錯👍越男仔好耐之前食過都唔差架～今日再食水準依然～唯一真係唔配河粉較好～索湯太快🤣

放假特登早小小過黎 試一試airside嘅foodcourt，因為6點後真係越黎越多人呀🥹🍴招牌去骨海南雞配黃薑飯+秘製香茅薑蜜◽️賣相都幾靚仔幾吸引，不過杯嘢飲太細杯，要加$29，但係幾好飲嘅~◽️雞唔夠嫩滑 比較鞋身◽️黃薑飯食落去個味有少少怪怪地😐◽️炸春卷熱辣辣，個皮夠脆 餡又夠多 唔錯👍🏻◽️鳳爪酸酸甜甜，不過不失◾️海南雞飯嘅話都係鐘意係九龍城食多啲🫢，小食都尚算不錯，不用太過期待~

今日去啟德就順路黎airside 食飯，因為大家想食既野唔一樣，咁food court 就岩晒。 我就揀左越南野。 款式好多，睇到眼花😵‍💫 最後叫左佢寫皇牌既L9. 火辣蒜椒雞扒＋脆豬肉撈檬粉同埋加左$33 要黑糖無骨鳳爪沙律 + 手撕雞檬紙卷。因為已經差唔多兩點，所以都唔洗等太耐就有得拎野食。檬粉$79兩個餸都係肉，份量都幾多，男士食都一定飽。味道幾重，配檬粉汁好開胃！小食份量一樣驚人，兩件卷都塞滿雞肉。黑糖無骨鳳爪我就唔係好食得慣。由於碗檬粉已經好多餸，下次我就未必會再叫小食啦

D1.招牌去骨海南雞配黃薑飯- 配黃薑飯雞不夠滑- 黑糖無骨鳳爪沙律酸酸地幾開胃-手撕雞檬紙卷(2件）L10.胡志明市紅蕃茄四寶熱檸檬水湯檬粉- 配湯檬粉- 轉牛湯- 熱檸檬紅茶湯檬做得吾錯

Airside food court1️⃣招牌去骨海南雞黃薑飯雞肉係幾嫩滑,不過有骨…呃人話冇骨,唔掂lo. 黃薑飯幾香同乾身.2️⃣黑糖無骨鳳爪沙律好辣,又唔話比人知係咁辣.黑糖味就食唔出.汁唔夠多3️⃣煙三文魚手撕雞米紙卷三文魚好乾, 手撕雞米紙卷冇味的💰+15💰Set Dinner $954️⃣椰青大個,多水,清甜,不過好多渣💰$45晚餐黎講都幾抵食

深居簡出的爸媽今天開開心心地專程乘車參觀新商場Airside，殊不知光顧這家食店卻遇上極之不快的經歷！爸媽都不吃牛，但發現購買單上有牛骨湯，於是携單問過究竟。媽媽慣於稱呼女侍應做阿姐，她禮貌地問：「阿姐，請問這牛骨湯是套餐內嗎？但我們不吃牛的。」那位女侍應頓時喝罵我媽：「我不是阿姐，我是小姐！」我媽覺得這稱呼有什麼不對，無故突然被人責罵，感到非常不快和委屈！連後面排隊的一對夫婦食客也覺得女侍應過份，他們不禁問一聲：「那麼怎樣稱呼你才對呀？」女侍應再次表示自己是小姐！媽媽回座位後告訴爸爸，爸爸最後也忍不住再問那女侍應為何老人家也不放過？要難為老人家呢？當下其他侍應都沒有道歉，但媽媽作為一個食客卻無故受氣，原本開開心心的一天就被一個女侍應破壞了！連老人家都不尊重的食肆，真的希望不再有人光顧！

去Airside，見佢其他分店好多好評，就即管試下。叫咗個牛豬蕃茄湯檬套餐，小食要咗手撕雞沙律同加$8越南春卷，再加$32要咗杯椰香滴漏咖啡，另加咗碗鎮店四寶椰汁酸湯檬粉。逐個講：咖啡完全唔係越南咖啡，冇咖啡味之餘，更加一丁點椰味都冇，只得煉奶味，差。春卷係翻炸，皮完全唔脆仲要有油益味，差。鎮店檬粉係好創新，但其實個味係完全唔夾，十分奇怪，當中有一塊炸雞皮，又係翻炸，成碗嘢個味奇怪之餘，啲雞仲要唔熱，差。蕃茄湯檬個味係最正常，但啲餸同樣係唔夠熱同茄膏味太重。手撕雞沙律冇特別差，但唔可以叫好味，只係正常。$243完全唔值，冇下次。

Airside係一個新開嘅shopping mall, 仲係Pet Friendly， 我又住得近，冇理由唔去見識吓😬今日放完狗，就帶埋佢一齊去揾嘢食啦☺️今日嚟到嘅時間係比較夜，所以food court都好多位！今日揀咗食越南野，呢間嘢位於FoodMuse 內，有食過其他分鋪，今日就試吓呢間新開嘅舖同其他水準係唔係都一樣先😁牛豬蕃茄湯檬粉🍜（生牛，烤牛，豬頸肉，豬扒）食才滿滿，蕃茄湯入面又有洋蔥，味都夠晒濃！越式春卷🌯炸得好香口，又唔會太鹹。裏面塞滿紅蘿蔔絲，粉絲同埋香菇，好滿足！三檸七🧋（檸檬，青檸，鹹檸檬）即係鹹檸七😆但顧名思義係用三種檸檬製造而成凍冰冰鬼爽❄️

喺airside food court food muse云云選擇當中，經過見到一碟碟海南雞飯個樣超靚，於是就㨂咗呢間試，原來其他分店喺OpenRice 都好多好評，本身唔知，夜晚又唔想食咁油膩，於是就嗌咗個手撕雞椰子湯檬粉，個手撕雞都有炒香㗎喎，個扎肉個胡椒香都好味，仲有兩款小食揀，雖然個份量唔好預咁多，一人餐就算唔錯，小食揀咗手撕雞沙律同脆蛋魚柳，全部都好味，雖然手撕雞沙律同手撕雞湯檬重覆咗，但都同樣夠味，個椰子湯都好香濃，加少少辣椒都好正！ 推介！

位於啟德Airside 佔地個萬尺嘅Foodmuse係9月底正式開幕！主打創新fusion 越南菜越男仔，本身係旺角、荃灣同沙田都有分店，出名抵食又啱香港人口味！餐牌多選擇夠多元化，完全可以滿足哂三心兩意嘅朋友😂越男仔手撕雞扎肉椰汁酸湯檬粉 $147好大碗，湯底有椰汁嘅香，配上越式酸汁，湯底濃郁好有層次感，檬粉好滑，手撕雞同扎肉都好多份量，推薦！配送黑糖無骨鳳爪沙律沙律菜一啲都唔馬虎，好新鮮，鳳爪好入味又彈牙，必選！煙三文魚手撕雞檬紙卷兩件 跟餐+HKD15配搭不錯，一整個放入口，酸酸甜甜的醬汁與吞拿魚味道融合，口感清新開胃！熱越式漏漏啡 跟餐+HK$24正宗越南滴漏咖啡，雖然foodcourt只能用紙杯，但完全不減咖啡的香！夠熱，好飲！另外，用Food Department 手機應用程式落order好方便，仲有好多折扣優惠添！大家一定要download🫶🏻#FOODMUSE #hk #hongkong #Airside #NewStoreOpening #啟德FOODMUSE地址: 啟德協調道2號 AIRSIDE 5樓L504-L505號舖營業時間: 11:30am - 10:00p