贊和豆品

營業中

休息中

今日有荃灣朋友帶小仙女同男朋友去荃灣玩，行行下見到有試食promotion好長龍啊！免費既野少不免要排隊既，如果唔想排隊既可以比正價($6)購買，即時比到你優惠活動係為左慶祝第七、八分店開業定唔知一周年，由即日起至到5月13日所有分店都免費派豆腐花未去既可以快啲去試下豆腐花都有好多味道今次呢個係熱冰糖豆腐花旁邊有冰糖 薑糖 黃糖任你落豆腐花好滑，不過就冇乜豆味，但整體而言都唔錯，就算係試食活動都唔會偷工減料比少少你咁係荃灣街頭用公雞碗食豆腐花，別具風味！而且服務態度都好nice，佢地不斷叫人去試食同埋話食完一碗唔夠可以再添哈哈不過其實我食半碗已經好飽！

行過贊和豆品，見佢有八周年免費試食豆花雖然是免費，都幾大碗，其實正價個時都食過，個人覺得佢有進步。豆腐花豆味ok，唔算好濃，十分嫩滑，豆花片得薄，易融合甜味。食客可以揀落黃糖、冰糖漿或薑汁。我就偏向落糖漿，唔會影響豆腐花本身既白滑口感。唔錯！

本身唔常去荃灣，對呢家贊和豆品都係第一次聽，從此令我對呢間舖有深嘅回憶都係因為呢次八周年送嘅豆花一碗。今次送禮當然吸引咗一大條人龍啦，咁啱仲撞到靚女同事一齊排隊，湊下熱鬧！呢碗免費豆花唔會凈係俾你食一兩啖咁小家，成大半碗送俾你，糖漿、黃糖隨便你拎幾多啦！有時覺得「請你食野」係食肆吸納新客嘅策略，唔好因為免費食，而偷工減料。（不過豆花又好難偷工，偷工便不成形，不過減黃豆份量，我相信可以！）成功吸納新客，都幾在乎呢一口嘅印象。作為第一次食贊品嘅我，我應該唔會返轉頭，一因為加咗糖漿後豆花完全無味，二係覺得員工好似不太熱衷做這場送禮，總係慢條斯理，可能呢種都係留客策略？！

吃完晚飯經過，見到贊和排滿長龍，覺得很奇怪，因為相比旁邊同樣賣豆腐花的店舖，平日贊和相對較為冷清。原來小店至5月6日都在做「免費試食」，難怪如此長龍！分兩條隊，一條收費，一條免費。毫無懸念，大家都會選擇免費。雖然是免費，但份量絕不欺場，有大半碗，可自由落紅糖、糖漿或薑汁。個人覺得豆腐花的最佳搭檔永遠都是紅糖！豆腐花頗嫩滑，但豆味略淡。今次試完之後，往後我還是會選擇隔離的豆腐花店。

早前試過隔離檔排晒隊既豆腐花, 不外如是，平平無奇，唔知點解排長龍，可能因為$5碗。之後上左架Taxi，司機大哥推介贊和，話呢間先係正野，今日專登去證實。點了3碗: 薑汁豆花($6), 桂花冰糖豆花($6),白果薏米豆花($8)頭兩碗個樣普普遍通，但有豆味，薑味和桂花味都很濃郁，份量也比鄰檔的多，始終一分錢一分貨，即使貴$1，也值得!再來是重點推介，薏米份量充足，(如果得幾粒薏米一定無下次)加上白果，與豆花十分配合，沒有加任何糖，一口氣清晒。好欣賞呢個歡迎自取，其他豆花店驚死你落晒佢d糖，贊和就大大方方，薑糖好有薑味以後食豆腐花只會來贊和，仲要係白果薏米豆腐花!!

見好多人都排格離個間，就發揮本人不太喜愛排隊同不跟風的性格試左lee一間。$6一碗熱辣辣豆腐花，係冬天食最適合不過，好香好濃郁的豆味，豆腐花好滑溜，黃糖，薑汁同湯水係自助形式，值得一讚。本人喜愛薑汁，好香好濃的薑汁，但不會過辣，跟豆腐花好配合。如果大家不想排隊，可以試下這一間。好食，好滑，食完好溫暖。

平到crazy, $5 蚊冰糖豆腐花!!!仲要勁大碗!!!冰糖水，紅糖自己任加夠熱很滑，抵讚！公雞碗好耐冇見過，亦有外賣膠碗揀環保d, 即場食就算了隔離都有一檔多人排隊的，不過冇留意價錢，下次再試呢條街賣嘅食物都很平，每次去荃灣都會嚟打返個圈

街鋪setting, 即場食的話有個傳統瓷碗裝住俾你。冰凍豆腐花上加上花奶，喜歡甜食既朋友一定好中意，不過豆味唔重而且唔夠滑口，豆腐花質量黎講有d遜色。不過而家花費幾蚊就可以食到既甜品選擇唔多，加上豆腐花又係傳統食品，就算未做得最好都應該支持。呢間鋪比隔離勝在花款多，不妨同朋友一人一款 share 黎食～

見到有人排隊, 又咁平, 於是買碗試下啦. $7 有薏米白果豆腐花 , 豆味唔算好濃, 不過都幾滑又大碗. 薏米幾多, 有咬口, 白果就少左D. 叫左熱既因為滑D, 未試過隔離店冇得比較. 兩間都咁多人.

