豆漿大王

營業中

休息中

栥飯真係買少見少 整得好食嘅鋪頭更加少好多年前已經食過呢間即叫即製嘅栥飯嗰陣印象中好好食😌咁多年後再訪 佢已經拎埋米芝蓮推介☺️好彩都無令我失望～仲keep到水準💜栥飯熱辣辣 油炸鬼真係好脆 脆到咬開都聽到脆卜卜聲嗰種肉鬆都好香🥰本來叫左一份同朋友share每人食完一半😂唔夠喉 即刻舉手叫多份因為栥飯偏細舊 都唔係行超多餡嘅路線 所以一個人食一舊都輕易KO鹹豆漿🥛又香又滑 好足料😋d蝦乾仔超多超香 比正面鋪頭整得更有水準👏🏼小籠包 即叫即蒸湯 皮 肉餡都正常發揮啦 味道幾好嘅😚下午茶時段叫會抵d！

去親呢一間豆漿大王，大家都知道佢嘅粢飯有幾出名㗎啦！我嘅屋企人每一次嚟新蒲崗都話要買個粢飯返屋企！咁呢一間餐廳嘅黐飯又真係誠意拳拳，拳拳到肉咁樣去整一個粢飯，嗰條油炸鬼都唔知點解脆得咁交關，而且你仲可以加大個粢飯，唔同嘅料可以按需要再加多，坦白講我食親都係食全加。仲有佢嘅上海雲吞麵都係一流，佢嘅奶花係豆腐花加煉奶，喂佢好多嘢都真係好好食，每一次去豆漿大王都好朝朝成咁樣！唔係講笑我係一個粢飯控！我真心覺得呢一間暫時有機會可能係全世界最好食嘅粢飯！唔係誇張唔係講笑唔係整蠱你唔係搵笨，你食過就知啦！😃😘🤩😇😬👏🏻🎉💪🏻❤️

大大碗嘅豆漿，價錢公道，飲落去又幾香濃，重點係唔落糖！最驚一上來係落咗糖，又甜又稀嘅豆漿.如果下午茶時間嗌個餛飩麵加碗熱豆漿都係得29蚊，又相當足料.比起去其他普通茶記食得舒服好多，希望開多幾間分店！

新蒲崗傳統早餐🥣黐飯加豆漿係一個完美嘅配搭😍，係細個成日食嘅早餐，但係大個咗呢啲咁嘅早餐少點就越來越少，今次經過新蒲崗就是去呢間米芝蓮推介嘅舖頭。但係大家嚟呢間舖頭就要落足眼力👀因為成條街嘅舖頭都係差不多樣同埋冇大招牌比較隱蔽黐飯 （$16）呢到啲黐飯好足料㗎，有滿滿嘅肉鬆🐷，醃製菜譜，香辣醒胃，配埋啲飯就啱啱好，入面嘅油炸鬼係超級香脆可口，咬落去可以聽到清脆嘅卡卡聲💥，證明夠晒新鮮，絕不隔夜。但係啲飯就比較鬆散，如果可以再黏啲實淨啲就完美啦鹹豆漿（$17）🥣碗豆漿好熱出晒煙🔥，冬天飲就夠晒暖笠笠。都係啲正常配料有蝦乾仔🦐同蔥花可以吊起d鮮味，係略嫌唔夠豆味📍 豆漿大王 (新蒲崗)新蒲崗大有街34號新科技廣場地下9號舖

建議：午餐想堂食記得要盡早去到拎飛仔攞位先。終於食到新蒲崗名物·豆漿大王，如果平日有路經一定會見到排長龍，不論外賣定堂食🤣 今次好好彩，避開左最繁忙既時段，等左大概5️⃣分鐘就有位❤️今次試左：▫️上海淨餃子 (HK$32)除左餃子，仲右雲吞揀。餃子係韭菜豬肉，雲吞就係白菜豬肉。每粒既外型都好飽滿，一碗有6️⃣粒。食落餡就比較鬆散，如果係煎餃口感應該會更好。▪️咸粢飯 (HK$16)粢飯有2️⃣款：咸 (炸菜、油炸鬼 同肉鬆)/ 甜 (砂糖 同油炸鬼)。仲可以加配料 (另加HK$2-7@)，例如：多炸菜、多油炸鬼、多肉鬆 同全加料。 落單時，店員會問定要唔要剪開分半。如果開心Share既，剪左會方便好多。就咁睇以為好細份，不過食落岩岩好，因為糯米食得多反而會滯🤣 咬落油炸鬼仍夠脆，炸菜既咸度岩岩好。▫️午餐 (主食送豆漿)煎釀豆腐麵 (轉肉碎拌麵底 HK$37+6) 套餐送凍豆漿▫️熱豆漿 (無糖 HK$8)估唔到煎釀豆腐加拌麵甘正🤣 豆腐總共有3️⃣舊，每舊都好厚身，豆味好香濃。拌麵底啲汁好正，直頭想跟埋飯😆 肉碎既份量亦好多，加埋麵既質感唔差，唔會煮得太腍🍜套餐送埋豆漿，如果揀凍既就已經有糖，甜度適中唔會

