越一越南牛肉粉專門店 (已結業)

上次來吃日本菜時，看見這家開業了不久越式料理大排長龍，今晚專程和寶寶來試試！店內座位寬闊，乾淨整齊，感覺良好。細看餐牌下，得知原來全日也不設加一服務費的😯，所以感覺不錯，好像打了個9折般😆。今晚晚餐，我們兩個人點了：火車頭湯金邊粉（2人份量）$118有生牛肉、牛丸、牛腩及牛柏葉四種牛肉配料，另有越式調味料杯自行調味。上菜的碗非常大，而且金邊粉的份量真的也很多，一看就知道一定會夠飽😊 湯底散發著濃香牛肉味+微微藥材味道，吸引得我未吃已經喝了幾口湯😝 。牛丸咬下去竟然有爆汁😳，口感也不錯，是我喜歡的沒筋牛丸🤣，有驚喜！牛柏葉爽口彈牙，也挺好的～！串燒三串 $38雞肉嫩滑，豬肉多汁且炭燒味香😋，沙嗲醬甜甜辣辣的，絕對不是非常的辣，味道偏甜，好惹味！適合我這些不能吃非常辣的人🤣～～炸蝦餅 $56新鮮即炸，外脆內軟，鮮味十足，配上泰式辣醬一流！西米燉蛋 加配價$12在Menu上面點任何食品也可以加配價享用甜品一客。這個西米燉蛋是越一自家製甜品，蛋味香濃，介乎於生熟之間，質感軟綿滑溜，絕對是水準之作💕。推薦👍🏻!咖啡奶凍 加配價$12這個也是越一自家製的甜品，咖啡味香但不會過濃，味道剛好，口感滑溜

今日收工比同事叫住，話不如一齊食晚飯兼傾下計。反正我都冇人約，就同佢去左越一越南牛肉粉專門店食晚飯~我地叫左牛油雞翼四隻（$46）好香牛油味又脆卜卜~薄燒牛肉木瓜沙律（$78）呢個超乎我地想像，因為個面鋪滿曬牛肉，個汁酸酸辣辣好開胃！雞絲扎肉湯金邊粉（$52）d金邊粉吸收曬香濃嘅湯底，正！今日傾得咁開心，食埋甜品先。我食嘅係西米燉蛋，好香滑~而同事食嘅係咖啡奶凍，啱曬唔嗜甜嘅人~兩款甜品原來都係越一自家製（加配價各$12）飲品方面，我同同事都係叫左凍鹹檸七（$26）

同朋友喺附近食飯，黎左呢到食越南野。叫左個湯河，炒飯，蝦多士，米卷同埋椰菜苗。本身想食通菜但賣晒，就叫左椰菜苗試下。湯河同米卷就不過不失，正正常常。而蝦多士入面係流心，都幾特別，椰菜苗都炒得幾入味，幾濃郁嘅味道。但係個炒飯就較為一般，有啲乾同埋配料唔多。最值得提嘅係呢到嘅店員態度真係一般，特別係男嘅店員，語氣粗魯。佢一開始冇比水我地，我地問佢要水，佢竟然一臉驚訝，令人唔舒服，覺得店員態度都幾影響顧客心情，希望可以改善。

排緊隊個陣， 理應下一張卡位係我同朋友入座，但職員竟然因爲其他排隊的人情緒鼓燥，比佢地3個人坐左我地張大台，仲講左句：我比你地入左先， 最後叫後面個d人（即係我地）等耐d。 完全不能理解，仲要講埋比我地聽咁，之後講叫我地等耐d, 因為比左我地張台人地。咁樣都算了， feel到該職員有心道歉。入座後，不停有烏繩縈繞，衛生形況令人擔憂。我地叫左個芒果軟殼蝦米紙卷 ，由於唔知出到黎係有幾多舊， 所以請求職員會唔會有可能可以分到5件。職員第一個反應係愕然，然後話要問下，之後見到佢同另一個職員講起，仲要一齊望過黎恥笑我地咁，其實切唔到講聲咪得... 之後碗碟又唔乾淨。 叫佢比幾杯水， 每杯得幾啖，水杯一半都唔及，所以勞煩職員加水。 同一位男職員聽到加水，再次表示愕然，令我地冇法理解，係咪加水都唔得.....食物質素一般，叫左個蝦頭膏炒飯，味道同xo醬炒飯差不多。不過個火車頭河粉（2人份）都幾大碗！

