豬隊友

營業中

休息中

我買左焦糖燉蛋雞蛋仔… $45😭真係不可一不可再😫😫😫點解會無啦啦走去試呢😂⋯⋯係因為我好想試澳門個個澤賢記 焦糖葡式蛋撻雞蛋仔啦 話好好食架嘛 仲要排幾個鐘喎見到香港終於有類似就衝去買 見到要45蚊底 都覺得好貴 但係好想試🙈 唔理3721 買左先講😂😂點知 勁後悔 成底雞蛋仔軟林林🫠 已經好失望😭仲要一攞就即刻食架啦 入面都唔熱☹️ 都唔知佢地點整雞蛋仔連啲邊邊位都唔脆☹️ 勁唔好食唉 好失望 真係無下次😡

好： ⭐️有新鮮感，呢隻口味淨係依間先有🌟雞蛋仔同埋焦糖燉蛋處理得幾好，喺雞蛋仔裏面食得出完好一塊塊嘅焦糖燉蛋🌟食完覺得幾滿足，可以一次過食兩款我鍾意嘅甜品唔好：-唔夠熱，我以為係即叫即整，但係一拎上手已經覺得熱度不足-唔夠甜-食到最後雞蛋仔冧咗，有三份一嘅雞蛋仔係腍嘅

同一個鋪位上一手又係賣雞蛋仔， 希望你地e一間冇咁快汁啦～ 因為我仲想試埋其他味..見到咁多唔同既味，但第一次食都係穩穩陣陣食最基本既原味，最基本既原味都唔好食就其他都可以唔洗試... 可能因為抱住左個應該都唔好食既心態....點知食落真係有驚喜！ 雞蛋仔竟然有蛋味，味道又唔會過甜， 外殼脆，內裏勁軟而且有咬口，但質感又唔係雞蛋糕，價錢20蚊一底都算正常， 比起好多地方既雞蛋仔 ，性價比都算高 。 希望小店能夠keep住個水準，唔係因為新開張而足料啲。

這店的雞蛋仔有多種口味可供選擇，例如原味、巧克力、抹茶等等。我嘗試了抹茶口味的雞蛋仔，它散發出濃郁的抹茶香氣，味道獨特而且令人驚艷。無論是單獨品嚐還是與一杯熱茶搭配，都是一種極為愉悅的味覺體驗。除了口味豐富，這家店的雞蛋仔價格也相當實惠。它們以每份為單位出售，非常適合作為下午茶或者隨手小吃。無論是獨自品嚐還是與朋友分享，都能帶給人們愉悅的美食時刻。

最近我試咗一款超經典嘅街頭小吃－炸雞脾。佢簡單但超好味，真係好滋味！我試嘅炸雞脾外層酥脆香口，一咬入去，雞脾肉質好嫩好多汁，好似係口中融化咗咁。醃料嘅調味剛剛好，既突出雞脾嘅風味，又唔會太鹹或太濃，最啱配埋一杯冰涼嘅啤酒或汽水。唔止味道驚喜，炸雞脾嘅價錢都好親民，佢嘅方便同美味絕對可以滿足你嘅味蕾，一試就會留低好深刻嘅印象。總括嚟講，炸雞脾係一款簡單又好味嘅街頭小吃。佢簡單嘅做法保留咗食材嘅原汁原味，食落真係可以好明顯地感受到佢嘅鮮美。如果你想揾一款又好味又唔會太貴嘅小吃，我好推薦你試試炸雞脾，絕對會帶比你一個愉快嘅味蕾體驗。

上次經過見到新開張去試下，睇到廣告老細攞住雞腿肉串好吸引，就買咗一串試下。調味粉味道ok，但係入邊啲肉冇乜味，主要靠出邊層炸粉同調味粉調味。第一次食已經覺得好似唔多熟，咬到中間係覺得有啲生，最後咬咬下都係🤮出來唔食啦。今日第二次，又嗌咗炸雞腿肉串同炸雞脾。專登叮囑要炸熟啲，結果真係好嘢！又好生，上次都係覺得太生，今次攞返屋企食嘅，心諗同店員講過炸熟啲肯定無死啦。頂吖！結果咬咬吓又覺得乸嘢啦。係個嘴度抽出一舊咬唔爛嘅皮！即時火滾，入廚房剪開曬啲肉睇下！你哋真係叻豬豬！！我真係望到舊生雞皮都覺得嘔心！！我都知你想要雞肉嫩啲！但係會唔會“嫩”得濟呢？？！！同埋都講咗要炸熟啲咯！！呢個係熟啲！正常係五分熟係咪？？再生啲？？？【真係炸物同雞肉刺身嘅雙重享受】！！冇下次🤮🤮🤮

用某外賣平台嗌咗幾樣食物：檸檬雞蛋仔、原味雞蛋仔、香蕉雞蛋仔、原味格仔餅、炸杏鮑菇同炸雞軟骨唔使30分鐘，外賣哥哥就送咗食物上來食物仲暖，雞蛋仔仲脆脆地嘅，同原址上手雞蛋仔店的雞蛋仔有得揮值得一讚個格仔餅，店家無落定煉奶，花生醬，所以格仔餅唔會因為外賣而送到來就變得又濕又淋。反而店家係分開畀咗一包煉奶同花生醬比我自己落，好細心☺️另外炸杏鮑菇同雞軟骨用咗大紙杯裝住，變咗唔會用紙袋咁焗到淋咗兩串炸物的炸粉好薄，調味料各自選咗青花椒同香辣食落好惹味，  菇菇juicy，軟骨就好香好脆， 有驚喜下次食雞蛋仔之外會再試埋其他炸物☺️

職場上或遊戲遇到豬隊友想點？梗係狠狠地𡁻一獲啦，但係𡁻人係犯法架。嚟「豬隊友」就唔同啦，可以𡁻得好爽。今日試左雞肉/蔥枝/茄子串，另外一杯（好似叫）雙揸檸茶沙冰。首先要講個炸槳，薄薄一浸好香口。剛炸起熱辣辣好正。雞肉用上雞髀肉，好易入口，一啖一舊剛剛好。花枝丸無怪味（好多時啲丸類會有種不應存在的味，有人話係雪味，我唔識形容，總之難食），質感都好好。勉強可以一啖一粒（櫻桃小咀要兩啖）。茄子外脆內軟。有時食燒茄子，什至（尋晚食完）氣炸都會有種唔知算唔算腥既味，但呢個完全過關。咁正巴炸茄子竟然買一送一！檸茶沙冰做左少甜。平時只飲走甜既我會覺得仍然甜左少少。個檸味好立體（好似係檸檬加青檸？），唔會單調哋得一個酸味。略嫌唔夠「冰感」，即係似沙多過似冰，好處係易入口，但在炎夏就少左清涼既效果。夏日炎炎一個基本上只做外賣既街店（有一張細細哋既枱供大家堂食）會蝕底少少，但唔好比個客觀環境影響大家既試欲。最後買左隻炸肶（只係$28，算抵）今晚加餸。以後食炸物就唔駛得豪大大炸雞啦！