赤丸海鮮丼 (已結業)

中午放lunch行過見到“一律$68“，當中有各式剌身丼，例如三文魚，吞拿魚，帆立貝，三文魚籽，甜蝦等，熟食有吉列蝦，吉列豬扒等。店內以自助形式，購票完再揾位，坐位唔算太迫，用餐完要放去回收處。咖哩吉列豬扒餐麵豉湯-內有三文魚及豆腐粒，但味道好淡，好似溝左水中華沙律-ok咖哩汁-甜的日本咖哩，內有洋蔥，紅蘿蔔，薯仔吉列豬扒-等左5分鐘是新鮮炸的，好香脆，豬扒唔鞋，如果可以厚點更好

行過見到$68有好多款既魚生可以揀 (有吞拿魚、三文魚、三文魚籽與海膽、甜蝦、帆立貝、魷魚、海鰻等)，花多眼亂，所以去試下快餐店式點餐取餐，但唔知係咪人手不足，我企係cashier 面前等左5分鐘至有人得閒黎落order (但明明就唔係好多客人喎？！)我點左三文魚同吞拿魚蓉魚生飯，只可以講，真係好普通好普通，有雪味。。。而且飯既份量好細。。。$68一個丼，明白租金可能佔大部分成本，但咁既質素，真係有點太貴，寧願比多少少食好D既質素。。。

今天來到位於上環的赤丸海鮮丼 AKAMARU.D吃一個人的晚飯，由於放工後上環人流會很少，所以不用等位。店內如店名所示，主要是吃魚生飯，大約有十多二十款選擇，加錢可有飲品或淨魚生，另外也有咖哩飯供選擇，但餐牌好像只在收銀處才看到。雖然是魚生飯，但要等約5-10分鐘，不過店員會將餐送到枱上，而不是自己到櫃枱取，不過午飯人多就不知是否一樣了。我點了赤丸丼，有魷魚、呑拿魚、三文魚，可能本身不喜歡吃吞拿魚，所以沒有覺得好吃或不好吃，但三文魚和魷魚不錯，不是薄薄一片，而是有厚度的。而飯方面，是有微暖的，我覺得不錯。不過餐具是用即棄的，很不環保，加上半自助，吃完要自己收枱，所以以$68這個價錢來說，我覺得有點不值，或者是上環鋪租太貴吧。

賣點係所有魚生丼都68蚊。間野細細間，係自助形式。小妹要左個三文魚帆立貝丼。以六十八蚊黎講幾抵食。個沙律有明顯沙律醋味，幾refreshing。不過果幾片牛油果明顯地係太生，有啲硬。魚生ok，以呢個價錢都不能夠有太多不合理既期望。個飯係暖既。對女仔黎講幾好，唔洗成碗都勁生冷。不過我略嫌個飯有啲甜，唔知係加左糖定係個醋太甜。飯量充足，男仔唔太餓都應該飽的。男朋友叫左是日特色丼。餐牌如下方便各位！佢都有做熱既飯，響店鋪落單位有個牌會寫。

又到下午茶時間，本局長是日一個箭步向上環方向走去，只見蘇杭街一帶食肆甚多，中、日、韓、越等任君選擇，有琳琅滿目之感。途經一魚生丼店名曰赤丸，想起港日友誼永固，遂入內一窺究竟。店內座位不算多，冷氣在如此天氣下稍為不足。魚生飯劃一六十八圓正，加五元有罐裝飲品。時值下午茶時段，有數個丼特價四十八圓發售，本局長素來節儉，點了甜蝦三文魚子飯，以下午茶來說份量適中，蝦和三文魚子新鮮美味，飯比較黏。總括而言，是次下午茶為正常之作。

