賞麵

營業中

休息中

話說今日9/11 同朋友去食食野因為我唔飲甜野店員都好細心話幫我沖淡d熱朱古力再者 放係上面個架果袋野無啦啦 跌咗落碗野度碗野又賭瀉哂 林左落我朋友度店員好細心即卡黎打掃又囉濕紙巾 幫忙。。。之後仲話我地都唔想 仲煮個碗比我地冇嚴我地麻煩食食下另一個男店員行過好細心咁望住枱有熱水樽問我洗唔洗幫我加熱水果陣先發現我果熱水樽淋到油林林 男店員即卡囉去沖洗成個感覺照顧好周到d野食都ok 份量都唔小淨係呢個態度香港都小見值得下次再去食過加油 支持你地 希望你們生意 興隆要繼續keep住呢個態度待客人💪💪💪💪💪欣賞你們 😍😍😍

啲野食全部唔入味，豬皮又硬，豆卜又硬，基本熟度都無，仲要啲湯係公仔面湯包，唔要求多，炆牛腩既腩汁味都無？叫個油面煮到成pat野咁點食，碗咁基本既車仔面都唔合格仲要賣貴人廿幾蚊，執7左佢啦佢逼我要打夠二百字先可以評分，以下內容可以忽略。佢逼我要打夠二百字先可以評分，以下內容可以忽略。佢逼我要打夠二百字先可以評分，以下內容可以忽略。佢逼我要打夠二百字先可以評分，以下內容可以忽略。佢逼我要打夠二百字先可以評分，以下內容可以忽略。

我個“架步” 可以放袋。隨身物品。電話同人手寫紙落單都得。不過疫情最好都係唔好摸太多嘢！ 加埋環保L的我。當然QR code一掃自助落單！做會員。第一次送$20 coupon，唔係唔用呀？午餐到！！！叫咗1）粗麵： 嚡咗小小2）清湯：有蝦子味。帶甜。正3）咖哩陳皮魚蛋： 入味。陳皮如蛋去邊都唔會輸！！共5粒係街市都買到。有時煮飯唔夠餸。加落去做下蹬腳都唔失禮（Sorry離題）4）牛腩： 有點煙韌，共5粒5）蘿蔔：不甜。太路嘢。冇渣。共6粒6）炸雞翼：正。即炸。夠熱。脆。但入面肉嫩！共3隻拎咗$20 coupon當佢哋請呀姐我食雞翼我減肥。問佢俾杯水飲都好好問我要熱定凍！加分

十分喜歡餐廳的間隔，和朋友可以編排坐，不用對著坐，給人一種舒服的感覺。榨菜好食到停唔到口，辣辣的加上車仔麵，一啖咋菜一擔麵，爽口之餘味道濃沃，一定要試。自身是素食者，走過荔枝角找不到素食吃，車仔麵讓我可以選擇素食項目，當中包括蘿蔔、炸腐竹、鹵水豆腐、響鈴、冬菇、唐生菜，我點選了蘿蔔和冬菇，冬菇足足有四大粒，味道濃沃，蘿蔔爽口沒有絲，這兩樣也值得一叫。老闆員工態度很好，告訴我旁邊度可以有放袋的位置，每個座位也有一包紙巾約客人使用，十分舒服

朋友帶我嚟食好嘢，因為朋友在附近返工，比較熟路。12點由荔枝角地鐵站步行到車仔麵，都很方便，好快就到啦。一向我都喜歡食車仔麵，門面很乾淨企理，格局有啲似日本拉麵一隔一隔，又衛生，又有私隱。車仔麵的餸菜選擇很多，菜單很清晰有分素食類，豬肉類雞肉類牛類水餃類。我點了黑蒜油豬骨湯底公仔麵，蘿蔔、香辣陳皮魚蛋。湯底非常香濃，配公仔麵真係好邪惡，好好食。還有菜圃任加不得不提小食，我們加了兩款小食，香辣炸雲吞六隻非常好食，暫時食過最新鮮香脆的炸雲吞。

