譚仔雲南米線 (將軍澳廣場)

營業中

休息中

唔錯既譚仔 好耐無食喇 今日經過見到出左新野 魚院米線 決定試試佢 點左我至愛同必食既炸醬 （次次都必點炸醬🤤😆） 豬閏同豬大腸 都幾重味 唔係個個接受到 仲有竹笙配上蕃茄湯底 呢個配合值得一試 不過有改善空間

自從晚上六點後禁左堂食後，已經好少出嚟食晚飯！但今日返工做夜左，唯有叫外賣拎返屋企食！咁梗係嚟我至愛嘅譚仔叫外賣啦，今期仲有額外優惠可以半價加配小食！我又再叫返我最鍾意嘅重三湯底，不過今次係配墨魚春卷同腩肉！墨魚春卷好似唔及以前咁好食，好似換咗供應商！腩肉就好香，不過怕肥嘅朋友就唔好叫喇！重三湯底一樣咁有麻辣味及獨有的香味！今次我加配嘅小食只係需要$20就可以食到三樣嘢，包括麻辣雞翼，麻辣木耳，麻辣豬耳！雞翼略嫌不夠入味，木耳同豬耳的口感就好脆的！$20真係抵到爆呀！

今日自己一個人，想搵間快又好食嘅米線店。譚仔真係啱晒，我食咗個重慶三小辣墨魚春卷米線，椒香豬肚絲，都係又辣又香又好食。加返一杯凍檸茶少甜少冰中和一下，簡直係完美的組合。在場環境都算乾淨，譚仔姐姐的服務態度也很好，落單10分鐘左右，米線就已經上到！啱晒我依啲食飯想快又要辣又好味嘅食客。下次來要再試下，豬潤米線，聽講都係好好食！而家仲有得儲積分，下載佢嘅譚仔手機應用程式，掃佢二維碼，就可以有一積分了！儲夠5分，可以玩$5現金券使用！又可以慳返一筆！

最鍾意食譚仔呀去新出咗一個木瓜鯇魚米線食過都幾正 湯底幾清新好似咁個幾健康咁 希望譚仔有其他麵可以選擇啦因為我唔係太鍾意食米線嘅不過佢勝在款式多啲車仔麵㗎嘛可以又唔揀五六十蚊就食到一餐 係好開心呀

經過上幾次嘅經歷都覺得譚仔米線好好食，所以諗住試吓新野！今次嗌左蕃茄湯底牛肉米線。譚仔嘅蕃茄湯底同一般嘅米線店唔同，相比起更加入味，而且佢仲會提供一啲蕃茄令到買相更加引人入勝。

譚仔雲南米線將軍澳將軍澳廣場1樓96-100號舖譚仔一路以嚟都係自己嘅All time favorite, 定期都會黎幫襯，不過我就唔係欣賞呢到既米線，最欣賞既反而係呢到既小食，真係整得好出色今日嚟咗將軍澳廣場嘅分店，收工時間大約6點鬆d過到黎，都算幾多人呀，不過好彩呢間分店既鋪面都幾大，所以好快已經有位啦其實個餐牌都識背架啦，黎黎去去都係叫個d, 好彩我朋友都係勁鐘意食譚仔既小食，所以最後我地叫左碗過橋米線share, 跟住再加4款小食成日都覺得<過橋米線>真係好抵，只係$56蚊，但有成17款餸料係入面，如果唔大食或者係2個女仔，share食都夠晒飽架啦小食方面當然唔會失手啦，一樣係咁吸引，今次揀左4款，真係食極都唔厭呀

譚仔有個好神奇嘅魅力：無論你食過幾多山珍海味，都會好想返去再食佢；無論你感受過幾多熱情嘅招待，都會好想返去再聽下啲譚仔話。今次「清清地」叫個竹笙冬菇魚腐中辣米線。味道依舊。最享受嗰種一路食，一路五官都好似通晒既感覺！真係食咩都做唔到呢個效果！🤣

