豐盛閣

營業中

休息中

今日嚟到挪亞方舟食嘢呢間餐廳環境幾舒服就算坐室外都有啲海風吹來而且望住青馬大橋景觀好靚適合晏晝同家人朋友嘆下午茶打吓卡 食「夏日至 Chill」泰式小食連兩小時無限暢飲無限暢飲有珍多冰、泰式龍眼冰、青檸梳打及多款日式泰式啤酒🍻兩小時無限暢飲好抵 鍾意飲啤酒可以盡情飲 小食無限點選炸豬皮及蝦片🌟🌟🌟🌟蝦片幾脆有炸豬皮好特別懷舊 前菜無骨辣鳳爪沙律🌟🌟🌟🌟🌟鳳爪酸酸辣辣幾好味泰式扎肉沙律🌟🌟🌟🌟味道不錯 細細份啱女仔食 主菜炸豬肉春卷🌟🌟🌟🌟🌟豬肉卷脆口熱辣辣味道鹹淡適中 推介大家泰式炸蝦餅🌟🌟🌟蝦餅蝦味重 炸皮夠脆

係KK day 購買泰Chill 2小時海旁任飲派對連小食，價錢$218。個餐廳係挪亞方舟豐盛閣。對住個海景，加青馬大橋。個任飲加小食，係炸豬皮及蝦片可以無限任食。飲品我點咗啤酒、珍多冰及龍眼冰。泰Chill小食，我點咗泰式扎肉及炸魚餅。大熱天時。飲到啤酒、珍多冰及龍眼冰。透心涼。再食埋個泰式扎肉，好重泰國風味。個扎肉微辣，加入甜酸醬。入口開胃。再食炸魚餅，魚肉新鮮。好美味。$218加埋個靚景，超值。

‼️已向消委會投訴‼️‼️$228加一純買難受‼️‼️難食至極仲冇得打卡‼️消委會個邊我寫咗1132隻字，大家心裡有數，呢度我就長話短說：1️⃣網上餐牌誤導消費者以為有main，仲要畀$100/位deposit焗你食2️⃣份量少，質素差，連普通餐廳都吊打佢我地咁啱三個人，餐牌上既野食除咗泰式炸魚餅同啲啤酒之外全部叫勻曬所有沙律➡️死辣豬肉丸➡️白烚肉丸另送一灘水炸春卷油到食完啲血管冇即刻塞都算好彩炸蝦餅係唯一正常不過只係微暖因為佢網上寫係main所以被佢fake咗過黎，原本以為個名唔係main或者份量大啲都ok可以值$228，點知都係我太天真😀3️⃣泰式飲品一個伏過一個，結果啤酒係最好飲既野兩個鐘任飲係正，不過如果係飲椰奶+老化橡筋or龍眼凍水or苦檸檬有氣水喉水既話就大可不必由於我地以身試伏已經試到想原地結束人生，飲品相就冇影，諗住影個相都算到此一遊，點知卡都係冇得你打😇4️⃣打卡位只限兩台客❗️其他人就坐草叢後面係就係promotion picture好靚可以見到青馬大橋向海好chill咁，不過前提係你搶到呢兩個位先囉🙂book檯落備註係純粹托，因為員工係唔會睇；到場同員工講叫佢安排都係冇用，因為原來係先到先得；但

🌟🌟🌟🌟🌟🌟🌟🌟🌟🌟🌟🌟🌟🌟🍽 豐盛閣 (馬灣)📍馬灣珀欣路33號挪亞方舟度假酒店🌟🌟🌟🌟🌟🌟🌟🌟🌟🌟🌟🌟🌟🌟臨近情人節，週末同朋友book呢一間位於馬灣東灣泳灘旁嘅豐盛閣餐廳食翻個tea set 浪漫一下💞嚟到遠離煩囂嘅小島，望住青馬大橋同汀九橋，心曠神怡之外，與餐桌另一端含情脈脈的愛人相視而笑，再碰杯呷一口，真係酒不醉人人自醉～Tea Set食物方面有10款，包括五款咸點同埋五款甜點， 分佈好平均～上至下左至右順序分別係: 香梨意大利火腿配紅酒啫哩、煙火雞露筍大蘑菇卷、士多啤梨朱古力撻、士多啤梨費南雪、白酒士多啤梨甜品杯 、法式士多啤梨餅、英式鬆餅、牛肝菌蝦肉酥盒、吉列豬扒三文治配松露醬、雞油菌多士配巴馬臣芝士薄片，款款都不錯～咸點香梨意大利火腿配紅酒啫哩好特別將梨片同埋意大利火腿捲埋一齊，下面仲有紅酒啫喱，非常之清新。煙火雞露筍大蘑菇卷好多條露筍，食落去唔會話有特別濃嘅味道，清清地可以開胃。雞油菌多士配巴馬臣芝士薄片 下面塊多士就算影相擺咗一陣，之後食都係脆嘅！加上濃郁嘅巴馬臣芝士片，好惹味！吉列豬扒三文治配松露醬估唔到咁揼本，除咗有黑松露醬之外，上面仲有兩塊厚切嘅黑松露片，一口

