豐受居酒屋

營業中

休息中

之前去過食午餐，覺得食物一般，不過不失，18/5 同朋友想搵個地方飲下酒，食下串燒，所以再去一次，日本清酒價錢中規中矩，串燒雖然唔算多款，但味道都可以，刺身ok,蕃茄牛肉烏冬我仔話好食，另外花膠雞烏冬，花膠ok,個雞就普通，服務員都有禮貌，基本上整體感覺良好，下次有聚會會再去

隱世高質日系觀塘居酒屋🇯🇵🍱🍣🍶🍻打卡💯‼️又喺觀塘搵嘢食啦！今次搵到一間算係幾隱世既居酒屋，完全冇諗過觀塘工廈區會有間咁靚咁日式既餐廳😻😻見佢平日lunchtime menu都幾抵食，又送小食又有嘢飲，過嚟舒舒服服食個靚lunch都不錯！叫得居酒屋，嘢食選擇都有好多！烏冬 魚生飯 刺身 串燒咩都有😆多啲人一齊share應該好正！-📍主食類海鮮冬陰功湯烏冬 $78冇打錯真係冬陰功湯嘅烏冬🤣問左店員原來係佢哋新出㗎！係由一位泰裔x香港裔嘅廚師設計同調味，價錢仲好抵，非常推薦一試啊！佢哋仲聽咗食客嘅意見，啱啱出咗個改良版，新味道變得更加好食😙🤟🏻味道食落係幾正宗嘅冬陰功湯 夠香夠辣！完全冇奶/椰汁味 純粹係冬陰功有嘅酸辣 超級爽😼配搭好有咬口嘅讚歧烏冬係意想不到地夾，海鮮料都幾足😽又有青口，蝦同埋帶子仔豐受丼 $148魚生種類好多，見到有三文魚腩 鯛魚 赤身 劍魚腩 油甘魚 魚籽 帶子 大赤蝦 。入面乜都有 選擇困難者必食！滿足晒你咁多個願望！😹😹📝油甘魚非常甘甜軟滑！帶子大大粒又好甜！- 📍串燒類鹽燒牛舌串 $48係用牛舌芯！牛舌入面最好食嘅部份，夠厚切 有咬口🤤調味都好香勁入味金菇牛肉卷

叫咗個花膠金湯嫩雞手打烏冬，88蚊包一個小食同飲品一杯。啲雞完全唔係嫩雞，好老要嚼好耐。係煮咗好耐並且無味嘅老雞。花膠係糖水嗰隻花膠，唔係平日中菜呀，米線舖嗰種，都係冇味嘅。個湯底仲奇怪，有陣金寶雞湯同忌廉湯味，冇真嘅雞味，但係有層油係面⋯⋯個手打烏冬就係超市急凍烏冬口感，冇咩特別，真打牌急凍烏冬比佢更好食。餐飲杯柚子蜜都係偏淡嘅。份量都多嘅，唔追求味道嘅話，只求飽肚都可以嘅。如果追求埋個味道，就冇下一次喇。88蚊一個lunch 係官塘有更多好味又飽肚嘅選擇！

行完衛奕信第5段，喺霧雨中終於出返山，落到龍翔道唔知去邊度好，突然間就諗起不如落觀塘食晚飯。夜晚想食light少少，咁就食日本菜。啱啱嚟到坐低過咗happy hour時間。不過唔緊要，仲有好多選擇。嗌咗個茶碗蒸，好得意佢個蛋係凍，可能因為佢上面有隻藍黃再加三文魚子，所以成個都係凍嘅。啱啱好今日有濕又焗，再加埋個餐前小食蕃茄，感覺好清涼。個刺身拼盤中規中矩，冇雪味魚肉，亦都新鮮彈牙。個牛脷芯都處理得好好，淋滑得嚟又有啲咬口。如果真係要改善嘅話，就係個燒魷魚，欠缺咗一啲燒烤嘅味道。同埋個雞白湯烏冬，個手打烏冬真係好食超彈牙，但係啲雞肉似係雞胸都好嚡，個湯就有少少似罐頭湯，依度有少少敗筆。不過整體嚟講都食得開心，坐得舒服。

📍觀塘寬敞居酒屋‼️· 勁濃郁雞湯花膠烏冬🐔 — 豐受居酒屋😋·Follow @pigfoodiexhk for more food!🐷#pigfoodiexhk_觀塘#pigfoodiexhk_==============================豐受居酒屋位於觀塘工業區，位置唔近地鐵站有少許隔洩～餐廳座位好闊落，適合多人聚餐👍今次嚟唔係食日本野，而係試吓唔少人推介嘅雞湯烏冬😋——————————————————————⭐️黃金花膠嫩雞湯烏冬 $88湯頭幾有驚喜！質感濃稠帶膠質同漿口～飲落非常係濃郁嘅雞油香😍雞件同花膠份量好慷慨，雞件腍身（不過上星期有朋友食話好鞋口，可能真係睇彩數🥲，我自己係幾個月之前食🤣）烏冬口感煙韌，好掛湯，食完勁飽😋——————————————————————賣相：3.5/5味道：4.5/5性價比：3/5推介度：3.8/5———————————————📍豐受居酒屋觀塘鴻圖道83號東瀛遊廣場地下A號舖

