影片
港鐵牛頭角站 A 出口, 步行約6分鐘
繼續閱讀
電話號碼
27712119
營業時間
今日營業
12:00 - 00:00
星期一至日
12:00 - 00:00
*6點后做外賣
以上資料只供參考, 請與餐廳確認詳情
食家推介
呢間一直都有幫襯開食物都唔錯因工作關係食飯時間好趕所以好多時都打定電話叫外賣今日一如以往都打去叫定個lunch點知去到突然話只收現金之前次次都用電子支付姐姐話轉咗老闆只收現金打電話落order 時又無講明我話無現金佢叫我去㩒錢成條街都無櫃員機㩒得嚟我都無時間食啦結果因為無現金所以放棄個lunch走嘅時候個姐姐仲大大聲話我無錢俾真係火都嚟結果因為佢搞到唔夠時間再買外賣無飯食之後都唔會再幫襯服務大倒退 😡
繼續閱讀
越泰豐宜安街屹立多年嘅泰國菜，總廚係喺香港已經有三十年經驗嘅泰國大廚，口味包保地道！美味！🦐 生蝦刺身一碟八隻，每隻配有生蒜同辣椒片，香辣爽甜，夏日炎炎食呢個做前菜開胃就FIT哂！生蝦下面仲墊有一盤冰粒，夠凍，衛生程度都非常理想🧊🦪 鐵板蠔仔蛋必食之選！次次都會叫！蛋好香滑，蠔仔大大粒脹卜卜，鮮味十足，鐵板即上夠熱辣辣！🇨🇷 泰式拼盤泰國小食樣樣嘢都好好食，為咗唔好諗爆自己個頭，我通常都會叫拼盤，呢度嘅拼盤內容包括：蝦餅、魚餅、春捲、香茅雞翼、酸辣鳳爪、豬頸肉，款式豐富，完全可以拯救選擇困難嘅人🤭而我最鍾意就係豬頸肉，香口🦀 黃咖哩軟殼蟹麵包又係一個必食之選！惹味嘅黃咖哩，再配上炸到通透嘅軟殼蟹，味道同口感都襯到絕，而大家通常搶嘅都係麵包，麵包質感煙韌，唔會因為索咗汁就變得爛溶溶，點滿咖哩真係超級好味！🦑 燒原隻新鮮魷魚平時都有叫開，但呢一晚去食好似有少少失手，燒得硬身咗啲🥺🥬 生菜包香辣肉碎配上爽甜生菜，雖然知道食起上嚟會有啲「呢hea」，但總係忍唔住會叫嚟食😝肉碎辣辣地，炒得好味，配上洋蔥蔥粒，每一口都有新鮮嘅感覺🍜 泰式炒金邊粉（海鮮）賣相好靚！鋪喺金邊粉上面嘅係一層薄薄嘅蛋皮，食落有腐皮嘅質感，會有芽菜、花生碎、青檸，可以依照個人喜好加入，金邊粉炒得入味，用嚟埋尾相當滿足成餐飯無咩投訴，衛生同服務都不錯，之但係店舖個冷氣好似壞壞地，坐得有點熱有點焗，希望快D整好佢，客人們可以舒舒服服咁食啦~
繼續閱讀
晚市氣氛相當熱鬧，人數較多嘅要等一陣入座嚟得食泰國菜，唔少得要整鍋冬蔭功湯醒神一下冬蔭功湯有分大同小尺寸，由於多人一齊食開心share，當然揀大尺寸著數湯底好香 有齊蕃茄酸甜同蝦嘅鮮味，辣味恰到好處連小朋友都可以入到口小食拼盤滿足到大人小朋友香口脆身 有春卷雞翼啖啖肉嘅有蝦卷同扎肉（？）仲有好爽嘅豬頸肉同無骨鳳爪唔錯推介個汁好好食嘅青木瓜沙律肉碎生菜包不過不失豬肉串燒賣晒，得返雞肉串燒另有沙嗲汁配好味街坊店嚟講 已經算係咁不過若然午餐嚟食比較實惠
繼續閱讀
大家聽啦！我喺呢間餐廳食到一頓好玩、好味嘅晚餐，十足十嘅地道体驗。一入門口就覺得陣陣茄汁味攞命，正！我嘅必點椒鹽魷魚做得出奇地鬆脆，啖啖肉咁，絲絲鹹香夠晒kick。朋友點嘅豉椒牛肉，聞落黑椒味撲鼻，煮到柔軟得黎保持咗牛肉本身嘅鮮味，香滑得嚟唔牙膏，揼一啖，牛味滿口，完全係啱晒我呢啲愛肉之人。😋私房菜嘅手藝一流，推介佢嘅豆鼓蒸排骨，啖啖肉，綿滑嘅口感搭配豆鼓嘅微辣，蒸得剛剛好，真系食指大動。茄汁金菇滑豆腐嘅鮮甜，加上豆腐嘅嫩滑，完美致敬廣東經典嘅家常味。最後奉上畀大家一個小Tip：如果你肚餓嘅話，萬勿錯過佢嘅爆汁叉燒包，中間流出嘅叉燒汁，真系惹味到爆！整體黎講，係個溫馨又滿足嘅晚餐體驗，打個飽嚟緊係滿足到塞牙縫！🍢🍚🥢
繼續閱讀
呢間泰國餐廳叫越泰豐，在觀塘宜安街：我食過覺得值得推介呢個黃咖喱軟殼蟹+麵包😁😁黃咖喱汁好香濃，完全唔辣，有少少甜麵包是烘過既，好脆，好鬆化，新鮮食好正👍🏻👍🏻軟殼蟹件數夠，好鮮美。 完全係可以咬到食落肚😆當然 堂食 比外賣更好食，色澤更吸引😋😋😋 但餐廳位置真係唔多，繁忙時段食真係幾蝦人😂😂如果麵包唔夠喉，配上份薄餅點黃咖喱都係一個好唔錯既選擇😆😆總體來說，呢個黃咖喱軟殼蟹係好值得一試😋😋
繼續閱讀
您可能會有興趣的...