豪隍點心工房 (已搬遷) 新店位置

我同啲朋友夜晚上完堂，大概7:00等都唔使等就已經有位坐低一坐低，梗係嗌最出名嘅蝦仁燒賣王佢啲蝦仁燒賣，勁大粒之後梗係嗌咗個最出名嘅係墨西哥叉燒包真係好好食㗎另外，佢個黃金流沙包都好好食佢嘅春卷又好好食

星期六11點鬆啲去到，已經8成入座率。墨西哥叉燒包（中點 $26）熱辣辣，面層鬆脆，麵包軟腍，裡面叉燒少咸微甜，好味道。香茜牛肉腸（中點 $26）腸粉尚算滑，裡面牛肉不少，口感近似山竹牛肉球，味道OK。蝦仁燒賣皇（中點 $26）超大粒，等於坊間1.5倍，豬肉彈牙唔太肥，味道不錯。點心併盤（皇點 $50）蝦餃，又係超大粒，餃皮煙韌，裡面大量彈牙蝦肉。潮州粉果，大粒，餃皮薄一夾易穿，餡料足，傳統嘅味道。流沙包，麵包同樣軟腍，流沙奶皇味道正常，但偏少。叉燒包，麵包比較紮實，口感似生煎包，叉燒餡正常（墨西哥叉燒包好食啲）。整體水準不錯，味道好，份量亦大，價格合理，值得推介。PS：點心即叫即蒸（需要15-20分鐘），款款新鮮熱辣。PPS：$6@茶錢，免加一。

同事想飲茶，又唔想去大集團酒樓，上網搵到，所以嚟呢間試下，叫咗幾款點心，起初見燒賣2粒咁貴嘅，嚟到見到咁大粒唔怪得啦，都幾好食，燒賣同蝦餃入面嘅蝦，真係好大粒㗎，點心好似真係同出面，個啲大集團酒樓大粒啲，味道還可以，咸水角都熱辣辣 ，唔係凍晒，裡面都熱嘅😂環境衛生就不過不失，有啲碗碟都係太多積，自己洗唔甩就換過，服務亦算一般，無話好選無話唔好，唔叫主動，呢度唔收信用卡遜色啲大致都算好，位置遠咗啲啲

呢間真係人氣爆棚！嗰日都差唔多等咗45分鐘，出面等位個到仲要冇冷氣，當場快往生🥲聽講佢喺觀塘開咗間新分店，唔知係咪都係咁多人呢🤔呢度嘅點心選擇幾多，價錢唔貴👍🏻今次我哋得兩個人，唔覺意就叫多咗😂加上佢份量都幾重量級，食到我哋超飽～=====================🫖蝦仁燒賣皇 $26雖然呢個價錢得兩粒係少貴🥹但佢一粒真係幾大，粒蝦都佔咗一半，個皮又唔厚，個人覺得幾好味🤤🫖生煎蘿萄糕 $24呢個蘿萄糕相對比較普通，主要係冇乜料，蘿萄味又唔係好重，如果有啲蘿萄絲應該會口感豐富好多🤔🫖蜜汁叉燒腸 $30叉燒腸嘅外皮有啲厚，不過叉燒幾足料，如果個皮搓得再薄啲應該會幾好食🤔🫖鮮蝦腐皮卷 $30外皮炸得幾脆，內餡就不過不失連埋醋食應該會幾好味，可惜枱面唔見有🥲🫖四寶雞扎 $32又係超巨型😹入面包咗火腿、芋頭、雞肉、魚肚，不過蒸得唔夠腍同入味，好可惜😢🫖豉汁蒸鳳爪 $26鳳爪蒸得夠腍易咬，不過味道就冇乜特別，同出面啲鳳爪差唔多～🫖山竹牛肉球 $24呢款牛肉球牛肉味相對冇咁重，不過幾彈牙仲有馬蹄一齊食幾爽口，個人覺得$24咁大粒幾抵食👍🏻=====================總體嚟講，個人