差唔多每日午餐都食，因為又平又好食。我食開腩肉魚腐 五小辣，每日食飯都唔洗40蚊，係依家咁既經濟情況下係慳錢之選。湯底係無三哥咁好，米線硬度適中偏淋，魚腐好味咸咸地，腩肉好咬口。

好耐無食過譚仔啦成日都心掛掛好想食佢地依家仲有個外賣自取兩蚊優惠一碗米線可以加2蚊 叫一杯飲品 凍飲都可以仲可以加多2蚊叫個一人小食 有四種可以選擇既，就係豬耳，皮蛋、木耳同青瓜因為一早係電話打左去落單去到都唔駛等好耐就有得拎啦 今次叫左個竹笙豆卜麻辣中辣當然用埋兩蚊優惠叫左個一人皮蛋同凍奶茶啦譚仔既外賣係會分開湯既，唔會驚啲麵浸到淋晒竹笙豆卜兩樣配菜都吸晒啲湯好好味呀！一人皮蛋份量岩岩好但啲汁就略嫌有啲少 如果加多少少就好啦加4蚊就有多杯野飲同小食 真係好抵呀 50蚊都唔駛下次會試埋其他小食

嗰日晚餐想簡簡單單所以就去咗譚仔食啦。我哋帶咗番茄大腸米線同埋湖南酸辣腩肉米線，你仲有新推出嘅麻辣生腸。米線一如既往咁大碗又抵又好食😋生腸都好好味而且可以撈埋啲米線食一流😝推薦大家嗌嚟食，中意食生腸嘅就唔好錯過啦！

相信沒什麼香港人沒有吃過譚仔，她也是可以代表到香港的餐廳之一，價錢便宜地點方便，輕鬆一餐之選。墨丸酸辣米線酸辣不能選取辣度，但辣度已經好夠，米線彈牙。譚仔的墨丸不錯，是每次必叫的配料。不過自己覺得酸辣湯在很多年前線譚仔換成新裝修後，味道便變了，變得更辣，沒有了以往獨特的味道，為此的問過譚仔，他們說沒有改過材料，但有朋同意我裝修後味道變了的説法。土匪雞翼新鮮熱辣辣的土匪雞翼超好吃，是每次必定會叫的小吃，推介。

來到譚仔多數是食米線，今天來食早餐，我叫了早餐A，有火腿通粉，忌廉雞湯底，通心粉淋了少少，煎雙蛋OK，略嫌塊牛油多士太薄，凍奶茶都有茶味，雖然人多，但送餐速度都算快👍

兩個人想食啲辣辣地嘅野， 咁咪走去食譚仔囉 ，叫左個大碗麵，土匪雞翼， 豆腐，口水雞 ，兩杯野飲，大致上所有嘢都保持水準， 唯一係個口水雞變成口水雞翼我唔係咁鍾意， 兩個人食左一百四十六蚊

今日突然想食辣野又想食麵，咁當然譚仔就最適合啦! 都係叫言我自己食開既墨丸腩肉，不過今次就唔食普通麻辣，轉食重慶酸辣既中辣，因為上次食完感覺好特別，今次想再試下再辣少少。等左大約10分鐘就有啦，個湯好濃既麻辣香同埋有少少酸辣味，飲左少少湯已經好開胃，中辣其實都相對比起麻辣既中辣可以接受，最欣賞係墨丸都索哂麻辣味好正，腩肉又有超過10塊，滿足既一餐!

放假一般都會吃得清淡一點，就在家附近吃碗麵，現在三哥雲南米線的分店愈來愈多，開得就像7-11便利店，總有一間在左近，看來已經超越了我最愛的麥當勞了。假日中午要等候位置，店內的生意很好。入座後也要跟人搭臺。點了一碗清湯腩肉和酸菜炸醬清湯米線。等了十多分鐘，終於上菜了。我覺得腩肉有種怪怪的味道，而且是白汋的關係，已經失去肉香。所以我比較喜歡炸醬，因為味道比較重，哈哈！另外我也很喜歡吃酸菜，酸酸甜甜的很開胃。