越南牛肉粉專門店 (已結業)

此店製作的越南食品非常正宗，看看扎肉湯河便知道：家人與同事曾到越南遊玩，他同事的父親當時駐當地做生意，外出招呼他們吃的河粉伴隨的芽菜是跟湯河分開上的。所以如果光顧的越南食店所煮的芽菜放進湯粉裡的，一定不會正宗到那裡去了！這樣的芽菜吃來較爽口。火車頭是越南河粉之中，選料最多的粉食，味道等各方面中規中矩，超過合格水準。由於燈火稍暗，所以有點浪漫。…查看更多

星期六上午過左灣仔, 早場平價行書展, 行完都已經差不多下午茶時間啦~天時暑熱, 女友話: 如果有一杯冰凍既青檸梳打飲, 咁就好啦!! 我二話不說, 即刻帶左佢黎 pho tai 食越南野~眼見呢度除左單點食品, 仲有 3 款套餐選擇.set A ($40) : 一般粉麵 + 港式飲品set B ($45): 一般粉麵 + 越式特飲set C ($55): 一般粉麵 + 越式特飲 + 半份小食套餐 d 小食好似唔多岩我地口味, 所我地兩個都選擇左 set B1) 生牛肉湯河 + 青檸梳打2) 雞絲凍檬粉 + 越式冰咖啡一點完餐, 侍應即刻放底一小籃芽菜仔, 青檸, 香葉, 應該係為湯河而設既~ 轉個頭, 生牛肉湯河就到啦~ 碗河粉好簡單, 就咁得河粉, 葱粒同幾片生牛肉~女友手快快落左幾片香葉, 滴左青檸汁, 仲放埋兩小件青檸落個湯, 我就把握時間為 "生牛河" 影相~ 我影完第一張相, 女友已經快快手落埋一堆芽菜仔, 我又即刻影張相.個湯都幾熱, 轉眼牛肉浸住湯既部份已經熟左, 女友求其將所有材料響湯中撈勻, 就開始食~ 佢話個湯甜甜地, 又有 d 胡椒味, 河粉都算滑, 加埋 d 配料, 算係幾好食~ 牛肉唔 "鞋" 口又有牛味, 不過得果 3 薄片, 略嫌太少.雞絲凍檬無乜特別, 食落口既感覺係室溫, 個人覺得唔夠凍. :(青檸梳打 = 1 隻裝住冰 & 青檸既杯 + 1 罐 watsXn's 梳打水你自己倒落去.女友發現佢係落左 d 沙糖響杯底, 落左梳打水後, 一陣 d 沙糖都已經溶哂~越式冰咖啡, 好甜同無乜咖啡香味, 似一般幾蚊 1 罐果 d 罐裝咖啡咁. 不值一試. :(明明我地食左 $45 既 set B, 賣單果陣, 發現佢寫錯 $55 既 set C 各位食野真係要睇單呀!!…查看更多

約左朋友3點, 突然間想食湯河，跑去附近的Pho Tai 越式河粉。每檯都已放上一籃香料，可知大部份的客人都是來吃河粉的，既然一心來吃pho，也沒有吃別的東西之理由。一款tea set，(一河粉加一杯飲品)！order 的生牛肉湯河送上，第一件事先把金不換和銀芽等香料放晒入湯內。喝一口湯，也飲得出芫茜味和胡椒味，味道尚可，河粉幾滑溜，亦不會碎濕濕的，夾著夾口的銀芽吃，亦不錯的；嫌其牛肉份量太少，薄薄的幾片，不過有牛味; 肉質是正，Pork chop 質素不太差的。 埋單$70 . very OK la :)…查看更多

如果我有睇過Openrice此處的食評, 我就唔會遇上以下的"難"忘經歷:一個人行完山, 好餓, 想去試的餃子店, 因新年未啟市, 行行下路經此食店, 就試下啦, 反正食越南河粉應該不會太過差得去邊......叫了B set - 一碗香茅豬扒湯河&一杯青檸梳打, 碗粉一放低, 就覺有D唔同其他越南食肆D河粉個樣, D湯多到浸住晒D粉同材料, 湯並不是生熟牛河個隻清湯, 有少少奶白, but唔係豬骨湯喎, 一塊香茅豬扒被切開成五,六條, 食第一條都唔覺點, 普通一件豬扒, 食到第二件就出事, 聞到一陣好濃烈的, 好攻鼻 , 即吐出來, 初時以為聞錯, 再食多件, 就好確定, 我諗係用左太多梳打粉或鬆肉粉之類 (有邊位朋友知道, 請指教下, 會唔會係呢個原因導致), 如果係咁, 想令到件肉鬆左, 不過, 都唔好當D食客係傻, 雖然有某D食店都會咁做, 但實在太過 "搏命" 落得過多, 就有反效果喇; 如果唔係呢個問題的話, 咁就更加奇怪, 點解會有呢D怪味??!! 最後, 只有快快食晒D河粉就算, D豬扒, 一係 lur左, 剩番果D掉左:(…查看更多

