越北牛肉粉專門店 (已結業)

將軍澳新都城中心都有好幾間越式餐廳，今次嚟到越北牛肉粉試吓，晚飯時間都唔少人等位，不過好彩等咗一陣就好快又位。晚餐係有套餐選擇(A+B+C) A：雞扒湯河粉/綜合牛肉金邊粉 B：札肉米紙卷/ 海哲沙律/牛湯浸蘿蔔C：三色鹹檸七/凍檸茶/ 奶茶/熱鹹吉水/仲有幾樣唔記得雞扒湯金邊粉好大碗生牛肉金邊粉上到枱，牛肉都算多嘅，牛肉仲見到紅紅嘅，如果唔鍾意食生嘅，建議浸一浸湯先食，金邊粉其實即係好似幼身嘅河粉，份量都幾多嘅，食完真係好飽。海蜇沙律呢個沙律我幾鍾意食，海蜇夠爽口，青瓜絲蘿蔔絲酸酸哋都幾好味。扎肉米紙卷呢個米紙卷我冇食，好唔好食就唔知😅當時已經好飽😂牛湯浸蘿蔔唔算係好濃嘅牛湯味道，蘿蔔都夠甜嘅整體來講都還可以啦，食完一碗粉都已經飽晒。

星期六5點幾食個early dinner🍴見呢間無乜人唔洗排隊就入左去😄呢個鐘數係下午茶餐仲送熱飲 上菜好快👍🏻點完菜可能因為無乜人 好快就上野飲🥤⭕️椰汁冰 (下午茶 +$8)係真。椰汁冰🥥用椰奶加冰打碎 唔會太甜 椰味唔濃 平常發揮⭕️熱西洋菜密 (下午茶包埋)都係正常發揮唔會偏甜 但最驚喜係食完碗粉野杯仲係熱👍🏻跟住好快就上牛肉粉一上菜同友人一齊嘩一聲😆因為好大碗 係錦麗下午茶嘅double😯⭕️綜合牛肉河粉 $58湯甜甜地 河粉滑溜順喉 牛腩有少少牛味唔韌 生牛肉無牛味但好滑 不過不失👌🏻敗筆就係只得是拉差無海鮮醬🤥最驚喜竟然係牛丸😳爽口唔痴牙😋好香牛脂味🤩好食過好多和牛牛丸😋望真d原來加左d筋👍🏻食完會想再食😋整體黎講 下午茶真係超抵食👍🏻又平又大碗😛牛丸仲好出色😋雖然唔正宗但味道都ok 值得一試！😊

💵同一個餐，不同時間不同價錢茶市更抵食，不論午市茶市都多街坊食🪑星期日 2:50pm，鄰近的餐廳，午市的人潮早已散去，但這裡的座位仍然頗滿的。餐廳職員溫馨提醒3pm入座便是茶市。亦有部分的食客不計較這十元八塊，早入座早d食😂🍜<越北生牛肉牛丸湯粉 午$60/茶$52>牛肉份量不小，牛丸亦有4粒牛肉唔肥，牛有牛味，肉質尚可牛丸juicy，爽口又幾香，咬開仲有牛筋粒河粉好大份，能果腹的份量湯味適中，食完粉沒有口渴青蔥絲、蔥花、九層塔、洋蔥、脆蒜全都有，想走青請記得揚聲☕️套餐仲包一杯熱飲用真空杯盛著，食完碗粉都依然好熱，仍出煙的😅亦可選擇加錢要凍飲/特飲

行完山黎到新都城食個下午茶，好彩依間都唔算多人唔洗等位，好快就可以坐低🔻天氣熱想食啲凍野，所以就諗住叫撈檬食下😀叫左個蜆港蝦餅春卷撈檬（$66）份量都幾多，有齊蝦餅同春卷，仲有大量嘅配菜、芽菜等，撈埋個醬汁凍食好食😋🔻朋友就叫左個越北三寶撈檬（$60）入面有香茅豬扒、香茅雞翼同扎肉，味道都ok跟餐+$8 仲有杯特飲，叫左菠蘿熱情果特飲同薄荷青檸梳打，都係一般梳打水咁。不過食完成個餐係好飽😂😂

