越北牛肉粉專門店

營業中

休息中

餐廳裝修都好有越南特式，餐廳正中位置仲掛左好大張越南姑娘既畫，幾有氣氛，職員亦好有朝氣，服務態度非常好👍越北生牛肉牛腩片湯粉 $90好正宗既越南湯粉，湯頭清甜濃郁，風味十足好地道，生牛肉同牛腩片既份量都幾多，牛香味濃，牛肉亦肥瘦比例好好，完全唔會硬身粗嚡，河粉亦細白順滑，輕輕一啜就食到，夠滑夠香軟，整體都非常好食😋峴港蝦頭膏酸辣海鮮湯檬 $92湯頭微辣帶鮮，非常開胃惹味，入面配料都好充足，有勁肥美多肉既青口，非常鮮嫩有咬口既墨魚仔，識得爆汁既蝦丸同大量蜆肉等等，非常豐富，湯檬份量亦好多，食完成個大滿足酸辣無骨鳳爪酸酸辣辣勁惹味，無骨鳳爪隻隻都好肥嘟嘟好多肉，仲勁入味，食到停唔到口，值得一試越北炸春卷（2件）炸得外皮好酥脆，唔會有一絲油膩感，整體味道都唔錯越南奶咖啡咖啡味好濃香，奶滑偏甜，但唔會甜到好滯薄荷青檸梳打成杯味道好清新自然，夏天飲真係好舒服

除左日韓菜， 越南菜一定係香港人另一最愛，尤其係夏天熱辣辣就好想食啲酸辣開胃菜，越南野令人諗起一定係牛肉河， 今次我就唔食牛肉河， 因為真係有啲熱， 再加上最近想減碳， 就叫沙律同炒菜烤豬頸肉青木瓜沙律而家豬肉咁貴， $68一份既豬頸肉沙律，有6-7片豬頸肉，真係算多， 豬頸肉厚薄適中，邊邊有啲脆口，肉又夠嫩，唔會烤到好乾，仍然覺得juicy, 抵讚， 豬頸肉下面一大碟木瓜絲沙律，酸酸甜甜加微辣， 真係好開胃， 中和返豬頸肉既油脂，食完都唔覺heavy大頭蝦膏抄通菜而家去粉面店食碟油菜都可能要廿幾蚊， 呢碟炒通菜只係$33真心抵食， 量唔少， 食完真係夠哂纖維

今天下午到了一間有品牌的越南菜館 - 越北牛肉粉（西灣河分店）🇻🇳，地方環境舒適-冷氣充足，服務人員專業有禮😁。下午茶餐相當抵吃🤑，我們下單不久，食物很快就送到，超有效率。我們點了幾款不同嘅粉面😊：🐮綜合牛肉湯河粉（$60）- 份量足夠，生牛肉，牛腩片，牛肉丸，用料新鮮，肉汁飽滿，很有牛味，加上酸酸甜甜湯底，特別開胃。🍅海防蕃茄蟹檬（$66）- 蟹肉鮮美，蝦丸彈牙，扎肉加上胡椒粒特別有口感，蕃茄湯加肉碎，夾起來鮮甜好味。🦐炸蝦餅（套餐+$30）- 蝦肉新鮮彈牙🐥青桔仔雞翼（套餐+$25）- 創新組合，青桔酸味配上雞翼另有一番風味。☕️套餐加$8， 點了水晶芒果沙冰及越南椰汁冰咖啡。特別介紹水晶芒果沙冰，甜味恰好，加上爆珠，口感特別。總括來說，可用平、靚、正、快來形容越北牛肉粉。

街頭香茅豬扒撈檬 $86豬扒入口鬆化，香茅味道突出，檬粉質地滑身，配上酸汁食，口感更加爽滑😋😋😋😋😋地道小食拼盤 $108非常之豐富嘅拼盤🤩🤩🤩🤩🤩有春卷、蓮藕蝦餅、扎肉、煎扎肉、雞串燒、胡椒豬肉串，應該冇數漏🤣🤣🤣每樣都好好味，特別記得煎扎肉，有驚喜👍🏻👍🏻👍🏻春卷脆口，入口酥脆，材料味道豐富，用生菜包嚟食口感層次更好😍😍😍😍😍魚露生菜魚露一定係鹹😂😂😂