今日忙忙忙，忙完成日，12點接完呀囡放學，完全唔想煮Lunch，之後我地去粉嶺中心搵食，由於我好鐘意食撈檬，每次都要去到上水食，以家唔駛啦，粉嶺中心都有間，仲要係我屋企樓下，想幾時食都得啦Lunch 時間好多人，但都好快有位。午市套餐有湯粉、撈檬、越式飯、小食，還有甜品香茅豬扒撈檬（$56）份量大碗，豬扒剛剛炸起，豬扒大大件，有濃濃既香茅味，很入味，配菜夠多，花生夠香脆，而撈檬既靈魂所在就係個酸辣汁，酸中帶辣，食落超開胃。雞絲扎肉湯粉（$56）可選河粉、金邊粉同檬粉湯頭味道濃郁，河粉不會煮到爛，而且口感滑溜溜的扎肉蒸粉包（$18）餡料豐富，有木耳、沙葛、紅蘿蔔，再以晶瑩剔透的粉皮包住，味道清爽不膩檸檬水

係粉嶺做完野，去粉嶺中心行下，發現粉嶺中心終於裝修得7788，開左好多新餐廳，好happy!!比我發現左好耐無食既越式餐廳，就入左去享受一下一個人既午餐午市套餐11:30開始，平日到14:00，週末到15:00，住附近既居民星期六日可以訓晏d有唔同種類既湯粉，超吸引！比著平時應該會叫左撈檬，但今日想食d熱野，所以叫左酸辣蝦頭膏扎肉湯金邊粉！首先第一樣要讚下侍應既態度！大家都知餐廳係午市多數都忙到爆，但難得侍應們都超好禮貌，拎碟前會問下你，講野唔會無尾音，真係貴價餐廳都未曾做到！講返湯粉先，可以揀少辣隻蝦好大隻，仲係有膏個隻！d湯酸酸辣辣，勁開胃，但又唔會話太辣仲有一碟前菜，好似食親越南菜都會有，聽侍應講有金不煥，只可惜我並唔係太接受到金不煥既味不過就為呢塊綠葉留下左倩影最近工作真係太太太辛苦，又要忙著搵樓，所以要獎勵自己！叫埋一個賣相好吸引既扎肉蒸粉包！有2塊大大既扎肉放係面，加少少蔥花同炸蝦米，賣相100分！入面有少少粉葛，木耳，肉碎，紅蝦米等等，粉包既包皮夠薄，比起腸粉皮硬少少，特別得黎又好食最後仲飲返個超甜椰青！絕對係真椰青水，跟餐好抵飲！真椰肉，勁甜！完完全全比d甜品吸引左銷售

一向都很喜歡吃越南粉，見到新開就去試下叫咗個係大menu嘅扎肉雞絲湯檬，落完單，個侍應專登走返埋來，攞住第二份午市菜單問我係唔係呢款，我見個名一樣就話係，點知張單返嚟貴左，我問佢點解，佢話嗰份菜單係夜晚，而家午市係做套餐，咁我問佢點解唔叫我order嘢飲，但係又收我套餐價，佢仲狡辯話可以遲啲叫，擺明係想收我套餐價但係又唔比嘢飲我啦，都唔知咩居心。仲要杯野飲落錯單，未食都一肚氣其實佢啲嘢食都可以，尤其是佢有配香菜，啲扎肉都幾好食價錢都中規中矩，如果啲服務好啲就更加好