經常路過路德圍，賣豆腐花小店亦有數間，而偏偏有兩間豆腐花店開在一起。還記得贊和新開的時候跟旁邊那間不斷送免費豆腐花去搶生意，人龍滔插不絕人山人海何其壯觀，至今天回歸平靜小弟便去買樽豆漿試試。今次叫左老闆娘要左支少糖(個人喜歡不太甜)，豆醬有豆香味及甜味濃度適中唔會太水亦唔算太滑。

久久沒來荃興徑，今次又多了一些新店。這兒向來是甜品corner，有很多不同的糖水選擇。其中發現有兩間豆腐花專門店，舖位並排着，人龍也相約。我想做生意的，應該很怕遇到這種同行打對家的情況，因為難免有比較和競爭。男友鬼主意多多，說要兩邊一次試個夠，比較一下。因為亞玉的人龍比較長，所以四月在那邊排隊的同時，男友已經把贊和的外賣買回來了。以為公和、建興的$10碗已經夠便宜，這兒才不過賣$5碗，有夠震撼。店內的豆腐花款式有十款，除了我們選擇的桂花冰糖豆腐花，還有薑汁、鹹醬油、薏米白果、紅綠豆沙、花奶、杏仁糊、花生糊、芝麻糊等供客人選擇，最貴的也不過$7碗，外賣需要再加$1。豆腐花軟軟熱熱的，很有豆香。外賣同時附上黃糖，賣相跟平時的片糖一樣，不過入口便知道當中的不同，那陣濃郁的桂花香，跟豆腐花是絕配。整體感覺清新，是夜裡最佳的甜品。

吃完雞煲梗係要食番個甜品啦，朋友介紹帶我嚟到，見到非常在排隊，呢間豆腐花一定好出名，店主又幾識搵錢喎，在餐牌房有個尃係播廣告的電視，在排隊時硬食會睇下，價錢只係7蚊的豆腐花，可以有好多味揀黑芝麻，紅，綠豆沙，薑汁，仲有咸醬油， 桂花冰糖 ，花奶味等，最貴才7元。我們點了薏米白菓，盛載的是舊式的公雞碗，豆腐花真的很滑口但有荳味，薏米和白菓都夠稔薏米好趙口，就坐在路邊的吃甜品也感覺頗有趣*^O^*

荃灣的確很多美食，上次在路德圍吃完飯經過這間店 被當中的薏米白果豆腐花和薏米豆漿所吸引，今天決定一次過買哂  滿足愛吃薏米和豆漿的自己～先來枝薏米豆漿，果然沒有欺場 大方的給了很多薏米，不如坊間那些只給數粒同時亦會附上一枝肥飲管，方便客人一邊喝一邊吃，抵讚！豆味重，落足本 沒有加入很多水去降低成本，重點是豆漿不會太甜，對於怕甜的我簡直是找到了知音，$9 一大枝  抵！這碗白果薏米豆腐花是我第一次聽，集合了我最喜歡的食物。一打開  濃濃的豆香撲鼻，豆腐花的確很滑  不用再加黃糖或糖水了，因為加在豆腐花上的薏米和白果已有糖水，因此甜度是剛好的。白果和薏米也是份量足，吃到底仍有豆腐花夠香夠滑  配上薏米白果 夠特別也很配！有熱有凍可選  這次我買熱的  強烈推介！！

行經荃灣路德圍, 竟發現在這小小的街頭中已共存三間專賣豆腐花的小店, 有兩間還正正開在隔離, 真是日日大決戰, 我就是站在兩小店之間, 思前想後, 為何只吃一碗豆花都令自己那麼困擾? 真是笨蛋!兩間鄰近的豆花店是贊和豆品及亞玉豆腐花, 贊和豆品的豆腐花口味選擇比亞玉豆腐花多很多, 但眼見亞玉豆腐花的人流較旺, 心想應有質素保證, 故在它所出售的黃豆豆花、黑豆豆花和芝麻糊豆花中決定試試黑豆口味, 未買之前先為小店環境和其他食品拍照, 影相後便點選, 竟然是日沒有黑豆豆花, 失望得難以形容, 又不想只吃普通味道, 而芝麻糊亦不感興趣, 故轉移目標, 往贊和豆品去, 幸好只需走兩步, 哈!小店以白色為主, 環境光猛, 地方小小, 並沒有在街外設座位, 但店內設有企位, L形的長枱上放了匙羹和三支配料, 包括糖水、黃糖和薑糖, 供客人自行添加, 擺放得整齊而乾淨, 令客人食得放心。而從企位中亦可看到店員對着一籃籃黃豆, 正用心地製作各款豆品食物。它提供多款口味, 除了由細吃到大的糖水、黃糖、薑糖豆花外, 還有拼薏米、綠豆、紅豆、花奶、芝麻、杏仁和花生, 還有一款鹹豆花。想多一種口感, 故選了有

上星期六去了荃灣飲茶,飲茶後去左路德圍,之前屋企人話這間豆品店的豆漿好好飲,有薏米的,除了豆漿外,還有豆腐花食,今日去了食豆腐花,店子小小,豆腐花的種頪很多完化, 有咸的,甜的,迎合大家需要,除了豆品外,還有腐乳買的,入面放了一牆腐乳. 我們食豆腐花,初初諗住係企係出面食,但係原來入面都有兩條好似BAR枱的枱可以企係度食, 我食最普通的桂花冰糖味,姑姐食薑味,媽媽話咩味都唔要,其實如果驚甜得滯,可以自己加糖,有冰糖,薑及黃糖可以選擇,好好的服務.講番碗豆腐花先,5元一碗,係一個雞公碗咁大,一點也不小呀, 我的桂花冰糖好香,一點也不甜,豆腐花好滑身,有豆味,唔會太熱,暖暖地好暖胃呀, 真的係幾滑幾好味.