同事建議黎呢度食lunch, ok la...返正都有2年無黎過. (在灣仔返左2年工, 只在此食過一次?!)今次比多個機會佢....叫左個豬頸肉撈檬...d 檬粉好多下.....不過只有1小碗酸甜汁, 我就吾多夠食!! 算la....講到塊豬頸肉, 都幾多下....我只叫左碗粉, 並無叫set....好在!! 吾係飽到頂上心口!!講返個豬既味道, 煙煙韌韌....好爽口, 好冶味, 不過咸左d.....但食後有口渴... 一定有味精!!吾係同事叫到, 我未必會再黎. 最衰無左小巴黎(雖然佢d 亞姐既service 奇差! 但食物又平又靚呢!)…查看更多

兩個人嗌左生牛肉河同埋扎肉河個生牛河,牛肉唔韌,幾好食扎肉都唔差呀真係幾正宗越南野雖然係下午茶但佢地d河既份量食完真係飽哂喇當晚餐都得呀唯一要講唔好既就係杯檸茶喇太甜,同埋唔知點解有泡既…查看更多

平日想食都是外賣多,今天有點空檔,可坐一會吃得舒服。一貫外型生牛肉河迅即抵達,湯、似清還濁,夠熱但有股怪怪的甜味,不像蘿蔔哧,牛骨香較平時外賣的淡多了。快快將桌上任添的芽菜、金不換、指天椒加進去才变得好些,幸而肥牛片質地不算太差,浸到嫩紅吃細滑無渣。服務、招呼算合格,路過一試無.妨。…查看更多

不知所謂,重話係越南牛肉粉專門店..,本人最喜歡食越南火車頭,已有10年多,但16/4我和一家人到元朗分店,見到門口餐牌寫有火車頭,就入去試試,點知火車頭河粉來到時只有一碗只值10元牛肉河粉,因為正宗火車頭河粉係一碗內2個半河粉再加4-5款牛肉,我問店長這叫火車頭他們說係我話你們太商業化只為賺錢,火車頭意思係大大碗,但你們火車頭重細碗過大排檔10元一碗河粉,重要收$45一碗更離譜事,我加餐飲咖啡,他們用小型茶杯只夠飲2啖,…查看更多

23-9-2009收工到灣仔搵朋友食個晚飯, 雖然佢有排都未走得 @_@ 嚟了呢度, 主要因為附近 d 嘢較油膩, 我好多嘢都唔食得. 9:45pm 嚟到, 晚市食客都走得七七八八了, 兩個人幾乎包了場 叫了套餐 B ($50), 有湯/撈 檬/河, 小食一客及飲品一杯小食係「水晶香茅豬肉卷」, 即碎濕濕豬肉的米紙卷... 卷得夠實, 米紙軟熟但唔夠煙韌; 豬肉太少, 食唔到「香茅」味喎; 不過檬粉, 酸蘿蔔絲, 蒜, 香花菜 (?) etc 夠晒多, 蘸點酸酸甜甜的魚露, 都 ok 的.主食係份量勁大的扎肉撈檬 : 扎肉薄切, 食落硬硬實實; 檬粉夠煙韌彈牙, 夠凍; 酸蘿蔔份量唔多, 不過咁樣反而啱晒我 魚露味道欠一點層次, 不過酸酸甜甜的味道幾啱口味, 呢碗檬粉都及格吧.飲品係熱「越南蓮花茶」, 呢個就唔多啱飲 -- 聞落有點「薰衣草」的感覺, 飲落較苦, 嗒真 d 又有點花的味道, 不過質地有點「刺喉」, 飲完棚牙仲「乾巴巴」又「嚡烚烚」, 感覺奇奇怪怪的. 其實我都唔識形容究竟係點, 總言之唔喜歡啦. @_@"朋友食燒豬頸肉飯 + 蒸粉包, 飲椰汁冰 ($50)... 試了一塊豬頸肉, 係香口爽口又香茅味十足的; 而粉包就呈「一碌嘢」狀,「粉包」定「粉腸」? 我試嗰條 (!) 皮薄餡亦夠味又唔乾, 而且「完整無缺」, 不過朋友食嗰兩條就爆晒餡的, 真係... 環境光猛乾淨, 好「連鎖」feel; 招呼就有等於無, 不過都好多「驚多過喜」的...每人 $50 堆單, 一試無妨, 不過我未必會再嚟了.…查看更多