依間越南菜多達13間分店，總有一間喺附近🤣，今日行過見到佢門面裝修左靚左，下午茶都想食越南野就入去試下，先發現原來佢性價比都幾高，份量大質素又唔差！✨全日不設加一-💕 越北生牛肉湯粉 $50👅好味指數：8/10估唔到下午菜份量都咁大❗️同正常份量一樣咁多，河粉食落順滑有微微彈牙感，湯頭鮮甜濃郁，有淡淡牛骨香氣，生牛肉有兩大塊，生熟程度剛好，肉質軟腍唔鞋口，又有牛味，仲有件大蘿蔔，入哂味👍🏻抵食🥰。-💕 順化湯檬 $60（牛腩片，扎蹄，扎肉，牛肉丸）👅好味指數：7.5/10睇相好似好辣咁🌶，但原來係小辣程度，正常人都食得到☺️，香香辣辣好惹味️。檬粉粉質唔易斷，比平時食開既粗身小小，口感qq彈牙，牛腩薄片肉質嫩腍重牛味，扎蹄索哂湯汁有嚼勁😆。-💕 清沅蒸粉包(2件)$23👅好味指數：7.5/10粉包皮薄煙韌😍餡料飽滿🥰餡料有木耳、洋蔥及免治豬肉，沾埋魚露清爽不膩。-環境：7.5/10服務：8/10好味指數：7.5/10回頭率：7.5/10

有時候無意間吃了美食,也是一件小確幸-經過東大街集團式經營的越南餐廳多次,一直猶豫不決是否去吃......當晚不想走太遠吃晚飯,便選吃牛肉湯粉-光線十足,帶有越南風的裝潢,當日時間尚早,被安排坐在半卡位的位置,是舒適的環境-餐廳設有套餐A主食+B小食+C飲品/甜品,價錢因應主食而定。A主食+B小食每個項目,各有5款食物給客人選擇-HK$90越北生牛肉牛腩片湯粉+越北炸春捲+醃咸柑桔水越北生牛肉牛腩片湯粉~嫩也有嚼勁的牛腩片、肥美生肉牛、河粉薄而滑配上大量特有香氣的九層塔、洋蔥及芽菜,完全是我杯茶。雖然蘿蔔清甜但可惜有渣。越北炸春捲~皮薄外脆,內藏軟綿綿豬絞肉、爽滑粉絲、清甜甘筍絲及脆口的木耳,只有兩件真是滿足不到我。醃咸柑桔水~好多柑橘,甜度蓋過咸味,有點失望；-HK$86街頭香茅豬扒飯+魯安蓮藕蝦餅+越南奶咖啡~香茅豬扒連骨也充滿濃郁的香茅味,肉質鬆化又香口；魯安蓮藕蝦餅~內藏爽脆蓮、清甜馬碲配上Q彈的蝦肉,豐富口感層次；越南奶咖啡~牛奶味沒搶走咖啡味,可惜味道太甜-原以為回到家會非常口渴,但又不太有這感覺

越北牛肉粉專門店遍佈香港有13家連鎖餐廳，今天在太古城購物，朋友突然想吃越南菜，剛好就腳就去到西灣河太安樓地下鋪的越北牛肉粉專門店。店堂佈置得光亮舒適，墻上掛有越南特色的畫，給餐廳增色不少。餐廳招牌菜式越南生牛肉湯河粉是必食的。生牛肉湯河：湯底少油，清甜可口，肉質鮮嫩，牛肉味濃郁，河粉爽口彈牙，配有蔥花、芽菜、蘿蔔夠健康。蕃茄牛腩片飯：牛腩肥瘦相夾，肉質軟腍，口感豐富，齒夾留香。越式小食烤豬頸肉：皮香肉嫩夠水準。炸春捲：酥脆香口，包上生菜吃口感一流。餐後越式滴漏咖啡口感順滑更是一絕。不去越南在香港也能品嚐到正宗超值的越南菜是香港人的福氣！

