影片
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
因工作關係途經火炭，落火車見到呢個商場，喺眾多連鎖食肆之中揀咗貳號冰室。門口睇過茶餐價錢，此店同‘’平‘’絕對唔能夠連上關係，一般係要四十幾蚊起跳，一廂情願以為會好食，點知就中伏。以事論事，部分員工態度差到不行，掛住講電話嘅講電話、掛住睇片嘅睇片，同時場內有其中一位姐姐嘅禮貌係好好。 食物質素方面，$56嘅豬扒炒公仔麵完全食唔到鑊氣，俾人感覺係粗製濫造至一個極點，最致命係豬扒竟然係凍 即係話嗰兜撈出嚟嘅麵，根本同豬扒 係冇一齊經過烹煮，無法接受。茶走少甜一句講曬：水準以下。
繼續閱讀
貳號冰室藏身於火炭星凱．堤岸商場，以現代簡約的白色裝潢打破傳統冰室印象，鄰近港鐵火炭站B出口，步行僅需1分鐘，成為區內上班族的便捷食堂。 「自家製菜脯海鮮炒飯」展現港式鑊氣精髓，米粒分明且金黃乾爽，菜脯的鹹香與彈牙蝦仁、魷魚交織出豐富層次，加入炒蛋夠飽足感，整體口感清爽不油膩。另一碟「翡翠珍珠帶子雞粒炒飯」則以濕潤帶子為焦點，帶子鮮嫩易咬，搭配翡翠色蔬菜粒與雞肉，炒功均勻且香氣十足，珍珠米粒粒分明，滿足感滿分。 上菜速度驚人，15分鐘內即能享用熱騰騰的炒飯或意粉，搭配凍飲的套餐定價合理，適合趕時間的工廈上班族。特別推薦凍檸茶，茶底甘醇不苦澀，為炎夏注入清涼。 雖為快餐定位，但環境乾淨明亮，座位寬敞。 整體而言，貳號冰室以創意港式炒碟與高效服務立足火炭，是區內高CP值的午餐首選，值得一試再試！
繼續閱讀
今日下晝突然間好想食2號冰室呢個咖喱豬扒飯,之前食過覺得好好食，因為豬扒好脆,同埋好鬆,同埋超級大塊,佢哋個咖喱其實個汁算好鍾意潔身少少呢個係需要改進，但係佢哋個咖喱都唔算好辣，但係都好好味
繼續閱讀
日期：2025年3月15（六）用餐時間：16:30-17:15人數：2人消費：1381. 侍應阿姐中意講八卦。得閒吹一兩句冇問題，但講到大大聲就真係唔好，我地唔想聽，勸左都阻止唔到2. 食物質素不俗，惟份量嚴重不足。60蚊嘅茶餐真係唔算街坊價，一碗沙嗲牛肉河，得三塊牛肉真係搞唔掂3. 服務員態度可以改善下。點餐、放餸落檯，好似欠左你咁，同佢講「可唔可以覆一覆單」，服務員居然可以已讀不回唔知呢間餐廳嘅公司點請人，但食左兩間分店都係食物質素好好，但服務出事
繼續閱讀
呢間餐廳上年新開張，吸引好多打工仔去食飯，入面都幾大，容納到好多人，但好多時都要搭枱，除非係卡位。午餐有lunch menu 同日常menu，分別在於lunch menu 包餐湯 (可選中湯或紅湯)，同埋熱飲。正常menu 熱飲加$6。今日揀左個咖哩雞飯，佢個咖哩有啲辣，但餐牌冇說明，而且雞肉比較少，大約只有2個雞件，2個薯仔，2條椰菜，食晒都唔太夠飽。味道都正常，附近冇乜選擇黎講都已經算係好味，但就唔好咁高期望。
繼續閱讀