貝魯特 (已結業)

羊肉卡巴HK$50碎烤羊肉–很香口Falafel(素豆炸餅)卡巴HK$50自選醬汁: 要了蒜蓉汁，含生蒜蓉增添辛味卡巴附有半熟洋蔥，蕃茄片，生菜絲卡巴- 很長，皮較厚，亦因此很飽肚店員不停弄新鮮的卡巴

餐廳只有五六張吧櫈，格局是以外賣爲主。時間尚早，店内無人，要了個CHICKEN KEBAB WITH YOGHURT SAUCE 堂食。打開錫紙，發覺份量原來不少，雞肉即叫即煎熱，PITA 包燙手，配菜有番茄、洋蔥和生菜絲，亦落得毫不吝嗇，豐盛加上熱氣騰騰，令食欲大增。吃了幾口，發覺雞肉過鹹，就是與配菜齊吃，也是如此，就連YOGHURT SAUCE 的味道也被蓋過....有此敗筆，真真可惜。價錢方面，記不得是$35 還是$45 一份。

一碗蛇當然不能作為一個午餐, 唔想再隊一碟碟頭飯就行左上黎食個超騒既kabeb.平時行過都聞到香味就想試, 今次終於一嘗所願了~兩位打點店子都似乎是中東地區的朋友(Lebanon may be?), 再加上兩檯烤肉, 我就要了個羊牛什肉卡巴.為了試真肉的味道, 我只要沙律醬酌量有點汁.拎到返公司都仲係熱熱的, 打開係勁香, 立刻吃.羊肉牛肉雖然羶味十足, 但應該比淨羊好, 不過我都驚同事避聞果朕味.除了羊肉和牛肉, 就有洋蔥, 蕃茄生菜; 個皮比較厚, 不過食完都幾夠飽.一件四十幾塊, 和潛水艇差唔多啦.我就幾鍾意羊朕騷味, 唔係人人敢吃, 你呢?

今日趕路, 在貝魯特買了個羊肉卡巴, 邊行邊食.店員將已預好份量的一碗碎肉倒在鐵板上翻熱, 將餅皮放入焗爐再焗一焗, 在餅皮上鋪上碎羊肉, 加生菜碎和少量蕃茄, 問你要咩汁, 選了蒜泥汁(另有咖喱汁, 沙律汁等可選), 用錫紙包好, 交到你手上時真得有點燙手. 還體貼地附上紙巾.為何我會說它很適合行路時食?1. 錫紙將卡巴餅皮包得很緊, 不會一咬就散開2. 羊肉是碎件, 咬一口就有幾多羊肉. 我曾試過另一些店的卡巴, 肉是一條條或一塊塊的, 咬出來時會吊着整條肉, 吃得比較狼狽. 而這種碎肉卡巴就不會出現這種情況.3. 卡巴沒有太多汁, 不會滴到成身都係. 但有菜和蒜泥汁, 又不會太dry.說回味道, 餅皮厚薄適中, 不會穿洞又夠飽肚, 炭燒羊肉夠羶味, 我愛吃羊自然覺得合我心水. 蒜泥汁夠味, 食時都有點擔心食完會口臭.價錢以午餐來說, 是較昂貴, 不可能日日食. 考慮到卡巴一般市價都要$35-40, 加上中環的租金, 這個價錢都可以接受.

Yea Alistair is crazy there is no dessert offered.Oh I love their kebab w/ lamb. It is da best in da world. Everytime when I hv no appetite to eat anything. I must go to Beyrouth Cafe. I did recommend the kebab to my fds and 99% of them like it a lot!!So it is nice to hv a try.

行過好幾次都冇食, 今次真係食左喇地方係冇咁制, 得4-5張bar椅, 十個來食都係take away, 但我偏係入面食, 卡巴ok, 唔係好熱, 有醬選擇, 味道都ok, 不過冇一種"嘩, 好特別, 好黎巴嫩呀", 總之一定唔會好畸怪, 係大路野, 可放心食服務ok, 都有善

又發現漏寫了一間值得寫食評的地方.其實每次經過這餐廳時都會被那陣香香的烤羊肉味吸引着. 但可悲的是我毎次光顧這間店都是凌晨剛收工連晚飯都未食….說回食物,每次來這裏都是點羊肉卡巴. 外皮熱辣辣的, 因每次師博都將卡巴皮放進焗爐番熱,內裏的羊肉又騷又香口, 有時有點乾但這也不能怪他們只因可能太夜的原因, 所賣都是貨尾了. 生菜蕃茄都很新鮮, 醬汁毎次都要GARLIC 同CHILLI, 好好味.一件卡巴盛惠四十五元,物有所值.下次定會試試其他食物.

