豆漿大王(粢飯) (已結業)

呢排冇咩做,所以income=0...唯有慳得過就慳啦!lunch都會走出去買佢個餈飯食,因為又抵<$8.5>同埋有得choose個d料架~~有幾款:肉鬆,魚仔,紫菜,花生,腰果,油條....我會choose肉鬆,腰果,油條~好正呀d飯硬硬地好趙口!成兩個權頭咁大!一個女仔..haha~我都會吞哂~~haha~好大食tim!再加一提佢個酸辣雲吞面<$23>真係好食!

1.上次同朋友去依間野係後面入一路都無人黎sevice 我地好..算啦之後坐低叫左聲寫野唔該無人理(唔多客果陣但係食飯時間黎)之後再叫都係無人理最後打一下張"木台"再叫唔該寫野呀周圍d客都睇實我地廚房d人都睇曬出黎佢地竟然唔理我地再傾過計都無人黎寫野第2次(今日)上次諗住係堂食可能外賣都ok掛去到酸辣餃子粗呀唔該~加豆漿行街果個人好呀26蚊呀之後向廚房大叫酸辣餃子粗囉出黎果陣酸辣餃子粗野飲行街邊位??番到屋企變左清湯囉我唔知佢想點....佢比我果陣係放好曬廢事解番開再check....真係無曬信心唔會再食而且4周地方唔清潔政府d人睇完叫佢改佢又做下樣就算(親眼睇住)

其實一路都想試下呢間，因為我好鍾意食粢飯，又有朋友介紹。嗰日去幫襯，個老闆態度一般，不過算啦，鬼叫我想食粢飯咩。我見個menu寫住＄８．５一個粢飯有幾款口味可以揀，點知佢哋原本已經一個個整好晒，都冇得揀嘅。雖然，冇得揀口味唔係咁開心，不過話時話，＄８．５買呢個粢飯又真係幾抵！！事關個粢飯唔單只熱辣辣，個size仲係我見過以黎至大，真係好大個，非常飽肚。而裏面啲料好好味！油條仲有咬感，糯米咽咽哽哽。最正係有啲辣辣地嘅肉鬆，所以配上冇咩味嘅糯米就啱啱好！

d野食好差!

以前團契完左之後必到此處叫肥老細開枱, 一行二十多人柴娃娃咁坐晒響度食野, 唔食正餐都食個甜品, 豆漿當然係肥老細請啦(雖然只係$2/$3一杯)本來佢附屬果間甜品係有另一個名的, 依家正名埋叫豆大甜品屋.最初貪佢抵食, 例如兩隻雞脾加飯撈茄汁(係凍的茄汁)都係廿零蚊, 但質素每況愈下, 仲試過有次食到我成個鐘都坐在廁所.所以依家響大埔搵食, 食正餐都去左八號餐廳/扒聖或者超級城C區堆食肆啦, 食甜品就去Rainbow.而我又轉了教會, 成了遊食民族

我住左大埔好多年... 亦係佢地長期客仔之一...最鐘意就係食粢飯同酸辣雲吞...夜晚個老細ok架~~好好人不過好憎朝早去囉...個事頭婆勁黑人憎...好似唔想做生意甘...態度勁差lol..... 問人食咩又無禮貌.......問完人又再問番人...唔記得仲....要好似你唔啱甘...如果你唔出聲佢仲話番你...好老土囉.......唔知大家有無同感呢?

喱間野, d 人都話好食...呃下0靚仔學生哥就得, 不過一都唔平! 1. 豬腸粉難食到呀-- 好糊好'笠'口, 食到一半, 索晒d豉油, 爛pat pat, 極度唔掂!2. 餃子雲吞d湯底, 真係想講粗口, 差d以為係熱水加少少鹽, 無呃你, 唔信去試下, 真係xy&#@!.....3. 間野真係好好好好好烏糟, 望下個地下你就知