最近經常喺荔枝角搵嘢食，好多新餐廳。中午快靚正當然係食車仔麵啦，門面裝修好特別，又整齊，一打開門員工非常友善。車仔麵來講，有得揀豬骨湯底實在很正，今日可以放縱一下，來一個公仔麵。想餐部份很環保，可以掃QR code 下單，豬骨湯底加公仔麵蘿蔔$8豬腸$10 瑞士汁雞翼$10 滷水留心蛋$10 必食個人覺得必食香辣炸雲吞$18 六隻，邊度搵咁高質又咁抵食呀。為咗呢個雲吞我會再回頭。 雲吞的皮很薄，餡料很新鮮，即炸，點酸甜汁，份外滋味。車仔麵份量好多，蘿蔔甜沒有渣，大腸也很入味。瑞士雞翼有兩隻，都是入味。整體都很滿意，環境很乾淨，一格格的座位特別有私人空間感。

之前食過牛奶吐司覺得好好味😋所以今次嚟都再食一次😬照舊係order返火腿炒蛋牛奶吐司+烘底😀牛奶吐司嘅牛奶味真心突出，烘過之後就更香脆🥰炒蛋份量好多，又夠熱😙另外好欣賞呢度自己用QRcode落單嘅時候可以自選炒蛋嘅生熟程度👍🏻車仔麵我揀左黑蒜油豬骨湯底配淨餸，分別有糖心蛋，豬軟骨，牛腩，牛肚同埋冬菇😙 個湯底真係好香，隔住個口罩都聞到陣黑蒜油味😵呢個湯底可以話係賞麵必試👍🏻P.S要讚下餐廳嘅冷氣好夠凍，喺呢d咁熱嘅天氣底下一入到嚟真係真即覺得舒服晒😬

一個人喺荔枝角覓食，想簡單快趣食碗麵，即刻腦袋急轉一下，就記得呢間車仔麵店，幾好味幾抵食，咁就決定行過去開餐😆呢度有多款麵底可以揀，全部都係 $13 ，揀咗米線；湯底就揀咗「黑蒜油豬骨湯底（+$3）」；另加餸菜，價錢由$8至$12不等，揀咗響鈴🔔、唐生菜🥬、腩肉、溏心豬軟骨、瑞士🇨🇭汁雞中翼、滷水雞腎、五香牛肚、秘製軟滑牛腩，一共有八個餸，諗住嚟個大滿足😆；跟麵再叫咗杯 $7嘅「熱奶茶」要多奶😆碗米線嚟到嘅時候見到湯底係奶白色，飲一啖先，真係有濃郁嘅豬骨味，有少少日式🇯🇵拉麵湯底嘅感覺，幾正👍。餸菜全部都幾好味，特別美味嘅有：牛肚腍得嚟又有少少咬頭仲好有牛味😋；牛腩超級軟熟😋；響鈴脆脆哋又吸咗啲豬骨濃湯好滋味😋。簡簡單單食得飽飽又滿足😆

我本來就好鍾意食車仔麵，因為睇咗條youtube食評片所以就去咗嚟間。睇佢餐牌見到午餐熱飲都要加10蚊，我就決定去食佢地個早餐，因為熱飯免費。我叫咗個越南牛骨湯河粉，炒蛋加蒜蓉牛油吐司，加個熱飲都係34蚊。食物質素麻麻，好咸，河粉係即食味道，熱華田唔錯。餐廳設計非常特別，自修室嘅設計，自己一個坐都唔尷尬。枱上面應有盡有，餐具、紙巾、牙籤，有啲配料。有一張張點心紙可以畀你tick，亦都有QR code畀你落單。有個架畀你擺電話或者銀包。員工都幾有禮貌，可惜啲嘢食唔係幾好食，但會考慮再去食。

今日放左工，去咗荔枝角呢間車仔麵。全店用咗木系風格裝修，乾淨俐落，企理齊整😎 每人享用獨立座位，配合疫情嘅需要，避免同其他食客有太多接觸，仲可以享受一至兩個人嘅進食時光😊 店舖可以揀用qr code落單，程序更快更方便👍🏻我叫咗一大碗車仔麵：先講吓個湯底，我叫咗原味湯底，飲落好清甜，無味精既味道👀粉面揀咗河粉，份量好多，吸左清湯，食落依然爽彈香甜。配料方面：最欣賞佢個招牌糖心豬軟骨🐷 肉質軟腍，豬軟骨咬落去好爽脆🤩限定滷水日本溏心蛋，蛋黃流心程度啱啱好，做到溏心蛋嘅效果😘雞翼好大隻，滷水汁好入味😝秘製軟滑牛腩，比想像中硬咗少少，不過味道都幾好食。招牌蘿蔔，味道清甜冇負擔，食落唔會一絲絲😝唐生菜，新鮮又健康😌整體來講，環境舒適乾淨，車仔麵分量多，夠闊綽，配料製作有誠意，值得推介比附近嘅打工仔同街坊食🥰🙏🏻