黎到觀塘想飲茶，唔想去一般嘅酒樓咁悶，諗到不如行去工廠區附近食豪隍。地方都好闊落。炸物不宜多食，少少地叫左咸水角，即叫即炸，外皮真心好薄好脆。熱辣辣炸起即食係無得輸。蒸野嗌左三款：第一款係竹笙上素餃，菜切得幼細，仲有竹笙都幾爽口，呢款頗清新而且坊間少見。繼續食蒸點心，蝦餃燒賣係飲茶必叫，唯一同外面酒樓好唔同係可以2粒咁嗌，好有彈性，人少都可以嘗試唔同款式。珍寶尺寸嘅蝦餃皇，啖啖海蝦肉加筍絲。燒賣皇同樣份量十足，肥瘦豬肉比例均衡，唔會咬落一大啖肥油，好完美。

好耐冇飲茶啦.成日聽啲朋友講呢間啲點心好出色!終於忍唔住去試啦!星期六日多人啲.夏天一定要自備風扇><等左一個鐘左右.真係好需要勇氣@@裡面唔係好多位.同埋飲茶都需要啲時間~相信好多點心都係即叫即蒸@@如果不負所托.真係好好食❤️價錢仲好經濟.最有趣既係佢有西式飲品.夏天排完隊真係要番杯降下溫~

星期日同朋友相約觀塘飲茶朋友推介豪隍點心工房由觀塘地鐵站行去約10-15分鐘我哋約咗1:00pm朋友早到，所以先等位店內坐滿人店外都有成2x人等等左20分鐘左右入坐豪隍蝦餃皇 $26大大粒蝦餃，足料蝦仁燒賣皇 $26同樣大大粒，好味鮮蝦菜苗餃 $26蝦新鮮，好味杞子濃湯鮮竹卷 $24清淸地，完全吾油籠仔馬拉糕 $26飲茶必叫好好味，懷舊小食蜜汁叉燒腸 $30略嫌腸粉唔夠滑有啲黐口感覺(淋淋)鵝肝醬咸水角 $26食吾到鵝肝醬味不過都脆口杞子桂花糕 $24呢個推介吾太甜📸環境指數🌕🌕🌕🌗🌑🤵🏻服務指數🌕🌕🌕🌗🌑👅好味指數🌕🌕🌕🌗🌑💰抵食指數🌕🌕🌕🌕🌑⭐️推介指數🌕🌕🌕🌕🌑

外賣一袋點心：因天氣炎熱自己已帶冰袋，將一袋點心放入及搭的士回家，返到屋企後將最面一盒2隻珍珠雞、2盒分別燒賣、牛肉、金錢肚、雞扎放入雪櫃，到最底一個黑色膠盒放6隻蝦餃、3隻菜苗餃、4隻粉果，打開盒見到驚嚇情境😱，將餃慢慢分開，發現蝦餃、菜苗餃、粉果裂開及壓扁咗，點解可以咁放食物？有致電查詢，佢哋話平時一個盒會放20隻餃，從來都無客人投訴過爛，佢都有叫我落返店舖更換，但係我唔係住係附近🤦🏻‍♀️。希望店舖可以改善下，本身好期待試吓佢哋嘅點心，最後係一個不愉快心情😔。

今日一行七人午飯時間嚟飲茶，一黎到見到門口都算人山人海，好彩一早有打電話book位 可以直入。食物亦都比想像之中快送到 👍🏻👍🏻逐樣講吓：窩蛋牛肉飯其實有少少似山竹牛肉放喺飯面蒸，我諗個賣點就只係好多牛肉，但其實食落無乜牛肉味，普普通通依度係兩客蝦餃嘅份量，因為佢一份係兩粒嘅，但係蝦餃嘅尺寸就比平時嘅蝦餃大好多，好似就嚟迫爆個蒸籠咁🙀 一上枱大家都哇哇聲，而且食落蝦都爽口彈牙有鮮味，依個推介👍🏻有蝦餃就點少得燒賣，同蝦餃一樣兩件一份但大大件，都好紮實嘅，不過我本人就愛好蝦餃多啲🤭包點方面呢，墨西哥叉燒包幾有趣，面頭有一層薄薄既脆皮，另外炸饅頭我冇食到嘅。奶皇包就正正常常啦蓮藕煎鯪魚餅係我覺得幾好食嘅另一樣嘢，蓮藕有粒粒口感，煎得夠香口😬同樣嘅煎炸點心有鮮蝦腐皮卷，腐皮炸到脆卜卜，內餡不少幾充實～最後一個懷舊啫喱一點甜～

