越北牛肉粉專門店

營業中

休息中

今日同朋友係西環聚舊大家都想食越南菜四周遊逛之後見到呢間出名既越南菜就決定入去試下餐牌好多選擇，有地道小食，米紙卷，越式沙律，等亦有套餐俾多人聚會時選擇，好抵食咖哩牛腩飯好地道既味道，咖哩煮得非常濃郁好重椰香味，微辣令到撈飯食好惹味牛腩軟淋入味，肥瘦均勻係店家悉心烹調既證明燒豬頸肉飯豬頸肉燒得香口，油香係口腔爆發送飯食好開胃再點上醬汁，層次更加豐富河內芝心蝦多士有成4件好抵食蝦肉飽滿，好鮮甜再加上咸味的芝士2個味道互相呼應意外地夾好滋味

呢間之前成日去食覺得佢啲越南粉幾好食今次就去咗試佢嘅下午茶餐價錢方面都幾抵，包一杯熱飲、仲有得用優惠價加埋小食因為嗰陣未食飯都幾肚餓所以就試咗佢嘅越北三寶湯檬，佢有齊香茅雞翼、香茅豬扒同埋扎肉滿足晒我想食肉嘅慾望起初以為佢好少餸，但係點知一上枱就勁大碟有兩隻雞翼、兩塊扎肉同埋勁多舊豬扒調味方面都唔錯，煎得好脆同時又唔會好乾價錢方面$60咁多餸又唔係好貴另外再加左$22要佢嘅魚露炒雜菜分量都幾足，有西蘭花椰菜同埋蘿蔔不過味道方面就鹹咗啲飲品就試咗佢嘅菜蜜味道不過不失整體唔錯，下午茶來講性價比高而且份量唔會減少有機會會再試佢其他嘢食

今天(2021-10-17，星期日)，大約1120時去到(越北，水街分店)，入到店內，問女店員取檯三位。女店員只顧低頭做事，冷淡回應，(未開鋪，唔得喎)。……原來開1130時。……咁我再問，我地坐低等，唔阻妳做嘢，夠鐘才叫食物，得唔得？……女店員仍低頭，零眼神交流，只說(唔得就係唔得，出去等啦)。我地乘興而入，敗興而出。唯有在店外等。店外行人路只有約三至四呎闊，又近馬路交界，人流熙來攘往，除了我們三人滯留店外，之後亦有幾批人客，被店方拒諸門外……我們為數大約10人，擠塞於行人道上，阻人又阻己，天氣又熱又曬，苦不堪言。到1130時了，終於店方皇恩浩蕩，大赦食客進入。10多人湧入店內，各据一方。我們三人坐下，見到剛才的女店員，雖有口罩遮面，卻掩不住眼神不悅之色，可能太多食客湧入，令其不歡。10分鐘後仍未有職員奉上茶水。我唯有(乞求)店員，店員回覆沒有提供茶水服務，熱滾水才有。……唉！人過矮檐下，不得不低頭。……唯有笑臉相陪，(好呀，唔該，三杯滾水。)到食完離開前，想找洗手間，地下卻毫無標示。唯有向店員查詢。另一個女店員仍是低頭，回應，自己去樓上揾喇。……唉……咁嘅服務態度，無言！唔明！唔明

喺西營盤如果想食越南嘢呢度係一個唔錯嘅選擇。佢地嘅湯底夠清，味道甜，所以一般黎呢度食我都會選擇湯河，而且份量都比較足。如果想跟小食嘅話，香茅雞翼或者無骨鳳爪都係唔錯嘅選擇。堂食同外賣我都有幫襯過，食左咁耐，我認為佢地嘅食物水準都係比較穩定。

I know that this restaurant does tea-sets at a cheaper price between 2-6 pm and since we haven’t had a big lunch today, our unanimous decision was to come here for an early dinner. After having gone for something hot, it’s of course wise to get something on the colder side! We went for the Pork Chop, Chicken Wing & Vietnamese Sausage Cold Vermicelli ($60), again with a bunch of toppings for sharing. How generous of them to give us a giant pork, we happily dug our way through the bowl and again c