喺新蒲崗做完運動之後，就買外賣番屋企，見豆漿大王門外有啲人等外賣，就睇下有咩食。意外發現啲小食都幾特別，仲好抵㖭，我叫咗：$18 肉鬆奶脆多（4件）係炸饅頭，再配我最愛嘅肉鬆及煉奶🥰$20 熱豆漿湯圓粒湯圓掙扎到我影相📸️手震😂好少用豆漿底食湯圓，糖嘅份量係自己調教，我落咗2小包，都唔覺得特別好甜。$16 粢飯入面有肉鬆同油炸鬼，飯唔會太黐其實仲有樣小食覺得幾特別，好想試，不過當日就賣哂，所以唯有下次經過再試啦🥲

聖誕節正日🎄，小編同男友選擇左離開好有聖誕氣氛既旺角/尖沙咀，而選擇左係新蒲崗既豆漿大王🥛🥟經濟✨大份✨抵食👍🏻三十幾蚊左右咋！🤩———————————上海雲吞麵 (白菜豬肉)🥟🍜4隻足料大雲吞，再加埋大大碗既上海麵，配埋酸菜同蔥花粒，係凍冰冰既聖誕夜，即刻溫暖哂🥰😚———————————秘滷肉碎拌麵🍜乾拌既上海麵食落又完全係另一種感覺，有少少辣既秘製既滷肉撈埋上海麵，真係愈食愈過癮🤤🤤🤤不過，有d可惜既係冇得就咁叫炸雞扒配滷肉碎拌麵，雞扒要散叫🙈———————————炸雞扒🍗熱既時候好好食😚雞扒好juicy🤤但凍左既時候個皮會有d硬🤭———————————小籠包🥟全餐最失望就係小籠包😩事關好多枱都有叫小籠包，而且係即叫即蒸（要等20分鐘），但黎到既時候4粒有3粒都穿左🥺而有湯果粒又真係幾好食😅🤣

星期日13:45左右去到門口拎籌，14:20入座～食評為14:30-17:30下午茶時段！😛因為係第一次嚟豆漿大王，一開始見到咁多人排隊等叫飛同外賣，仲心諗「下！？食嚿栥飯都要排長龍等？」 ，完全無估到原來真係咁好食！！ 不枉此行！ 好好食😍果然係米芝蓮推介食店！😍😋 秘滷肉碎拌麵 $33(下午茶餐包括： 一杯冷/熱豆漿)+$7 滷水豆腐雖然肉碎唔多，但滷肉碎拌麵醬汁甜甜哋，好好食！拌麵入晒味！嗦晒醬汁味道！唔怪得係下午茶主食餐的Top 2😋😆滷水豆腐，豆香！滷到入晒味！😋粢飯 $16 (單點)豆漿大王的招牌菜！ 有咸粢飯，有甜粢飯！內餡多，standard已經夠足料! 但覺得唔夠的話可以另加錢加多d配料！😋肉鬆，香口乾脆，完全無被粢飯的熱蒸氣影響而變濕！ 油炸鬼，岩岩炸起無耐！脆卜卜！ 炸菜ok! 成嚿粢飯都好滿分！😋秘滷雞中翼 (四隻) $28(下午茶餐包括： 一杯冷/熱豆漿)乾淨無雞毛！👍鹹鹹甜甜的雞翼滷得好入味，而且微暖，肉質唔乾！熱豆漿 (套餐包埋)碗裝，熱辣辣，新鮮到面層仲有薄薄的腐竹！豆漿無糖，豆味濃！ 枱上有砂糖方便食客自行調節甜度～ J妹就鐘意唔加糖！可以直接飲到豆漿

豆漿大王之前榮獲《米芝蓮指南香港澳門》推介的街頭小食，係新蒲崗都有分店，不過門口非常隱蔽，冇大門面招牌，只有一個餐單牌係在門口，好易就經過左🙈鹹粢飯 $16呢到最出名一定係粢飯🥰根本上每個食客都會叫一份，有甜有鹹，我就叫左份鹹粢飯，店員見我地兩個食就好貼心將佢一分為二，比較細件，但入面油條真係好出色🤤超級脆口，好新鮮，又冇油溢味，成件粢飯都冇出現鬆散，好食不過再大件會好d🤣咸豆漿入面配料好豐富，除左豆漿外，亦加入蝦米、油條、柞菜及蔥花，不過油條浸泡到全軟，如果仲有脆口感會更好😋小籠包皮都幾薄，夾起都要小心，肉汁都幾豐富，如果配有薑絲就完美🥰