自從禁左晚市堂食之後，已經好耐冇食好西喇T_T加上晏晝真係冇咩時間嘆，日復日都係食頹餐，已經食到好麻木。臨近情人節，點都要食番餐好嘅賀一賀佢，今次去咗馬灣避一避世。我哋黎到挪亞方舟豐盛閣嘆early dinner，呢邊對正海灘同青馬大橋，望住個View都覺得賞心悅目！  2月限定Menu，主菜有幾款選擇，除咗有得Dining仲送熊啤啤DIY Workshop，加錢可以整埋夢幻夜燈，同另一半增添甜蜜回憶。不過食物先係今次重點，想Chill緊係要食得好！前菜分別有沙律同餐湯。龍蝦仔燒南瓜沙律，冷盤嘅冰涼口感，充滿南瓜香味，被南瓜蓉圍繞住嘅龍蝦仔彈牙。牛肝菌蟹肉忌廉湯，香濃易入口，充滿濃濃忌廉味道，當中有豐富蟹肉，令整體更鮮甜可口。香煎美國肉眼配黑醋雜菌醬，嗌左七成熟，周圍淋滿黑醋雜菌醬，味道酸甜開胃，旁邊仲有芥末醬，肉眼煙韌，配上醬汁食落去有種漢堡扒嘅味道， 味道豐富。香料焗西班牙黑毛豬鞍配椰菜花芝士醬，香焗豬鞍賣相已相當吸引，口感鬆軟，連同脂肪一齊食，可以中和豬鞍本身偏乾嘅口感，配上芝士醬亦有另一種風味，令整體更香口！紅桑子朱古力心形餅配法式燉蛋，百利酒棒棒糖，慶祝情人節點少得甜品呢～呢

💖二月係一個好sweet嘅月份，除左有情人節，仲有我生日☺️，前幾日就同男友去挪亞方舟慶祝生日，共享美景同美食🥰仲有得上DIY 啤啤熊同夢幻夜燈活動坊，行程好豐富，充滿美好的回憶🥰 其實上年我地都來過挪亞方舟吃豐盛閣餐廳食飯，今次再來發現餐廳換上左全新面貌，融入更多綠意主題佈置，好清新，加上對住青馬大橋同汀九橋嘅美景，真係好有渡假feel🤩，配合全新餐桌座椅，加上可體驗啤啤熊及夢幻夜燈活動坊，感覺更煥然一新呢🥰 今次我地就揀左「甜蜜2月溫馨盛饌」套餐，每位包括兩款前菜、自選主菜、精選甜品 同飲品🤗 前菜先有龍蝦仔燒南瓜沙律，南瓜香甜，仲有不少龍蝦仔，鮮甜又彈牙，配搭清新又開胃 牛肝菌蟹肉忌廉湯，特別鍾意牛肝菌，味道好濃郁，有啖啖蟹肉，好足料又鮮甜😍👍🏻 而主菜共6款可選，我地就選了香煎美國肉眼配黑醋雜菌醬，肉眼牛味好重，肉質鮮嫩，點上黑醋雜菌醬味道好夾🤗 仲選了香煎比目魚柳配龍蝦汁，比目魚柳外皮煎香，肉質依然好滑，加上香濃的龍蝦汁，正呀！ 最後仲有甜品紅桑子朱古力心形餅配法式燉蛋及百利酒棒棒糖。賣相好精緻又好味，好啱打卡📸！法式燉蛋味好重又creamy，紅桑子朱古力心形餅，酸酸甜甜，甜而

