讚好台灣

營業中

休息中

Lunch 跟住美食專家同事去開發紅磡呢片美食新領土！一點幾嚟到呢間台灣菜嘅小店已經人頭湧湧，好彩小店兩個鋪位相連又遇啱隔離鋪有最後一張兩人枱，成功秒速入座！Lunch set價錢由$45至$60不等，包指定熱飲，經濟實惠！我揀左香酥排骨肉燥湯麵，排骨被一層薄薄嘅炸漿包住，酥脆而滷得入味，清湯香醇，湯麵幼滑，係久遺台灣嘅味道啊～同事揀左讚好牛肉湯麵，大大塊牛肉仲有同事至愛牛筋！試左一啖牛肉湯，有著濃郁嘅紅燒味道，牛肉炆得好淋，非常唔錯！熱檸檬紅茶隻坏都幾cute，印著招牌「讚」「好」兩個字～ 小店食物有著濃濃嘅台灣味，性價比極高，真係不得不讚好～

紅燒牛肉麵啲牛好韌，好似完全冇炆過，仲要有雪味，似係啱啱放落去滾熟就上枱，鹽酥雞非常之柴！見到隔離枱個排骨飯好似都唔係幾得，不過咁嘅價錢唔通食到正宗台灣牛肉麵咩。

讚好台灣黃埔呢間台灣餐廳 經常有人排隊餐廳滿咗率好高 有一日見到唔洗排隊就去試試 店舖裝修充滿日式裝修風格 但坐位偏細 如果兩個人每人叫一碗仲會岩岩放得落 再叫啲小食就放唔落口水香腸乾拌麵 $58 乾拌麻細做得出色又比得多 完全夠Lo暈曬成碗麵 面質彈牙有咬口亦都好掛汁 麻醬味好香而辣汁辣得黎又唔會谷口嚨 越食越辣亦越上癮 份量唔算多亦唔算少 台灣香腸焗得香口 唔係放咗好耐嗰啲 好食！建議小食都可以叫夜市小香腸 切成薄片拎去焗 脆口之餘腸裡油脂亦非常香 醬油蔥串大腸 $35 炸得外脆內軟 唔過火有一定水準 但大腸會膩 食2-3塊我已經唔想再夾 所以唔建議自己一個人食 雖然淋上去嘅茄汁中和咗大腸嘅油膩 但對於我黎講仲係唔夠 如果係鐘意食開偏油膩嘅朋友 應該就冇問題總體黎講 係香港少有嘅出色專食台灣野嘅餐廳 食物水準亦相當不錯（我好少講呢句🤣） 可以再食再食再食 翻食翻食 價格係紅磡黎一區亦都唔算貴同便 絕對價錢合理

✨豐盛牛肉口水乾拌麵 ($85)牛腩牛肋肉牛筋貢丸花枝丸乜都有啲牛肉全部煮得好冧好入味想講個醬係極好食 食辣既朋友一定要試🤝雖然叫左多辣 但一啲都唔辣鹹鹹甜甜得嚟 係好麻好麻麻得好過癮 唔似平時啲麻辣野好多花椒渣 或者花椒粉搞到好澀路邊攤小拼盤(鹽酥雞/花枝丸/台灣腸)份量偏少 但樣樣都幾好食台灣腸有驚喜(*°∀°)比平時食既冇咁肥同埋叫左個滷肉香酥排骨飯入面有啲配菜 嗰日係四季豆同菜圃排骨都係正正常常 冇咩特別啦不過與其話係滷肉 就比較似肉燥啦另外有加隻滷蛋 雖然幾入味但如果係溏心會好食好多(//∇//)我覺得堂食既麵比較保持到水準下午茶加底就最抵食啦👍

原本出紅磡係想食一間車仔麵，可惜佢晚市只做外賣不做堂食，就隨便周圍行下睇下轉食啲乜，無意中就見到呢間台灣野小店，有個姐姐企係門口推介我地試，全場都坐滿，好彩係剛好有位，不過入面既職員態度略為冷淡。「滷肉鹽酥雞飯🐓🍚」$49滷肉比較碎粒多，但又有大粒，個人感覺咸左啲，飯擺地圖形，第一次見呢種擺法，都幾新奇，鹽酥雞凍曬而且太乾，無肉汁，鹽酥既香味亦都比較失色少少，滷蛋超級熟，好乾，好難吞嚥，感覺除左個地圖形飯有特色外，整體都唔出色，同埋飯有啲凍。「香酥皮蛋豆腐」$32有大量木魚碎，肉鬆皮蛋舖面，豆腐既淡香，配上醬汁同配料，涼浸浸既豆腐好清爽，但醬汁，同埋啲配料又會有咸味，好夾，雖然佢$32有少少貴，但好食。「豐盛牛肉麵🐂🍝」$69其實佢賣相都幾一般，唔吸引，啲丸味道都幾味精下，唔出色，啲牛肉都尚算可以的，都算淋，麵量唔太多，但勝在價格唔貴，不過完全無意思再來食多一次。「凍百香果綠茶🍵」加$10反而飲品幾出色，百香果香甜，加埋綠茶中和到，平衡得幾好。整體來講，飯同麵感覺比較差，個皮蛋同埋個飲品就比較滿意。

