244
9
2
港鐵土瓜灣站D1出口, 步行約8分鐘 繼續閱讀
開飯介紹
區內人氣米線小店,每天以大量豬骨熬煮湯底,而且湯底、麵款及配料,均可按個人喜好自由組合,照顧不同食客需要。 繼續閱讀
營業時間
*最後落單時間: 20:45
星期一至六
11:30 - 21:00
星期日
全日休息
付款方式
AlipayHK 支付寶 現金 微信支付 FPS
座位數目
45
其他資料
Wi-Fi
酒精飲品
自帶酒水
加一服務費
電視播放
以上資料只供參考, 請與餐廳確認詳情
食評 (280)
等級4 2024-03-06
716 瀏覽
米線關注組推介嘅米線,梗係要試下,呢間最近仲喺北角開埋分店,所以應該幾受歡迎今次試佢紅磡總店,星期六晚去到好多熱門配料都已經售罄,好彩都仲試到唔少推薦菜。我同朋友每人叫咗碗米線同小食,share試下多啲嘢🌟酸辣小鍋米線- 秘製腩肉- 雞翼- 爽口魚片頭- 蘿蔔酸辣米線有酸菜、韭菜、芽菜、炸醬、香葱,辣度我揀咗小小辣,好易入口,而酸味好濃,但帶有後勁嘅甜味,有啲似蘿蔔嘅清甜味,未食過咁嘅味道,幾特別。配料方面,我幾推薦蘿蔔同腩肉,因為蘿蔔冇渣兼炆得好淋好甜,而腩肉好入味而且唔肥🌟麻辣小鍋米線- 豬軟骨- 鮮製魚皮餃- 蘿蔔- 豬紅麻辣米線有韭菜、芽菜、炸醬、香蔥,而湯底除咗有蘿蔔果種清甜味,仲有好香嘅麻辣醬味,非常惹味!我個人覺得麻辣比酸辣更出色🌟雞絲山呢碟好多人叫黎打卡,因為碟仔裝住滿到瀉嘅雞絲,望落好澎湃,點少少醬油當做多個米線配料都唔錯🌟皮蛋豆腐呢個係預期嘅味道,但佢個汁做得幾好,唔太鹹,連埋汁一啖咁食係幾好味整體黎講,呢間米線嘅湯底同配料都幾出色,如果未食過呢間嘅就千祈唔好錯過 繼續閱讀
(以上食評乃用戶個人意見 , 並不代表OpenRice之觀點。)
【土瓜灣捐窿捐罅|🍜大推青花椒麻濃湯米線】🐨青花椒麻濃湯米線 $33推薦度:⭐️⭐️⭐️⭐⭐️青花椒麻濃湯一啖飲落去,飲到少少辣青椒味,但就唔辣口只有少少麻嘅餘韻~ 清香得黎有平時麻辣湯嘅後勁👍🏻呢幾日凍冰冰,淨係飲啖湯都覺得好暖胃~米線係小編鍾意比較腍身嘅款式,吸晒湯底嘅滋味!.🐨豬軟骨 滷水雞翼 各$10推薦度:⭐️⭐️⭐️⭐⭐️兩款都勁好食,好襯青花湯底。兩款配料都滷得好入味、好淋身~豬軟骨骨髓位都唔會好硬,滿滿骨膠原嘅感覺☺️滷水汁甜甜地,滷到連軟骨都可以食埋,襯落湯底度甜甜辣辣咁好特別~.🐨雞絲 $10推薦度:⭐️⭐️⭐️⭐雞絲份量非常之多鋪滿咗大半兜嘅米線面,好嫩滑啖啖肉好滿足!略為乾身不過浸埋湯食反而吸返湯底湯味,俾米線更加掛汁,大大提升咗口感同味道!.🐨紫菜 $8推薦度:⭐️⭐️⭐️⭐⭐️同樣份量超級多,小編平時食米線好少會加紫菜,係朋友推介嘅~真係一試難忘!吸盡晒湯底嘅花椒麻味,夾住米線一齊食,口感豐富滋味~.🐨蒜泥白肉 $27推薦度:⭐️⭐️⭐️⭐一兜小食,大約有15、6片,每片都唔算薄,肉質係偏硬身,有口感,夾埋蒜泥食,好有韓式燒肉感受,兩個人share食都覺得好飽... 而且佢哋係用特色嘅紅色蒜泥,唔會好辣反而係更突出蒜香~-----☼-----☼-----☼-----☼-----☼-----貴緣小鍋米線📍地址:紅磡崇潔街20號地舖🐨推薦度:😋😋😋😋/5 💰人均價格:$50-100🪸環境:👾👾👾👾🗣️服務:👍🏻👍🏻👍🏻👍🏻📸食物打卡度:💡💡💡💡💡 繼續閱讀
(以上食評乃用戶個人意見 , 並不代表OpenRice之觀點。)
等級1 2024-05-08
60 瀏覽
一路支持開,但係今次等左成個鐘都拎唔到外賣,只係一路出黃色外賣app同堂食,成村人要企係門口等個外賣,如果做唔到不如唔好接單啦落單時都唔會提醒客人要等,同時間入去嘅堂食客人食完走都未到我拎外賣,花錢真係買難受,尊重你地小店逐碗出需要等待,但你地都冇尊重你地客人,叫左雞絲9個字之後先同我講冇,下?咩事呀,煮左9個字你先知冇果樣食材?唔早啲講? 錢就你搵,我就企係到白等?你有冇諗過咁既天氣你既客人等到身水身汗,奉勸見字既各位有時間先好落單,永久blacklist 繼續閱讀
(以上食評乃用戶個人意見 , 並不代表OpenRice之觀點。)
等級3 2024-05-06
47 瀏覽
 之前係荃灣食一間小鍋米綫都好好食,呢閒係表妹推薦既,門口牌牌擺著堅持多年手藝,絕不取巧,走心,自選湯底,湯底會有固定配菜,面底、辣度、喜好都可以揀,然之後揀自己中意既肉或者菜,價錢不一,分量都幾大,湯底好正,唔係濃到好膩,麻辣湯底好香少少痲,好味~係,豆漿都唔錯,解辣 繼續閱讀
(以上食評乃用戶個人意見 , 並不代表OpenRice之觀點。)
一句講哂,難食過譚仔點左個酸辣米線中辣多酸,雞絲,腩肉,魚片頭一黎到,試左個湯先,個湯底同清湯一樣,辣同酸完完全全分開既再試下個雞絲,又醒又臭,腩肉個味又怪,魚片品同譚仔無分別碗野我食左一啖,比錢走左,完全垃圾,請勿再吹奏 繼續閱讀
(以上食評乃用戶個人意見 , 並不代表OpenRice之觀點。)