豐記雞蛋仔美食

行過肚餓諗住整個格仔餅食叫咗之後店員話要等咁我就話轉頭返嚟攞大概過咗10分鐘返到嚟竟然同我講話整燶咗🤯佢話再整過叫我等3分鐘咁就等啦，終於3分鐘有個正常嘅拎俾我點知一攞已經唔對路，好似條冧咗嘅毛巾咁一食落去，喂，中伏第一啖係無味嘅麵粉漿個口感差，靠啲花生醬煉奶都救唔到唔想浪費食物，所以都咬咗一半但之後都係頂唔順扔咗咁就$23，仲要勁浪費食材無心做就唔好攞住咩香港美味小食個名無心做就唔該快啲執笠！…查看更多

今日行過尖沙咀見肚餓諗住買底雞蛋仔食， 途經間野門口幾次都見到有幾底雞蛋仔整定左係度無人幫襯，放左係度吹左勁耐。好聲好氣問可唔可以要底新鮮的雞蛋仔，點知個女人即係勁串話佢地唔賣隔夜雞蛋仔喎！之後個男人即刻衝出來比左底吹都無吹過的雞蛋仔我！我問不用吹嗎？條友仲要勁串話新鮮唔駛吹我真係未試過買底成23蚊嘅雞蛋又要受氣又要勁難食，食落去又淋又無味，抵佢無生意！哩些咁嘅垃圾鋪頭 簡直影衰香港🇭🇰…查看更多

拎上手果陣熱辣辣滿心期待，食第一啖完全冇味，心諗可能d醬搽得少未食到姐，再食第二啖仍然冇任何醬既味，仲開始食到陣好奇怪膠膠地既味🤮開始覺得唔對路，之後直接食見到有醬既地方，仍然係咩味都冇……呢個格仔餅既難食程度真係世界級！！真係人生第一次食過咁難食既格仔餅，完全冇味連少少花生醬味都冇，真係唔知佢點整，可以整到咁難食，以呢個價錢如果係普通正常水準都算，但而家係超級難食，食左幾啖就垃圾桶見，完全晒錢…查看更多

聞落好似好香，食落完全無味，未食過咁難食嘅雞蛋仔同格仔餅！！！就算係格仔餅有餡，都可以令人覺得難食。又淋又無味，咬嚟咬去都唔知咬緊乜雞蛋仔就更加難食，又唔係平，真係晒咗啲錢！食又勉強自己，唔食又浪費資源服務態度又一般，唔叫佢即整就比啲整定嘅你，唔熱又難食。但就算係即整都係咁難食！真心永遠唔會再幫襯！！！平時都唔點留劣評，今次真係忍唔到手！有時行過見到唔少人被佢陣味吸引咗，希望唔好再有人被佢陣味呃咗！！！…查看更多

嬲到第一次出post天氣凍都想食熱啲 見佢已經整定晒4 5底擺咗喺度 可能冇乜人幫襯 眼見放咗一段時間嘅樣好聲好氣話想要底即整嘅 個老闆用好串態度 話一係熱 一係就脆（即係擺咗喺度好耐嗰啲）但係我食開咁多雞蛋仔 可以熱同脆 兩兼之後 佢就喺部機撩出嚟就秒用袋裝住 用吹風機定型 或者等一等都冇就比左我一拎上手已經變緊淋我問佢可唔可以幫我吹一吹大大聲話 吹一吹就唔熱㗎啦（完全係捉字虱嘅態度） 仲同佢partner一唱一和 佢仲大大聲講 :買大雞蛋仔啫，唔知以為買層樓我見個機係枱面我就自己吹幾下 默默地走左其實我只係想要一底正常嘅即叫即整雞蛋仔 完全冇任何刁難成份 都有呢啲說話聽 我聽到都呆左冇比任何反應好啦，咁以為佢真係淋都好食先咁大口氣點知一食落去完全冇蛋味，唔知食緊啲咩 仲要已經變咗一pat嘢 衰過食毛巾 試咗一粒之後扔咗間嘢完全侮辱雞蛋仔 咁都俾得落啲客然後去隔離街蓮姐買順返條氣 人地唔洗講已經即叫即做 仲又熱又香又脆…查看更多