紅磡的小店，台灣食店。台灣讚好。有台灣的味道，有台灣的格調。已聽過無數的人說這店的食物非常好味，出色！ 係好值得去試試的🤔。 但每次都見到好多人在門外排隊。食好野就要等等！今日，去左幫襯。我叫左個午餐，鹽酥雞肉燥客飯。 鹽酥雞👍👍👍！ 脆口，不太油！肉燥汁送飯一流！台灣人注重蔬菜，所以客飯中會配一些蔬菜。食得健康！ 飲品叫左凍珍珠奶茶，珍珠軟硬度適中。奶茶味真不錯！特別喜歡店子的外賣盒，非常有台灣的感覺。紙盒包裝，唯獨比較細盒，恐怕未足夠香港人的食量。😄

思鄉時不妨食下的台灣菜~~疫情影響久未「回鄉」，今次懶得自己煮，就去讚好台灣食下「家鄉菜」。今次嗌左路邊攤拼盤、豬軟骨同牛腩便當。拼盤份量ＯＫ，但台灣腸略少得4塊，但鹽酥雞好夠脆，啱啱炸起熱辣辣，好食。花枝丸有魚味好彈品，似台灣的味道啊！豬軟骨同牛腩、蘿蔔都唔錯，都夠淋同入味。其中最鍾意既係蘿蔔，吸晒啲腩汁。但呢2個主食都唔係啲會覺得好特別／非食不可既野。而且諗左好耐都未明，點解大家都係便當，牛腩果個好似少個小菜咁既XＤ？？不過總括黎講，思鄉又唔想自己煮既時候，都係可以止住渴先既。

作為街坊嘅我，留意自己嗰區有啲咩餐廳🍴好食。呢個「讚好台灣」台灣已經有店舖，之後喺香港開咗第一間海外分店。以前只🉐️一間鋪，當生意上咗軌道之後，擴充埋隔離鋪位之餘，仲重新裝修....咁多年以嚟食物質素一樣咁有水準除咗珍珠奶茶🧋、新竹米粉絕對係台灣食物代表之一⋯⋯d米粉好幼滑、爽口，最正嘅係麻辣湯底，嗰陣香味，係忍唔住要飲曬成碗湯⋯前菜，我選擇左麻辣牛肚絲⋯⋯配一流⋯⋯另外，佢哋嘅鹽酥系列食品好值🉐️推介比大家去唔到旅行🧳、又唔想staycation,支持一下小本經營餐廳，當自己去咗台灣

Taiwanese marinated meat and rice bowl 家鄉滷肉飯 🥢$40 (配夜市小香腸、逢甲鹽酥雞、滷蛋) 下午茶時段真係好抵食，雖然滷水汁唔係好夠，但飯用咗珍珠米同夠煙韌🍚，鹽酥雞炸到好脆🍗，滷水蛋入味得來唔算太鹹，整體來講性價比算高如果另外轉飲珍珠奶茶或者其他特飲，到時係加$7咋，超抵飲啊，仲有得揀甜度同埋落幾多冰勁貼心平日嘅晏晝時段幾去人唔算太多，都唔駛等位，有機會去開紅磡開會再試

經常經過依間餐廳，都有好多人排隊等外賣，放假黎午餐，十二點左右，唔使等位😊😊原來飲品有優惠價，只需要加$10。香酥排骨飯排骨炸粉幾好食，不過前後兩邊都有骨，食嘅時候要小心啲🤔🤔肉比較實，都要慢慢咬。中間嘅白飯，形狀好得意，唔通係台灣形狀😄😄用上了珍珠米，粒粒口感都好好。飯上面有肉燥，份量都OK多，不過味道就比較淡，所以好快就將其他配菜都食晒。我覺得配菜份量可以多番少少，因為佢哋嘅配菜都比較淡口味。放假飲番杯珍珠奶茶，放鬆晒😊😊

