貴川風味館

營業中

休息中

📍貴川風味館/米線系列/🍜招牌酸麻辣米線 $28一嚟到大大碗，望落已經夠晒吸引😌而餸係另外加配😗身為食肉獸嘅我的分別加咗麻辣腩肉（加$10）同雞翼2隻（加$12）😝首先講麻辣腩肉，唔會好辣🌶️肉就係煮得有啲韌🫣所以食落有啲鞋口，肉質一般🤪但雞翼反而有驚喜，炸得幾乾身，所以食落好脆卜卜🤩大細都好適中👍🏻另外，佢嘅酸麻辣湯底味道偏淡😳但勝在配料夠足，有大量既芽菜、酸菜、蔥、芫荽、辣肉碎等等，所以成碗嘢都幾多嘢食，超級足料😁🥄椒鹽豆腐 $29椒鹽味略嫌有啲淡，但熱辣辣新鮮炸起👍🏻粉唔會話好厚，份量亦都幾多，一碟都有8嚿左右，豆腐都算嫩口😋🙆‍♀️個人認為：整體感覺不過不失，味道方面唔會話好出色，可以去其他米線舖食🫣⭐️好味指數：6/10📍貴川風味館 (旺角)旺角豉油街88號地下G8號舖

Yunnan Sour spicy noodlesWhat’s better than having a bowl of noodles in such cold weather! This local noodles shop in Mongkok has get some attention in the local fans group long while ago. They offer extensive toppings for selection. Ordered their signature sour and spicy soup base which has more sweet and sour than spicy, somehow it is a bit oily too. My noodles consists of two toppings - pork belly and fried pork neck, served with a generous portion. They are tender and marinated with deep fla

有日去開旺角 太夜想食晚餐朋友話 聽講呢間幾好食就入左去但湯底同配料都一般配料好普通 冇特別想食既餸好似上面食評講咁 唔會再encore因為飲野都好hea提子梳打 佢真係就咁放糖漿比你自己加梳打水叫左蒜泥白肉小食都一般 冇乜特別 冇好香既蒜味相比之下 食譚仔比較好🥲🥲🥲

我本身係米線愛好者，中意周圍食米線，睇左open rice見好多好評，特登行過黎食！一入黎啲位好窄好逼，唔緊要！如果好食我都唔介意！但係真係好難食！啲姐姐仲要態度好差，成日喺度執野行黎行去，好似睇你唔到照撞埋黎。1.個湯底好淡，叫咗金湯中麻辣，一食落去好似譚仔五小辣咁，同啲侍應姐姐講冇味可唔可以加啲辣，佢個樣黑晒唔出聲一野拎返我碗插住筷子嘅米線，拎返比我都係插住對筷子嘅，跟住我再食，仍然係冇乜味。唔止唔辣，係咸味都冇乜。2.啲冬菇仲苦嘅。3.啲米線好似淥唔夠，硬嘅。4.鮑片好似食緊紙皮咁5.蒜香雞件，入面舊肉勁細，炸粉勁厚(下面圖中紙兜全都係我食剩嘅炸粉6.堂食好多容器同餐具都係即棄好不環保。好失望，網上咁多人話好食，又有報導，咁嘅質素。。。。返屋企煮公仔面好過！

呢間米線鋪經過好多次，但一次都冇入過去食，上次落勁大雨我哋廢事行，於是揀咗食呢間，一試覺得ok，可以推薦俾大家試吓🤣環境當然冇cafe個啲咁好，呢個價錢都係做街坊生意，水同餐具都係自助～嘢食都同普通米線鋪差唔多，主打小鍋米線，酸辣麻辣拌麵都有💁🏻‍♀️=====================🍜招牌酸麻辣米線 $28（轉紅薯粉+$2）腩肉+$10｜唐生菜+$7酸麻辣顧名思義就係又酸又麻😂不過個人覺得偏酸，麻就唔係好麻，辣都唔係好辣，叫咗中小都冇乜料到，食到辣嘅朋友可以再叫辣啲惹味啲🤤個人覺得呢度嘅紅薯粉幾好食～唔會太難咬，而且幾索湯，腩肉亦唔會太韌，不過有少少肥🤏🏻🍜清湯小鍋米線 $28腐竹$10｜芝士丸$10｜菜心$7朋友唔食得辣，所以叫咗清湯🤓佢話呢度嘅清湯幾好食，唔會話太清淡～腐竹同芝士丸就正常發揮，冇乜特別，友人特別一讚個菜心好清甜，同湯底幾夾😝🥡椒鹽豆腐 $29外皮少少脆，入面幾嫩滑，但就唔夠椒鹽唔夠味，可惜🥲=====================總體嚟講，個人覺得呢度嘅紅薯粉不錯，份量同價錢都幾親民，方便快捷😂雖然味道冇話特別出色，但如果嚟到附近諗唔到食咩，又想揀間平平地