以架天氣好熱🥵，無咩也胃口，就係想食d涼涼地嘅野食，越南撈檬就係一個好選擇🤣 之前去過越北嘅其他分店，味道唔係太好，但估唔到哩間又唔錯😋順化香茅牛肉撈檬大大碗，份量比起平時係其他越南店食多！上面鋪滿牛肉片，份量足夠撈哂成碗，唔會食到尾淨得檬粉。瘦牛肉片好淋，香茅味特出❤️但係牛肉味就無乜😅 ，不過我都好鐘意😜 食完滿足😌香茅豬扒湯檬媽咪就嗌左哩個。好欣賞佢將香茅豬扒同湯檬分開上，唔會令到豬排淋哂👍🏻豬扒新鮮煎起，熱辣辣，食落好香口😍💕

呢間黎過幾次，次次都係－冷氣超大！！而家夏天，著左件外套都仲係覺得凍，尤其係店內較入或較角落頭既位而家疫情，店會提供口罩紙袋同濕紙巾比你，擺係每張枱上面，呢點做得幾好。覺得冷氣太大到頂唔順，就搵侍應幫手換位，當時係2點幾，門口都有位，就換左去果邊。但係門口對正馬路，太熱了。成間店一係就太凍，一係就太熱，想點。好啦嗌左野食，2點幾應該無lunch time咁忙，點知等左好耐，20分鐘都未有！咁唯有催下佢。生牛肉河結果成半個鐘先黎到。已經無前幾年咁好食，質素下降晒。d牛一d味都無，又乾。湯以前係幾好飲的，而家變到好普通。牛又少，靠個兩舊蘿白墊高奶茶味道奇道奇怪，唔加糖好苦，加左成包糖，仲係有陣怪味，唔係你平時飲開既奶茶。總而言之，服務一般，野食又慢，又唔好食，環境一係極凍一係極熱（你當下仲要食住碗熱辣辣既麵），真係唔值得幫襯。

Recently realised I live proximally at the cross section of two North Viet Pho, how handy! In the wake of this, today I decided to get moving to the one I have never visited after having stayed indoors for a day for some light exercise. I went for a walk to find something delectable but not too loaded for dinner. I almost forgot besides vermicelli, they also have salads on offer at 10% off with every takeaway order. I got the green papaya and chicken salad for $69 and the wait took fewer than 10

越北越開越多，新店嘅裝修亦都好新穎，走年輕人路線，食物嘅種類亦都越來越多，開咗好多新嘅市場，餐牌亦都會轉換。今日同老公都放假，就去咗越北食下午茶，我叫左半隻燒春雞，佢叫咗一個喇沙，再加多一客最愛的蒜蓉牛油雞翼。由第一次食就愛上既蒜蓉牛油雞翼真係冇令我失望，去過其他地方食都不及越北的好食，牛油味好香，蒜蓉味亦都好香，互相互相配合得好好，雞翼係大大隻既雞翼，散叫係優惠！我哋嗰兩個下午茶餐加特飲，都係算吧啦，越做越差，不倫不類，完全唔好食，如果唔係有雞翼，真的不會再去。

外賣通常都冇堂食咁好食既，不過呢間既外賣我食過幾次，都覺得味道唔錯。牛丸湯金邊粉 (外賣平台價: $66)湯係另外裝既，我覺得下次應該將個湯叮熱翻小小，咁倒落啲金邊粉到會更加正。牛丸雖然細細粒，但一共都有成8粒，份量算唔錯。始終細粒同冇標榜係手打牛丸，所以當然冇出面手打牛丸咁正，不過咬落都juicy同有牛味。我覺得整體黎講係外賣之中幾好食既越南菜，除咗個湯冇咁熱之外，金邊粉冇因為外賣既關係林咗，總括然而黎係幾好食，幾推薦既。

前排同屋企人去左越北食晚飯, 因為屋企人有選擇困難症, 大食妹就建議嗌個地道四人餐地道四人餐有好多嘢食, 有小食拼盤、鮮蝦米紙卷、法式牛油軟殼蟹、蕃茄牛腩煲(配蒜蓉包)、任選主食兩款同椰汁班蘭糕<四人小食拼盤>四人小食拼盤有蝦餅、魚餅、墨魚餅、煎扎肉、扎肉、雞肉串同胡椒豬肉串大食妹最鍾意蝦餅, 脆口得黎彈牙<鮮蝦米紙卷>鮮蝦米紙卷都好fresh, 仲有原隻大蝦喺裏面<法式牛油軟殼蟹>法式牛油軟殼蟹好酥脆, 食得出有啲牛油香, 但大食妹就覺得有啲油膩<蕃茄牛腩煲(配蒜蓉包)>蕃茄底一向都係大食妹嘅最愛但越北嘅蕃茄牛腩煲就唔係我杯茶啦雖然蕃茄汁濃郁, 但味道好甜, 牛腩都幾軟爛, 但大食妹都係鍾意酸嘅蕃茄底蒜蓉包都幾脆, 蒜蓉味都足夠嘅<越北三寶飯>主食方面, 大食妹就嗌咗個越北三寶飯香茅豬扒同雞翼都好惹味蝦片都勁脆<越北生牛肉湯粉>另一份主食, 我哋就嗌咗越北生牛肉湯粉味道唔錯, 冬天食幾暖胃