朋友大力推介呢間新開嘅日式刺身丼飯，全場一律$58😍 經過上環，特意一訪。位於蘇杭街，餐廳林立的位置，非常易搵。小店經營，丼飯選擇多，仲可以根據喜好追加刺身，夠晒flexible。剌身新鮮，份量多，完全唔會將價就價，呢個價錢，性價比極高，絕不欺場。點了三文魚丼 同職員推介嘅赤丸丼，有三文魚，赤身，吞拿魚蓉同魷魚，刺身嘅質素出乎意料的鮮美，喜歡油脂豐腴的三文魚，配搭口感較清爽的赤身，醋飯亦拿捏得唔錯，推介👍

見佢新開，價錢幾平民，因為所有丼嘅價錢都一律 $58 就決定試下哩個平民丼～餐廳係採用自助形式，先購買後用餐分別叫咗 W6 海鰻吞拿魚丼 & S8鮮三文魚帆立貝丼哩個價錢，有好多款嘅魚生配搭揀，已經算係唔錯個飯嘅飯量比較少，可以 ＋$6 增加飯量 ～環境方面，每張枱都設有鼓油同Tissue嘅提供，可能係自助嘅形式，所以枱面清潔度一般，餐廳內提供嘅垃圾桶係無蓋嘅，比較容易吸引到小昆蟲，住得近嘅朋友仔我建議大家叫外賣回家享用

上環開左間新ge海鮮丼飯店，都有同事問過我試左未啦，咁有日諗極都諗唔到食乜好，就不如走去試一試啦。佢地門面已經寫到明劃一價58蚊，以當區黎計，個價錢都算幾抵。內在環境就簡簡單單，冇咩特別。餐牌就有分幾款啦，分別係呑拿魚，三文魚做主打，仲有一款係其他海産咁。分量就唔算好大份，所以有d人會加幾蚊轉大盛。太急不及待，撈左先記得影相😛其實味道都ok ge，三文魚好香，但唔算好爽口，會稔少少。呑拿魚放入口後就散發一種獨有ge甘香，都唔會好似某d放題舖ge吞拿魚咁又硬又有冰沙。飯就感覺上醋多左少少，如果落番少d醋就好啦。順帶一提，佢地用萬字醬油。

「平食。赤丸海鮮丼」見公司附近新開咗間日本丼就拉埋同事去試下門口大大句寫住全場均一$58對於附近返工嘅打工仔能夠食到$58嘅日本魚生簡直係恩物！🙄一入到鋪頭就發現入面無咩人明明係午飯時間竟然得幾個客人？！試完我就明白點解啦我叫咗蝦家族丼而同事叫咗三文魚帆立貝丼份量都算足夠唔夠食嘅朋友可以追加配料或者$6加大飯😂但飯就比較黏。。魚生刺身都唔算新鮮呢個價錢唔可以有太高要求。。所以呢間我只會食一次🤭

去上環買海味，無意中經過，見到好似幾靚下，又走入去試下，對於我甘鐘意食日本嘢既人，又吸引左入去😬昵度又新鮮，又大件，又平又抵食👍👍👍👍👍————————————————————刺身飯:呑拿魚刺身———大大件，又新鮮，咬落口既口感✌️✌️，又肥厚，實在好味😋三文魚籽————又甜又好好味👍👍三文魚————又係大大件，夠曬口感✌️甜蝦————🦐又係大大隻，咬落口夠爽口，新鮮，條蝦（蘇）都特別長😂😂😂我就無意中經過，如果係呢到附近既人，又鐘意食日本嘢，呢間真係直得推介👍👍

知道最近喺上環開咗一間新嘅海鮮丼朋友同我都急不及待想試吓難得大家今日都放假一於出去覓食啦地點同地鐵站都近地鐵站一出行5分鐘左右就到去到嘅時候人流唔太多好容易就搵到位我地點左一個鮮三文魚帆立貝丼鮮三文魚吞拿魚丼三文魚都夠鮮味，帆立貝都不錯但吞拿魚唔夠魚味鮮味同埋上面嘅醬略嫌多咗啲不過整體唔錯店員亦很有禮貌我同朋友有選擇困難時店員都樂意推介當我想要一杯水時店員先請我返回座位然後再將水送到我嘅座位呢個價錢食到呢個嘅質素性價比不錯係抵食嘅☺️