最近發覺開咗一間越式嘅餐廳 ，夏天都想食啲凍冰冰嘅嘢，諗起佢有撈檬粉或者紙米卷之類係可以凍食嘅！咁就行咗入去喇！一入到去見到已經set好哂枱，整整齊齊咁，地方企理乾淨！裝修顏色鮮明，係明確嘅對比色！越式炒金邊粉～ 一諗起金邊粉正常會諗起泰式嘅橙色同酸酸哋，但原來越南嘅炒金邊粉唔會係有橙色， 用嘅配料方面都會有唔同，佢哋係用咗豬頸肉、紅椒、黃椒……等！但係同樣會有花生碎同埋青檸！呢度嘅越式炒金邊粉，完全冇油膩嘅感覺，炒得好乾身，豬頸肉夠爽口！好食！燒牛肉紙米卷～ 通常只係會用檬粉喺裏面做餡嘅 ！但係呢度用咗青瓜絲，因為青瓜絲爽口清脆，所以比起用檬粉更加有咬口！而燒牛肉都醃得好入味，見到佢外型都覺得好靚，好似一盆花咁！而酸汁佢都係放喺枱，成枝任落嘅 ！啱哂我哋呢啲汁怪！飲品方面，嗌咗西瓜汁同埋熱薏米水，見到薏米水跟咗一包砂糖，原來佢哋嘅嘢飲都冇加到糖嘅！所以可以自己調教適當自己嘅甜度！

好開心粉嶺又多一種東南亞美食啦，呢間越南野開左幾個月，想食好耐，終於有時間去食。餐廳嘅裝修好有東南亞嘅風味，以藍綠色配黃色為主，甚至牆上面會有啲掛畫係一啲越南嘅人同埋景物，營造一種異國風情。一打開餐牌見到好多選擇，花多眼亂，好多嘢都好想食。首先就梗係要試一試沙嗲串燒啦，呢度好好嘅係可以選擇三款唔同嘅串燒，啱晒我呢啲選擇困難症患者，咁我就可以一樣一串豬牛雞都試勻啦。沙嗲汁香濃惹味，特別係雞串燒好香好滑，推薦。越南野唔少得嗌番碗河粉，最有驚喜嘅係呢度會好似越南當地食河粉咁，有一小碟芽菜、香菜同青檸可以自己加落去，令越南旅行嘅回憶返晒黎。深啡色的湯底好濃味，河粉亦幾有水準。越式炒金邊粉好有鑊氣，調味亦非常惹味。本來以為會好似東南亞小食咁細細份，但比想像中大份，配料亦比得大方，可以兩人share嚟食， CP值很高。飲品方面，點左杯西瓜汁，飲得出原汁原味甚至沒有加冰塊，不錯。而且，侍應招呼很不錯，很快有回應，總體來說可以一試。👍🏼👍🏼👍🏼

正宗的牛肉河粉，炎炎夏日走進了這間牛肉專門店，配上芽菜蔥花的牛肉河，更有不少正宗的配菜師傅巧妙的功架，響熱湯上放上半熟的牛肉在河粉碗從廚房傳出至客人面前時，熱力慢慢逼至牛肉熟透客人更可選擇把牛肉再浸熟在熱湯內這碗生牛河的製法，可以說是最正宗的越南河粉店內還有不少牛肉配搭，如牛雜，牛根，牛肚等，適合不同口味人士選擇進肉之時正好並非午飯時間，人流不多，故不用等位。整體來說，經濟實惠，會再光顧!

早前不停下雨，只想留待家中，下午時份到粉嶺中心逛逛，發現新開了《越一越南牛肉》！ 饞咀又發輝本色了！位置在粉嶺火車站步行4分鐘，很方便 燈光通明，風格時尚。人流也很多，主要服務街坊為主。 有多款食物選擇 有 主食、小食、滴溜咖啡等等燒薄牛肉撈檬 HKD 68一片片牛肉燒有咬口，檬粉長度不錯，不是碎上！ 要贊就是，看見透邊不用自行要求才有青檸、芽菜、辣椒. 田園米紙卷 HKD 12共有2件，米卷夠簿剔透，內裡夾著爽脆蔬菜，亦可加醋提味。 薏米水 套餐加HKD 8 有凍/熱可選擇，薏米份量很多，味道適中又不會太稀如水。