之前食過堂食 個陣無寫食評 今次叫外賣同屋企人食💛爽口滑蝦腸（特）蝦腸唔算好厚粉 加埋好出色嘅甜豉油 好食💛豉汁蒸鳳爪（中)不過不失 同平時食嘅差不多 正常發揮💛鵝肝醬咸水角外賣送到嚟都仲係外脆內煙韌 好食💛鮮蝦菜苗餃皮唔算厚 𥚃面蝦仁好彈牙 我鍾意食豆苗 覺得不錯💛蝦仁燒賣皇（4粒）燒賣好大粒 蝦好爽口彈牙 必點💛豪隍蝦餃皇（4粒）我發現我叫咗好多樣都有蝦 無辦法 我鍾意有蝦嘅點心🤭💛墨西哥叉燒包同出面普遍一樣咁好食 如果唔係卡路里 我想食兩個！今次叫外賣 無感受到服務 比中間先啦～

牛肉丸咸到不得了 …..........春捲又係好咸好乾蝦餃最好食腸粉普通燒賣普通墨西哥包成口油有要求既唔好去食.........................

足日做密野經過呢度買外賣返公司食4個點心等左半個鐘😅雖然係即蒸者但又真係等太耐了個包太甜排骨感覺油左少少雞扎正正常常啦素菜餃個皮少少厚⋯⋯⋯整體都係一般般Total 2人食左$112都ok la 不過不失

久聽大名。 被稱為隱世美食，终於一家大少昨日一試。新店環境整潔，員工勤力有禮。用餐器具，不太清潔。食物就点了蝦餃，腸粉，粉果等傳統点心。蝦餃是比較出色，味道外觀是好的。其它正常水準。但非傳聞講咁不可不試。綜合而言，是不錯的質素。但本人不會再試，因食物味精可能太重，其份量應高於一般酒樓。昨天食後至今都感到其威力，要不断飲水。可能个人體質問題。平心而論，同樣質素的点心，坊間實在不少，不必特別去試。始終其周邊環境及室內的裝修並非10分吸引

豪惶點心真係冇得輸今日叫咗燒賣、蝦餃拼潮州粉果、珍珠雞同埋鳳爪排骨飯，仲有煎蓮藕餅蝦餃一籠兩隻，每隻都好大隻，食落有好多蝦，啲蝦好爽口，個皮厚薄適中啲燒賣又係好大粒，蝦同豬肉嘅比例剛好，係唔錯嘅燒賣鳳爪排骨飯，餓嘅份量足，對比上嚟鳳爪同埋排骨好似好少，不過味道亦唔錯珍珠雞都係好足料，而潮州粉果的餡料亦都非常充足，有沙角、花生同埋肉碎，皮亦唔會太濕最鍾意食呢度啲蓮藕餅，蓮藕細細粒，加埋魚肉，清爽得來，又食到嫩滑嘅魚肉，煎炸得好香脆整體來講，呢度啲點心唔錯，食完唔會要飲好多水，味精唔多，幾好

作為點心愛好者 終於要去朝聖 😍😍😍這次去的是位於工廠大廈樓上的總店，雖然裝潢環境沒有地舖新淨，但人流不太多 有自成一角的感覺個人覺得點心的選擇有點少 (加上當天不幸地所有腸粉都售罄...)，但點心用料充足，每一件點心都比坊間的大大概1.5倍 😮。蝦餃燒賣都很大，就連蝦餃裡面的蝦都超大只☺皮薄餡靚 👍🏻👍🏻👍🏻流心奶皇包也很好吃，咬開包熱熱的蛋黃內餡流出來，另外還試了墨西哥叉燒包、蘿蔔糕 、鮮竹卷、 炸饅頭 、山竹牛肉等等……全部都很不錯(要知道點心要完全都OK也頗難的 呵呵)，茶葉的香氣也比坊間的點心專門店濃 👍🏻