越北牛肉粉專門店 (已搬遷) 新店位置

第二次黎點知咁差，唔寫唔得。侍應超差，只係叫佢俾杯水，老人家要食藥飲，第一次扮聽唔到；第二次再大聲啲叫唔該俾杯水黎丫，就話得喇，但無行動唔理，第三次要我企起身叫.....咩服務態度呢？野食又唔係好食....以後唔會黎呢間野食！

話說一入店坐下未點菜已經叫我轉枱。我冇所謂，轉枱後發現鄰枱都併剛剛坐底，點解唔叫佢地！？算！忍！廢事影響食飯心情。咁我們叫左碗香茅豬扒河，生牛肉牛丸河，椰菜雞絲沙律同原個西瓜沙冰。話說我食緊一碗生牛肉嚡到冇朋友，牛味加粉丸狀物體之際，店長走出來問我們介不介意轉枱?(你冇睇錯又叫轉枱)，我一邊咬著嚡牛肉，一邊答好介意。店長來不切反應，鄰桌男女望住來。我好大聲已經第二次轉枱，我個樣太善良定太樣衰?全店八，九成枱有人，為何只叫我?因我個樣唔係元朗人定我唔知乜叫"面書"同"開飯喇"?

第一食好難食越南食品 咖哩牛腩啲牛腩淋到無食都食到，啲豬肉又乾，蒜蓉包，蒜蓉又生，環境唔差的地方唔應該有咁的出品。現場看見其他食客，食剩很多食物,真的他的食飽了嗎？ 大既兩三枱客人也是這樣剩下食物，請貴公司好好保持食物品筫。

元朗難得有越南菜，一定要試吓。生牛肉湯河: 份量少，味精很重，食完成日要飲水。 扎肉蒸粉包: 粉包材料剛剛好，不太多，亦不太少，但味道略淡。如果想客似雲來，就要多多改善啦。

尋晚終於試左《越北牛肉粉》坐低叫完野，1分鐘後就即刻上香茅雞翼。。咁快 @@咬一啖，wow，熱辣辣個喎，掂！「咖哩牛腩煲配法包」最正，法包勁多蒜蓉！可惜牛腩un 左少少。。原個西瓜冰幾清甜，不過唔係好夠凍酸辣鳳爪，少少酸少少辣又夠凍，唔錯 香茅牛肉撈檬，勁多檬粉。。呢個就麻麻地牛肉檬生菜包無咩特別唔怪得晚晚都有人排隊等位！食物質素唔錯，價錢都ok，埋單$291，下次試埋其他野！

生牛河一到。覺得比平時食的湯多油，有一層油。湯牛味濃，食得出味精都幾重。湯不夠熱，d牛肉樣左好耐仲有d 粉紅色。好少芽菜、好似冇洋蔥、冇香葉。sor係我淹沾對牛河要求太高。lunch $43蚊個餐，牛肉多仲要超大碗，我應該降低少少要求的。另外叫左豬扒撈檬，應該係可以2個人share嘅份量，豬扒入味但略乾。撈檬涼涼地好開胃～跟餐加$12有1大碌春卷，多餡，正又加$18 有蝦餅，好似係真 蝦餅，好多炸蒜，好抵～跟餐野飲+$6轉泰式飲料。椰汁綠豆冰冇冰唔係好夠凍，早知叫番凍OT啦

路過見到呢間越南餐廳裝修幾靚幾企理, 就入去食個下午茶.$39有碗粉加埋野飲算幾抵食. 我叫咗生牛肉檬粉, 牛肉好鮮甜好有牛味, 但湯底比較淡同埋咸, 缺乏咗越南湯粉應有之湯底味道. 另外加$18叫咗個蝦餅, 蝦餅肉質彈牙而且味道調得幾好. 但如果可以炸到外層香脆就更好.整體上黎講食物質素都係唔錯的, 環境乾淨, 侍應都好有禮貌, 希望下次幫襯食物可以再好D

無懼世事變改 還是越難越愛 為你所以在期待諗到越難越愛這首歌，小弟不為意諗到越南越愛，可以是聽過越南阪嘅越難越愛吧。但係越南同柬埔寨係小弟嘅短途想去嘅地方之一(當然未計我嘅鄉下日本同台灣啦)，即然短期未去到，咁就食下越南菜吧，雖然真的真的貴過越南很多。今天聽屋企人講話元朗YOHO附近有間新開嘅越南菜，咁就試試吧。而且價錢不貴，平過小弟系yoho mall食嘅某越菜好多，想知就睇我嘅上篇食評啦。環境不俗，位置寬落。由於我訓晏左，落到去已經2點，由於要等位，2點10分先入座，而2點０5分就係afternoon tea，我真係好彩，可以省了幾元，YEAH叫了套餐，飲料先到，檸7味道也沒有差，就是普通水準不過不失。生牛肉湯河　牛肉送來時仲有少少生　但等多1分鐘就熟了，入口鮮嫩，也很足料，湯有誠意，食得出落了不少香料。加錢叫嘅蝦餅　即叫即整，夠熱也有蝦仁，足料。撈檬　用碟盛上，但好像用碗食較方便吧。超推介梛汁綠豆冰，不會死甜，很CREAMY，有梛香味。

附近一間元朗出名既越南店執笠,,,呢邊箱即開一間越南店..其實都幾有頭腦, 起碼呢一帶越式野佢係獨市,,當間大約七點未滿座, 但過多十分鐘左右已經要等位~~先送上鳳爪, 份量適中...味道唔錯唔會過辣又或太酸.一上枱比個碗嚇一嚇....粉份量極多....蘿白可以再入味D...牛栢葉太少了, 牛丸牛肉不錯..只可惜湯底真係唔吸執左個間好...要好好改進~~~將D肉打碎左...仲淨一塊菠蘿比你食..唔錯唔錯~~~如果唔係跟餐就唔抵食其實係我自己飲唔慣..下次都係叫番普通檸水~~遲遲都未黎既炸蝦餅...唔知係咪人流太多佢地又未運作得順暢..等左好耐...終於黎到..但係好薄得個幾塊...重點係太多油~~~~~~~~~~~~~~~~~多油到油浸街咁滯~~失敗!!而家閒閒地食餐飯2個人都要二百幾蚊落樓..真係好貴...除非好想食如果唔係都唔會再黎...最重要係一定要改善下個湯頭~~