今日突然想食車仔麵，之前經過呢間大大飯字寫住「cart noodle」但未食過，所以就去試下。D位全部都係排排坐，一個人黎食都唔錯用QR code落單，好方便唔用QR code都可以用紙仔，有招牌麵餐包野飲，或者自選都得原來仲有早餐食，好似都幾ok又可以做會員，有coupon又可以儲分，都幾好喎揀左一個公司車仔麵餐，呢個幾方便，有九餸一麵連熱飲，唔錯另一個自選餐，揀左蘿蔔、咖哩陳皮魚蛋、豬紅同豬軟骨，蘿蔔同豬軟骨夠淋，魚蛋有陳皮味，都幾好野飲揀左一杯熱咖啡，幾香喎呢杯，比想像中好另一杯揀凍咖啡，揀左少冰少甜少奶，呢杯咖啡味仲濃，唔錯！因為第一次食登記做會員有$20coupon，所以一共減左$40，好抵食。車仔麵黎講唔算平，不過野食都ok，可能間唔中黎食下

經過荔枝角工廠區，見到這間“賞麵”。看外面的裝修都發現不到原來是一間車仔麵店。喜歡它獨立位置的座位，喜歡它的私人空間感。我覺得個設計有處身於日本獨立空間食拉麵Feel。座位好舒服及位置整潔！車仔麵。。。即是你喜歡叫咩餸就咩餸。我叫左河粉，清湯加辣，蘿蔔，腩肉，牛肚。加埋柸餐飲，總共$49。價錢合理！食物味道是OK的，牛肚夠火喉，蘿蔔好味，唯獨腩肉片可以大片小小。😄 餐飲味道都可以的。最愛任加菜脯😄😄😄唔好意思！ 太喜歡菜脯了！ 下次再來！

最近同朋友經開荔枝角，見到呢間新式嘅車仔麵店好得意，睇落亦都好衛生，所以就決定入去試吓啦🤣🤣🤣🤣🤣嘢飲味道濃郁，凍奶茶好香奶味，一流！！！😂😂😂糖心蛋，熟到亦都做得啱啱好，甜味適中!冬菇牛肚同樣超入味，值得一讚，必定再食😍😍😍😍第二碗米線叫咗豬紅、蘿蔔、牛肚，同樣全部超入味，蘿蔔10分鮮甜😋😋😋湯底濃度亦都啱啱好，令人食嘅返尋味❤️❤️❤️❤️❤️❤️❤️❤️❤️❤️

今日中午嚟買車仔麵外賣，餐廳可以QR Code電話落單，適合打工一族預先叫定，節省時間。點咗黑蒜豬骨湯米線—配招牌蘿蔔、滷水豆腐、蠔皇冬菇、秘製軟滑牛腩及咖喱陳皮魚蛋；原味湯底米線加腩汁—配蠔皇冬菇、唐生菜、鹵水日本溏心蛋及溏心豬軟骨。吃車仔麵，餸菜才是主角，要一讚的這裡的份量挺多，蘿蔔、滷水豆腐、蠔皇冬菇都煮得入味，秘製軟滑牛腩及豬軟骨的肉質夠腍，調味夠；溏心蛋溏心效果一流。另外還點了幾款小食—蜜糖燒賣及勁脆炸雲吞。蜜糖燒賣炸燒賣外層塗上蜜糖，同bbq時食嘅燒燒賣差不多～勁脆炸雲吞炸雲吞外皮炸得薄脆，配甜酸汁香口好食。

［車仔麵］對於香港人來講車仔麵真係一重要地道小食，路過見到呢間車仔麵格局好特別，就試下。點了一個牛三寶車仔麵套餐，原本驚餸好少，不夠食，叫朋友散叫時幫我加啲餸😂點知好大碗😂好抵食車仔麵餸牛腩好淋，湯底我加左辣，啲蘿蔔入晒味😋😋［小食］豬扒淋及juicy不會乾掙掙，燒賣係驚喜之作，同朋友傾左好耐計先食仍然脆卜卜，又甜甜地，好特別，另外魚肉春卷都好食😋。裝修好特別，自修室格局，但比一蘭好😂，可以2人一抬，也有4人普通枱。有機會會再去