影片
中午路過，見有位就入座叫咗梅菜蒸鯇魚。菜單話需時20分鐘去蒸，叫完唔夠兩分鐘就上，一咬上口知中伏。梅到應該改菜名叫梅咗嘅鯇魚，本來想投訴，但就算佢肯換，我都無勇氣再食，自細聽太多廚房師傅發脾氣的作為。留言在此想提醒老闆注意食物質素，若我的遭遇只係偶有失手，希望廚房的表現能穩定點，今天你們令一個新客失望了。
繼續閱讀
1. $38一碗撈麵，$50一碗湯麵，同行六人（女仔），每人食一個餐，全部唔夠飽，貴得來份量少。💸💸2. 食物種類選擇少。3. 收銀呀姐態度極差。🙅🏻🤷🏻♀️🤦🏻♀️4. 食物質素一般，唔算好食亦唔算差。奶茶得茶味及偏苦。5. 優點係人少地方大，坐得舒服。總結，幫襯過一次就知點解咁少人，唔會再有下次。如果趕時間+極細食+唔介意貴+想坐得舒服就揀呢間。😡😡😡😡😡😡😡😡😡😡
繼續閱讀
銅鑼灣地區食個飯都一百幾十蚊，呢條比較冷門既小街中居然有間份量好多既餐廳。好老實，個豬扒真係可以攞獎！個賣相已經嬴左一大部份，豬扒個蛋絲好靚，有如星爺食神般糖 膠拉花咁靚。豬扒個texture好明顯無用梳打粉「那」過，好實質既啖啖肉感。而且年碟真係有超多洋蔥，有好有唔好啦，有d人真係好鬼憎洋蔥，我自己就ok。叫左一碗飯，兩個人share都仲有剩，我地係男仔都食唔曬。個素雞炒翠玉瓜就一般，首先我本身唔太鐘意素雞、因為質地味道都唔好食。之後咁中式既野用黑松露醬煮又真係怪怪地咁…寧願佢用素蠔油或者沙茶醬煮就算。
繼續閱讀
係銅鑼湾返工食飯其實都幾貴，前個星期比我發現到平得黎好食嘅餐廳襯新年得閒係度一定要同大家分享一下。話説有一個中午食左個午餐，三十幾蚊雞翼+兩條德國腸+芝士汁+意粉+熱飲，真係正呀。芝士汁夠濃，雞翼同腸煮得好好味，成碟意粉食晒。呢間餐廳重有蒸魚飯，頭抽雞飯套餐都係五十蚊左右，相當經濟，頭抽雞飯雞肉好滑又唔肥都直得推介。
繼續閱讀
逛完年宵市場，友人大喊肚餓，故於附近搵食。走過一間茶餐廳，見樓面乾淨企理，友人二話不說即入。我們直接了當叫了兩道小菜。頭抽雞跟豉油雞相差無幾，味道較甜，雞肉細滑不過頗肥，頭抽用來佐飯友人連下兩碗。魚雲向來並非小人所好，所以只吃了煲裡的涼瓜，爽甜帶甘，卻吸不到餸汁。友人吃魚雲倒吃得津津有味，他說不錯。友人吃得甚飽，甚感滿意。
繼續閱讀