貳號冰室

營業中

休息中

行過附近想搵野食，三個大加一個一歲小孩，入到去冇人招呼，都已經算，叫完野食之後，佢哋啲匙好大隻，小朋友口不大，問可以俾隻茶匙可以嗎，阿姐話佢地冇茶匙，可以俾外賣匙俾我地，收銀阿姐就特然跳出嚟話要收錢先，跟著我話你地一定有細啲既匙，後來死死地拿出一隻細匙，之後個收銀阿姐不斷後面講帶小朋友就應該帶自家匙，一直大聲同其他帶抬講唔完，我食飯帶小朋友一齊就已經不容意，仲要受無理取鬧，後來俾錢佢又收錯，下次一定唔會再去任何一間分店幫襯！

雖然侍應還是好街坊,比較粗聲粗氣,但態度比之前好👍至少介紹下餐單👌🏼又幫你搵下合適的位😉今次也是食蟲草花蒸雞,味道比之前好,汁的濃度剛剛好👌🏼而例湯也是之前的足料及好味😋最令我驚訝是落左單好快上齊🤗希望下次可以改變下枱面清潔方面😅

經多次驗證，沒員工主動服務你，落單必須大幅度揮手一段時間，或大聲呼叫。侍應們沒事做，一般都是背對着客。落單不覆單，不說話的。如果不是那裏地點最近公司，也絕不會去了幾次。食物倒不太差。

餐廳位於前身是柴灣工廠大廈改建而成的公共屋村地下，外面裝修有舊式工廠鐵閘，頗有特色。大約中午時間，我點了一個咖喱牛飯加奶茶。-牛肉算腍，沙牛質地。-咖喱唔辣，容易入口。-之前試過咖喱牛肋肉飯，味道和肉質更好。- 奶茶一般，冇讚冇彈。-羅宋湯濃，但味過咸。-在柴灣幾間茶餐廳中，依間選擇唔算多。午餐大約50尾到$60頭價錢。-服務態度就一般(茶餐廳催坐同落單），又未去到惡劣。另外，我朋友點了一個常餐，食物質素急需改進，因為常餐比其他午餐更多人點，同樣地，我也看到很多師兄師姐🍽️對此不滿。- 豬扒通粉配炒蛋，多士和熱奶茶。- 豬扒大塊，肉質尚可，但湯底無乜味。- 多士太乾身和扁，炒蛋也太乾身。為食指數外觀：6/10味道：4.5/10飽肚： 7/10總分：滿分： = 1/2

在柴灣工作了6年 冰室人流愈來愈少是有原因的 事日在餐廳食飯 想要辣椒醬但冇人理會自己行出去問呀姐攞 結果被趕番位然後呀姐話 辣椒醬只能支在星州炒米的碟內，如要放低支醬或用碟分開 要收錢！最後只能裝在飲完例湯既碗……原意係想食幾多支幾多 吾好浪費吾通真係貪你d辣椒醬咩….話哂都係集團式 60幾70蚊一個lunch 吾緊要咁大個人 第1次聽茶餐廳辣椒醬要收錢番公司同同事講起 個個話呢間野出名態度差比起隔離越南餐 同一價錢 服務好好多！起碼辣椒醬任支

路經柴灣，同老婆入去食個午飯，叫左一個鮮茄牛肉飯午餐、一個雞肉香草腸番茄通粉常餐、一個蛋撻。總之就係好難食，兩個餐出餐僅用了兩分鐘，妥妥的預製菜。牛肉注水注的毫無血色，非常的柴；蛋撻水汪汪，毫無蛋味；餐飲凍檸水猶如喝糖漿；那個雞肉香草腸番茄通粉有非常重的罐頭味、雞肉一股濃厚的雪藏味。真係沒有一樣是尊重食材。香港人啊，這麼難吃的餐廳為何還能生存？為何這麼難吃的餐廳你們也要去光顧？香港飲食文化和聲譽就是讓這種租金舖文化敗壞的。

拜山前找了這個距離巴士/小巴站最近的茶餐廳吃個耳餐再出發沒想到味道還不錯 👍🏻🔹️ 沙嗲牛肉麵.炒滑蛋配湯種餐包 & 熱奶茶 $39下單後很快就上桌了沙嗲牛肉麵的湯底和沙嗲調味剛剛好能帶出牛肉片的味道 很入味😋至於炒蛋不得了😍超級嫩滑同時又很有蛋味 👍🏻炒蛋還帶有少許蛋液又不會全部都是液體太生這套餐可選擇配湯種餐包或多士湯種餐包比一般啡色的餐包更鬆軟撕開來吃帶淡淡的牛奶香 🥰這裡的服務態度也不錯 員工做事很快手俐落在這個在快餐店吃個普通早餐也要$3X的世代這個餐才收$39 CP值挺高味道也比我想像中的好🤗

平日朝早嚟到柴灣地鐵站附近呢間連鎖冰室。去之前見到有唔少劣評，但印象中試過一次還好，冇諗太多就快快入去食早餐。職員態度都係一般茶記咁，吹你落單，語氣稍差。但重點係，跟餐碗麵居然冇得轉其他粉😯從未遇過。。。番茄湯通粉 配 太陽蛋、酸種包、熱飲 $39茄湯真係大不如前，非常淡味，要自己另加胡椒粉先食得落。入面有少許雞肉粒，少到完全唔覺有加到😂不過，酸種麵包係其他茶記食唔到嘅，比較香軟。總結，水準差咗好多，唔使試😟