在新年假期中，連續三天❄️寒冷再🌦細雨，終於在星期五是大晴天🌞，我和妹妹來到馬灣半日遊，嘆下午茶，再行山遊覽青馬大橋，非常寫意。位置：在荃灣站乘搭NR331到總站下車，沿天橋方向行，就會看到挪亞方舟度假酒店的入口，而餐廳就在酒店的接待大堂旁邊。環境：走入門口，已有接待員為你服務，餐廳裏面大約分兩邊，一邊是午飯丶下午茶的用餐座位，另一邊是享用自助餐，自助餐的環境普通，用玻璃窗分開兩邊。餐廳很善用外面的青馬大橋和海灘的美景，用上大玻璃，設有四人的青色梳發座位，坐在窗邊，真是別有一番風味☺️，而這正是我預約這裡下午茶的主因👍🏻。服務：我打電話訂位時候，特意要求坐在窗邊位，在全藍天的天色下，望去海灘和青馬大橋，真是閃閃發亮😍😍，而這樣一邊欣賞美景，一邊享受😋下午茶茶點，完全值回茶價。戀戀莓果海景下午茶 $390 （二人用）🍴鹹點：吉列豬扒🐽三文治配松露醬三文治上有兩塊黑松露片，兩塊烘乾的白麵包夾住一塊厚豬扒，是最好吃的，豬肉肉質不柴，每一口都有松露醬的香味，口感軟韌，不錯！煙火雞露荀🎍大蘑菇🍄卷整體味道清新，最深印象是露荀和大蘑菇二者味道很配合，很香的菇味，但完全吃不出有任何雞肉😂！雞油菌多士配巴

雖然預咗今餐係食景，但無諗過食物質素真係遠遠不合格😞好快黎咗個兩人下午茶餐，點講好呢⋯最大問題係，所有食物都係凍嘅，包括scones！兩個鬆餅似係隔夜、放入雪櫃，就咁拎出黎俾客人😢鹹點都係凍而無味、麵包/多士係淋嘅。而甜品，就只有好甜嘅甜味，唔係好知自己食緊乜。唯一好味嘅係士多啤梨啫喱杯，酸酸地，唔會太甜。再試下其他食物，香腸大大碟，味道ok，配埋酸菜，合格之上。但薯蓉係敗筆，又凍、又稀、又無味。🍔 🍟賣相不錯，正常快餐店水準，薯條新鮮炸起。幫呢一餐加返唔少分。餐飲方面，唔推介凍檸茶，唔知點解，有一陣好奇怪嘅味道，總之係唔好飲。要讚嘅係侍應們服務周到，有耐性又有禮貌，仲會主動幫客人影相，令人有賓至如歸嘅感覺。如果有興趣黎食景嘅朋友，建議散叫熱餐，咁成件事會開心好啲。

除夕自助晚餐成人五百幾蚊一個人☺️算係平之前因為曾經去過呢間餐廳食過，知道食物種類唔算多，喺冇乜期望嘅情況底下，反而有驚喜燒牛肉同火雞👍🏻肉質鮮嫩多汁😋好味凍海鮮不斷refill，龍蝦🦞蟹鉗源源不絕仲有多款糕餅甜品😋😋花膠雲吞擔擔麵、龍蝦湯、帶子龍蝦粥有驚喜👍🏻👍🏻仲有閃燈棒棒棉花糖👍🏻小朋友超級開心🥳基本上今次除夕大餐算係合格😁一家人都食得好開心🥳如果服務方面可以改善一下就可以令呢一餐更加完🈵️

早一個月已經預訂左聖誕早鳥優惠，連加$540一個人，一開始訂既時候係因為出面好多熱門自助餐都已經full哂，見到佢聖誕正日收費都只係5百幾所以就試試佢，當初都冇抱太期望，但食完之後，同朋友都覺得估唔到性價比都幾高。1. 食物：沙律冷盤等種類都唔小，好多同價位什至比佢貴既自助餐 沙律都會做得好hea，放啲沙律菜係到就算，但佢有幾款唔同既沙律簡，特別有個南瓜沙律，個個都話好食。另外，自助餐要有既刺身、熱葷都唔錯，最特別係有熱溶芝士，呢啲真係自助餐小見，我地都拎左幾轉，室外亦燒烤區，有燒牛扒、燒豬、燒牛舌芯、燒蝦同大粒既帶子，燒物真係做得唔錯，好小自助餐會有牛舌芯，而且佢既牛扒完全可以拍得住外面既扒房，外皮燒得香脆，但依然可以保持到5成熟既質感。值得一題既係佢既粥，好多自助餐既粥都只會提供白粥，但呢間都有心思，當晚有龍蝦帶子粥，入面都幾多蝦肉同帶子粒👍🏻，甜品方面，有個榴連布甸好好食入面住全部都係榴連容，但可惜只係出左一輪，其他既甜品就味道正常，可能因為當日係聖誕，棉花糖支棍都用左識發光既螢光棒去做裝飾，所以吸引左好多小朋友去排隊拎。2. 服務：無論執枱既姨姨定廚師態度都非常好，特別係外面燒

