譚仔雲南米線 (金球閣)

營業中

休息中

吃過很多次，米線湯底真的好，尤其麻辣不會令人失望，麻和辣皆出色，相信吃到特辣的人不多，我自己也吃到，但的確絶不簡單，怕傷胃。雞翼夠大隻入味，蒜泥白肉豉汁夠甜，但真的十分蒜，味道歷久不散，但真的好吃。紅油系列亦不錯。推介大家去試。二五晚拉麵貴十蚊碗，但的確可以叫佢拉唔同款，又夠彈牙，值得啦。只是試過阿姐整得唔夠熟，但硬。

呢度d過橋米線唔係正宗果d而係一碗過上晒既但係真係好抵食,$3x,餐牌上有既料都俾晒你,碗米線係特大既,2人食1個都會飽~!(唔細食都飽~!)黑拍葉同竹笙最正~!我可能唔食得辣啦,叫左小辣都頂唔順...

25日晚與友人再次來到譚仔，總算找到兩個位子坐下。老實說，聖誕佳節出外搵食，除了要跟人逼，還得付貴錢食"大餐"。所以還是待在家中，或是到“低消費”食店好；若果是低消費但又有好吃的就更好。而譚仔就算得上是低消費而又有好吃的。當然，要低消費又要好吃，環境，服務就得犧牲一點。總不能要求一架新車，賣得平過Corolla，又有Benz既享受，仲要跑得快過Ferrari…講番食物，上次試過酸辣湯底不合小弟的口味，這次改試清甜湯底米線，配炸醬和腩肉，味道幾好啦，但最好味的還是土匪雞翼。所謂的土匪雞翼，就是用上大量香料烤出來的雞翼（雖然說是烤，但小弟完全聞唔到店內有任何烤味）。友人嗜吃雞翼，對土匪雞翼讚不絕口。小弟雖然對雞翼並無特別喜好，但也覺得此味菜實在不錯。將雞翼放近口中，會聞到像是麥記薯條沾上大量的black pepper，但放進口中，香料的味道便攻陷所有味蕾，最難得的是香料的味道滲進雞翼的肉中（友人甚至形容連雞翼骨也有香料味云云．．．）可惜２５號是星期六，若是星期二或五晚上六時後，會有蘭州拉麵供應，索價２６元，不知味道會是如何呢？

潭仔開多了分店長沙灣這一間, 味道真的很不錯, 米線既軟硬度岩岩好, 大大碗,湯底唔會太濃烈,好味!!!即使環境是超窄!不過,中午時段真係好多人等位, 我覺得依一間等得過, 無計, 好味!

米線個湯底，幾好味

今次是一位住在附近的友人帶我來的。其實之前都聽過譚仔的大名，今日終於得償所願。十二點，中午時份，舖內並不擠逼，總算找到我和友人的位置。當然，茶餐廳的圓枱，不要期望有很舒服的座位。當我一方面在思索這店出名的原因的同時，另一方面向店員點了一碗米線，結果糊裏糊塗地點了豬潤米線(我是想要腩肉米線)。友人發覺有異樣，問我想吃問甚麼，我驚覺自已點錯食物，想改單時店員面有難色，幸好最後還是成功改單…幾分鐘內就奉上了大大碗的米線（真的很大碗），米線的質感不錯，酸辣湯底就差少少：酸味太重，沒有辣味。還是友人那碗炸醬米線好，炸醬味溶在清湯裏的味道不錯。快要接近中午一點，食客從四方八面湧進，搭抬是少不免的。搭抬的那食客點了雞翼，想問有甚麼款式；當時店員回答甚麼，我已不記得了，只記得她答得很不耐煩。算吧，反正我只是一位小顧客…

我覺得譚仔既米線唔錯~我同朋友成日食中辣比較多~土匪雞翼+ 蒜泥白肉係我同朋友最愛~蒜泥白肉可能好多人都覺得"嘩! 好肥膩呀....好咸"之類.... 不過我就鐘意佢既濃郁味道啦~心想又唔係日日食一個月一次半次都可以啦.不過飲品就少左d , 加多d就更好啦^0^過橋米線都好低食~ 2個人份量~ 平