近排鍾意食酸菜魚好耐冇去過貴川，見佢有個酸菜魚米線一於去試下晚上8:45到，坐滿人，以為要等，好彩有最後兩個位叫左個貴川酸菜魚金湯套餐轉薯粉小辣跟餐配青蘋果綠茶$73，酸菜魚份量都幾多，都算幾滑，有幾塊醃蘿蔔又幾正，不過我覺得可以再酸d，金湯小辣唔算好辣，配料都幾多芽菜底又多，成個組合少少酸少少辣都幾好。薯粉分開上，個人認為淋左d，硬身少少就正。半棵娃娃菜正，不過我覺得食娃娃菜同打邊爐一樣，淋先好食。太口渴，飲左淡先影🫢係甜左d，少甜就岩岩好。整體來講酸菜魚米線套餐可以一試🔥🔥🔥金湯麻辣小鍋米線配紫菜｜蟹棒｜腐皮角 小辣$55，金湯小辣唔算太辣，貴川辣度可以試中辣應該正👍🏻配料都係多，抵食，但感覺以前貴川真係好食d

在旺角上班的我，當然不會錯過公司附近的餐廳👩‍🍳🧑‍🍳，每一次食飯都會問一問同事有什麼餐廳推薦，然後他們就帶我去到旺角豉油街的一間米線店😚我坐下之後看了一下餐牌，不如試吓「惹味熱拌米線 + 豬扒」，因為平時都吃湯米線，都想試下熱拌米線，還有選菜的模式跟譚仔&雲貴香差不多，所以我就只選了一個菜就是厚切豬扒啦🐖🐷可能因為熱拌的關係，已經醃好的厚切豬扒不會因為湯面的湯而浸到啖味，所以豬扒是保持已醃好的味道👍🏻👍🏻 只說塊豬扒完全忽略了米線😂熱拌米線入面有莞西、芽菜、蔥花、花生及混炸醬，撈在一齊又真係很惹味😚😚

經過幾次都未有幫襯，今日諗住試吓新嘢先⋯叫咗餐肉米線小麻辣，D午餐肉係 益 味，但啊姐堅持係咁味，我話咁請你食哂去，但佢又話唔食，D湯更加唔想多講⋯搵鬼嚟無下次，米線都唔食，俾錢走人⋯ 伏伏伏⋯#貴川風味館 #旺角店

第一次食呢間 叫左個雲南酸辣小鍋米線 小辣 唔辣唔酸都算 成碗野有油膉味 真係食唔落 啲餸又少 諗住齋食餸都食唔飽 希望只係意外嚟 平時唔係咁 但我都唔敢再食第二次⋯⋯真係好難食⋯

勁耐無食過呢間米線！以前一個月總會食一兩次嫁，隔左咁耐都應該換左好多手了，難得行過，食晏行過見到有開就食下先😝清湯小鍋米線 豬扒魚皮餃🍜 ($52)由於要走青 😂所以碗嘢乜都無😂得豬肉碎🐷我覺得碗米線油左小小，以前清湯唔油嫁🥲魚皮餃反而幾好食個皮唔厚，豬扒就係香矛豬扒，新鮮熱辣炸起，正！酸辣小鍋米線 豬大腸豬潤🍜($48)味道同以前的確係唔同左🥲配料正常啦黃金墨魚丸🦑($33)失望呀！唔夠熱同埋個墨魚丸無乜味🥺推薦？🟡🟡🟡⚪️⚪️無以前咁好食了🥺