今日啱啱食完豬頸肉湯河，發現碗內有條小蟲！我即時叫侍應處理，佢問我需唔需要換過一碗新嘅湯河，我話不需要了，因已經食飽了！侍應攞走咗我碗有問題嘅湯河，就當處理完畢！當我付款時，問負責人此事末有向我交代，亦欠我一句道歉！點知侍應話已經處理咗呢件事喎，已向廚房報告此事，亦都問過我使唔使換過一碗新嘅俾我！但係佢只不過跟食店内部處理咋嘛！冇同我講任何道歉嘅說話，而負責人也沒有！完全唔尊重個食客！最後負責人比了九折我們了事，我因為趕住走，冇再糾纏落去！唔好話疫情，平時如果有咁嘅情況，都係令人擔心嘅！平時都係欣賞佢哋在疫情底下的防疫措施，又不斷提食物到咗才可以除下口罩😷，但是.......佢哋待客之道就是這種水平！

門面已經很越南，望落光猛企理。入去試吓！午市套餐選擇多，可配小食。越北綜合牛肉湯河粉$66（生牛肉+牛腩片+牛肉丸）先試吓個慢熬牛骨湯，幾清，有少許牛骨味，唔會太味精，唔錯😋。河粉都滑，配搭各種香料，有風味。三樣牛都無問題，正常！越北三寶湯河粉 $68（香茅豬扒+香茅雞翼+扎肉）豬扒肉質一般，不會太亁太實，但無肉汁。豬扒同雞翼都欠缺香茅味。扎肉無特別。不過個湯底ok, 啲餸夾著河粉食還可以。有豬扒食得飽。小食可加配。有兩種蝦餅：蜆港炸蝦餅加$28、會安蓮藕蝦餅加$22。揀咗蜆港炸蝦餅，心想一分錢一分貨，貴啲可能會好食啲😅同泰式蝦餅唔同，呢種係好似將蝦滑壓扁煎成嘅。蝦味無mud，如果煎得脆啲應該好食返啲。食完先見到在座位遠方嘅牆壁有張巨大海報，上面寫上生牛肉河的食法。 內容提到將桌上的辣椒醬同海鮮醬撈勻點牛肉食。今次錯過咗！

除左拉麵 × 米線 呢2樣之外 越南湯粉都係我喜愛既野食 飯反而麻麻鐘意食 難得我個死黨肯陪我食， 2個人嗌可以試多啲嗎， 同埋套餐既好處就係湯加個小食再加野飲 🤩🤩 完全滿足我個胃 ， 因為啲小食可以share 食 自己就嗌左 香矛豬扒湯河 配 粉包果類 另一個就係生牛肉湯河配 豬頸肉 咁一如既往都係多青 😁 咁黎到都好開心啲配料很夠， 覺得越南河既配料同香料配得好夾，食得 湯河 或撈檬呢類加甜酸汁， 真係會愈食愈開胃 另外個粉包係很多料， 超飽肚 至於 個豬頸肉都係水準之內， 咁湯河既配料幾新鮮， 過下口癮

九點鐘黎食晚飯，唔洗排隊就有位。揀咗A+B+C=$82餐越北炸春卷+越北生牛肉湯粉+西洋菜蜜味道不錯，湯底幾夠味，蘿蔔煮得夠淋夠入味。春卷即炸，上枱熱辣辣，好夠脆。不過略嫌貴咗啲

都有一段長時間沒來光顧越北9時多才吃的late dinner，想吃些粉麵，近近地就來了這裡～點了一碗越北火車頭及鮮蝦米紙卷越北火車頭，2人份量的湯粉麵，都幾大碗！不止碗大，粉麵的份量都足夠二人食用選了檬粉，麵質爽，不會煮得過稔配菜有生牛肉、牛腩片、牛丸、牛筋﹑牛柏葉及蘿蔔，份量適中當中以生牛肉較為好吃，質感稔滑，略有牛味再配有香菜﹑乾蒜及洋蔥，雖然配料如斯多，但湯底不濃不淡，普普通通另附青檸及辣椒，辣椒的辣度足，落少少都夠晒味！！鮮蝦米紙卷，第一次試這家店的米紙卷，有點失望米紙卷的餡料味道很淡，蝦肉沒蝦味，肉質又不夠彈牙～沒什麼味道尚能醮酸辣汁來吃但整件米紙卷的質感都厚身偏韌，個人不喜歡這種口感呢！當將軍澳區內的越式食店增加，越北的食物質素也要有點提昇才可呢！