疫情前最後一次去旅行🧳，都係揀去越南🇻🇳。越南係好特別，係可以令你瞬間變成貴族嘅地方，因為嗰度嘅貨幣面值高同埋物價低，咁就可以俾你每日過住奢華嘅生活～😎·越南海蜇沙律🥗海蜇係爽口，再加啲好幼身嘅青木瓜絲，連埋啲甜酸魚露，食落係好開胃～絕對係一道合格嘅開胃菜！😆·越北炸春卷春卷炸到好脆、餡料豐富，而且望落都有好靚嘅金黃色，熱辣辣就一定係最開心！😙·街頭香茅豬扒飯🐖香茅豬扒本身好厚身，而且肥瘦均勻，煎完出嚟保持到油香同肉汁，絕對唔會話煎到好乾身。連埋一啲白飯食落肚，係會中和到一啲油膩感之餘，食落去係夾同埋舒服嘅～😌·路邊烤雞肉串撈檬🐓雞肉串本身係醃得好入味，再加上用烤嘅方式就會變得更加惹味！！放多啲炸蒜同其他配料，味道會變得豐富同好食嘅！😋 至於個底就會係凍食嘅撈檬，落返適量嘅甜酸魚露去撈，而檬粉又夠爽口嘅話，咁就點都掂！·椰汁斑蘭糕🥥🟢椰汁同埋班蘭嘅味本身係好夾，兩種味夠出，再蒸出嚟熱辣辣咁樣食，咁就已經好好食～😋😋 而佢係做到嘅！🤔·宜家成日都會諗起喺越南度假嘅時候，我去邊度食同玩～ 有啲掛住嗰度個陽光與海灘，又掛住嗰度嘅美食⋯⋯😌 希望下次再去嘅時候，可以同人去峴港度假🏖啦～～😆

放假瞓到中午才起身，不想煮，就落樓下揀咗呢間越南野。下午茶的選擇很多，價錢10分相宜。越北生牛肉牛肉丸檬粉生牛肉肉味濃郁，牛肉丸爽口彈牙，可以選擇不同粉麵，我選擇了檬粉，口感不錯，湯底香甜美味。另外附上青檸和辣椒，加了入去味道更上一層樓。峴港炸蝦餅蝦餅肉質彈牙，味道很好吃。越式烤豬頸肉豬頸肉不算太肥，燒烤得10分惹味，肉質咬落軟林。會安雞絲扎肉湯河計時份量多，今次轉了河粉，口感很滑。水晶芒果沙冰芒果沙冰芒果味道10分濃郁，上面西米煙韌。鮮椰青椰青清甜美味，還可以用匙羹拎果肉出來吃。

今天天朗氣清，趁機帶媽媽去西灣河太安樓越北吃下午茶。越北下午茶餐食物飲品選擇多，還可加配輕盈地道小食，價錢經濟實惠。平時愛選牛肉湯河。今天天氣熱，便轉轉口味來碗海防蕃茄蟹檬($66)。檬大大碗顏色靚賣相吸引，湯底酸甜濃郁開胃。除了鮮甜的蟹，還有好味的蝦丸，扎肉，免治肉碎和蕃茄，加上滑滑的檬粉，足料美味。推介!媽媽選了街頭香茅豬扒湯粉($52)。湯粉幼滑好味，湯底清甜，豬扒香軟肉厚，量足好食。小食峴港炸蝦餅(+$30)和清沅蒸粉包(+$23)都不錯。特飲椰汁紅豆冰($+8)好味道，香濃，紅豆淋甜。鮮椰青($+26)物有所值，清甜順喉，飲完連嫩椰肉都吃埋，滿足!兩個人盛惠$205，全日不設加一，抵食。外賣有9折。

今日想簡單食碗熱焫焫嘅湯粉♨️見到呢間越南粉餐廳🇻🇳印象中佢地都開咗好耐，仲有好多間分店，應該都唔錯喎😊睇過餐牌有好多lunch set揀，而且價錢相宜，就決定試試😺原來外賣自取仲有9折添👍🏻🍲越式烤豬頸肉湯粉 Grilled Pork Neck with Pho ($65)賣相相當吸引，每塊豬頸肉都切得好靚夠厚，份量十足，咬落爽口而且食到有濃濃烤過嘅豬肉味，好滿足😍河粉幼細薄身，滑溜彈牙唔會淋，如果湯可以再熱d就更美味☺️配菜方面有好新鮮嘅九層塔，青檸，芽菜，洋蔥同蔥，配埋一齊食更香更滋味😋餐飲揀咗香滑奶茶，但味道較苦喼，可能茶味太重了🙈下次會叫其他飲品試下，椰汁三色冰都應該係唔錯嘅選擇🥰整體黎講今次嘅lunch好滿足😸好味道而且夠足料，外賣等候時間又唔耐⏰值得推介💁🏻‍♀️聽講佢地嘅生牛肉粉都好出色，下次試咗再同大家分享下❤️