今早去吃粢飯和豆漿，叫了加菜加肉點知道來的粢飯，又凍，又細和沒加一樣， 吃完這次，以後都不會再來了，因為真的沒有意思叫早餐都吃到一肚子氣。不是錢的問題，好像被骗一样。

🥉期待咁感過高普通粢飯🤪.話說又係聽到人哋介紹佢係米芝蓮乜乜乜，所以就專登嚟食🤪呢度最出名就係粢飯：我哋就一次叫晒鹹同甜兩隻味😂鹹味係佢哋嘅王牌🙈但可能我哋冇加extra分量啦🤣🤣就係一個油炸鬼夠脆😆啲飯粒粒分明嘅粢飯，冇咩特別👻甜味就係砂糖加油炸鬼食落似甜品😝.鹹豆漿又係有啲失望，食落去都係好啖豆味，同埋充滿咗櫻花蝦嘅味🤣同細個食過嘅印象唔一樣😂撈麵又係王牌但係食落去又一般🤣最好味嘅係銀絲卷😋但係掛住食無影到😛.總括來講，呢度嘅嘢食係平嘅，但就冇特別好食🤣

學生時期已經成日幫襯豆漿大王，但係都有幾年無幫襯，估唔到佢啲食物價錢完全冇變過，都係咁平民，正因為佢係工廠區，所以環境比較擠迫，人好多，唔使等位就有得坐，已經係萬幸啦。以前一直都好鍾意食佢嘅肉碎撈麵，今次都係叫番呢個，走辣，同埋叫咗玉米漿，都係加三蚊，抵到爛。另外散叫咗一個粢飯，加全料，同埋一杯凍豆漿。粢飯可能太受歡迎，落單嘅時候，侍應話要等25分鐘。唔緊要啦，因為佢好出名，橫掂我哋都係食住等，咁就等啦。 肉碎撈麵同以前一樣咁好味肉碎汁走咗辣都好夠味，而且汁好多，足夠撈曬成碗麵，麵嘅份量都好大碗， 麵嘅質地軟硬適中，啱我口味。一個套餐36蚊，真係超級抵。 粢飯加全料加全料即係加榨菜、加肉鬆，同埋加油炸鬼。雖然話要等二十五分鐘，其實十五分鐘已經送到啦。粢飯好大個，飯嘅量好薄，包咗兩條油炸鬼，仲係脆口嘅。仲食到肉鬆同埋炸菜嘅口感，非常好。難怪大賣要等咁耐。 玉米漿玉米漿係呢度好出名嘅，見到玉米一粒粒磨出嚟，飲落有玉米嘅香甜味，好味道。豆漿 正常唔太甜好耐未試過兩個人食午餐係咁平，仲要好好味，食到好飽。

呢間神秘小店(因為工廠食堂牌照關係所以無招牌)真心平靚正，次次黎都一定食粢飯，今次黎食晚餐都唔例外，開頭仲擔心晚飯時間食粢飯會唔會好奇怪，點知原來好多枱都叫，我真係大鄉里。食粢飯梗係要飲豆漿，因為唔想飲凍嘅但係又怕熱嘅會飲到成身汗，於是膽粗粗問侍應姐姐有無室溫或者暖暖地嘅豆漿，佢竟然話幫我整，真係開心。作為一份晚餐，粢飯加埋豆漿似乎會唔夠飽，又無理事食多一個粢飯，所以就叫咗個小籠包，不過個小籠包真係令我好失望，大家先睇下幅相……咁嘅樣似乎係工場交貨黎嘅，見到之後個心即刻沉一沉，好啦，自己呃自己話雖然一睇個樣就知道呢個小籠包係啤出黎而唔係包嘅不過工場交貨都可能有好野，食入口，嘩，D包厚到呢……不過D餡係OK嘅，有湯嘅，不過大家真係有機會都千其唔好試，叫其他野就very good了。

星期六晚，搵嘅時候地方在大馬路邊，易搵，反而入口要小心啲先留意到，因為餐廳通常將大門關上，而旁邊一連串的餐廳外貌都是牆壁加門口。坐低叫了普通版粢飯，包得有啲鬆散，可能當時客人很多較忙的關係，但油條脆卜卜，加上榨菜肉鬆調味，係傳統嘅味道，下次會加多啲榨菜（只係加$2）。配埋大大碗熱豆漿，充滿古早味！期待下次試埋其他小食。

特登係科大落堂，直接坐車想去食次飯，回味一下。見到openrice寫21:00閂門以為重冇問題，點知20:40就已經咩都冇得叫，所以大家記得去食一定要早過20:30。之前食過次飯同埋撈麵好好味~