這間越南菜館睇住佢越開越多。之前都好奇佢是否真係好受歡迎？家人之前試過就表達好多香料菜。對食開中式菜的老友記就未必適合。今次想試的最大原因，因為佢地有下午茶餐，所以想平平地食一餐。今次所點選的係以下撈檬：這個撈檬真係未食過。和家人講的一樣。真係好多香菜料。但好豐富呀那些食材應該係即炸的。因為都係熱騰騰和好香口。雖然下午茶來話都算貴。但都值得試一試。但跟餐大部分飲品都要加錢。所以今次選擇特飲。那些一條條的啫喱真係唔好食⋯但那些椰汁都可以，不過因為天氣太熱。很快就飲完一杯了今次下午茶都唔算平。但都算飽滿。不需要收加一。但要留意一點，這裡的洗手間在樓上。行動不方便的朋友們可能就比較難受。

這間越南餐廳於同區內不過不失，堂食環境是比其他越南餐廳舒服淸潔。疫情其間，家人都不想外出用膳，所以點了外賣自取。點了四款食物，如下：生牛湯河-味道一般，湯底較淡，不值一嘗。雞絲扎肉湯檬-湯底淡味，雞肉好「鞋」，無乜味道，越南河基本酸甜汁都冇跟埋。香茅豬扒湯河-豬扒幾淋，不過部分係「生」既，不能接受！！這款菜式是小朋友食，剛巧我剪開見到豬扒係生嘅！生豬扒咁都得？如果小朋友食咗真係不堪設想！豬扒未熟！酸辣鳳爪-味道ok,不算很䜹熱檸水-苦澀，外賣又冇俾糖總括來說，同區的越南餐廳，越北好一般，更何況食物是生的，外賣好求其，不會再幫襯，怕怕！唔想搵命博！

生牛肉湯河粉，表面鋪滿洋蔥、香蔥、香葉、九層塔，口感清脆，湯底飲落牛骨味濃；生牛肉肉質嫩滑、肥美、軟腍，牛脂味濃；河粉口感幼身、滑溜；配以指天椒、青檸汁食用，味道酸辣。香茅雞扒湯河粉，雞扒口感外香脆內肉嫩、多汁，食落充滿香茅味道，配以炸蒜片食用，味道更香口，湯河粉味道咸香。鮮蝦米紙卷，米紙薄身通透，口感煙韌； 內裏包裹住鮮蝦、醃青瓜、醃紅蘿蔔絲、檬粉、生菜；鮮蝦口感彈牙，味道清甜，整體口感好豐富。馬拉盞灼生菜，生菜口感爽脆，味道正宗，配以蝦米粒食用，味道更香口。薄荷青檸梳打，青檸、薄荷味道厚重，飲落好清新。三色咸檸七，加入咸檸檬、青檸、檸檬、雪碧，四重檸檬味道，飲落好清爽，味道酸溜帶甜。

隔咗幾日就已經好掛住越南嘢食😍見到越北牛肉粉專門店入面幾多人食👥所以就入咗去試下🤪.河內咖喱雞配米飯🍛咖喱唔係好辣，非常適合送飯🍚雞件份量都幾多，不過唔算好嫩🐓旁邊仲有啲酸蘿蔔絲🥕整體都幾好😆.鮮蝦米紙卷 (2件)🌯個 size 啱啱好可以一次過擺入口食😉入面有生菜🥬青瓜絲🥒紅蘿蔔絲🥕檬粉、鮮蝦🦐多重口感，我覺得點少少撈檸汁好好味😋.越南海蜇沙律🇻🇳🥗有海蜇、青瓜、紅蘿蔔絲、芹菜、花生🥜份量大又清爽💦.椰汁斑蘭糕 (4件)💚表面略為輕輕硬咗少少🤏🏻不過都夠煙韌，而且甜度適中🤤.水晶芒果沙冰🍹芒果好甜🥭面頭有好多西米，咬落係爽口嗰種😗.椰汁冰🥥椰子味非常濃郁☺️沙冰咁飲幾正