放復活節假前的最後一個工作日，之後就好幾位同事都放假去旅行，個個都咁開心咁樣，咁不如就出去食個晏啦，揀左黎粉中新開的越南野試試。中午時段好彩早到，入完第一輪客就要排隊等位啦。兩個人坐左靠窗的一張卡座，都幾濶落。店員先送上水及餐牌，餐牌都算幾多選擇，點主食可以加錢換小食同飲品。生牛肉牛腩片湯金邊粉（$56）自己點左生牛河，賣相不錯，另有九層塔，鵝芥，芽菜，辣椒，青檸等另上，要不要添加就自行決定了，個人覺得全部添加更美味，尤其係青檸汁，滴幾滴個湯底更正啊～黎個近鏡先，一碗入面有數片牛肉同幾塊牛腩，仲有蘿蔔，舊蘿蔔極鮮甜，無渣勁好味喎。牛腩半肥瘦，炆得軟腍入口滑。生牛肉浸在湯中一會已全熟，有咬口亦有牛味。湯粉可選河粉，金邊粉或檬粉，自己揀左金邊粉，吸湯不錯，而且份量超多，吃極也吃不完的樣子，哈哈，好飽啊！湯底幾深色喎，鮮甜有牛骨味，但似乎香料添加了不少，味道濃了點。香葉辣肉碎煎蛋飯（$58）同事叫的肉碎飯，用上辣椒，酸豆角，乾蔥頭等去炒，個肉碎好惹味，超好下飯，而且飯份量也多，男人都夠飽。炸蝦餅（$28）加了小食，蝦餅十分彈牙，乾蔥碎超香，好吃。牛油雞翼（$22）仲有牛油雞翼，炸漿有滿滿的牛

越一越南牛肉粉專門店,門面大大隻字好易見到.食店環境以天藍色作主色,伴着柔和既音樂感覺好清新及舒服.坐位寬又好舒適.香茅豬扒檬粉&扎肉雞絲金邊粉.待應好有禮,每次上菜都叫我地請慢用,配菜係另上的.有芽菜,薄荷,青檸.係用細細既杯仔裝住,自己隨意加入碗內.很特.份量足.好味. 香茅豬扒真係外脆肉嫩.但又一啲都唔肥膩.雞,牛,豬串燒,雞肉很滑,牛肉不怕韌.加上醬汁真係好好味.待應推介既咖啡奶凍. 單睇買相已經好吸引好有心思.口感好滑.咖啡同奶配合得啱啱好.值得一試. 抺茶芝士蛋糕,好濃既抺茶味,軟軟滑滑. 好好味真係值得再幫襯.除左食物平靚正外,服務態度又殷勤有禮,真係以客為先,又免 加一

跟屋企人拜山，因為附近冇乜嘢食就在附近看看，見到呢間鋪頭。見裏面裝修OK就入去。入到去空間都幾大，但係只係得兩個侍應所以人手好似比較短缺。望一望個價錢牌啲價錢覺得都幾底下，食物介乎$50至$60幾蚊。午飯有嘢飲送或者加$8可以有特飲。我加左$8叫咗個紅豆椰汁冰，都幾好飲唔會太甜同埋都好多紅豆喺裏面。好快叫左幾款小食同埋pho。個春卷料都好足，不過可能因為遲咗食所以就比較難咬。同埋講牛油雞翼，雖然唔係越式嘅不過都OK，有牛油味，不過皮就比較厚身。叫咗個扎肉蒸粉包，我自己覺得麻麻地，可能比較多味精啦，不過其他人好似幾鍾意食。我仲叫咗個綜合牛肉河粉，個河粉真係好多了好多牛肉，鍾意佢整嘅牛腩同埋生牛肉。雖然個湯唔係我飲個中幾最好飲嘅不過都尚可接受。

60幾蚊碗生牛肉金邊粉， d金邊粉好"鞋"都算，牛肉又只得3小片， 另外，28蚊再一加個蝦餅，一碟得兩粒， 留意係"粒"，每粒細過一個五蚊銀， 見佢咁精緻，得兩粒，我估佢應該會好好食啦.....點知又唔係，難食到冇朋友，再加上落完單之後，又唔知點解等接近半個鐘一先有得食，當時又唔算太旺，只坐咗一半人左右，食完之後，我留意到每枱啲食客個表情同我一樣.........， 特別一提，d待應生嚴重發夢，如果佢唔改善下，好快玩完