星期六，可以偷得浮生半日閒，不願做嘢但仍要醫肚，誤打誤撞去到此店嘆茶餐。下了招牌菜式，店員奉上時，實在令我喜出望外。只是一個茶餐，但沒有絲毫馬虎，生菜牛肉擺放在碗內，令我立時垂涎三尺，味道也剛剛好，互相平衡配搭，最後加一杯薑蜜，成完美句號，（下星期會再來呢）。

嗰日夜晚九點去食飯得返依家未閂門。叫咗生牛肉河同埋炸蝦多士，生牛肉河啲牛肉太熟，有啲咬唔開。另外蝦多士水準可以，好香好脆口。再叫咗杯椰汁珍多冰，味道濃，不錯。但係人手有點不足落單要等好耐，加上價錢唔算特別平，呢個價錢可以有更好的質素。

同屋企人黎午餐我要左個蜆港蝦頭膏酸辣湯份量都幾大蝦膏味唔算好重不過個湯就少少酸酸辣辣，幾惹味海鮮就有青口，魚腐，小蛤材料都算豐富另加左小食魚露秋葵價錢略貴味道正常新推介我都想試，可惜係單點

今日係bb日😉朝早去咗葵涌探朋友嘅bb，返到將軍澳就約左閏蜜同契女去商場行街街😊閏蜜話想食下午茶，見到呢度啲粉麵好似幾吸引所以就入左嚟食✌🏻雖然係下午茶，但係都幾大碗😋生牛肉牛腩片湯河粉($48): 牛肉同牛腩都幾淋唔會韌，湯底清甜幾好食👍🏻分咗少少河粉俾契女，佢食得好開心❤ 分完俾契女之後就可以加辣椒食更加惹味✌🏻三色咸檸七喜(+$8): 酸酸甜甜好解辣👍🏻番茄蟹膏蝦丸札肉湯檬粉($50)椰汁三色冰(+$8)食物可以，但餐廳人手嚴重不足，想要個碗仔都等咗好耐先有侍應😅

前日，係將軍澳呢間食左個生牛肉河粉，牛肉好(林)好有肉未，個湯又清又甜，仲知食完都難以忘記個d生牛肉。另外我想講，今日我去左西環呢邊做野，經過見到又係寫住越北牛肉所以諗都冇諗就行入去食，今次都唔例外，亦都叫返生牛肉河粉，點知西環個間d牛肉又韌又鞋，湯冇清甜。都唔知係師傅不一樣定還是不同集團。攪到我食呢餐諗住滿心歡喜都食到冇晒癮。算啦，我都係返去將軍澳食返算喇，第時去到第二度見到有越北牛肉，都唔知敢唔敢入去試。

「越北牛肉粉專門店」作為一間連鎖越南菜餐廳，招牌生牛肉湯湯河粉食品「越北生牛肉湯粉」，跟集合生牛肉、牛腩、牛丸等等牛肉食品為主的「越北綜合牛肉湯河粉」，兩者牛肉的份量也都不差的。恰巧我最近曾經在將軍澳「新都城中心」商場一期地下，近着「茵怡花園」的「越北」舖位位置裡面，食過一碗以大湯碗盛載牛腩、牛肉跟牛丸的濃厚牛骨湯綜合牛肉湯河粉，牛骨湯湯底的牛肉味道真的很甜。另一方面，「越北綜合牛肉湯河粉」裡面的牛腩，恰巧也是以切片的方式處理，加上「越北」切片的牛腩，被滾水淥了不是很長的時間，所以牛腩肉的肉質仍然在七成熟左右。至於「越北綜合牛肉湯河粉」的薄切牛肉，牛肉實際製成品的成熟程度，比薄切牛腩更加再減一成成熟度，六成熟的「越北」薄切牛肉，牛肉裡面的口感仍然有嫩滑感覺，牛肉煮得不會太熟。至於「越北綜合牛肉湯河粉」裡面的其他牛肉，例如牛丸裡面的口感彈牙程度，都仍然可以接受，牛丸放入口咀嚼還可以感受到牛肉肉質的彈性。不過「越北綜合牛肉湯河粉」另外一個重要的地方，就是餐廳為「綜合牛肉湯河粉」加入很多的香料，包括香茅、金不換、芽菜在內，本身還可以加入青檸，但是我為了睡眠質素着想，最終放棄了加青檸汁了。我沒