看了一些食評咪去試下, 結果強差人意, 太約6點半去到~ 龍蝦, 蟹已經是空空如也, 全晚加了約10隻, 當然秒殺啦, 我有幸拿了一隻, 但不幸是超難食, 完全冇味, D肉硬到呢, 之後加了一次蟹, 同樣冇味, D 螺吃到成口沙, 青口同凍蝦正常, 風乾火腿, 可能近海大風關係,  真係好乾,刺身望到知道唔新鮮冇光澤 , 完全唔取吃, 熱食都是冇咩選擇太約有9款, 蒸魚OK, 其他冇試, 見到唔想吃, 燒牛肉冇咪, 鴨肝好乾, 完全冇油, 即煮粉面, 只有三種丸, 二種菜, 米線及油麵... 味道不用提, 至於甜品應該是來貨, 味道正常, 飲品只有熱飲提供, 仲有勁甜橙汁,  到了7 點45分可能員工用膳時間, 會出來拿食物吃, 其實都幾唔好睇, ..... 今次真係好伏..

【 不過不失的自助早餐 】係挪亞方舟酒店渡假，套票包左第二日的自助早餐，可以係豐盛閣享用。自助早餐款式唔多，唔好抱太大期望。炒蛋，腸仔，粥，炒麵，水果和麵包都有，但味道就真係一般，唔高要求的都可接受。

餐廳幾闊落，坐得舒服。食物選擇唔算特別多，主要食凍海鮮，有長腳蟹、大蟹鉗、龍蝦、青口、蝦、螺。熟食最好食係燒牛柳同熱溶芝士。試過唔同酒店自助餐嘅燒牛柳，好多都好韌，呢到嘅燒牛柳唔韌，而且有肉味。熱溶芝士襯熱食，好滿足😛叉燒第一輪拎嗰陣都好好食，但第二輪就冇咁好食，可能要睇彩數。負責熱溶芝士同燒牛柳嗰位師傅好親切，細路問佢問題，佢都好有耐性咁答。不過呢到啲飲品甜到飛起，本身汽水都已經有甜味，佢好似再特登加糖咁，比出面汽水甜好多……甜品竟然有馬卡龍同movenpick👍今餐自助晚餐人均$440

同朋友一齊join咗諾亞方舟酒店staycation，諗住d野食都係會麻麻，點知比我想像中好，首先係海鮮，竟然有龍蝦食，而且幾新鮮幾甜又多肉。刺身有八爪魚，甜蝦，吞拿魚，三文魚同油甘魚，食落都新鮮。熟食全部都幾好味，特別既有鵝肝法包。行行下見到有個counter喺食熱熔芝士幾得意，叫左一份，配料揀左法包，食落好cheesy好正。其他好食嘅熱盤有西班牙豬叉燒，燒羊架，芝士肉醬焗薯，東坡肉，豬肋骨，炒菜都ok。蟹肉南瓜湯好飲。最後係甜品，佢款式幾多得揀，都幾好食，唔系hea既海綿蛋糕。

今日食評有✍🏻 Harvest Restaurant @馬灣試食指數⭐⭐⭐⭐店舖衛生⭐⭐⭐侍應態度⭐️⭐⭐⭐((每項5⭐️為滿分)) ·今次介紹埋公共交通工具路線圖青衣站C出口轉乘「村巴」330挪亞方舟酒店落車食嘢之前可以行吓沙灘🏖️影吓相📸打下卡💃🏻·三日前電話reserve afternoon tea 🫖人流唔多被安排在靠窗位置🏞二人afternoon tea包兩杯飲品🍹🧉Tea set內容幾豐富(見圖)·目前visa , master card有9折假日好去處👫🏻·599Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講