昨日無意中來左呢度食晏, 因喉嚨痛，唔可以食辣，只係叫左雞肉米線加酸菜，媽子要左魚旦米線加酸菜。一來到就覺得：嘩，好大碗呀!!!D雞肉係白色的，感覺有點怪，D酸菜好好味，可能我鍾意食酸野，個湯都OK 0既，唔太濃和鮮，清清地，0岩不在狀態的我。至於D魚旦我就覺得一般咋。見到對面搭的一家人食土匪雞翼，仲要打包一客走，又見差唔多都有叫，真可恨今日唔食得...唔緊要，山水有相逢，下次我一定會再來食0既，嘿嘿

記得讀IVE個陣,睇飲食男女話長沙灣有間好食既雲南米線,二話不說堂都唔上千里迢迢由杏花村飛地鐵去譚仔試菜,結果從此就同譚仔結下不解之緣.出名辣,仲要係好X棘.如果食得辣,你應該會食得好開心.佢既麻辣辣得黎夠香,越辣越要食,完全食到停唔到口.唔食得辣既我試過小小小辣之後以後都忍唔住食左幾十次先轉叫清湯底.呢2年不斷開分店,由深水步開到佐敦,就知佢有食力,出名既有:土匪雞翼($2O)雲南過橋米線($31)豬潤竹笙米線($19)蒜泥白肉(唔記得)佐敦分店剛新開張,開張優惠米線加多杯凍/熱飲品都係加多1蚊啫!經過不妨試下~

呢間野又平又好食,勁正

今日成班三姑六婆拉大隊,諗住好好食點知D紅油乜瓜乜瓜,鹹多過辣!!!之後食麵,明明係辣湯,點知變晒鹹湯!以後都唔去!

我經常去買外賣返屋企食...次次都叫三個餸,但冇一次可以齊晒,梗要唔見一個餸,但堂食永遠冇發生d咁既事...真係唔知發生咩事...

記得兩年前有個住附近既朋友拉我黎食....佢話呢間係佢最鐘意既米線店.....第一次食...要左小小小辣都頂唔順....雖然好辣...但係實在好好味....所以都忍住D鼻水食哂成碗....之後成日都好掛住佢...好想再食多次....又帶左好多朋友山長水又遠咁黎幫襯.....我每次食都只係食唔辣......次次都淨係食竹笙+ 炸醬米線(肚餓時會加雞肉..D雞肉好滑唔鞋口)....如果多幾個朋友一齊去仲一定會order 土匪雞翼....好香好好味.....次次都飽到嘔咁滯...仲要爬過去食埋個松記先捨得離開長沙灣.....飽到幾個鐘都落唔到格呀....P.S. 逢星期二五仲有譚仔現場表演手打拉麵....聽到佢撻到D麵拍拍聲咁都幾得人驚.....但係都係覺得米線好味D.....

我住o係譚仔附近好多年, 今日先正正式式去幫襯下。見大家咁激賞竹笙炸醬米線, 咁我就叫左一碗小辣試下啦。男友說叫左個唔辣的腩肉雞肉竹笙米線。食左一啖,覺得d麻辣味好似o係發祥街果間麻辣米線, 得個辣字, 我感受唔到麻的味道! 都係Q o麥的麻辣造得比較好!我咁食得辣, 都有D受不了小辣的辣度, 要D粉稍為冇咁熱先食得落。男友果碗的雞肉冇皮, 食落又冇咩鮮味。大家之前話係深水埗間分店加一蚊有野飲, 但係總店冇咁荀呀。佢得一個米線套餐供應, 有三款米線餸,但係唔包野飲($31) ,唔太抵。上次阿媽買左佢的香草雞翼,但係好普通,只係一般煎炸雞翼。譚仔只係名過於實而已。

好明顯比之前差左好多, 前日去食叫左個"炸醬火腿米線", 男友叫左"雞肉腩肉竹笙大辣米線", 味道一般啦... 最幣就係d伙計好無記性, 咁小野都唔記得...