譚仔雲南米線 (已結業)

2月17日, 米線專門店之中我最鐘意食嘅首推譚仔! 平時我地都無乜特別分三哥唔三哥嘅譚仔, 隨住分店越開越多, 就開始覺得唔同分店質素參差… 而呢間觀塘店, 就算係同行中比較好味嘅!::: 墨丸小鍋米線 ::: $22墨丸係我食親譚仔都一定會點嘅配料! 呢度d墨丸好香墨魚味, 質地彈牙~ 仲有好多粒~ 好正! 另外鐘意食譚仔嘅原因就係因為佢米線本身嘅配菜已經好多好豐富~ 唔洗另外追加已經附有大量韮菜、芽菜、腐皮, 比出面好多打正旗號話賣雲南米線但其實好似車仔麵咁嘅舖頭好好多! 而且呢度個湯底好夠味, 米線又夠煙韌彈牙~ 好味!::: 腩肉酸辣米線 + 凍奶茶 ::: $24 + $5諗住腩肉會係滷過會有滷水色, 但係原來只係白烚, 所以成碗米線望落都幾淡… 腩肉有本身肉香, 半肥瘦狀態下肉地唔韌, 有少少肥仲可以增加番個香口感, 不過我都係鍾意食滷水多d. 酸辣湯底唔會好似其他雲南米線咁好多油, 清淡得嚟帶少少甘香酸辣味, 個酸度又唔會嗆喉, 唔錯~ 落配菜亦都唔會手軟, 大量芽菜、韮菜、腐皮啖啖有~凍奶茶普通貨色, 其實唔算難飲~ 不過奶味好重, 飲完有d膩. 勝在加$5就有, 奶茶亦都可以襯番酸辣米線, 正~呢度長期都要等位, 但人流算係運行得快. d呀姐做野都係快手快腳嘅, 所以服務其實就唔好expect會好好, 個墨丸米線亦催咗幾次先有. 不過價錢平、味道好, 真係已經好過好多其他米線舖~ 不過到寫食評嘅時候發現佢已經搬咗舖... 唯有希望佢嘅品質越搬越好啦!…查看更多

原本嚮康寧道呢排搬左去牛頭角, 見佢成日人頭湧湧就幫襯下啦, 湯底小辣都非常辣, 魚蛋呢又無乜味, 雞肉亦十分淡口, 而份量呢就相當足秤, 好大碗, 價錢都算合理, 總結係唔難食亦唔覺好食, 唔知點解噤多人排隊呀…查看更多

好多時行過要左迫右迫,先過到氣大馬路今日見佢人小小入去試下先:)試下你既威力叫左個腩肉米線3小辣第一口係小小既辣同得過咸字辣湯底仲係要加一蚊真係失望......但係腩肉都可以話傸,米線煮得唔爛又唔硬不過無下之次..........:(…查看更多

譚仔都食過唔少次 決定點都要同佢寫返次食評!觀塘多寫字樓 一到 lunch 呢度就好多人排隊2個人等左大槪10 mins 到入到去都幾迫 呢D時間都要搭枱～不過D野食都黎得幾快 超級推介既蒜泥白肉（細）佢既肉好薄 同埋比起其他辣最好既係蒜頭夠多 真係超級好味 ！！餸比較普通 而且佢唔夠辣比起其他分店呢間真係淡味好多今次叫係不過不失la~…查看更多

琴日係收工~~ 係觀塘開餐~因為搵唔到三哥 (一直主張食三哥)有時都會食下普通譚仔今次第一次試 觀塘康寧道 lee 間~點了 墨魚丸清湯底~ 果然很清~~~~清如水~是否忘了下調味?果真是 清"水煮米線" 米線亦不單牙,不知是否湯+面的影響~~感覺連墨魚丸也是普通10蚊面能找到的~比旺角譚仔差很多!對比之下還是深水步 三哥較佳…查看更多