影片
是晚我同阿K繼續搜尋日本美食之旅。為咗遷就响銅鑼灣時代廣場睇戲嘅緣故，我地去咗附近嘅登龍街尋找美食。嚟到呢間居食屋門前，被盛意拳拳嘅侍應打動，咁就行咗入去。內裡人唔多，中間有一部好大嘅電視，應該係早前為迎接世界盃而設。餐\牌所列菜式唔多，要問侍應先可以發掘到啲好嘢。我地嗌咗個凍稻庭烏東、壽司拼盤(包括三文魚、甜蝦、墨魚、海膽、吞拿魚同劍魚)和“chi”魚刺身。據侍應話，刺身用料係由日本新鮮空運到港嘅，以我對魚嘅有限知識，我之前未見過呢款魚，加上入口真係有股鮮甜味，相信侍應所講不假。用埋魚骨煲湯，魚骨嘅甜味都入咗落湯度，可惜佢\地放咗味精，畫蛇添足，攪到我又皮膚敏感。壽司都唔錯，用料也新鮮，飯亦猜得夠結實，但又唔會過硬。凍烏東麵質夠爽、夠韌，係合格有餘之作。用膳後仲奉上綠茶雪糕，也算得上完滿。埋單三百一十蚊，食日本菜嚟講算公道。其實在居酒屋原本係應該食熟物，下次再去嘅時候會試吓。
繼續閱讀