《💛紅燒牛肉湯麵》🐮呢度嘅所有湯麵都有3款嘅湯底可以選擇，有鮮蕃茄湯、牛肉湯、同埋麻辣湯。小編就揀咗最正宗嘅配搭，牛肉湯配牛筋腩。牛肉湯味道非常濃厚，雖然有啲油但不會覺得膩，蔥蒜味突出，同時帶能出紅蘿蔔嘅甘甜。牛肉看似用牛肋條多過似牛腩，因為比較瘦，毫無肥膩感，肉質炆到好腍好入味。滑溜溜牛筋入口即溶。《💛鹽酥雞湯麵》🐥🍅小編揀咗蕃茄湯，湯底都幾濃，有啲鹹多過酸。鹽酥雞有六舊，炸得夠酥鬆，粉漿冇好厚，略嫌唔夠熱(可能唔係即炸)，味道正常發揮。跟主食+$10可以有珍珠奶茶，味道正常偏好，小編都成杯飲晒，呢個價錢可以接受。整體來講，餐廳都係街坊價，食物質素唔差，值得一試。

依條街可以講係紅磡嘅食街，要係到屹立不倒咁多年，就要做到四個字：價廉物美。下午茶時段來，tea set 只係$34起，有一個主食，三個小食，加熱飲。落完單很快成set就連餐盤送上, 主食揀咗鹵肉飯，鹵肉用了半肥瘦的腩肉，煮得非常入味，砌成mini size, 連埋肉汁，其實已經可以成碗飯食矖。小食揀咗炸豆腐、台灣腸同鹽酥雞。要講最有特色應該係炸豆腐，炸皮加左好多木魚碎，上面加上甜酸醬同青瓜絲，未食已經好開胃，咬落又有炸皮嘅脆口，又有豆腐嘅嫩滑！台灣腸同鹽酥雞都不過不失，只要夠熱好難唔好食。之於跟餐奶茶就麻麻地。

今日同閨蜜去黃埔行街街，來到這家叫 「讚好台灣」餐廳，突然非常掛念台灣滷肉飯同麻醬麵，剛好係下午茶時間，一於入去先食飽飽再行街。店舖光猛佈置文青，就是逼了一點，如果空間位多少少就好喇！下午茶 A + B + C抵食啊！先選好食飯定食麵，再選三樣餸，再加一杯飲品👍🥢套餐配熱飲 $34我的麻醬乾麵配鹽酥雞、木魚炸豆腐同半隻滷蛋😋麻醬好香麵底有醬油，撈勻後大大口超好食，麵條軟糯帶點彈牙有嚼口，鹽酥雞入味且酥香，豆腐配以木魚絲味道不錯👍，滷蛋略為乾身。🍵配健康熱飲，熱檸檬水🥢套餐配凍飲 $37閨蜜的家鄉滷肉飯配鹽酥雞、台灣小香腸同青瓜青瓜爽口有蒜蓉香。讚好👍

午饭时间没有特定的吃饭地方，在红磡随便走了一下，看到哪家吸引就吃那家。在赞好台湾的店前站着不少人，都是排队轮候进店的。看到店面也颇为新，也没有怎样考虑就决定在这里吃午餐。大概等了5分钟就可以进内了。餐牌比较吸引，图文并茂，看到了就有点心动，价钱是一般般，没有离地。看过图片后可以在专用点餐纸上选自己需要的东西。不用太久，东西就端到面前。这款干伴面与盐酥鸡分开上，总共不到十颗炸鸡。鸡粒吃下去没有什么特别，除了刚炸完的香脆，并没有盐和酥的感觉。 另外伴面的质感较糊，不够爽滑。与肉燥混着吃有点咸，吃完有点渴。看到很多人点牛肉面，看上去卖相不错，下次可以试一下。

黃埔📍抵食台灣下午茶自從轉咗online之後都好耐冇食到讚好😌今次難得有機會出開嚟🦦係時候要懷緬吓～～下午茶時段真係super抵😚一個主食+3個小食+飲品都只不過係$34蚊！轉凍飲就要+多$3麻辣擔擔麵夠哂麻唔太辣啱哂我🌸味道上全部都好好！好夠味🤤小食分別係：梅粉甘薯炸豆腐鹽酥雞My fav is炸豆腐🤤～個汁好好食！like it!! 💯 讚好台灣 (紅磡)地址：紅磡湖光街1-7號聯成大廈鴻運閣地下13及14號舖下午茶時段：1430-1800