日式裝修風格拉滿！一進門就看到很可愛的柴桑蹲在那裡！還有一堆高達！！ 小包廂也有單座，包廂很舒服👍🏻隱私性蠻好的！點了一個五勝壽司🍱帶子好大粒搭配新鮮wasabi簡直了！！三文魚🍣、油甘、劍魚腩都是厚切、油脂都是正到飛起！！！赤蝦兩隻但是大大個😍超級良心！！ 軟殼蟹沙律🥗軟殼蟹還蠻大個的！秘制沙律醬都好正👍🏻加了飛魚籽💖愛啦 配搭綠色和紫色的蔬菜好特別耶！脆脆的爽爽的！！三文魚親子丼還有三文魚籽🤤意外發現和冰火山一起吃好搭！！三文魚真是怎麼吃都不夠！！ 🦪生蠔也好正，職員小姊姊說是蘇格蘭拚聖占士➕紛迪加 都好鮮甜加檸檬汁就已足夠🤤一點都不腥 很脆爽🥳 蘭王冰火山 有三文魚籽茶碗蒸➕生蛋黃 很特別的口感，一勺下去爆漿！！職員推薦攪拌均勻吃，值得一試🫶🏻 野菜魷魚棒，沒想到份量很大，對我來說半碗飯的程度🙈墨魚味很足，鮮鮮甜甜的，胃口小的女生可以兩人吃一條🥶 環境很舒服😌座位也夠闊落，職員都好nice👍🏻性價比也很不錯，份量很足，兩個人吃得很飽😝

官塘工廠區隱世日本居酒屋餐廳環境不俗，唔會太擠迫。食物選擇算多，不過沒有拉麵，主打手打烏冬。堂食外送都經常幫襯之前次次都食蕃茄湯肥牛手打烏冬今次試下花膠金湯嫩雞手打烏冬，金湯夠濃郁，花膠數量都唔少，又夠厚！好味到湯都飲埋😋燒物質量都唔錯，三文魚腩夠肥美！好多肉汁，唔會太乾👍🏽鹽燒牛舌必點！鍾意食厚厚的牛舌日式鰻魚飯，正常發揮😆兩個人食，唔想叫兩碗烏冬，所以揀咗個飯。抹茶飲品也不錯👍🏽性價比高 值得更多人幫襯😍

觀塘平民價居酒屋，算係區內性價比高的日本料理餐廳!!午市套餐更抵食，包括主菜連前菜及飲品，價錢實惠無加一。食物質素亦都可接受，附近打工一族可以一試!!👨‍💼🍻👩‍💼- 角切魚生飯 HK$98 🐠🐟🍚抵食之選!!魚生都幾豐富，有三文魚，油甘魚，吞拿魚赤身，一大隻赤蝦!!刺身味道尚算新鮮，丼飯唔會太濕岩岩好粒粒分明，午市跟餐會包含前菜及飲品，非常抵食!!- 蟹籽沙律 (跟餐) 🦀🥗蟹籽比得大方!!蟹籽及蟹柳絲鮮味十足，青瓜絲及蛋黃醬份量岩岩好，味道十分平衡已經足夠好食!!- 清湯腐皮烏冬 HK$68 🍜- 茶碗蒸 (跟餐) 🥚

今日同幾個同事食開年飯，12:00nn隔離食點心太多人就𨍭去呢度食。之前晚市喺呢間食過串燒同埋煮物，覺得質素穩陣，多卡位坐得舒服，所以今日開年有機會就𨍭過嚟食碗麵。新年流流見到呢個麵餐，顏色金黃，意頭唔錯，有花膠呢類型矜貴食材，加上係每日限量供應，我哋幾個全部叫晒呢個餐🤣 佢$88係個烏冬加埋一個自選小食，再加錢買特飲，我淨係叫熱茶所以唔使加錢，午餐$88算係咁。個烏冬係OK（因為我鍾意食彈牙或者有啲咬口嘅麵質），黃金湯底除咗顏色靚之外，其實食唔出係乜嘢主題味道，又唔似粟米，可能係雞湯底，有四舊花膠，但係唔算入味，反而小食個茶碗蒸唔錯，足料、蛋夠味、夠滑。走嘅時候，12:45pm已經爆棚，好彩我哋搵到位😎