When you think of the success of Vietnamese food, a few words spring to mind: Fresh, zingy, spicy & sweet. Freshness comes from quality & clean ingredients, zinginess comes from the lime, spicy from small red chili's balaced by sweetness of sugar to counteract the heat.Pho Tai has quite an extensive menu but the operator cleverly group them into 2 "one price sets" with limited choices. I guess it is easier for customers to order and by focusing on just a limited range, they can minimise wastage.Service is non-existent. Due to the fact that we are in the midst of summer vacation, the whole shop is run by summer-job seekers.As you sat, a basket of sprouts and basil, chili & lime, epitome of Vietnam in a basket, is placed in front of you, together with a glass of water. Water is very merky and you seriously don't know who or what has been before you. At first glance the basket was an uplift, a taste tantalizer and laid the carpet on what you can expect of the food. On closer inspection, the story cannot be far different. Only the top layer of sprouts are fresh, the ones at the bottom are rotting. The basket, made from bamboo skins is obviously not as water-proof as they might have thought, it has the first sign of fungal infection.This does not help by the musky smell that hit you when you first walk in, you are starting to realise where it has come from. Don't vomit yet, as when you have not seen what's is living and growing on the wooden partition yet. The white partition has some greyish pattern on them, on closer inspection, these are moulds. It doesn't help much when there are cobwebs weaved in within the cut out patterns. The whole decoration is just alive & kicking.Drink is as dull as it can be, there is no effort in building a drink. Lime soda is just lime & soda, no lime syrup or anything to excite the palate.Chicken pho is also just chicken & noodle, you will be mad to think that I would dip my hand into that manky, disgusting, rotting sprounts and greens.As I start to worry my respiratory system inhaling all the infestions that were going on, I left quickly without looking back. I can't help but to think that eating on the road side or on a sampang on Meekong River is safer.…查看更多

nei間Pho Tai同其他分店唔同，裝修靚好多，但d服務真係好差... 我落order都要叫我等成個字... 仲有d服務態度...不過d野食就ok~d河粉特別滑的，同d湯底特別香! 生牛肉薄切而且唔癡牙~ 兩個河份都好好味牛肉蝦片就幾特別，佢有d醬可以點的，但d醬會溶左舊蝦片... 但一啖食落去d配答又好好，淡的甘旬中和左咸的蝦片同牛肉，而且口感好好珍多冰原來係椰汁，入面有d條狀物，唔知係乜但無味的，杯野幾清甜下，幾好飲…查看更多

突然間想食pho，放棄了公司的午餐，獨自跑去附近的越式河粉專門店去了。看見每檯都已放上一籃香料，可知大部份的客人都是來吃河粉的，不過香料預先放在檯上，沒遮沒掩的，感覺總是不太衛生。既然一心來吃pho，而這裡十之八九的客又是為pho而來，也沒有吃別的東西之理由。看看餐牌，在一款套餐，是一河粉加一杯飲品的，岩晒，就要佢！一會，生牛肉湯河送上，第一件事先把金不換和銀芽等香料放晒入湯內。喝一口湯，偏甜的，也飲得出芫茜味和胡椒味，味道尚可，但湯底不夠熱就要扣分；河粉幾滑溜，亦不會碎濕濕的，但吃不出米香，夾著夾口的銀芽吃，亦不錯的；嫌其牛肉份量太少，只有薄薄的幾片，不過肉質是嫩涌，都吃得出牛味，質素不太差的。飲品方面，加了$4來杯龍眼冰，好重龍眼乾的味道，底下也有不少果肉，可惜下熱上凍，有如部份茶記沖凍飲的出品，馬虎了事。吃得七七八八，正到繁忙時間，人客紛紛湧入，我還是識做一點馬上離開。埋單四十蚊，可以接受。…查看更多

sat lunch 一時多很光猛及頗乾淨的一店，很像很新- 要了扎肉河粉set，加$4飲凍（青）檸樂。扎肉每塊都幾 thin，不過兩塊一起吃是不錯。河粉味道有點甜，不過我又覺得幾好味，朋友說平日的不會這麼甜- 朋友的豬扒都幾軟及入味，不過是炸的…查看更多

呢間野鋪頭細細,一到lunch 就好多人係門口等,12:45 pm 附近好多上班一族.每次去一些之前未去過的越南菜館,一定會先吃其生牛河,這個是小弟之其中一個指標,如果連生牛河也不行的話,其他菜式,印象分已打折扣.牛河上到桌時,牛肉還未被湯底灼到全熟,對我這個愛吃半生熟牛的人,也是一個喜訊.吃落牛肉嫩滑,沒有渣,有肉味.湯底清甜,河粉幼身滑如脂.整體水準不錯.正當意蘆退下火線一段日子,仍然未能成功尋找到出色的越南菜館,還是找個時間,來個晚市一試虛實.如果想食得舒服d, 建議下午茶時間黎!…查看更多

一直都唔知集城附近除左西貢外仲有呢間越南野，今日同事帶路先知:)Lunch set有$36/$50，我地梗係要$36有粉有野飲啦！札肉湯檬：札肉超級薄，亦無乜味，檬粉OK，好味版米粉，反而係湯實在好正，因為係甜的，唔係咸的！越南蓮花茶：同普通茶無分別，多左Ｄ香味，不過係化學味，好幾難飲下，飲左一半就放棄，好彩唔駛+$:)味道一般啦，但係比較清淡，唔會太咸囉！…查看更多