最近上環開咗間平價海鮮丼專門店，其特色係唔洗睇價錢，近三十款配搭全部都係賣五十八蚊碗，問心其實五十八蚊個魚生飯以外賣店嚟講又唔算話真係平到驚天地泣鬼神，但佢開響上環呢區就真係幾超值嘅，而且佢仲有吞拿帆立貝三文魚子甚至海膽可以揀，份量都唔算少，叫咗個吞拿拼三文魚子，吞拿都有成五塊，然後唔夠仲可以額外加魚，加廿蚊有四塊三文魚，魚子膽海膽就要加四十冇咁抵，所以不妨本身個丼拼咗貴嘢先。.味道方便其實幾十蚊都唔會點期待，諗住唔臭已經當贏，但食落又比預期好好多喎，兩款魚都真係幾新鮮帶魚香唔會覺得霉同乾，特別三文魚啲油紋仲幾靚添，至於啲人狂踩嘅飯底，可能我去果陣係非繁忙時間所以都唔差。唯一比較可惜係佢都幾早收舖，只係做到八點半過咗收工食飯果浸就完，當晚我都成八點四去到，好彩都肯俾做埋俾我唔洗摸門釘😛

上回來吃tuna，但沽清，今回終於有得吃，可惜失望了。按ツナ🐟色澤偏紅，估片刺身是赤身。片魚肉口感带乾， 鞋颯颯，惡い。小店試業中，佢哋可能有看openrice客人評語， 改進中。 話說上次只提供筷子， 但啲飯唔夠黏， 所以好難用🥢筷子夾，今回見有🥄匙放出來，比客人有須要時自取🤗。而今次啲飯比上次黏，我只用🥢 筷子，可以也食到。餐牌上說，正價一律$68， 現在試業中，所以一律$58。

新開張全店 一律58蚊， 一心想食吞拿魚， 可惜未到2pm，吞拿魚已經全部售清，那只可以主打揀三文魚，拼帶子啦!服務員好細心， 張圖見到幾多件刺身，就真係畀足咁多件你。 所以我有五件三文魚，四件(開半)帶子。飯， 比室溫暖少少， 餐具只提供即棄筷子， 加咗少少豉油之後， 啲飯唔夠黏，所以散修修， 好難夾嚟食。啲刺身算係新鮮， 一分價錢一分貨， 食完感覺好似分開食咗九件壽司。 以呢個價錢，可以接受，但若試業後，價格有變，那就😖

這家新開食堂，最大賣點是所有丼飯均一價錢$58，平過不少同區日式食肆，款式選擇又夠多，當日晚市接近爆場。店裡大概有二十個座位左右，兩張長桌子和少量自閉位，基本上定必要和陌生人搭檯了。丼飯均一價$58，可以選擇追加刺身/飲料，付款後自行到旁邊的飲料櫃取飲料，然後等店員叫號碼取餐。這邊採用自助形式，包括取餐和收拾餐盤。豉油和紙巾都是直接放在桌子上共用的，而筷子和餐碗則即棄塑膠，雖然不環保，但因此店家才能降低食物價格吧？丼飯份量比想像中的小，配料有海膽、三文魚和三文魚籽，另外追加了$20帆立貝。海膽的量比餐牌上看到的少，可以看到三文魚色澤很一般，帆立貝欠缺彈性，入口軟腍。白飯底更是很黏，「一舊舊」。原本就沒有對這個價錢抱有太大期望，要求不高的話也是一個好選擇。一言敝之：就是$58的丼飯水準和味道，不過這個價錢在這區午市還是有一定競爭力，但個人就未必會再考慮