網上見到人地推介，價錢唔到好貴，又幾吸引嘅居酒屋，就走咗去試，入面嘅座位坐得都幾舒服，空間都幾大。叫咗兩個烏冬，一個係明太子撈烏冬，好入味好香，都重口味，鍾意濃味嘢嘅人一定會鍾意。另一款叫咗佢個招牌花膠雞烏冬，湯頭好濃，好似真係用雞煲出嚟，好香，雞都好滑，麵身彈牙，整體都唔錯。嘢飲叫咗奶蓋黑糖抹茶，可能因為叫咗少甜，所以飲落有啲苦，但都唔難飲，畀起其他失色少少，但都唔差。小食叫咗個炸雞軟骨，雞軟骨真係點煮都好食，炸得脆，好香口，味道好入味，非常值得叫～整體而言成間餐廳食物質素都唔差，可以一試～

自己不嬲去食日本野都會叫烏冬，聽聞觀塘開左間新居酒屋，所以經過就黎試。坐位算多，幾寛敞，坐得舒服，揀左蕃茄牛肉烏冬、蟹籽沙律，烏冬份量充足，比一般食開的舖頭更多，湯底足料，唔太酸，肥牛都有相當質素，唔差。蟹籽沙律俾好多醬，蔬菜新鮮，食落幾Fresh !整體性價比高，份量充足，一定食得飽，下次可以再黎試下其他野食。

金湯花膠雞烏冬啲雞“鞋”,湯係厚身嘅雞湯但無蟲草花味。麻辣肉醬溫泉蛋烏冬醬汁太水太多，溫泉蛋一撈就落晒係啲汁度烏冬一啲都沾唔上，有啲浪費左。未加上麵汁前，味道係分開嘅，即烏冬/肉醬/青瓜都係獨立一個味一啲都唔夾，落左麵汁就好左好多。另外如果青瓜絲再多啲就好。鯛魚燒（吉士）食完烏冬先落單，上枱時皮係脆嘅，算係好味，但如果有紅豆味會更好。芝士年糕正常，炸得唔錯，如果加上沙律醬就更好杯崩左，應該要更換，唔少心可能會“界刂”到咀

今日同朋友去迷你倉，見到對面嘅居酒屋有人等位。見到門口poster推介花膠雞烏冬好似好吸引，心思思又去試下~點左花膠雞烏冬，雞唔算好滑，亦都唔鞋，都算係不錯，花膠份量都多。個湯真係又濃又好飲平時花膠米線都食得多，估唔到配烏冬仲好食個烏冬大碗先$78，真係算抵食~同朋友點咗一份明太子芝士玉子燒，芝士夾中層，明太子醬鋪面，玉子燒texture 結實，我就覺得幾好食，不過朋友就覺得偏甜~ 成份玉子燒都算係大件~下次會再黎試吓其他嘢食~~

是日discover觀塘～一眼就比呢度既濃厚既日式裝潢吸引左😍🇯🇵🇯🇵佢就係位於觀塘鴻圖道既豐受居酒屋！門口既日式木櫈用黎打卡岩曬數😍蕃茄湯牛肉烏冬$66蕃茄湯底非常濃郁😍好足料！烏冬仲超彈牙🤤🤤🤤小編連個湯底都飲曬😋🙈牛肉就係新鮮肥牛，肥瘦岩岩好😍 Omg!我以後食唔返咁正點算🥹牛魔王一定要叫呢個！🤤富士山特飲$32呢杯叫黎打卡一流😍😍係藍橙味汽泡水加蛋糕cream😍小編最鍾意食蛋糕cream,全部掃曬😋😋呢度仲有酒飲添！酒既種類都多🍻🥂由$68既wisky去到$1280既wisky都有！清酒，梅酒，純米吟釀，花茶酒，cocktail亦有😍唔岩酒既，呢度都有唔少價錢親民既特飲同梳打任君選擇~另外，呢度仲有三張榻榻米枱😍想坐榻榻米枱記住要book定位喇🙈豐受居酒屋 (觀塘)觀塘鴻圖道83號東瀛遊廣場地下A號舖#支持本港食店 #捐窿捐罅搵野食 #hkfoodie #有加一 #feelslikeiminjapan #搵到好野唔私藏同大家分享

Set Lunch -花膠雞湯烏冬，有2-3片花膠，雞湯濃，仲有，蟲草花，飲完唔口渴。仲有，日式魷魚餅，好味！唔係成口粉漿。凍柚子蜜。$ 88 ＋10 ％。👍👍👏👏💖💖😍😍我同朋友叫咗1個 set lunch share，另外，加一些串燒，雞軟骨（同平時的雞軟骨個樣有D唔同，但係，仍好有咬口 ）＋雞腎＋厚燒牛舌（都不錯！）。再叫咗1罐忌廉梳打。Btw, QR Code 落單，我，老人家唔小心落咗2次單，即刻走去通知男經理，因為係平日12：30午餐時間，好繁忙，佢有 D 嬲，但好彩，cut 到單，我猛同佢 say sorry。佢埋單時，我再同佢 say sorry, 佢無咁忙，態度好咗好多，話 ok ok, cut 得切單，cut 唔切，就要我哋食咗佢。男經理，謝謝你啊！🙆👍👏💖不過，唯一缺點，係坐位太窄太貼，坐得唔舒服。😟