早兩日去中環做野，順便兜上soho食個quick lunch~ 　此店可謂其貌不揚，陳陳舊舊，衛生都一般~ 揀依度係為特色-黎巴嫩菜~ 我叫左lasagne with salad，個cashier都係冷冷淡淡，服務態度麻麻~ 不過，份lasagne真係好好味：芝士好rich，麵層好滑，配搭肉餡超級美味!!連配菜salad都份外清新，尤其蕃茄好甜好好味!!　坐o係店內望住擺花街，另有一種風味。幾好~

放工朋友搵我食飯, 左行右行我話依到有間「印度野」(真係有眼不識泰山)係「印度人」開. 不如去試下.未行到去門口已經聞到陣陣既「印度味」(原諒我唔識點形容, 絕冇歧視成份).見到餐牌上寫哂中文, 唔會唔知係咩黎.不過同d職員都係全英文對答.點了一個咖喱羊配薄餅, 咖喱好好食又唔辣, 羊肉炆得好淋. 如果佢加埋薯仔紅蘿白就好喇. 個汁要黎點薄餅一流.另外既芝士菠菜卷, 有d似麵包鋪買到既芝士菠菜蘇, 不過就長身d. 唔知佢既芝士係咪秘製芝士, 好大陣奶蘇味.兩碟野既伴菜沙律都幾好食, 蕃茄新鮮唔腥, 而且個汁好惹味唔係普通沙律醬.

10 June 2004, 2:30am響dip 蒲完, 老啦老啦, 2點幾就開始眼訓, 好肚餓, 過o黎買kebab 食做宵夜, 要o左份shish (牛肉) 外賣返屋企, 一樣係好正啦個肉燒得(因為我唔多食生洋荵, 我巡例都會叫佢走咁D) 夜媽媽, 得我一個的話呢, 我一係就食熱狗一係就過o黎買kebab. 都幾好o架, 好過去七仔叮o的無味點心啦~

睇完呢度既食評，女朋友又係中環返工，所以去一試。剛剛去到，覺得間野好似香港一d 專做外買既快餐店，我相信呢間野既前身都係快餐店來。去到都唔知食乜，只知要試下羊肉卡巴，可能間野都知中國人唔識點叫，所以佢都係類似大家樂放雞脾和金沙骨個度show 左好多款菜式出來，但全部賣相完全唔吸引，同佢真實製成品差好遠。咁我同女友兩個人叫左一個羊肉卡巴試下lor，$45叫住一個試下先啦，坐下來等左一陣，就問我要乜汁，咖哩,乳酪和唔知乜(唔識聽)咁我要乳酪，等多陣佢就俾左條好似石紙包住成條粟米既野我，切開左先知原來就係羊肉卡巴。味道ok，有羊味，唔太so，個包岩岩整，好新鮮，裏面既配菜就夠凍，有蕃茄生菜既野，乳酪汁酸酸地同羊肉幾夾。美中不足既係羊肉唔夠熱，如果羊肉係岩岩燒出來再同凍既配菜，新鮮既包配合，正好多。我地就坐左係店中唯一既一張桌子食，期間都有好多人幫襯，又係唔知叫乜咁就叫左羊肉卡巴。走果時先知隔離完來有間幾靚既餐廳，就係呢間野既堂食部，大家可以入去坐下來食都得。

一個人來諗住試下，其實唔使真係食入口，行過聞倒陣味都知道呢度正宗。唔知點解，印象中正宗的卡巴硬是有陣「騷騷地」的味道，可能是烤羊肉的關係吧！當然沒有羊肉又怎算是正宗卡巴呢？這裡舖面不大，只有吧檯似的位和兩張四人檯，似乎預人外賣居多。眼見來幫襯的都係鬼佬居多，可能好多人閒倒陣「騷」味就怕怕。叫了羊肉卡巴，卡巴滲了羊油，熱辣辣的外皮唔乾身，羊肉唔韌又夠「騷」，加埋醬汁很好吃。奉勸怕「騷」或要食唔「騷」羊肉的請不要試。Order多杯啤酒一杯夾埋60蚊，食得好滿足。食食下撞倒個同事，佢見我食得咁過癮又想試，但又怕「騷」，終於鼓起勇氣叫左個羊奶芝士多士一試，結果……都係由我食埋，好香口有「騷」味但明顯地已因應香港人的口味輕手左，羊奶應唔止咁「騷」，35蚊一客有D貴。結果食完呢餐成個下午都覺得自己一陣「騷」味！其實都有其他有特色的黎巴嫩食品，下次會試試。

Alistair - cazy ????no dessert offered !!!chicken curry with rice is quite good - $ 35