每次去都會叫酸辣湯麵，雖不是正宗上海風味，但好足料好味，粢飯同菜飯都唔錯

豆腐花$6碗，很滑，而且份量相當大。

今日lunch去了這兒吃飯平常都吃淨酸辣雲吞的今天心血來潮改點了坦坦麵味道十分怪~不像平常吃的很咸又沒麻漿~麵很幼~全都糊在一起~一點咬口都沒有平常吃的坦坦麵會以花生作配料這兒用炸菜和一小蝦及加上一些豆瓣漿~下次去還是點會吃慣的酸辣雲吞

good^^酸辣云吞~~23 javegetable rice too oil~~ 同老細熟佢會請你任飲豆漿的

不知是否前數天吃得太多，胃口不好，而且有點滯，於是連續二天的早、午二餐都食粥，以便清清腸胃。前天晚上回到家，一陣悶氣頂住，飯都唔想食。但到了十時左右又覺得肚餓，行o左一陣，最終都係決定食粥， 坐下後只要了一碗白粥和一碟腸粉。白粥煲得好正、好夠火喉，十足十媽咪o係屋企煲o個o的，粒粒米都爛晒，而且隱約仲見到少少腐竹屑，唔怪之得咁香啦！腸粉都係行貨來的，蒸得都夠腍，唔會死實實，最正都係醬料，食完粥已經開o左一半胃，所以食完碟腸粉都好似未夠喉，但又怕一次過食番咁多會滯胃，所以就此作罷~~~

夜晚行回新屋時，本來想買番個餈飯當宵夜，但姐說食餈飯會飽到(目訓)唔著，想食糖水。見她這兒新出熱暖糖水，於是便跟姐坐下來，叫了一碗芝麻溝綠豆和一個西瓜雪山。芝麻糊應該係自磨，綠豆沙煲得夠晒火喉，不過唔整碗糖水好甜，唔知因為係芝麻糊定係綠豆沙，定還是兩者都有分：西瓜雪山口感好得意，表面似刨冰，吃落的質感卻似雪糕，有好多生果墊底，個西瓜汁底加了椰奶同打，多了一分滑溜和椰番，都可以一試！

星期六晚上跟姐來吃宵夜，要了菜肉雲吞麵、酸辣湯和熱豆漿，麵好大碗，惜花生醬太少，再加上沒用麻醬，令香味大減，雲吞唔錯，大大粒，菜肉比例尚算平均，只是雲右實在太厚了；酸辣湯個茨攪得未夠勻，還有一舊舊豆粉在湯中，惟料足味濃，敞若能再酸一點會更好喝，熱豆漿就非常好味，可自己加糖調較甜度，飲完真係成身暖笠笠，冬天首選呀！

屈指一算，其實都幫襯過豆漿大王數十次，只不過因為唔想俾間冒牌貨引起誤會而無寫食評，既然而家終於昭雪，就一於寫番編食篇介紹一下。其實聽見「豆漿大王」4個字，你就會知道係賣豆漿、菜飯等上海野。而呢間舖亦一樣，呢度o既主打唔係豆漿，而係菜飯。廿零蚊大大碟(外賣更大碗)，o係同區算係交足貨，不過老細整的菜飯就較奇怪，配的不是傳統上海小炒，好似回鍋肉等等，而係配燒鰻魚、咖喱牛腩等等，簡單來說有點不侖不類。聽講老闆係學了多年師才秘製出菜飯，我想如果係咁佢都算失敗。更何況食多咁多次，佢o既菜飯用料雖然新鮮，但o的味道硬是有一種臭青味，這可能與菜的問題尤關。當然嚴格來說，根本就唔係傳統上海菜飯。至於另外一項主打粢飯，就更其怪，材料居然可以自由配搭，油炸鬼做餡你聽過味？而且o係呢間鋪仔度，居然有鮑趐食，當然用乜野料大家心知肚明，但不由得寫過服字俾佢。全店最正常可能就是檐檐麵，但味道如何，我未試過，因為硬是覺得自己煮會較好食。當然你如果要求低，可以試o下自選三餸車仔麵，不過o的配料好似打邊爐咁，肥牛、靚菜(佢真係咁寫)、豆卜。據老闆所講，佢之前o係銅鑼灣、觀塘都開過分店，但因為金融風暴而結業，不過我覺得係