貴川風味館💚涼拌鮑片五色米線 $49川味口水雞菜飯 小辣+熱奶茶 $49+$7招牌酸麻辣米線 金菇菜 中小辣 $35招牌酸麻辣米線 蘿蔔 小辣 $35酸辣小窩米線 魚皮餃 韭菜餃 豬紅 小辣 走青+凍檸茶 $55+$7-涼拌鮑片五色米線包括紅蘿蔔絲 青瓜絲 木耳 變成蝴蝶嘅海帶 芝麻👻仲有好嘔心嘅芫荽🥺🤭不過好彩啲芫荽可以挑得走👻佢醬汁方面除咗面頭嘅麻醬其實個底都會有啲豉油嘅物體🤣所以唔使擔心冇味道啲米線質感適中 都OK啦🤭佢嘅海帶有啲硬 同埋feel到真係有啲昆布嘅味木耳軟林林 味道有啲淡🥺不過其實d嘢撈埋一齊都幾好味🤤Btw個阿姨介紹話如果想食辣可以落啲辣醬 會好味d👻．題外話佢嗰啲小辣唔係好辣因為我都食到🤣🤭口水雞飯有花生啲花生都幾好味😋-9/9 eat唔寫得好詳細㗎啦💁🏻‍♀️個姨姨好親切🙈-好味程度：🌕🌕🌕🌑🌑抵嘅程度：🌕🌕🌕🌑🌑環境靚靚：🌕🌕🌕🌑🌑服務態度：🌕🌕🌕🌕🌑會回頭率：🌕🌕🌕🌑🌑👆🏽川味口水雞菜飯 小辣+熱奶茶 👆🏽招牌酸麻辣米線 金菇菜 中小辣 👆🏽招牌酸麻辣米線 蘿蔔 小辣 👆🏽酸辣小窩米線 魚皮餃 韭菜餃 豬紅 小辣 走青+凍檸茶

印象中在旺角貴川是首間有一人前酸菜魚餐的，份量適中，對於唔食得辣又鍾意食酸菜魚的我，他們能提供走辣選擇是超好的，除了紅薯粉還有白飯和線選擇，定必有一款合心意的！

我地係旺角行街，想食米線，走入貴川風味館。我地叫左一碗清湯小鍋米線，餸有豬大腸、花枝丸和炸魚片，另一碗叫左金湯麻辣小鍋米線，只是小辣，餸有蟹籽丸、腩肉和雞肉。我一向食唔到辣，但這碗小辣米線，我覺得好食，只是有些麻，好好味。我地又叫左红油抄手，睇個樣好似好辣，但食落唔覺得辣，好啱我食。我覺得炸魚片好食，炸得好香口，花枝丸和蟹籽丸好咬口，好好食。我地又食左油菜，係食米線之前先食油菜，再食米線，再飲檸蜜和熱奶茶，飽飽離開。

旺角豉油街食店林立，有唔同種類既食物，今次去左雲川風味館，雲川都開左一段時間，作為一個米線精當然要黎試下佢。 餐廳都係普通小店既設計。𝐎𝐫𝐝𝐞𝐫:⧐ 酸辣小鍋米線-雞絲+豬紅⧐酸辣小鍋米線＋豬軟胃+豬大腸⧐凍檸茶*2因為其中一碗叫左走茜，但黎到既時候係無走的，然後店員拎返去夾走佢，結果連我啲酸菜都夾走埋，我明明仲要叫左多酸菜。公道黎講，其他野食就可以，豬軟骨大腸好腍。雞絲都入味。————————————📝評分味道 ³ / ⁵環境 ³/ ⁵服務 ³/ ⁵衛生 ³/ ⁵抵食 ³/ ⁵————————————餐廳:貴川風味館 (旺角)地址:旺角豉油街88號地下G8號舖

超耐無食米線😍😍今日出到旺角緊係要去貴川懷緬下裝修完成間舖唔同曬坐得舒服左好多不過今次坐左喺較入嘅位置全程有員工行出行入咁😅😅『酸辣小鍋米線』加配豬大腸、羅漢齋勁多料的一大碗不過豬大腸偏肥💡食嘅時候最後咬走入面啲肥膏先羅漢齋配濃味湯底無得頂😍索曬啲湯勁正！『酸麻辣小鍋米線』加配腩肉、竹笙雖然同酸辣湯一樣色不過真係多左陣麻辣味👍🏼腩肉⋯⋯肥左少少有幾片都係95%肥🙈整體黎講都係抵食嘅因為真係好大碗😂下次要記得少麵先得