晚上六點後禁止堂吃，抓緊時間吃午飯呢度午餐好抵食，可以先喺餐牌上揀任何一個主食，有飯，湯粉，撈檬揀，驚唔夠飽的話可以再揀夠個小食，最後揀埋飲品，人均＄100左右今次兩個人，揀咗👇👇👇香矛牛肉撈檬香矛牛肉夠香口，撈檬亦有足夠份量嘅蔬菜絲（一般好小嫁），食完唔會好飽滯生牛肉河湯底味濃又唔會多味精小食呢，就揀咗👇👇👇炸蝦餅有咬口海蜇沙律海蜇一啲都唔小，好開胃嘅小食➕兩杯飲品 價錢合理 味道大眾化

呢間中午去都人頭湧湧，門口迫滿哂等位或外賣嘅人😯 餐廳主打越南🇻🇳菜，裝飾都幾簡潔，座位鬆動舒適。午市亦有套餐選擇河內生牛肉湯粉越南菜最喜歡之一就係呢樣，湯底味道香濃，牛肉半生熟夠嫩滑，配菜多而爽甜會安雞絲扎肉撈檬成碗份量都幾多，撈檬上面有滿滿嘅扎肉、生菜絲、蔥花、花生粒、炸蒜等，再配上醬汁，酸酸甜甜，味道清新開胃西貢扎肉蒸粉包粉包外層軟滑皮薄，餡料豐富香口，肉汁滿溢會安蓮藕蝦餅炸得香脆又唔覺膩，蓮藕好爽口，配上彈牙蝦餅，兩者都幾夾😋

下午茶時間行經過太安樓 睇下有咩好選擇 搵到呢間又平又抵食既越北菜😗 餐廳裝修又幾靚 坐得又幾舒服 但經常客滿生意幾好#香茅牛肉撈檬香茅牛肉真係整得好甜又靚 份量又好多 再加酸汁撈檬成件事非常開胃#越北綜合牛肉湯金邊粉綜合牛肉主要有生牛肉、牛腩片、牛丸，款款都好重牛味，尤其是係牛丸真係好爽口咬落有汁架，再加上熱辣辣既湯底浸熟生牛肉，非常嫩口😀#河內炸春卷跟春卷附上生菜包住 春卷皮特別薄 餡料亦非常之豐富 整體非常之脆口 再自己沾酸汁 一流#酸辣無骨鳳爪 酸辣非常開胃 份量都幾多 個重點連鳳爪既配菜都醃好左酸汁 開胃之選#椰青勁大個椰青水仲要滿瀉咁😂 超甜超解渴 正#越北牛肉粉專門店📍西灣河筲箕灣道57-87號太安樓地下G23號舖

越北牛肉粉專門有唔少分店，有間喺附近，而且佢哋晚市提供嘅set都幾抵食，有齊預食、主食及飲品👍🏻同媽媽各自點咗順化湯檬($88)、雞扒撈檬($82)，套餐包小食，揀選咗會安蓮藕蝦餅同海蜤沙律，飲品分別係薄荷青檸梳打及三色咸檸七💁🏻‍♀️湯檬都幾豐富，裏面有牛腩片、扎肉牛丸等牛腩切成薄片，肉質柔軟很易咬開，而湯底用上牛骨熬製成，香氣十足，掛湯嘅檬粉連同餸料一齊食唔錯👍🏻雞扒撈檬個樣好吸引🤤雞扒炸得金黃香脆，多汁嫩滑，面頭灑上花生碎，炸蒜片蔬菜絲，足料夠哂多菜‼️咁食落無咁膩啦☝🏻加埋魚露酸甜汁酸酸甜甜，好開胃 🎉 推介蓮藕蝦餅，必試🌟口感唔錯仲食到爽脆蓮藕，加上泰式辣醬好夾好好食 😋海蜤沙律如果口感爽脆啲應該會更好👌🏼大頭蝦膏灼通菜 $32味道唔錯唔會死咸，用大頭蝦膏提出鮮味炒嘅通菜寧舍好食👏🏻