閒日早上十點許，餐廳不太多人，因只一人食個早餐，我已不選擇坐卡位，隨便坐了一張4人枱，跟住連續兩個待應來說：先生請坐轉另一張枱（搭抬），我問侍應：很多張枱都是空的，又唔係繁忙時間，我又唔係坐卡位，點解唔可以坐這張枱？ 於是他走開了，也没解釋！到我叫早餐時，那位侍應又再次叫我坐另一張枱，我再問點解? 她說隨便喇! 落了單便走開 ! 早餐來了，一邊食，一邊四處望。 見到一位女仕一個人入來，便坐一張4人枱，但没有侍應要求她轉去搭枱。過了一會，一位阿伯，一入去就坐下了卡位，都係冇侍應要求他轉枱 ! 於是越食越火滾! 食完早餐，去收銀處俾錢 ！我就問，為何我坐那張枱食早餐，竟然連續3個待應叫我轉枱，而那兩個單人入來，就冇人叫佢地轉枱 ! 收銀員答我，你坐果張是5人枱，我問她： 那張枱得4張椅，何來坐5個人? 另一個侍應認得我是常客，於是跟我說：唔好意思! 但我真係好嬲地說：你地唔歡迎我，不是錯，只要開聲同我講咪得攞 ! 我又冇得罪你地! 以後唔洗收錢，我都不再光顧!!!

嗌了個魚香茄子炆米, 等了20分鐘, 好有禮貌問下個侍應姨姨, 個姨姨望下落單時間, 再望下自己隻錶, 跟住走去左, 之后返來放底張單話整緊. 即叫即整無咁快咁就行開左.咁好啦, 咪再等. 到隔離枱哥仔食好野, 再隔隔離枱入座兼食緊個炸魚柳/豬扒餐, 結果等了10分鐘,再追, 又係果個侍應姨姨話整緊. 唔好咁既例牌說法吧. 忍唔住話唔要喇,  點知又係轉個頭又上得枱.  話唔要喇, 就當聽唔到. 原來呢間野侍應姨姨極度態度好差, 下午茶又唔係平, 又要受氣. 絶對 無下次啦...   

今朝經過想買個早餐諗住公仔麵轉米粉，個收銀呀姐大大聲話冇得轉；我話之前有架喎，佢話你搵返之前果個同你點，勁西面，我最後轉身走人，費是貼錢買難受。如果想感受下西口西面既感覺可以去試下，我就永遠唔會幫襯。

見佢就腳去買外賣早餐，order左兩份早餐，只係問吓其中一個餐有冇得由公仔麵轉米粉，但個收銀阿姐態度極不耐煩咁話無得轉，成個落order過程都感覺到佢有幾不悅，之後仲串串貢話等外賣企埋一邊等，好差嘅體驗，唔想再幫襯！

好耐冇去港島區,因為有朋友住喺柴灣,所以順便過去行街.由九龍坐港鐵去柴灣真係好快.朋友提議係佢屋苑附近有間貳號冰室,原址係舊式工業大廈,依家翻新變咗公屋,還多左幾間茶餐廳,貳號冰室係其中一間.我哋點咗兩個午市套餐🌟咖哩雞飯配熱奶茶🌟雞件都算多,薯仔夠入味,濃郁嘅咖哩汁味道適中,唔會太辣,又香又好食.🌟福建炒米粉配熱咖啡🌟有冬菇絲、洋蔥絲、火腿絲,米粉炒得煙韌爽口,加埋白芝麻.非常惹味.咖啡和奶茶,跟一般茶餐廳沒有分別.

拜完山後一行七人去左食貳號冰室因為分咗兩台就睇唔到另一台親友人食咗啲咩，淨係知道我哋嘅嘢食味道佢哋三個已經清晒成碟飯，係講緊一人一碟，但係完全唔夠飽🤣1️⃣炸雞髀拼薯角傳統茶記炸髀，都冇雪藏味嘅，味道尚算可口，最好食係塊雞皮薯角都係好可口2️⃣咖喱吉列豬扒飯咖喱味道一般，吉列豬扒香脆可口3️⃣香草雪糕拼多士算係特色小食，多士炸得恰到好處，拼雪糕係開心嘅4️⃣ 蛋治烘底烘底一般，蛋唔夠滑最後七個人叫做七個餐都算，大家都飽嘅🤤味道🤤： 3/5🏝️環境🏝️：3/5💵抵食💵：4/5💁🏼服務💁🏼‍♀️：3/5

下午茶時段有啲肚餓又唔想食咁飽，呢度嘅Tea set幾啱胃口。叫咗個奶油豬餐同埋夠吋雞蛋三文治餐，奶油豬出色👍好食過翠華，夠脆夠鬆軟，咬落口脆卜卜，多奶多牛油，下次要再去食👍夠吋三文治係仔仔最愛，厚身方包夾住分量十分嘅炒蛋，每啖都好滿足。下午茶餐包埋飲品，價錢合理，服務亦不錯。